الحلقـــــــــــة السادســـــــــة والعشــــــــرون
رشا وهي بتبص على عبد الله:صدقيني انا عمري ما ندمت في حياتي اد ما ندمت
الفترة الاخيرة
دي لما خسرت حاجة كبيرة في حياتي وعرفت ان الشر مبيولدش غير شرر
ليلى وهي مصعوقة من تغيير رشا وبتبص لنوال اللي بتبتسم ليها عشان تديها امل
رشا بتروح ناحية عبد الله وبتقول: ممكن ثواني ‘ عايزاك في كلمة على الجنب
عبد الله بعد ما بيروح بيها على جنب:خير يا رشا
رشا: عبد الله ‘ ا اانا فعلا لما
حبيتك حبيتك بجد ‘ جايز اكون في نظرك مش اكتر من واحدة خاينة
ب ببس انا يا عبد الله لو كنت لقيت الحب والامان اللي طول عمري بدور عليه مع جوزي ك كنت عمري ما
بصيت لحد غيره
ا اانا لو ك كنت وحشة في يوم من الايام ف فده غصبن عني
عبد الله مقاطعا:ر رشا لوو سمحتي ده مش وقت الكلام ده
رشا بحزن:ليه مش عايز حتى تسمعني؟
عبد اللع بجفاء:م مش وقته يا رشا صدقيني
رشا:بس انا هيفرق معايا لو سمعتني!!
عبد الله باقتضاب:مش في المستشفى ولا في الحالة اللي احنا فيها دي ولو
عايزة فعلا تثبتي انك اتغيرتي
حاولي ترجعي قيس لليلى..
رشا بدموع وابتسامة مكسورة:هحاول حاضر
*************************************************
رشا بترجع الفيلا واول ما بتدخل اوضتها بتسمع صوت عياط حنان مع الدادة وهي
بتلاعبها فتخرج
من اوضتها وتروح ليهم وتخبط وتدخل وتقول للدادة: مالها بتعيط ليه اوي كده؟
الدادا:اصلها جعانة وا وانا محتاسة بيها
رشا:هاتيها معايا وانزلي انتي اعمليلها الاكل
الدادا بتديها حنان وبتنزل المطبخ عشان تعملها اكل ‘ رشا اول ما بتمسك حنان
قلبها بيدق وبتحس
بشعور هي محرومة منه وبتحضن حنان اوي وبعدين تفضل تعيط وتبدأ ترجع
بذكرياتها لورا..
رشا بترجع بذكرياتها لما كانت في ابتدائي وتفتكر مامتها لما اكتشفت خيانة
باباها والخناقة
اللي دارت بينهم..
عزت بزعيق:يا شييييخة زهقتيييني منك
نادية:زهقتك ايييه هو ده انا اللي زهقت منك ومن قرفك كل يوم اقوول هتبطل
هتبطل العك ده
ونظراتك للستات وخيانتك لياااا ‘ ده انت حتى مرحمتش صحابي اللي في النادي
منك ومن قرررفك
عزت:بفلوووسي ده كله بفلووووسي اناااا وبمزاااجي ومحدش له ليا حاجه
نادية:توولع فلوووسك والعيشة بتاعتك ‘ انا هسيبك تتسرمح بفلوسك واخد بنتي
وابعد عنك
عزت بخوف:لااااا رشاااا لاااا
نادية:هقولها ان ابوها بتاع ستات وهمنعها منك ولو حاولت تشوفها هقول لخالي
وانت عارف
خالي عقيد وممكن يوديك في داهية يا عزت..
عزت بخوف يمسك ايد نادية:سامحيني يا نادية ‘ اا انا غصبن عني وبعدين انا
بحبك انتي
هما بس كده تسلية وعشان احس اني غني وان فلوسي ممكن تشتري اي حاجة..
رشا كان عمرها 9 سنين وهي واقفة برة الاوضة بالبيجاما بتاعتها وبتعيط من
الخوف ومن
صوتهم العالي وكانت صاحية مفزوعة ومخضوضة من صوت الخناق..
بتفوق رشا على صوت حنان وهي قاعدة بتلعب في شعرها وبعدين ترجع تاني للحظة
تانية
لما كبرت شوية وبقت في اعدادي..
********************************************
رشا وهي خارجة من المدرسة وباباها مستنيها بتجري بكل لهفة عليه وتقول:بابييي
ايه ده انت جيت
بنفسك النهاردة مخصوص ليا
عزت:طبعا يا حبيبة بابي
عزت عينه تكون على المُدرسة اللي خارجة من مدرسة رشا ‘ رشا حست باباها اللي
عينه
وعقله مش معاها واضايقت جدا وقالت بكل غيرة:مش يلا يا بااابي
عزت:هي مين دي يا رشا
رشا باقتضاب:دي ميس مي
عزت بصوت واطي:جميلة اوي
رشا بتسمعه وتضايق اكتر وتقول:يلاااا بقى يا بابي نمشششي
عزت:بقلك ايه يا روح بابي ‘ شكل ميس مي كده مش لاقية توصيله انا هنزل
اقولها
رشا بتحس بضيق شديد وألم من تصرف باباها بس نظرا لانها كانت لسه صغيرة
فمكنتش بتقدر
تقول ولا تعمل حاجة وتبص من الشباك على باباها تلاقيه راح للمُدرسة بتاعتها
وعمال يضحك
ويكتبلها حاجة في الورقة وبعدين يرجع..
رشا بضيق:انت كنت بتكتبلها ايه يا بابي؟
عزت:ها لا دي رقمي عشان لو انتي عملتي شقاوة هي تقولي
ذكريات رشا تجري بيها شوية لحد ما تكبر وتكون في الجامعة وتروح المصنع فجأة
لباباها ومتلاقيش
السكرتيرة برة ولسه هتدخل المكتب بتاع باباها تسمع صوت باباها مع السكرتيرة
جوة وهما قاعدين
مع بعض وبيضحكوا ‘ رشا تدخل فجأة عليهم وهي مصدومة.. عزت بسرعة يقلب بكل
رسمية:
روحي انتي دلوقتي خلصي الورق ‘رشا حبيبتي ايه المفاجأة دي
رشا بتحاول تبين انها مشافتش حاجة:قلت اعملها ليك مفاجأة يا بابي
وبعد ما بتخرج رشا من عند باباها تقول للسكرتيرة بتهديد:تستقيلي من الشغل
فورا ومن غير ما تقولي
لـ dad ليه هتمشي
والا هتختفي من على وش الارض مفهوم!!
***********************************************
بتفوق رشا تاني وتبص لحنان بكل حب والدموع بتنزل منها كتير: انا مش وحشة
اوي ‘ ا انا بس
غصبن عني ‘ جيت ملقتش الحب وفضلت ادور عليه طول عمري وتخيلت اني هلاقيه في
فارس
هه تخيلي يا حنان!!
بتدخل الدادة بسرعة:عنك يا ستي معلش يادوب جهزت الاكل وجيت بسرعة
رشا:ولا يهمك
تدي حنان للدادة وتروح اوضتها تترمي على السرير تعيط وبعدين تروح تبص في
صورتها
هي وفارس وتكلم الصورة وتقول:كنت انانية جدا فيك لاني كنت فاكرة انك
هتعوضني عن اللي
شفته في حياتي بس اتاريك طلعت قلبك حجر وانااا انا فضلت طول حياتي بحاول
انسى اللي
بابي كان بيعمله عملت زيه!! هه انا خنتك ايوووة خنتــــــــك عشان احاول
احس بقيمتي وبأنوثتي!
احس اني لسه مرغوب فيا بعد ما اكتشفت اني محرومة من احلى نعمة! ودوست كتير
على اللي حواليا
بس نسييييت وانا بدوووس عليهم ان هيجي اليوووم اللي هيدوسوا فيه عليا!!
يدخل فارس فجأة ولما يشوفها واقفة بتتكلم مع الصورة يقول بسخرية:
ايه انتي خلاص اتجننتي!! هه تحبي احجزلك جناااح مع قيس في المصحة
رشا:تصدق ده ممكن الحل اللي يخليني اقدر اتخلص فيه من كل القرف اللي جوايا
فارس بسخرية اكتر:يا رشا يا حبيبتي اللي زيك قرف الدنيا كله موجود جواه
استحالة يتغير
رشا بتعيط:ليه كده! قولي انت ليه كده؟!!
فارس وهو بيجز على سنانه:ليه ايه؟! ها؟
رشا:ليه بتعمل في اخوك واهلك وانا فيا كده
فارس بيمسك ايد رشا بقوة:اوووعي تعملي نفسك بريئة!! انتي السبب في اني اكون
كده
رشا:لااااا انت من زمان كده مع اخوووك كده
فارس:اخوووويا واللي زيه المفروض يتحطوا في المكان المناسب ليهم عشان
يعرفوا يعيشوا
رشا:حرام عليك يا اخي ! ابوووك في العناية المركزة ومامتك حالتها حالة
والله اعلم قيس انت
رميته فييييين وعامل ازاي دلوقتي!!
فارس:متقلقيش يا ام قلب مليان توووبة هه ابويا وامي مصيرهم يقتنعوا ان ده
الحل لقيس
رشا:ومرااااته ذنبها ايه
فارس:ومن امتى الحب ده لمراته!! مراته دي في يوم من الايام المفروض كانت
تبقى مراتي انااا مش
هووو..
رشا:ياااااريتني يا اخي ما حبيتك ولا اخترت اتجوووزك ‘ انا كنت عايزة حب يا
فارس وبدل ده
جبت لنفسي كره وعيشة تقرف ومُرة.. طلققققني بقى طلقققققني ‘ انت مش
المفروووض كنت
هتطلققققني مستني اييييه!!
فارس:مستني الوقت الصح! مش دلوووقتي
رشا:ليييه
فارس:لان دلوقتي انتي اللي طالبه ولااازم يارشاااا ادوووقك الذذذذل زي ما
ذلتيني بيه
رشا تقعد على السرير تعيط بانهيار ويخرج فارس تاني من الاوضة..
رشا:لازم اقول لبابي يتصرررف ولازم اخررج قيس لااااازم
**************************************
في المصحة قيس قاعد في ركن في الاوضة في الضلمة وبعدين فجأة يسمع الاذان
فيقوم يقف
في مكانه ويقول:الله اكبر
ويبتدي يصلي ‘ وهو بيصلي يدخل ممرض عليه وبعدين يقول:وانت بتعرف تصلي!!
قيس بعد ما يسلم:ق قيس اع اعرف صلي
الممرض بسخرية:لا ورع يا راجل
قيس بعدم فهم:ايه ورع دي راجل انت؟
الممرض:المهم كلت
قيس:لا قيس مش اكل لحد ما ارجع تاني ل لليلى‘ هو قال كده لربنا في صلاة
قاله يارب ارجع لليلى
الممرض:انت عندك امل تخرج تاني لسه!! لا بص انت تصلي كده وتقوله يارب خليني
استحمل هنا
لحد ما امووت لحسن انت متوصي عليك اوي..
قيس بضيق:من شريير صح شررير قولكم اني اقعد هنا عشان مش شوف ليلى وهو خد
ليلى بعيد
عن قيس
الممرض بعدم فهم:مين الشرير ده
قيس بعصبية:شرييير فارس شريير هو شررررير
الممرض:اه فارس بيه صح ‘ يلا كل لحسن تقع علينا ونروح في ستين داهية بيك
ولو عايز حاجة
ابقى رن الجرس اللي هناك ده فااااهمني؟؟؟
قيس:قيس لو عوز حاجة قول لربنا ‘ ربنا كبير ماما قالتلي قبل كده قيس لما
اتعب من حاجة صلي
لربنا وكلمه وهو قيس كلمه..
الممرض بسخريه:اه حبيبي وماله
يخرج الممرض ويروح قيس جمب الشباك ويقول:يياااارب انا بكلمك ياااارب ‘ خرج
قيس يارب
في المستشفى ليلى بتروح لبسمة وتقولها:مش يلا بقى يا ماما نروح عشان ترتاحي
‘ الدكتور مانع
الزيارة يعني قعادنا هنا ملهوش لازمة..
بسمة بتوهان:9 شهور حامل فيه وسنيين بسهر واتعب عليه ‘ اتاريني بربي في وحش
اول ما يجي
يعض هيعض اهله..
ليلى بحزن وألم:الله يخليكي يا ماما كفاية تتعبي نفسك كده ‘ تعالي بس يا
حبيبتي معايا
وتاخدها ليلى وتمشي بيها ومعاها نوال وعبد الله وحاتم...
ينزلوا الفيلا واول ما بسمة تنزل تبدأ تعيط وتقول:قيسس ابني قيييس يا ليلى
حاتم:متقلقيش يا طنط انا وليلى هندوور عليه متقلقيش
ويدخلوا بيها لجوة لحد اوضتها..
رشا تنزل وتشوف نوال:طنط رجعت؟
نوال:اه ‘ عرفتي حاجه؟
رشا:هروح على العنوان اللي عرفته بعد ما سألت على الاسم اللي خدته ليلى
واشوف ايه الوضع هناك
نوال:تحبي نيجي معاكي؟
رشا:لأاا خليني انا اشوف الاول ايه الوضع وهرجع ليكم
حاتم وعبد الله يجوا مع سعد من جوة..
حاتم:رشا كويس لقيتك
رشا:خير يا حاتم؟
حاتم:انا هاجي معاكي
رشا:معلش يا حاتم سبوني الاول اتصرف انا وبعدين هاجي اقولكم وصلت لايه
*****************************************
رشا بتوصل المصحة وهناك اول ما بتدخل تسأل ممرض:فين كبيركم هنا
الممرض بخوف وقلق من دخلة رشا:ل لليه يا فندم؟ حصل ايه
رشا تبدأ تعلي صوتها:اخلللللص وقوووولي فيييين كبيركم بتاع المصحة دي!!
الممرضين والدكاترة يبدؤا يجروا لرشا وبعدين واحد من الدكاترة:خير يا فندم
رشا بزعيق:ايه هفضل اعييييد وازيييييييد كتيييير !!!
بعد خمس دقايق تكون قاعدة في مكتب مدير المصحة..
رشا بتطلع الكارت بتاعها بكل غرور وترميه على المكتب وتقول:رشا عزت
السلحدار معاك
المدير:اهلا اهلااا طبعا طبعا في غنى عن التعريف
رشا بكل كبرياء:طب اسمعني بقى ‘ عشان معنديش وقت!! شايف المصحة الحلوة دي
My dad ممكن يقفلها وبكل سهولة وانت ادرى بقى انا ممكن
اعمل ايه تاني!
المدير بخوف:ليه بس كده يا فندم
رشا:عشان انت زعلتني
المدير:يا خبر قوليلي بس المصحة عملت ايه وانا هعاقب اللي اتجرأ وزعل حضرتك
رشا بابتسامة مليانة خبث تقول:حلووو اوووي يبقى انت كده بدأت تبقى شاطر
المدير:خير يا فندم
رشا:قيس محمد عادل يخرج وفوراااا
المدير يبلع ريقة بصعوبة اول ما يسمع الاسم ويقول بارتباك:اا ب ببس
رشا:بس اييييه؟
المدير:ياا يا فندم المريض ده بالذات اا انا مقدرش اخرجه الا بأمر من فارس
بيه
رشا بعصبية:فاااارس بيه يا مجنوووون انت!! انت اكيد اتهبلت !! انت مش
عاااارف انت بتكلم مين؟!
المدير بهلع:لا العفوو والله يا رشا هانم بس فارس بيه اداني مبلغ وقدره
رشا:هديك الدبل
المدير بفرحة وجشع:لا انا عايزك تقدري غضب فارس بيه لما يعرف بخروج قيس
وحضرتك كلك
نظر..
رشا بقرف:ابعت هات قيس حالااااا وان اهديك كل اللي انت عايزه!! يلااااا
بسرررررعة واياااك
تقول لفاااارس
المدير:لالالا مش هقوله طبعا
رشا:لااا هتقوووله بس لما انا اقلك تقووله! فاااهم
المدير:ط ططيب
*********************************************
قيس قاعد في الارض في الركن زي عادته ومقرفص وماسك ايده وعمال يتهز لورا
وقدام ويقول:
ربنا انقذ قيس هو عارف ربنا انقذه ‘ قيس مش وحده قيس يشوف ليلى قريب
وفجأة الممرض يفتح الاوضة ويقول لقيس:تعالى ده انت حالة عجيبة
قيس:روح فين؟
الممرض:جت واحدة ايه زي الفل هتاخدك يا عم
قيس بفرح:ليلى اجه ياخد قيس ليلى اجه ها ليلى اجه
الممرض:مش عارف اسمها بس هتطلعك يا عم ‘ محدش بيعملها دي تدخل يوم وتخرج
اليوم
اللي بعده!! ابن لعيبة ومحظووظ مع اني ملحقتش اوجب معاك..
قيس يقوم بسرعة ويقول:يلا بسرعة قيس رووح لليلى مش اخر عليه عشان مش امشي
يلا بسرررعة
واول ما يدخل الاوضة يلاقي رشا ورشا اول ما تشوفه تجري عليه بلهفة وتقول:
قيس انت كويس؟
قيس بخوف:ايه ده ‘ دي مش ليلى ليلى مش اجه
رشا:متخافش انا هوديك لليلى
قيس:لاااا انت مراااات شرررير انت مرااات شرير ‘ شرير خلاك تكدب قبل كده
واكدب دلوقتي
رشا:يا حبيبي والله متخافش هوديك لليلى بس بسرررعة ابوووس ايدك قبل ما فارس
يعرف من
اي حد ويجي هنا علينا ساعتها مش هقدر اخرررجك..
قيس يبصلها في عينها ويقول بكل براءة:لو اكدب مرات شرير ربنا مش سيبك
ووديكي النار
رشا بقلق:والله ما بكدب بس يلا بسرررعة بقى
قيس:هتوديني لليلى
رشا:ايوة يلاااا
وبالفعل تقدر رشا تقنع قيس انه يروح معاها
*******************************************************
سماح مع احمد في الكافيه ..
احمد:بصي بقى يا سماح ‘ انا مش قادر ولازم نتجوز بسرعة
سماح:حبيبي وانا والله وما صدقت ان اخيرا الزفت هاني بعتلي ورقة الطلاق بس
المشكلة عبد الله
وليلى في مشاكل دلوقتي..
احمد:ماشي نستنى يومين كمان وافاتحهم
سماح بفرحة:ياااااه حاسة اني بحلم والله يا احمد
احمد يمسك ايدها ويقولها فجأة:تعالي قووومي بينا
سماح:فيين؟
احمد:نروح نختار دبل عشان اول ما يوافقوا نلبس الدبل على طول
سماح بفرحة ولهفة:للدرجادي انت عايزني اكون معاك بسرعة؟؟
احمد:اوووووي يا سماح اووووي
سماح:طب قوم بينا يلا يا حبيبي
وبالفعل سماح واحمد يلفوا على محلات ويختاروا دبل واحمد يقول للراجل:ممكن
تجزلنا دول وانا
هجهز الفلوس واخدهم منك ان شاء الله..
الراجل:حاضر يا فندم اي اوامر تانية
احمد:لا شكرا
سماح بعد ما بتخرج من المحل هي واحمد:طب ليه يا حبيبي مش موافق اساهم معاك
بجزء من الفلوس
احمد:لاااا يا سماااح اتكلمنا في الموضوع ده قبل كده
سماح:بس يا حبيبي الدبلة دي الماظ وتمنها غالي
احمد:برضو يا رووحي متغلاش عليكي وقلتلك الفلوس هدبرها
سماح وهي ماسكة في ايد احمد بكل قوة:بحبك اوووي
احمد بهزار:وانا بموت فيكي بس انتي مالك مسكاني جامد اوي كده زي ما اكون
ههرب منك
سماح:هههه فعلا زي اللي خايفة تكون حلم والاقيك مرة واحدة هربت..
*******************************************************
ليلى قاعدة في الصالة بتوتر وكل شوية تبص لحاتم وتقوله:
انت متأكد انها قدرت تطلعه بجدد وجاية معاه يا حاتم
حاتم:هههه والله زي ما بقولك كده
ليلى:يااااه حاسة اني بحلم بجددد
حاتم:بتقول طلعته بصعوووبة اوي
نوال بتعجب:والله سبحان الله مبدل الاحوال بجد!! مين يصدق ان دي رشاااا
ليلى:ايوووة فعلا مييين يصدددق!!
عبد الله قاعد سرحان وباله مش معاهم لانه عمال يفكر يا ترى باباه حصله ايه
وموضوع قيس
واللي حصل لمحمد خلاه ينشغل معاهم..
وفجأة بيرن جرس الباب وتجري ليلى بلهفة تفتح الباب واول ما تشوف قيس تحضنه
بشدة وبلهفة
قيـــــــــــــس قـــــيس حبيبي حبيبي يا قيس
وتبدأ تنهال عليه بالقبلات بكل حب ولهفة وحنان وشوووق وقيس يحضنها اوي
ويقول بفرحة:
ليـــــلى ليلـــــــى وحشتي قـــــــيس ليلــــــــى وحشتييييييه
ليلى بتحضن قيس اكتر وتمسك بايدها الاتنين وشه وتقوله:
حبيبي انت عملوا فيك حاجة؟ عملوا فيك ايه؟ قووولي يا رووحي
نوال:طب سبيه يدخل يا ليلى مش على الباب كده
قيس يبص عليهم ويقول:ماما فين؟
سعد يكون نازل من فوق وعمال يجر واحدة وراه يقول بلهفة:يلاااا يا ماما
بسمـــــة قيس صاحبي
جه..
بسمة بلهفة وعدم تصديق:قيـــــــس ابــــــــــني قيـــــــــس
سعد يسيبها في النص ويجري ينزل ويقول:يووووه بطيييئة اوووي ‘ قيييييس يا صاحبي
وحشتني
اووووي
واول ما ينزل سعد يجري ينط على قيس ويحضنه جامد ويقعوا هما الاتنين على
الارض وقيس
يضحك ويقول: وانت سعد وحشة قيس اوووي
سعد بطريقة التقليد:وانت وحشة سعد اوووي قيس صاحبي
بسمة تكون نزلت وتجري عليه تاخده بلهفة وشوق الام وتعيط بانهيار وتقول:اااااه
يا ضنايااااا
يا حبيبي وحشتنييييييي اووووي..
قيس:قيس ادعى ربنا زي ما انتي يا ماما علمتنيني وقاله يااارب وربنا اسمع
لكلام قيس وحققله
اللي عاوزه
بسمة:الحمد الله يا حبيبي الحمد الله
ليلى وهي بتروح لرشا:البركة في رشااا بجد لولاها مكناش قدرنا نخرج قيس
بسمة بعياط شديد تبص لرشا بكل امتنان وشكر:ربنا يخليكي يا بنتي
****************************************************
بعد ساعتين قيس وليلى في الاوضة مع بعض وقيس كان قاعد سرحان..
ليلى بكل حب بتروح تقعد جمبه وتقوله:مالك يا حبيبي
قيس يبصلها:قيس كان ادعي كتير شوف ليلى ولو مرة واحدة بس عشان قوله اني لما
اجوزه
اجوزه عشان حبه مش عشان اظلمه والله..
ليلى بضيق:مين قالك اني مظلومة معاك!؟!!! انا عمري ما عرفت طعم للدنيا دي
غير وانا في حضنك
قيس:قيس قول لل ليلى قبل كده انه هو عيان في مخه بس هو بيفهم ويحس وليلى
اكدب عليه و وو
مقلوش ان شرير خوفه
ليلى:كنت خايفة عليك منه
قيس:بس ليلى كان لازم قول لقيس عشان هو جوزه
ليلى بتلمس خد قيس بحنان وحب:انا اسفة لو ضايقتك بالطريقة دي بس انا وقتها
كنت تايهة والله
قيس:قيس حب ليلى اوي بس لو ليلى عاوز سيب قيس ‘ قيس مش ازعل من ليلى
ليلى خوف بتمسك ايد قيس:لااااا اوووعى تسيبني يا قيس ده انا ما صدقت لقيت
قلب زي قلبك في
الزمن ده..
قيس بحزن وهو مكشر:ليلى مش خاف جيب عيال من قيس؟
ليلى بحب:ده انا نفسي اجيب عيال كلهم يكونوا عندهم قلب زي قلبك!!
قيس بخجل:مش هيخافوا من قيس؟
ليلى بدموع:بالعكس يا روح قلبي دول هيفتخروا بيك
قيس بحزن:ب ببس هيعرفوا ان باباهم قيس فيه عيا في مخه
ليلى:وهيتشرفوا بيك اكتر لانك فيك حجات كتيرة حلوة وعبقرية مش موجودة عند
اي حد وهقولهم
اني مندمتش ولو للحظة اهدلهم اب زيك..
وفجأة يسمعوا ..
................................................
استنوني الحلقة اللي جايــــــــــــــة
