الحلقة الأخيرة من لليلك

الحلقة الأخيرة

خديجة قاعدة في اوضتها زهقانة وقرفانة جدا واول ما يدخل عليها تركي اللي كان بياخد حاجة من الدولاب تقوله بقرف:

-         هذا اللي شاطر فيه ! وين رايح ؟! كل يوم طلعة وانا هنا خيست !

-         علك ان شاء الله تخيسين اكثر

-         تررررركي! تراك مرة زودتهاااا انا مب خدامة عندك تعاملني كذا ؟! انا خديجة بنت الـ .....

-         ياريتك كنتي خدامة كنت يمكن اشفق عليكي !

ويخرج تركي من الاوضة بعد ما بص ليها بقرف وبعد ما تسمع صوت قفل الباب تجري تاخد

تلفونها وتتصل ...

-         الووو اهلييين .. وحشتني مررررة .. ايش اسوي حبيبي ما اقدر اطلع بعدين اهلي يذبحوني..

-         .....

-         بس يخلص عقابهم هذا اللي ما يخلص وصدقني بتشوووفني كثيير ..

-         ....

-         ايش صورة احين؟! ههههه لا استحي

-         .....

-         عشان عيونك بس دقيقة وبرسلها لك ع الجوال بس حبيبي امانة هذي والله ما بيرضى عليك

لو نشرتها ..

-         ....

-         تكفى يا عيوني

تقفل خديجة التلفون وتروح تختار فستان اسود بكمام منفوشه منعند الكتف ونازل ضيق على الايد ومن القطيفة وقصير وتسرح شعرها الاسود الكيرلي وتحط مكياج وتكحل عيونها البني وتقف بدلع قدام المراية وتتصور وتبعت الصور للي كانت بتكلمه..

******************************************

تاني يوم في المدرسة مهرة قاعدة حزينة فبتدخل عليها سمية وتقولها:

-         مالك يا مهرة ؟

-         اكتر اتنين حبتهم وقدروا يصبروني على الغربة سابوا الشغل هنا وبقوا يشتغلوا في اماكن تانية

-         عقبال ما يتوب علينا ربنا يا اختي والله

تسرح مهرة لبعيد فتقولها سمية:

-         روحتي فين ثاني؟

-         بفكر اسافر مصر لاهلي اللي بقالي كتير مشفتهمش

-         والله الواحد لولا شحنة الحب اللي بياخودها من اهله مكنش قدر يصبر على الغربة دي .. سافري لو انتي محتاجها ..

مهرة بتكلم نفسها بصوت واطي"والله انتي غلبانة ما انتي متعرفيش اللي فيها ! شحنة حب ايه قصدك شحنة غم ونكد .. بس امي وحشتني اوووي وبصراحة مبقتش قادرة لا على البعاد ولا على هم الغربة وسنينها .. مبقتش قادرة اكابر اكتر من كده واقسى! ده انا كل يوم بصحى بلقى مليون تجعيدة جديدة في وشي وانا لسه صغيرة! هفضل لحد امتى هربانة وسايبة اهلي وناسي ؟ هفضل لحد امتى كل اللي يهمني اجمع فلوس واحوش! طب وانبساطي بيهم؟ طب وحياتي وروحي؟ فين من ده كله ؟؟طب لما اعيا في يوم هلاقي مين في غربتي يداويني ؟! وصحابي مش هقدر اخليهم جمبي طول العمر ‘ ما كل واحدة مصيرها في يوم يبقى ليها مشاغلها!! كفياكي يا مهرة قسوة وسواد وارجعي لدارك وعزوتك وافتحي صفحة جديدة! ده دفا الارض والاهل يسوا مييييت مرة من ابتسامة باردة كدابة في شتا الغربة"

*********************************************

بيري في المكتب عند شركة تركي بتخلص شغل ليها وفجأة يدخل عليها تركي بعد ما يخبط

الباب وفي ايده باقة كبيرة كلها لليلك وابتسامته مليانة شوق وحنين:

-         وحشتيني

بيري تتكسف وتقول بخجل شديد:

-         احنا مش قلنا بلاش الكلام ده لحد ما تظبط أمورك

-         والله هانت خلاص بس مقدرش اشوفك قدامي ومقلكيش وحشتيني

بيري بابتسامة بتخلي قلب تركي يدق بسرعة:

-         وبعدييين يا تركي معاكي

-         يا حلاة اسمي بس على لسانك .. والله اموووت عليكي بس خلني بس اشيل البومة هذي اللي

طاحت في جبدي وما بخليكي تروحيني يا بيري من يدي ..

** يا حلاوة اسمي على لسانك والله بموت فيكي.. بس خليني اشيل البومة اللي وقعت في حظي دي ومش هخليكي تروحي من ايديا ..

-         اموت واعرف ناوي على ايه وفاضلك اد ايه !

يقرب تركي ليها بحنان ويبص جوة عيونها ويهمس:

-         حاسس بعذابك وراح اعوضك بكل ثانية تعذبتي فيها

-         انت ظهرت ليا يا تركي في اكتر وقت انا كنت تايهة فيه وفضلت جمبي بقالك سنة اهو بتحاول

تأكدلي انك غير وفعلا انت مبتتكلمش بس لا انت بتعمل كل فعل يخليك تكبر في عيني يوم

عن يوم .. جايز محبتكش اول ما حبتني لان مكنش ينفع اول ما اطلع من تجرب احب تاني

بس في نفس الوقت مكنش ينفع لما الاقي حب حقيقي ‘ حب كله افعال وتصرفات وشهامة

محبش ! غصبن عني لازم احبك ..

-         كل يوم بشكر الوردة دي اللي جمعتنا في ليل غربة حزين ! جمعتنا بمعنى الاخلاص والوفاء

اللي كل واحد كان بيدور عليه مع شريك حياة غلط .. بس عشقنا لمعناها هو اللي خلى

طرقنا تتقابل..

-         عشان كده انا زيك هفضل وفية ليها وليك ..

-         قررريب قررريب اوووي هقول لاهلي عنك وهختارك زوجة قدام الكل

***************************************

كان تركي بياكل بيتزا مع بيري في الشركة وبيتكلموا سوا وبيضحكوا في اللحظة اللي دخل

عليهم إبراهيم وهو شعره منعكش وشكله مبهدل وعينه حمرا .. بيري اول ما شافت إبراهيم

بالشكل ده اتخضت ‘ وتركي اول ما شافه اتعصب وجري عليه بقمة غضبه وقاله:

-         ايشج ابك اهني يالكلب!

إبراهيم وهو بيزقه وبيحاول يروح يشد بيري:

-         وووووسع انت يا حرامي السكك يا كلب! انا وخطيبتي احرررارررر

بيري تحاول تقف بينهم عشان ميتخنقوش وتتكلم بكل توتر ونرفزة:

-         إبراااااهيم ارجوووك ده مدير شغلي ارجو كفاية احراج واخرج برة ! معدش فيه بينا كلام

بكل سخرية:

-         مدييير شغلك هههههههه واااااو مرة واحدة !! اشتراكي بكام هاااا؟!

بيري تتصدم من كلام إبراهيم وتقول:

-         اخررررررررس انت فاكرني زيييييك

يحاول يمسك ايدها فيشده تركي ويزقه لبعيد :

-         اوووووعى تنسى نفسك وتحاول تأذيها قدامي لامسحك من على وش الارض!

إبراهيم بكل سخرية لبيري:

-         قوووووليلي بكااااام اشتراكي!!! يا ترى روحتي فلته ولا لسه ؟! اوووعي تفتكري انه بيحبك

لا ده هيخليكي زيك زي المزهرية ! انتيكة من باقي الانتيكات !! اصل الناس اللي معاهم

فلوووس دول مبيعرفوش يحبوا زي وزيك دووول يادوب بيبيعوا ويشتروا فينااااا !! اوووعي

هااااا ...

ويقاطعه تركي ببونيه في وشه تخليه يتعصب بزيادة فيضرب بكل قوة في تركي وبيري تفضل

تعيط وتحاول تفصل ما بينهم بس هما خناقهم كان اقوى منها .. وفجأة جريت على موبايلها

واتصلت بمحمود تصرخ وتقوله يجي فورا ينقذ تركي من إبراهيم ..

******************************************

بعد يومين ياسمين في الشغل مع رينا اللي كل يوم بيتقربوا من بعض اكتر ..

-         اكيد انا في الصيف لازم انزل لاهلي ان شاء الله .. وانتوا بتنزلوا مصر كل اد ايه ؟

-         والله على حسب ظروف شغل بندر بس السنادي اتفقت معاه ان لو هو مقدرش سامي في اي

رحلة هو طالعها نبقى نرجع معاه على مصر ونقضي الصيف هناك ..

-         انا صحيح اسفة مكنتش اعرف انه اخوكي بعد ما لبخت معاه في المطار

-         هههه انتي لسه فاكرة

ياسمين بخجل:

-         ودي حاجة تتنسي

-         انا اللي لا يمكن انساه بقى منظرك اول ما خرجنا نتغدى وعرفتك عليه على انه اخويا ضربتي

لخمة فظيعة ..

-         هههههه من اللي عملته قبل كده

رينا بخبث:

-         والله سامي ده طيب اوووي وقلبه ابيض زيك بس لسه نصيبه مجاش

ترتبك ياسمين وتضحك ضحكة خجولة ..

*******************************************

العنود قاعدة مع تركي في اوضتها وبتقوله:

-         وانت شبتسوي مع خديجة ؟ اشوف شنى الوضع صار عاجبك؟!

** وانته تعمل ايه مع خديجة اشوف الوضع كانه بقى عاجبك

-         اتخسي ! ما بقى الا هاي اللي يعجبني وضعي معاها ! انا بس ناطر الوقت الصح

** فشر ما بقاش الا دي اللي يعجبني الوضع معاها انا بس مستني الوقت الصح

العنود تبتسم بطيبة:

-         انزين وشخبار حبيبة القلب

-         هههههه اي عليها بس قلبي وحياتي واعد الايام بس عشان تصير معاي

******************************************

محمود قاعد مع مهرة في مطعم بيتغدوا سوا ..

-         يعني قررتي ترجعي مصر خلاص؟

-         ايوة انا خلاص جربت الغربة ولقيت انه كفاية كده ضيعت فيها كتير اووي

-         تصدقي انا كمان تعبت منها ومن المشاكل اللي بنشوفها هنا ومن اننا مهما عملنا هيفضلوا

يبصوا لينا على اننا بناكل حقهم !!

-         ومش بس كده للاسف فاكرين اننا عشان مصريين يبقى مسموح الاهانة ومسموح يتداس علينا

لدرجة اوقات بسأل هو العيب على مين ؟! العيب فينا ولا فيهم ولا في البلد اللي مخلتش لينا

كرامة؟؟

-         العيب علينا احنا يا مهرة ‘ احنا اللي لما بنيجي هنا تصرفاتنا بتبقى مقرفة !! بتشوفي ناس همج

وهرجلة وعدم نظام والبلد هنا نضيفة ! بتشوفي ناس جاية مسعوووورة فهموووهم ان الغربة

ازاي تجري تكبش فلوووس والبلد هنا راقية .. العيب فينا احنا يا مهرة اللي معرفناش ازاي

نشرف بلدنا في الغربة..

-         صح وعشان كده انا خلاص رفعت الراية البيضا وهرجع بلدي عشان ابتدي صفحة بيضا مع

اهلي زي ما قلتلي ..

محمود وهو بيبتسم بحب:

-         واتفقيلي على ميعاد معاهم

مهرة بخوف وتوتر :

-         اشمعنا؟

-         عشان مش هلاقي واحدة تفهمني في الدنيا دي قدك !

-         بس انا .....

-         انتي مبسش ‘ انتي ملكة من هنا ورايح هتؤمري والفارس اللي هو انا يعني بعد اذنك هيلبي بكل

حب اللي نفسك فيه ..

مهرة بخوف وعيون حزينة:

-         منا قبل كده ......

قاطعها محمود بسرعة:

-         اللي كان قبل كده يتمسح باستيكة ! عمرك هيبتدي معايا انا وبس ...

*********************************************

خديجة قاعدة بتتكلم في التلفون وتضحك بدلع وفجأة يدخل تركي بكل عصبية عليها ياخدها من شعرها ويضربها بالقلم وهي تصرخ وتعيط :

-         انت مجنووووووون

-         المجنون اللي يفكر يعيش معاكِ لحظة واحدة!! انتي وشووووو شيطاااااان انتي شيطااااان!!

ما يكفيكِ اي شي!! ما تصوني اسمك ولا اسم عيلتك!!

-         ما لك دخل فيني سمعت ولا لا !! ابيييييك اطلقني اصلاااااا انا مليت منك وووع عليك وع وجهك يالحيوااااان ..

-         ااااي عافية عليكي هذا اللي ابي منك يا بنت الناس !! ابيكِ تروحي تقولي لاهلك ان انا وانتِ

ملنا حياة مع بعض!!

-         اصل بخبر هلي وهلك كيف كنت تعاملني يا تركي والله لاندمك!! والله لاخلي ابوي يعرفك كيف

تعامل بنات الناس!!

تركي يضحك بصوت عالي وبسخرية:

-ههههههههههههههههههه ياريت تقوليله عشان اعلمه عن وساختك!! اعلمه انك يا زوجة يا

محترمة ما صنتي زوجك وخنتيييييه!! اعلمه عن حقارتك زمان واحين!!

خديجة بقهر وخوف:

-         بقول كداب لانك تحب واحدة ثانية وتبغي تتزوجهاااااا

يطلع تركي تلفونه ويفرجها صور لخديجة وكونفرسيشنات على الواتس اب مع ولاد ويقولها:

-         وهذاااا دليل !!

خديجة بانهيار وجنون وغيظ:

-         الله لا يوفقك يالحيوووووان الله ياااااخذك ويخلصني منك

تركي يمسك شعرها بقوة ويقولها:

-         اسمعي طلاق بتتطلبينه وبتقووولين انك انتي اللي مب قادرة تعيشي معي ! وان كل ما اقرب

منك تحسين بخنقة وما تقدرين تتنفسين ! واااااصحي يا خديجة اصصصصحي تلعبي لعبة

حقيرة ثانية لاجيكِ والله وقدام اهلك ادفنك وافضحك .. بنزل وارجع احصلك جاهزة عشان

بردك لاهلك ..

ويزقها على الارض ويسيبها وينزل

*******************************************

تركي يقعد في العربية واول ما يدخل يتصل بصاحبه:

-         ما اني عارف كيف اشكرك يا فيصل انك ساعدتني بهذي المهمة

-         افا عليك لا تقول جذي انت صاحبي يا تركي

-         ما كان عندي طريقة الا هذي !! اخليك تكلمها ولانها وصخة اتكلمت معاك

-         صراحة اللي نفسها الله يستر عليه وعلى نهايته !!

-         شكرا حبيبي والله كنت كفوو بس نفس ما اتفقنا امسح صورها وكل شي

-         حاضرين لك يا تركي ولا تحاتي انا رجال وما سويت هلون الا عشانك يا صاحبي

** موجودين ليك دايما يا تركي ومتقلقش انا راجل ومعملتش كده الا عشانك يا صاحبي

يقفل تركي مع صاحبه ويقول لنفسه:

اخيرا شيلتك من قدامي يا خديجة وخليتك تخرسي للابد!! وعمري ما هفكر افضحك الا لو

وقفتي في طريقي انا وبيري! لان مش هسمح لاي مخلوق تاني يمنعني عنها !! مش هسمح

يا خديجة لا انتي ولا غيرك..

****************************************

بعد 5 شهور العنود بتدخل اوضة تركي وهو عمال يلبس بدلة سودة ويرش برفان عليه وتقوله:

-         الله الله كشخة صااااير كل هذا عشان بتتزوج حبيبة القلب

-         ههههههههه مش هتقصي لسانك ابدا الطويل ده

-         اشوفك صرت تتكلم مصري احين

-         بنت اقلبي مصري بدل ما اخلي الكبير يزعل منك

-         لالالا ابوس ايدك احنا ما صدقنا نفرح بقى

-         اخيرااااا هتبقى ملكي النهاردة

العنود تحضن تركي بحب وفرحة ولهفة:

-         اخيرااا حبيبي ربنا يحميكوا لبعض ياااارب

-         الحمد الله

العنود بارتباك:

-         تركي لا تزعل من خالتي لانها مبتحضر بس اللي سمعته ان خديجة من زوجها ابوها لواحد

ثاني وهي دوم تعبانة وخالتي ما تعرف ايش تسوي

تركي بحزن:

-         صدقيني انا مكنتش عايز كل ده يحصلها انا كل اللي كان يهمني انها تبعد عن طريقي وبس وهي للاسف اللي عملت في نفسها كده لما حبت تتحداني وتتجوزني !! لو كانت رفضتني من الاول مكنش اتقال عليها انها مستهترة ومش بتاعت جواز ..

-         خلاص بقى اللي حصل حصل تعالى نفرح دلوقتي وبس

-         يلا

***************************************

في اوضة في الفندق بيري متوترة ومعاها ياسمين ورينا اللي بقت صحبتهم مؤخرا  وشيماء اللي جت من مصر مخصوص مع مامة بيري واخواتها ..

-         هي مهرة هتيجي يا ياسو؟

-         ايووة متقلقيش قالتلي هتسافر هي ومحمود مخصوص ليكي

-         انا قلقانة اووووي بجد حاسة اني عايزة ااجل الفرح

شيمو بهزار:

-         تأجلي ايه ده كان تركي قتلنا كلنا

الكل يضحك بعدين تروح شيماء تديها وردة لليلك وتقولها:

-         خدي خدي المهدىء بتاعك ليلك ده يهديكي

*************************************

بعد ساعات في الفرح الكل كان مبسوط ببيري وتركي ‘مهرة ومحمود كانوا اتجوزوا من شهرين بعد ما رجعوا مصر ومهرة صالحت اهلها وظبطوا كل حاجة .. وشيماء خطوبتها هتبقى في الصيف على زميلها اللي في الشغل معاها .. رينا وبندر الحياة بينهم بقت احلى من قبل كده وبندر من كتر ما بقى خايف رينا تضيع بجد من ايده بقى يحاول يحققلها اللي نفسها فيه .. وياسمين كانت فرحانة جدا ببيري وكل شوية تبص من تحت لتحت على سامي اخو رينا وافتكرت اخر حوار ليها مع رينا ..

-         سامي طيب اوووي وبجد يا ياسمين لو هتمنى عروسة ليه مش هتمنى غيرك بس هو للاسف من ساعة ما ماتت حبيبته وهو لسه معتزل الجواز

رجعت تاني ياسمين للواقع وابتسمت وقالت في سرها :

"لو لينا نصيب مع بعض هيبقى من نصيبي ولو ملناش ربنا يبعتلي نصيبي"

**************************************

إبراهيم رجع مصر بعد ما اشواق خلته يطلقها بالعافية بعد مازهقت منه ورحلته من البحرين

وبقى دايما كئيب ووحيد ..

****************************************

تركي بيرقص سلو مع بيري وبيبص بكل حب جوة عيونها وبيمسك ايدها برقة ويبوسها من بطن ايدها بحنان ويهمس:

-         بحبك يا لليلك قلبي!

-         وانا بحبك يا أحلى روح لليلك شفتها في حياتي

النهايــــــــــــــــــــــــــة