الحلقة التاسعة عشر من ليلك

الحلقة التاسعة عشر 

تركي اول ما بص في الرسالة عرف ان خديجة بعتت ليها تقول:

" تزوجته لانه من حقي انا مب من حقك انتي ولا تفكري بلحظة ان فيه شي حطيته في بالي راح اعطيه لاحد ثاني بسهولة ! اصحي تفكري بهالطريقة ولعلمك تركي يحبني
ويموت فيني بس هو مقهور مني شوي فدور على وحدة هبلة مثلك عشان اغار وها احنا عايشين حياتنا .. وع عليكي الله لا يردك ان شاء الله "

يبص بعتاب لبيري ويقولها بعصبية:
- صدقتيهااا؟! صدقتيها اني ممكن اكون كده؟!

بيري بتعب وإرهاق:
- انا مصدقتهاش بس مش عايزة ادخل في موال معكوك انا مش عايزة احس في يوم اني زي أشواق اما خدت مني إبراهيم !! فاهم يا تركي انا استحالة اعمل كده استحالة
احس اني خطفت حد من حد ..
- تبقي غبية لو حسيتي بكده لان اللي بتحاول تعمل كده هي خديييجة مش انتي!! انتي اللي بحبها دلوقتي وهي ماضي اسود بيطاردني
- تركي انا هبقى بالنسبة لاهلك كده ومش هيحبوني
- ممكن دلوقتي متتكلميش في اي حاجة لحد ما انا اخلص موضوع خديجة ده بمعرفتي
- بس .....
- شششششش هحجزلك عشان نرجع سوا
- انا محتاجة اكلم امي يا تركي وافهمها
- هتررررجعي وده نهاية الأمر

*****************************************

مهرة قاعدة في اوضتها في المدرسة وعمالة بتصحح الدفاتر بتدخل عليها زميلتها في اواخر العشرينات شعرها اسود قصير ولابسة سكيرت وبلوزة بيضا بكم على السكيرت
اللي تحت ركبتها وشكلها حزين.. فبتستغرب مهرة وتقولها:

- مالك يا سمية
- انا تعبت يا مهرة من اللي بنشوفه في الغربة !!
- طب انا ومصرية وبيقعدوا ينادوني ياالمصرية يالخايسة وانتي يا مغربية بيقولولك ايه!!

تحط سمية ايدها على وشها وتنهار من العياط وتقول:
- واخدين فكرة وحشة اووووي يا مهرة عن اي مغربية تيجي هنا !! تخيلي مرة سمعتهم بيقولوا عليا الرقاصة دي اللي جاية تلهف فلوس بلدنا ايه يخليها تشتغل
مدرسة!! تخيلي فاكريني من البنات اللي استغفر الله العظيم
- لا حول ولا قوة الا بالله ولو واحدة فينا اشتكت يخرسوها دي بنت البلد مينفعش تقوليلها تلت التلاتة كام !!
- بس مش كده يا مهرة احنا لينا كرامة ومينفعش نتهان كده !!
- هما للاسف فيه مغربيات بيجوا الخليج يبوظوا سمعتكم زي عندنا برضو مصريات ومصريين بيبوظوا سمعتنا في الخليج !!
- يلعن الغربة يا اختي اللي تعمل فينا كده !! واش نقعد في غربة ولا نرجع بلدنا ؟؟ لو اهانة كل يوم علاش نقعد!!!!
- لا علاش ايه واش ايه صلي على النبي ما انتي حلوة وبتتكلمي مصري اهوو وكنتي زي الفل
- حتى لهجتي مش عارفة اتكلم بحرية بيها لانها مش مفهومة الغربة دي بتاخد مننا حجات كتير اوووي ‘ لبسي ده محتشم ومع كده دايما يبصوا ليا على اني واحدة خليعة
ليييييييه عشان مغربية يعني !! حد قالهم ان الشعب المغربي زفت؟!!!!!!!
- قطع لسان اللي يقول كده ده انتوا اهل كرم وعلى راسنا من فوووق بس هما كده خدوا فكرة غلط عن ان زي المصريين معفنين المغربيات للاسف مشيهم بطال وان جيتي للحق احنا اللي عملنا في نفسنا كده..
- لا يا مهرة لو حد فينا عكس صورة فهو بيعكس صورته هووو مش بيعكس صورة بلده كلها !!
- صح بس هتقولي لمين بقى؟؟؟ فكيها بقى ومتزعليش فكييييها

*****************************************

بعد ساعات كان محمود قاعد في الكافيه مستني مهرة تخلص شغلها وتيجي تقابله زي ما اتفقوا عشان تشرحله عن نفسها وعن مشاكلها ...

كانت مهرة متوترة جداا وهي ماشية ناحية محمود وكانت عايزة ترجع تاني ومتقعدش معاه بس اول ما ابتسم ليها بحنان حست براحة وامان ولقت نفسها بتروح ليه ..

- جاي النهاردة عشان احقق حلم كان نفسي فيه من زمان
- حلم ايه ؟
- اسمعك من اول يوم شفتك فيه وانا عيونك بتنده ليا ! فيهم بحور حزن عجيبة وغريبة
مهرة بابتسامة مكسورة:
- هتعرف دلوقتي ليه وهتعرف انا ليه دايما كنت واخدة جمب
- احكي يا مهرة على كل شيء انا سمعك

*************************************

ياسمين قدرت بعد فترة طويلة من البحث عن شغل تاني غير انها تكون مدرسة لقت شغل عند الشركة اللي بندر ورينا شغالين فيها .. قابلها بندر في مكتبه وشاف ورقها ولقى انها معقولة جدا للوظيفة اللي هما محتاجينها فيها .. وقالها انها تخلص كل ورقها عشان يقدروا يحولوا الفيزا ليها على شركتهم ..

************************************

إبراهيم كان قاعد مع أشواق في فيلتها وحاسس بملل وخنقة وهي طول الوقت ماسكة الموبايل بتاعها فقعد جمبها ومال على كتفها :
- بتعملي ايه ؟
- جاعدة اتحجى ويا الاوادم
*بتكلم مع الناس
يبص إبراهيم في شاشة الموبايل يلاقيها بتكلم واحد وبتكتبله يا عمري انت فيتغاظ ويتعصب ويقولها:
- ايه ده ! مين ده اللي بتقوليله يا عمري انت !!
تبص ليه أشواق من تحت لفوق وتقوله:
- اشفيييييك انت اليووووم !! جنك ينيييت ؟! اشلون ترفع صوتك علي هلون ؟!
*مالك انت النهاردة كأنك اتجننت ‘ انت ازاي ترفع صوتك عليا كده
- بقولك متغيريش الموضوع مين ده اللي بتقوليله يا عمري انت
- ولد خاااالتي وبعدييييين ؟! خيييير يا طيييير؟؟
- ابن خالتك مش عارف انك متجوزة دلوقتي ! كاتبلك وحشتيني يا بيبي وانا ايه طرطووووووور ولا طرطووووور
تتعصب أشواق وتقوم من مكانها:
- انت اكيد مستخف مب عاقل اسمع اهني يا إبراهيم انت اي زوجي بس لا تنسى روحك !!! فااااااهم
*انت اكيد عقلك طار اسمع هنا يا ابراهيم انت اه جوزي بس متنساش نفسك
- وجوووزك يا هانم مش قرطاس لب انا محبش مراتي تتكلم كده مع الناس
- اوهوووووووووو قووووم وخر عني غبي
*يوووه قوم وسع عني غبي
وتسيبه وتمشي ويفضل قاعد لوحده في قمة عصبيته ياخد المفاتيح ويخرج وهو في قمة غضبه واول ما يقعد لوحده في العربية يحاول يتصل بمامة بيري ويتأسف ليها وهو بيبكي
بس كالعادة الام مبتقبلش اسفه وتقفل في وشه

******************************************

محمود يكون قاعد في شقته سرحان في اللي عرفه عن مهرة بس قال لنفسه:
- انا حبيتها ولازم اعوضها عن كل لحظة وحشة شافتها في حياتها مع الحيوان اللي كانت متجوزاه !! ايوووة انا هقوم اتصل بيها دلوقتي واقلها انها كانت غبية لما افتكرت
اني اول ما اعرف انها مطلقة هبعد عنها .. بالعكسسسس ده انا روحي بقت فيها اكترررررررررر .. مش هخليكي تضيعي مني يا مهرة .. ده انتي كنز ما صدقت لقيته يهون
عليا غربتي ...

ولسه هيكلمها يلاقي حد بيرن الجرس يفتح يلاقي إبراهيم بيبكي قدامه .. محمود باندهاش:
- إبراهيم!
- انا عارف اني غلطت بس انا كنت فاكر اني هقدر اكسب كله
- ندمك متأخر اوووي يا ابراهيم
- لييييييه لييييييه حرام عليك انا مش نااااقص
- كان نفسي والله اساعدك بس انت مساعدتش نفسك
- قولها اني محتاجلها اوووي
- اقول لمين!!
- لبيري
- انت مجنوووون !!
- هي بتثق فيك لما تقولها اني اتغيرت هتصدقك
- بيري يا إبراهيم مبقتش ليك خلاص
إبراهيم بجنون:
- يعني ايه ؟
- بيري دلوقتي قلبها مع واحد تاني واحد شافت انه راجل هيصنها
إبراهيم بهسيتيريا:
- انت عبيييييط !! بيريييي حبتني اناااااا فاهم يعني ايه حبتني اناااااا اناااا حبيبها اناااا بيري متقدرش اصلا تعيش يوم من غيري
- للاسف افعالك خليتها تكرهك بكل سهووولة
إبراهيم بكل غضب يبص وعيونه مليانة شرر:
- بيررررررري ليااااا انا بس سامعني !! لو حكمت اني اقتل !!

ويجري زي المجنون ‘ فيتوتر محمود ويخاف من تهديد إبراهيم

*******************************************

بعد اسبوعين ياسمين كانت راجعة البحرين تاني بعد ما شركة بندر بعتت ليها الفيزا وكانت معاها بيري وفي المطار كان مستنيهم تركي وبندر ورينا كانوا واقفين مستنين
سامي اللي جاي ليهم زيارة برضو عشان يطمن على رينا ويحسس بندر انه ممكن في اي لحظة لو ممشيش على الاتفاق اللي اتفقوه تروح منه ..

تركي بيستقبل بيري بابتسامة وحب ولهفة:
- نورتي البحرين من تاني ولو انها كانت هتنور لو رجعتي معايا مش مع ياسمين
- هههه مكنش ينفع اسيب ماما بسرعة كده
ياسمين تبص وراها فتلاقي بندر ورينا فتروح تسلم عليهم وتقولهم بعفوية:
- ايه ده حضراتكم جايين تستقبلوني بنفسكم
بندر بضحك:
- ههههه لا احنا جايين نستقبل اخو المدام
ياسمين بتلقائية:
- ههههه ايه الاحراج ده .. طب فرصة سعيدة فرصة سعيدة جداا
وهي ماشية وشهم ليها وضهرها للناس وبترجع خبطت في سامي بكوعها فيه ...
- اناا اسفة انن اا انا اسفة اووووي يا كابتن والله
- حد يمشي كده !
- الله ما اتاسفنا يا كابتن ولا انت عشان لبسلي لبس الطيارين ده بقى مبتقبلش الاسف بسرعة !!
فيضحك سامي على تلقائية ياسمين ويمشي يروح لرينا وبندر..

الحلقة الثامنة عشـــــــر من لليلك

الحلقة الثامنة عشر

مهرة من الصدمة تبرق جامد وياسمين تتخض:

- مالك يا مهرة في ايه؟

تقفل مهرة التلفون وهي في حالة صدمة :

- ده دد ده ....

- ده ايه؟!

- عبد القادر!!

- اللي كان جوزك؟!

- ايووة ! هووو

- وده عايز ايه؟

- مكملتش وقفلت في وشه

- طب تفتكري ماله؟! ايه فكره بيكي؟ وجاب رقمك اصلا منين ولا هو عنده

- معررفش معرررفش ا اانا انا مرعوبة

- من ايه بس؟

- م ممش عارفة افتكرت الايام السودة اللي عشتها معاه

- طب روحي نامي واهدي كده

مهرة بتوتر شديد:

- اا م ماشي ولو اني مش هيجيلي نوم ب ببس م مماشي

*********************************

تدخل مهرة اوضتها وتحاول تنام بس تفضل سهرانة قلقانة وبعدين تاخد موبايلها عشان تتصل وهي في قمة

التوتر والقلق والخوف..

- الو 

- ايوة ازيك يا انسة مهرة!

- انا اا اسفة اذا اتصلت بيك في وقت متأخر

- لا ولا يهمك طبعا المهم انتي بخير؟ مفيش حجة وحشة؟

- انــ ....

- ايه؟

- اا ا ان بص م مش عارفة افهمك ازاي

- جربي؟

- انا تعبانة اوي

بخضة شديدة:

- ايه بيوجعك ‘ اطلبلك الاسعاف؟؟؟؟

- لا مش قصدي بس ......

- تحبي نتقابل بكرة؟

- ماشي .. تصبح على خير 

******************************************

بعد يومين بيدخل تركي الشقة اللي جابها لخديجة وهو مكشر وقرفان .. خديجة بتكون متزوقة وبتحاول

تغريه بيقلها بكل جفاء:

- تحشمي وانا معاكِ ولا تحاولي بغبائك هاذا تفكرين اني راح اصير زوجك ! ويلا سويلي العشا بسرررعة

ابغى الحق الطيارة ..

- طيارة حق وشو؟! وين بنسافر؟

- انا اللي بسافر بس وانتي بتقعدي هنا

- انخبلت! اجلس لحالي؟!

يتنرفز تركي فيمسك خديجة بقوة ويضربها بالقلم ويقولها وهو مبرق:

- خلني اسمعك مرة ثانية تتكلمي كذا ؟! والله ادفنك هنا ومحد يسأل عنك

تخاف خديجة من تركي اللي اول مرة تشوفه متعصب كده ومضايق وتبدأ تندم انها ورطت نفسها بالطريقة

دي مع تركي..

***************************************

رينا قاعدة في مكتبها في الشغل وبترجع بذكرياتها لورا لما سامي خد اجازة مخصوص ونزلها تاني وراح

ليهم في البيت .. كانت وقتها قاعدة في اوضتها كالعادة مبتتكلمش مع بندر وفجأة سمعوا جرس الباب رن ..

فتح بندر الباب واتخض لما لقى قدامه سامي واقف :

- سامي! ايه ده؟! مقلتلناش ليه يا راجل كنت جيت خدتك

سامي بجفاء:

- محبتش اتعبك خصوصا وانت مشغوول

بلع بندر ريقه لما حس بطريقة سامي الجافة وسخريته من انشغال بندر :

- لا طبعا حتى لو مشغول مينفعش مكنتش اجي اخدك

طلعت رينا من اوضتها وهي في قمة سعادتها وشوقها لاخوها وجريت عليه حضنته جامد وفضلت تبكي

وتقوله:

- الحمد الله انك جيييييت انت وحشتني اووووي

يطبطب سامي على ضهر رينا بحنان ويبص لبندر ويقوله:

- اسمعني يا بندر باختصار شديد ومن غير لف ولا دوران ‘ انا جاي وهاخد اختي وعيالها وورقة الطلاق

تجيلنا بأسرع وقت..

بندر قلبه يدق من الخوف ويبص زي التايه والمجنون لرينا ويقول:

- ايه الكلام ده يا رينا ؟؟

سامي يقاطعه:

- انا بقولك الكلام اللي رينا عايزاه ! فأرجوك من غير شوشرة ولا مشاكل ومهما كان احنا بينا عيش وملح

بندر بخوف شديد وحب:

- لاااا طلاق لا انتي عارفة ده يا رينا لااا !! طلاق ايه ؟!

رينا بحزن وعتاب:

- انت غلطت في حقي كتير اووووي وانا اتساهلت معاك يا بندر وخلاص معدش ينفع اتساهل اكتر من

كده .. ولحد مد الايد انتهت ...

بندر بجنون:

- انا ااا انااا اقسم بالله انفعلت لكن عمري ما اقصد امد ايدي وبقالي اسبوعين بترجاكي وبعمل كل شيء

ممكن يتعمل عشان ترضي عني وانتي مش راضية..

سامي بحزم:

- ومش هترضى لانك المرادي مسيت كبريائها

رينا بانفعال شديد:

- كام مرة تهيني واسكت وكام مرة توجعني واعدهالك

بندر باستياء:

- وهي كلمة الطلاق بقت سهلة عندك؟! كل شوية طلقني طلقني؟

- لاني تعبتتتتتت تعبتتتتت يا اخي حرااااااام علييييييك انت مبقتش بندر اللي بحبه ! انت بقيت اناني وبقيت

عايز النجاح كله ليك انت بتغير من نجاحي يا بندر!!

بندر بعصبية:

- ايه التخااااريف دي ؟! واغير من نجاحك ليه ! هتنافسيني في السووووق

- لا بس ممكن اخد منصبك

سامي بعصبية:

- بندرررر خلاص اظن الرسالة وضحت !

يقرب بندر ناحية رينا ويمسك ايدها بحنان وهي من ضعفها وشوقها ليه تسمحله يفضل ماسكها وتبص ليه

تلاقيه بيبكي:

- جايز اكون جه عليا وقت وغيرت بس اما اشوفك قدرتي في لحظات تعملي حجات كتير بقالي سنين

بحاول اعملها ‘ بقيت هتجنن !! وانا شايفك هتعلي والشغل ياخدك مني .. انتي عارفة اني بحبك واني

زمان اكتر واحد كان بيشجعك ! بس الغربة غيرتني !! ايوووة وجعتني وخلت من جوايا انسان شرس

بيدور على مصلحته! بقيت زي الالة عايزة تجمع فلوس باي طريقة مش مهم على حساب وقتي ووقت

مراتي ووقت عيالي ... انا تعبت اوووي والمشكلة ان كل ما اجمع فلوس الاقيها طارت! على يدك..

صح ؟؟

- ايوة صح وعشان كده قلتلك تعالى نرجع مصر

- هرجع بس اما نكون قرشين حلوين

- ما احنا مقدرناش بقالنا سنين بنقول هنرجع لما نحوش !ومبنحوش!!

- طيب قوليلي لو نزلنا مصر دلوقتي هنبتدي من الصفر؟

- مستعدة ابتدي من تحت الصفرررر بس لو لقيت بندر بتاع زمان رجعلي

- طيب اديني مهلة والله مهلة واهو قدام اخوكي مهلة عشان اكون ونظبط امورنا في مصر عشان لما نرجع

نلاقي اللي يقدر يسندنا هناك ...

سامي يبص ليها من غير ما بندر يبص عليه ويغمز لرينا بما معنى انه اعتقد بندر كده اتقرص عليه فسامحيه..

بصت رينا بشوق لبندر وحضنته اللي اول ما حضنها حس انه رجع تاني للجنة .. حضنها بشووق ولهفة

وهمس ليها :

- اوعي تسبيني مهما زعلتك

- فيه حجات .....

- شششش مهماااا زعلتك اوووعي

تفوق رينا من الذكريات على تلفون مكتبها ترد بابتسامة بعد ما تشوف الرقم:

- ايوة حبيبي

- وحشتيني ‘ ايه رأيك نتغدى سوى النهاردة مع العيال برة

تبتسم رينا بزيادة:

- ماشي

وبعد ما تقفل تحمد ربنا انه بندر رجع تاني يحاول انه يبقى معاها زي زمان

*******************************************

بيري كانت نازلة كالعادة من بيتها تدور على شغل ليها مع شيماء واول ما نزلت قالت لشيماء:

- بقلك يا شيمو عايزة واحنا جايين اعدي على محل الورد عشان اجيب الليلك بتاعي

- يادي ام الورد العبيط بتاعك ده اللي لحستي مخنا بيه

- على فكرة انتي اللي عبيطة انتي مبتفهميش في انواع الورد ومعندكيش الحس الفني بتاعي

- امممم خليتلك الحس يا ختي

ولسه هيمشوا فجأة تسمع حد بيقولها:

- وتفتكري الوردة ممكن تقولك انك بقيتي قاسية اوي على قلب شاريكي !

تتصدم بيري من الصوت اللي كان جاي من وراها وتبص لشيمو بخوف ودقات قلبها بتنبض بسرعة

شديدة جداااا وتقولها:

- شيمو هو الكلام ده لينا صح؟!

شيماء تبص وراهم وتلاقي شاب شكله جميل واقف مكشر وعيونه حزينه على بيري :

- تقريبا ده اللي ورتيني صورته

تلف بيري بخوف وتوتر وراها وتلاقي تركي واقف قدامها وبيبص بكل حنين ليها والألم جوة عيونه:

- تركي!!

- هربتي وغيرتي رقم تلفونك وايميلات مبترديش عليها ولولا الظروف كنت جيت وراكي في اول

طيارة بس استنيت اوضاعي تهدا واتأكد من التمثيلية الفاشلة اللي عملتيها عليا وجيت ..

شيماء بتبص بحيرة لبيري اللي الدموع ملت عيونها ولتركي اللي العيون بتنطق بحب وقالت:

- طيب انا هروّح انا بقى يا بيرو وبكرة نكمل اللي احنا عايزينه ...

بيري من الصدمة والمفاجئة كانت سرحانة ومكنتش عارفة ترد .. مشيت شيماء وقرب منها تركي لما

لقى بيري لسه مصدومة ومش مستوعبة:

- ليه قلتيلي انك هترجعي لابراهيم؟؟ ليه مشيتي وسبتيني في اكتر وقت محتاجك جمبي؟ ليـــــــه؟؟

- .......

- انا كنت وقتها زي المجنون !! كنت عايز ادخل امنعك من السفر ومقدرتش !! ليه سبتيني من غير

ما تفهميني على اي حاجة؟!

بيري بارهاق:

- تركي الله يخليك ارجع تاني البحرين وانساني ‘ انا ما صدقت اني قدرت اخرج من بيتي تاني وادور

على شغل عشان اهلي ..

- اسمعي بترجعي معاي ع البحرين ! مالك خص بأي شغل واهلك راح يجون معاكي كمان !

- امي مش هتسيب مصر مهما كان .. وانا مش هرجع يا تركي

تركي يقرب اكتر منها ويمسك بيري من دراعها برقة ويقول وهو في قمة الألم:

- ليه ؟

تقول بيري بدموع:

- انت دلوقتي متجوز ......

وتحاول تبلع ريقها بس قهرة قلبها غلبتها وفضلت تبكي بشدة ..

- من وين دريتي؟

*من فين عرفتي؟

تفتح موبايلها وتوريه مسج اللي اول ما يشوفه تركي يتصدم ويبرق ويكون في قمة عصبيته ونرفزته

.....................................

الحلقة السابعة عشر من لليلك

الحلقة السابعة عشر

بعد ما رجع إبراهيم لشقته حاول يتصل كتير بمحمود بس مكنش بيرد عليه .. بعدين قرر يتصل بمامة بيري

اول ما ردت الام قال بتوتر:

- ازيك يا طنط انا إبراهيم

الأم بحدة وجفاء شديد:

- خير!

- يبقى بيري حكتلك ‘ طنط الله يخليكي اسمعيني وافهميني

- ولا عايزة اسمع يا ابن الحلال ولا افهم ! دي بنتي اللي بعتها ليك أمانة؟؟ قهرتها وكسرت قلبها ؟؟ وتقولي

اسمعك؟؟

- يا طنط انتي ليه مش راضية تفهميني زي بيري؟؟ انا بحبها وهي لولا انها عندت مكنش الامور وصلت بينا لكده!!

- عندت؟ عايزها تشوفك بتبدي واحدة عليها.....

إبراهيم بيقاطعها:

- دي مديرتي في الشغل وشريرة وعافية وانا لو كنت عندت كنت تاني يوم هرجع مصر!! وانتي عارفة

الظروف .. الظروف دلوقتي متسمحش اني ارجع مصر ‘ انا لسه مخدتش كل حاجة من الغربة..

- روح يا بني الله يرضى عليك شوف طريقك بعيد عننا .. بيري خلاص رمت طوبتك من زمان

- انا بحبها اووووي يا طنط الله يرضى عليكي متخلهاش تسبني ‘ طب تحبي اجيلكم مصر يومين اصالحها

واراضيها ؟

- انت يا بني مصنتش الامانة ولا كنت مخلص وانا مش هطمن على بنتي لو خليتها ترجعلك .. بعد اذنك

وتقفل الام السكة على طول قبل ما إبراهيم يكمل كلامه .. يرمي إبراهيم الموبايل بعصبية على الكنبة جمبه

ويسرح لحد ما يجيله تلفون من أشواق يرد وهو مش مخنوق:

- الو

- هلا حبي اسمع باجر المأذون راح يجي يكتب كتابنا الساعة 5 في البيت عندي انزين حبي

- خلاص تمام يا روحي

ويقفل ويرمي التلفون بقرف ويقول بصوت عالي

- وحياة كل يوم اتذليت فيه هنا في الغربة لاخد حقي تالت ومتلت

ويبعت مسج لمحمود فيها " كنت فاكر يا صاحبي انك اكتر واحد هتفهم انا عملت كده ليه ! انت شفت زي ما

انا شفت ايام سودة هنا والعيشة طلعت امر من مصر بس مكنش ينفع ارجع مصر خايب وكان لازم افكر

كده ومضيعش الفرصة مني.. أشواق مرحلة وهتعدي ومجرد محطة عشان اوصل للي انا عايزه ومجرد

ما اوصل هنزل من المحطة دي لانها متنفعش تبقى البراح اللي ارتاح فيه !! ياريت يا صحبي تفهمني

وترد عليا "

وبعد ما يبعتها يرجع يسرح تاني لمدة دقايق لحد ما تجيله مسج رد من محمود فيها " انت بعت قلبك عشان

حجات متساويس فمتتوقعش انك متخسرش حاجة ! انت اشتريت الفلوس ورميت القلوب وعشان كده احنا

مش موجودين دلوقتي ..  "

**********************************************

سامي اخو رينا يوصل البحرين تبع الرحلة اللي كان قايم بيها وبما ان البحرين كانت ترنزليت للرحلة

اتفق مع رينا انهم يشوفوا بعض ... رينا اول ما بتشوف اخوها بتجري عليه تحضنه بلهفة وشوق وحنين

وتفضل تعيط ..

يطبطب عليها سامي بكل حنان ويقول:

- مالك يا حبيبتي؟ فيه ايه؟

- انا مبقتش قادرة على العيشة مع بندر يا سامي ! ارجوك خليه يطلقني

- ايه؟ ليه؟ عمل معاكي ايه ؟؟

رينا بتعيط بحرقة اكتر:

- بقى انسان اناني متعجرف وغيوور ! تخيل يا سامي بندر بيغير مني في الشغل ولما بدأ يحس اني  كويسة

في الشركة وان الكل معجب بشغلي بدأ يغير مني ! بقيت اشوف قمع رهيب منه عشان مكملش في الشغل

وارجع اقعد في البيت تاني مع العيال! وانا والله عمري ما قصرت في البيت عشان شغلي ..

سامي بتكشيرة :

- مقلتليش ليه كل ده يا رينا ! انا لازم اجيلكم هنا مخصوص ‘ دلوقتي للاسف مش هقدر اقابله انا رحلتي

المفروض بعد نص ساعة! هاخد اجازة واجيلكم تاني والمهزلة دي لازم تقف..

رينا بتوتر:

- هتعمل معاه ايه يا سامي؟ احنا مش عايزين مشاكل برضو ده ابو ولادي

- انتي لسه بتحبيه يا رينا

رينا وهي بتعيط:

- جداااا بس هو وجعني اوووي

- خلاص هقرص عليه او اجبره على الطلاق لو ده اللي هيريحك

رينا بفزع وتردد:

- لا  انا بقول اه طلاق بس لا بتوجع منها اوووي ! انا عايزة بس يحس اني فعلا المرادي هضيع منه

يحس اني مش دايمة ليه وانه المفروض يرجع لوعيه ويرجع لبندر بتاع زمان! بندر اللي كان بيشجعني

ويشاركني كل حاجة! مش زوج اناني لما لقى مراته هتنجح في شغلها خاف وبدأ يقمعها عشان متبقاش

احسن منه !!

- خلاص لما اجي هنفهمه اني جاي عشان طلاق وهقرص عليه شوية عشان يتعدل

رينا بتمسح دموعها وهي مبتسمة:

- ماشي .. انت بقى ايه اخبارك ..

- الحمد الله كويس

- مش هنفرح بيك بقى؟

- ربك لسه مندهش للنصيب

- ربنا يكرمك يارب ببنت تقدرك وتصونك وتحبك يا حبيبي ‘ انت تستاهل كل الخير اللي في الدنيا

************************************

بعد شهرين  بيري قاعدة في اوضتها بتفكر في تركي ويا ترى ايه اللي بيعمله ‘ حست بشوق فظيع وحنين

مخليها مش قادرة وهتجنن وتسمع صوته .. بعتلها ايميلات كتيرة على ايميلها اللي ادته ليها بس مكنتش بترد

وياسمين ومهرة قالولها انه راح ليهم كذا مرة يسألهم عنها وقالوله انهم ميعرفوش عنها حاجة بناءا على

رغبتها .. قعدت تبكي كتير وحست نفسها انها مخنوقة اووي ‘ بقالها فترة بتكابر ومش عايزة تكلمه عشان

مش عايزة تدخل حياته وهي متلخبطة وتلخبطها ليه اكتر وفي نفس الوقت هي مقدرتش تستحمل فكرة انه

يتجوز واحدة تانية ..

مسحت دموعها وقامت تتوضى عشان تصلي وتدعي ربنا انه يفك كربها ..

***********************************

تركي في العربية مع اخته رايحين السعودية بناءا على طلب باباهم وبعد ما وصلوا وخلصوا عشا قال الاب

بحزم شديد لتركي:

- وانت ناوي امتى تتجوز بنت خالتك ؟!

- ارجوك يا والدي انا مش طااايق نفسي فبلاش الموضوع ده!

- يعني ايه مش طايق نفسك ؟! احنا المفروض روحنا وقلنا اننا عايزينها لابننا واستحملتك بقالي شهرين

كل شوية تقلي مش دلوقتي مش دلوقتي؟! امال هنعلق البنت جمبنا؟؟ حجزناها وخلاص نرميها تعفن؟!

- تعفن ايه والدي انت ليه محسسني اننا بنتكلم عن حتت جاتوه!

تتدخل الام وتقول:

- بس يا تركي خالتك كل شوية تسألني متى راح نروح لهم! ترى البنت خطابها كثييير!!

العنود كانت بتسمع الحوار ده وبتغلي من جواها لانها حاسة بقهرة اخوها وعذابه ومدى حبه للبنت التانية

وفي نفس الوقت مش قادر يتكلم ومش عايز يتجوز خديجة ..

قال تركي بعصبية:

- خطابها كثير يلا حلال عليها !

الام بعصبية:

- وش تقول انت! خرفت ولا وشوووو؟!

الاب يزعق جامد:

- بكرة هتيجي معايا نقلهم الملكة بعد يومين

تركي بضيق شديد:

- بس يا ابوي ......

الاب مقاطعا:

- هي كلمة وانتهت

يدخل الاب ووراه الام اوضته ويفضل تركي قاعد متنح ومصدوم وجمبه العنود حزينة عليه يبص ليها

بحزن:

- العنود ايش معناه هذا؟! يعني كذا خلاص؟ بتزوجها؟؟؟؟؟

العنود بتطبطب عليه ودموعها بتنزل بحزن وقهرة..

- العنود الله يسلمك اتكلمي؟! قوليلي ان هذا كابوس؟!!!!

- حبيبي بس كفاية وربي حراااام عليك يا تركي

- حرررررام علي انا؟!!!!!

- خبرهم يا تركي ليه ما تبغى تتزوجها !!

- وافضحها؟! افضح عرضها اللي ما تستحي للاسف انا رجال ما اقدر افضح عرض واحدة اسمها بنت

خالتي!

- بس حرام عليك تنظلم انت مالك ذنب !!

- قسم بالله ما اخليها تنام لو حصل وملكت عليها وفهميها زززييييين اني نااااااوي عليها !

- خلاص بفهمها بفهمها وان شاء الله ما يصير شي

*****************************************

بعد ساعتين كانت العنود في اوضة خديجة وبتقولها بتهديد:

- اسمعي يا خديجة انتي ما تحبي اخوي ولا هو صار يحبك وترى هو ما يكذب لما قالك راح ينتقم

لو فكرتي توافقي عليه..

خديجة ببرود:

- اشوف صرتي ما تبيني انتي كمان؟ ترى انا اقدر اخلي تركي يحبني مرة ثانية ونفتح صفحة جديدة

- ايش مالك ؟! مجنوووونة اقولك اخوي يكرررررهك وحالف لينتقم

- خليه ينتقم وبشوف اناااا وحبي ولا حب الثانية اللي شفتها معاه لما كنا بالمجمع

تتصدم العنود من كلام خديجة وتقول بتوتر:

- عن من تتكلمي انتي؟

- عن الحب الجديد لاخوكِ ايش ما تعرفي عنه؟

- اي حب ؟؟!!

- اسمعي يا العنود انا اعرف تركي من يحب كيف يكون! هاذا واحد كان ينهبل لما يسمع صوتي فاعرف

كيف يصير لما يحب!! وللاسف انا شفت هذا بعيونه معاها لما كنا بالمجمع ! وما دري ليش انحرق قلبي

- انتي مب طبيعية !!

- لا انا نفس تركي من كبرت فهمت ان تركي لي وانا لتركي واكتشفت انه احبه بس كنت ابغى انا اللي

اختار ما ينفرض عليّ!!!!

********************************

مهرة قاعدة مع ياسمين يتفرجوا على التلفزيون وفجأة رقم غريب اتصل بيها بتبص باستغراب وتقول لياسمين:

- رقم غريب من مصر!

- طب ردي؟

- بس انا مش عارفة هو مين؟؟

- اكيد حد من اهلك بس بيتصل من رقم حد مثلا

ترد مهرة بخوف وقلق:

- الو؟

بصوت مهموم جدا:

- انا عبد القادر يا مهرة اوعى تقفلي

******************************

بعد يومين كتب تركي كتابه على خديجة وقلبه مقهور وحزين ومليان انتقام لخديجة اما خديجة فكانت سعيدة جدا انها قدرت تنتصر وتتجوز تركي وكانت فاكرة انها هتقدر تخليه يحبها من تاني .. اول ما نزل تركي من عندهم بعت ليها مسج "لا تفكري انك انتصرتي بكرة راح امر عليكي اخذك اوصلك لبيتنا"

بعتت باستهزاء"اي بيت انت بس ملكت علي لحين عرسنا ما صار"

*انت بس كتبت كتابك لسه الفرح محصلش

رد عليها"اتفقت مع ابوكِ على كذا ووافق ‘ وبعدين اشكالك مالهم هالكلام"

خرجت خديجة لاهلها تتأكد ولقت فعلا كلام تركي صح وقتها رجعت الاوضة وهي مقهورة بعد ما كانت مبسوطة واستغربت ازاي محدش قالها على الاتفاق ده!! واترعبت جداااااا من بكرة

....................