الحلقة السادســـــــة عشــــــر من جزيرة اللالا

الحلقــــــــة السادســــة عشـــــر

بعد ساعة من خروج أيهم من المحافظة يوصل ومعاه رامز للجزيرة واول ما يوصل ويشوفه

عادل جاي من بعيد يبعت ريم تقول لسها ‘ اللي اول ما بتعرف بتجري بشوق على أيهم هي

وأحمد وتسأله بتعجب واندهاش:

-         انت كنتتتت فين!! وازااااي تمشي وتختفي من غير ما تقولي انت رايح فين؟! كده يا أيهم؟!

وبعدين تبص على رامز باندهاش اكتر وتقول:

-         ومييييين ده!! انت خلفت يا أيهم؟!

-         خلفت ايه ومصيبة ايه انتي ‘ هتلبسيني تهمة !! الناس هنا بتصدق اي حاجة فبلاش هزار البوابين

ده يطلع حبيبتي قدامهم..

يبص أحمد باستغراب ويقول:

-         روحت فين صحيح يا أيهم؟!

أيهم يبص لعادل ويقول:

-         رحت للمحافظ

فيبتسم عادل بهدوء ويقول:

-         كنت حاسس !

-         مكنش ينفع اقعد ساكت واسيبها تضيع مني!

تبص ليه سها بتعجب وتقول:

-         ليه روحت للمحافظ؟ وتسكت ازاي؟! وبعدين خد هنااا انت لسه مقلتش مين الولد ده يا أيهم!!

يتكلم رامز بكل شجاعة وبراءة:

-         انا رامز وجدو هو المحافظ

فتصرخ سها برعب:

-         يالهووووووووووي خطفت حفيد المحافظ عشان تبتزه يا أيهم!! اييييييه انت خلااااص؟! هتشتغل

في الاخر بتاع عصابات !!

احمد يهديها ويقولها:

-         اهدي يا سهاااا اهددددي بس

فيقول أيهم بسرعة:

-         خطفت اييييييه وبتنجاااان اييييه!! ميييت مرة قلتلك يا سها بطلي الأفلام الهندي اللي بتتفرجي

عليها عشان انتي فعلا بدأ مخك يتلحس بسببها .. هو شبط فيا وانا جاي ولقيت جده سايبه كده

عادي! معرفش ازاي يعني!!

-         ايه ده انت بتتكلم جد؟!

-         ماهو قداااامك اهووو زي القرررد!! ده منظر واحد يعرف يخطفه! وبعدين هخطفه بالبودي

جارد بتاعه!!

فتستوعب سها كلام أيهم وتقول بأحراج:

-         اه صح

-         سها خدي رامز واهتمي بيه وسبينا مع عادل

فيقول أحمد بسرعة:

-         لا انا رايح مع سها ‘ خليك على راحتك

-         استنى بس ‘ خليك معانا بجد

-         لالا انا عايز اقعد مع خطيبتي يا عم شوووية

********************************************

ومفيش دقايق ويكون أيهم مع عادل لوحدهم واقفين .. يبص أيهم لعادل ويقول بجدية شديدة:

-         انا سمعت اللي لارا راحت تعمله

فيبص عادل ليه بنظرات بتحاول تتفحص ردة فعل أيهم ويقول:

-         كويس يا ابني ‘ لانك اختصرت حجات كتيرة اوي

-         انا اللي مش فاهمه بقى فين القيييم اللي بتتكلموا عليها والامانة والصدق والشعارات دي كلها

وانتم اول ناس كدبتم عليااا!!

-         لا يا بني حاشااا لله ! احنا مكدبناش عليك

-         ولما لارااااا تطلع يتيمة ! وانا فاكر ان ليها اهل وانتم عارفين اني كنت فاكر كده كوويس! مقلتوليش ليه الحقيقة دي؟! ليه خبتوها؟؟ اصل فيها ايه جريمة تخافوا انها تنكشف وتبان!!

-         تعالى يا بني نقعد هناك ع البحر وافهمك

وبعد ما يقعدوا يقول أيهم بعصبية:

-         فهمنييييي يلاااااا !!

-         لارا ومحسن انا لقيتهم في الشارع واحد لقيته عند باب جامع ولارا كانت طفلة مرمية

جوة الزبالة في اللفة بتعيط ..

-         اييييييه!

-         استني يا بني واسمعني ..

-         انا كنت من اهل الجزيرة دي  ‘ كنت واحد رافض اعيش جوة المدينة البعيدة اللي

مليانة  زحام ممكن ياخدك من نفسك ومن اقرب الناس ليك لبعيد اوووي فتتووه .. وكنت من فترة لفترة بنزل المدينة عشان اشوف المصالح اللي عايزة تتقضى للجزيرة ..

-         وبعدين؟

-         وفي يوم كنت ماشي بعد صلاة الفجر في شارع طويل ضلمة وسامع صوت عياط طفل صغير

كنت فاكر ان الطفل ده اكيد مع والدته ..

-         هااا وبعدين؟

***********************************************

يرجع عادل بذاكرته لورا ويكون ماشي في شارع في الزمالك بعد ما خلص صلاة الفجر وعمال

يسمع صوت عياط لطفل يقطع القلب فقال بصوت عالي:

-         ربنا يشفيك لو كنت حاسس بوجع

وفضل مكمل مشي لحد وهو معدي من جمب صندوق زبالة كبير ‘ سمع الصوت كان قريب جدا

فضل يتلفت يمين وشمال حواليه ومش عارف مصدر الصوت ده جاي منين ! بس حاسه انه جاي قريب جدااا منه ..فضل محتار يا ترى الصوت جاي منين ويبص على العمارات جايز

يقدر يحدد صوت الطفل جاي من اي بلكونة او اي شباك بس برضو معرفش.. مشي خطوتين

ولما رجع سمع صوت العياط فقلبه حن ورجع وبعدين لقى الصوت سكت فقعد جمب الزبالة محتار .. صوت عياط الطفل كان بيشده ومش عارف هو ليه  قاعد بعد ما الصوت سكت ..

وهو قاعد بيبص للسما وبيتأملها شاف الزبالة بتتحرك جمبه ففتكر ان قطه جواه بس بعدين سمع

صوت ضحكة جاية من جوة صفيحة الزبالة فتخض وقام بسرعة يبص جواها ولقى طفلة في

لفتها بتلعب بتبص لفوق في السما وتضحك فاترعب واتهز من جواه وقال:

"سبحاااانك ياااااااااارب ‘ سبحااااانك ياااااارب " وقام مد ايده وخرج لارا من جوة صندوق

الزبالة وفضل يبص يمين وشمال وهو مصعوووق انه خرج طفلة من جوة صفيحة الزبالة!

وقال بصوت عالي وعين بتدمع:

-         مييين القااااسي عديم الرررحمة اللي رماااكي كده يا بنتي !! اعووووذ بالله!! هي قلوب

البشر اللي هنا دي اييييييييه!! مااااااتت من الرحمة .. ياااااااارب عدلك يااااااااارب ..

ويفضل يبوس في لارا بلهفة وحنان وحب وياخدها في حضنه ويضمها بقووة زي ما يكون

عايز يحسسها بالأمان ..

*****************************************

يفوق عادل من ذكرياته مع لارا ويبص لأيهم اللي يكون مصعوق ويكمل:

-         لما كبرت بعدها بسنتين كنت لازم انزل القاهرة عشان اودي الزكاة للفقرا وقتها لقيت محسن

جمب الجامع برضو مرمي ومحدش سائل فيه !! بقييت هتجنن !! هي الناااس دي قلوبها اتحجرت كده ليه!!! ليه الاطفال بقت بتترمى في الشوارع كده !!

أيهم بكل صدمة:

-         يعني لارا لقيطة!!!

عادل بملامح كلها جدية ومخيفة:

-         ده عندكم! هناك في مدينتكم الملوثة! لكن هي عندي هنا ملاك باعته لينا ربنا هدية! لؤلؤة عارفين

قيمتها كووويس..

أيهم بعصبية:

-         معااااك انها لؤلؤة ومحار وبطيخ واناناس بس انتتتتت وهـــــــي خبيتواااا حقيقة كاااان لازززم

اعرفهااااا من أول ما صرحتها بحبي!!!!!

-         تصارحك قبل ما تتأكد من نواياك عشان تجرحها وتوجع قلبهاااا؟!

-         لاااااااا عشااااان انا كنت نااااوي اتجوزهااااا فعلاااااا!! تقدر تفهمني كانت هتقولي امتى بحقيقتها

دي؟! امتتتتتى؟؟؟ لما تخلف العيل التالت مثلا! تصحى تقولي حبيبي نسييييت اقلك اني لقيطة

ومش معروفلي نسب!!!

-         قلتلك متقولش لقيييطة!

-         المبدأ مبدأ ومبيتجزأش ولا اييييه؟!

-         واحنا عمرنا ما بنقسم ولا بنجزء ولا بنفصل حتى المبادىء على مقاسنا !! لكن احنا بنرفض

مسميات بشعة بتكسر بقلوب الناس الرقيقة !

-         عشان كده هي كانت متمسكة بيك! عشان كده هي كانت بتقنع كتير محسن انه ليه هو رايح

تاني برجله لدنيا رفضته!! عشااااان كده دايما تقولي انا مش عايزة اعيش جوة مدينة اسوارها

كلها لعنة بترفضنا!!

-         لارا كانت هتحكيلك يا أيهم لما كانت تتأكد من مشاعرك

أيهم بعصبية:

-         والله!! والمفرووووووض اصدددددق!! صـــــــــــــــــح!! انت عاااارف بقى عشان انا جبت اخري من كل التمثيلية دي .. انت راجل عجوز خرفاااان شكلك لميت كل العيال الايتام اللي

في البلد وعملت منهم جزيرة عشان تفضل تحت سيطرتك!!! جيييش تعرف تتدارى منه

من النااااس ..

فجأة يسمع أيهم صوت لارا ولأول مرة بكل حزم وجدية وملامح كلها مكشرة :

-         كفايـــــــــــــــــــــــــــة

يلف أيهم وعادل بكل دهشة ويبص يلاقي لارا وعيونها مليانة دموع ومعاها محسن اللي ملامحه

كلها حزينة .. فتكمل لارا وتقول:

-         انت قلت التمثيلية السخيفة دي انتهــــــــــــت .. ارجوك لحد كده وكفاية ..

عادل يقول بكل توتر:

-         انتي جيتي امتى يا بنتي!

-         خلصنا على طول يا والدي وجينا في الطيارة

أيهم يقول بحرقـــــــة:

-         خبييييتي عليااااا لييييه حقيقة زي دي؟!

لارا تبص بكل قوة جوة عيون أيهم وتقول:

-         وانت ايه اللي حرقك اوي كده يا أيهم  يا ترى؟؟ اني خبيت ولا الحقيقة البشعة اللي اكتشفتها!!

يتوتر أيهم ويرتبك وميبقاش عارف يرد يقول ايه ويقول:

-         اا مم اانا آآ

-         انت اترعبت من الفكرة !

-         م ممش بالظبط

-         امال؟!

-         انا اتعصبت ان رغم اعترافي بحبي ليكي ورغم محاولتي اني انسى حياة اتعودت عليها عشان اعيش معاكي وانا كل يوم بكتشف سر عن الجزيرة الترلالاي بتاعتكم دي!!

-         معدش فيه اسرار خلاص يا أيهم! احنا ناس سابت المدينة وجت تعيش في نقاء مع نفسها وانت

اللي فضلت تدعبس ورانا وبسببك السر اللي فضلنا محافظين على بقائه طول السنين اللي فاتت دي انكشف ويا عالم هيحصلنا ايه .. ولما جيت تقرب مني مكنش ينفع اقلك اني زي ما انت شايفني كده!!

أيهم بنرفزة:

-         السر انا كنت محافظ عليه بس لظروف غصبن عني خرج غصبن عني وممكن عادل يفهمك ازاي بما انك مدتليش فرصة  اشرحلك ومتخافيش انا هعمل اللالي عشان محدش ياخد منكم

الكيان اللي روحتي اتكلمتي عليه قدام الناس كلها ..

فتتعجب لارا انه ازاي عرف فيجاوبها بسرعة:

-         كنت عند المحافظ وشفتك في التلفزيون ! ومش عارف كان هدفكم ايه من اللي حصل .. بس اين

كان انا مش هبوظ حياتكم .. وزي ما دخلتها بهدوووء .........

يسكت شوية ويبص بألم في عيون لارا وهو بيقول:

-         هخرج منها بهدوووء ...

ويمشي ويسيبها تنهار من العياط ...

*******************************************

يروح أيهم يقعد عند البحر ويكون مش مصدق انه قال للارا انه هيخرج من حياتها بهدوء ‘ كانت

الأفكار جواه متلخبطة ومش عارف هو ليه عمل كده ولا ليه قال كده! بس كان حاسس ان اتخدع

من اكتر شخص مجاش على باله انه يخدعه .. جت سها وقعدت جمبه وطلعت منديل وقالتله:

-         خد خد امسح دموعك

فيبص ليها ويقول:

-         هو انا باين اني بدمع

-         صوت عياطك سمعته اول ما بدأت اقرب اصلا عند منطقة البحر

-         انا تعبان اوووي

-         ليه يا أيهم!! انا شفت لارا برضو بتعيط! البنت دي قلبها بسكوتة حرام عليك اللي بتعمله في

نفسك وفيها ده..

-         مش عارف ليه اتوجعت اول ما عرفت الحقيقة

فتكشر سها وتقول:

-         حقيقة ايه! انها يتيمة؟!

-         هي مش بس يتيمة يا سها

-         اووووعى تقووولي انك بتفكر تفكير عقيم يا أيهم؟!

-         لا والله ! بس حاجة زي دي كبيرة اووي كان لازم تصارحني بيها !!

-         راااجل شرقي

-         يا سهاااا افهمييييني

-         افهمني انت ! لارا انت بالنسبة ليها من عالم تاني! من عالم مختلف ومخيف ! عالم رفضهاااا

واهووو بغبائك حسستها انك رفضتها لكونها مش معروف ليها نسب ! وبطل جهل ومتقولش

لقيطة!! اللي بيقول الكلمة دي هما الجهلة !!

-         انا مش رافضها لكونها كده انا رافض انها معترفتش ليا

-         عايزهااا تقولك ايييه!! اهلا انا لارا انا واحدة معرفش مين امي ومين ابويا وعمو عادل

شافني وخدني عنده!! طب قولي كده هتقلك بمناسبة ايه معلش؟!

-         تقلي عشان اناااا بحبهاااااا

-         ولما انت بتحبها بتعقد عليك الامور ليه بزيادة!! ما تقووووم تروح تصالح ابوووك اللي بيموت

بسبب بعادك عنه واللي انت برضو ظلمته بغبائك وعندددك وتيجي تتقدم ليها وتعيش معاها هنا

-         ......

-         ولا انت حابب تعيش دول البائس والمظلوم وتفضل تعيط وتعذب في نفسك

يتعصب أيهم ويقف ويزعق:

-         اييييه اللي انتي بتقوووليه ده

فتزعقله سها:

-         يبقى بطل عند لمرة وااااحدة في حيااااااتك وروووح صالح باباك وصالح لاراااا!!

-         دلوووقتي اناااا الغلطاااان

-         يووووه يا أيهم اللي قلناه هنعيده ونززززيده!! اففففهم بقى يا أخي!! الله!!

***********************************

رامز كان قاعد مع يحي ومحمود بيوريهم يلعبوا ازاي على الايباد .. يحي بشهقة:

-         يااااااااه دي حاجة غريبة اوووي

يبص ليه رامز بتعجب:

-         هو انتوا فقرا؟

-         لااا ! احنا اغنيااا جدااا

-         عندكم كام في البنك؟

يبص محمود ويحي لبعض ويقولوا:

-         بنك!!

-         اه؟ انا جدووو غني اووي وعنده فلوس كتيرة في البنك وانتوا؟

-         احنا معندناش فلوس

-         اماااال؟!!

-         احنا عندنا حجات احسن من الفلوس

-         زي ايه يعني؟!

-         زي اننا بنخاف على بعض وبنحب بعض جدا وبنتعاون سوا ودايما بنعمل خير سوا

-         ههههههههههههههههههه

يحي يكشر ويقول:

-         انت بتضحك على ايه

-         ايه الهبل اللي بتقولوه ده

محمود يقوله بهدوء:

-         احنا مش هبل الله يسامحك

فيقف رامز ويقولهم:

-         طب بصوا هنلعب لعبة حلوة

يحي يمشي ويقول:

-         انا هروح انام ‘ مش عايز العب

-         احسن ‘ بص خلينا احنا يا محمود نلعب سوا

-         متقلش على يحي احسن

-         طيب طيب مش هقول ‘ بس يلا بقى

-         هنلعب ايه

-         تعالى نخبي حاجة والتاني يدور عليها

-         مااااشي

يروح يخبي رامز ساعته في شنطة يحي ويقول لمحمود:

-         يلا دووور انا خبيت الحاجة بتاعتي تيراراراااا

******************************************

لسه أيهم يكون رايح على الكوخ بتاعه هو أحمد اللي قاعدين فيه وفجأة يلاقي عربية خاصة جت

ودخلت الجزيرة ووراها عربية تانية والمحافظ بينزل منها .. يجي عادل ونبيل وكذا حد من الناس الكبيرة اللي في الجزيرة ويرحبوا بالمحافظ ويكون عادل متوتر جدا وقلقان لأن نادر

اما المحافظ يجي يزورهم ..

يبلع أيهم ريقه بصعوبة اول ما يقول المحافظ:

-         انا جاي ليكم النهاردة في حاجة مهمة وطبعا تخص جزيرة اللالا واللي من الصبح وانا بخرج

من اجتماع عشان ادخل اجتماع تاني يخص بس الجزيرة بتاعتكم

يبص أيهم لملامح عادل واللي يشوفها بدأت تتوتر من كلام المحافظ اللي يقول :

..........................