هِـــــــــســــــــهِـــــــــــــسّ
لــفاطمــــة طـــــلال
الحلقـــــة الأولـــــى
ريانة خارجة من العيادة وبتركب عربيتها ‘ قبل ما
تبتدي تسوق بتنزل المراية اللي في سقف العربية
وتطلع من شنطتها برفيوم "لوليتا
لامبيكا" ترش على نفسها كتير وبعدين تدخله ‘ وتطلع الروج
الفوشيا وتحطه باتقان على شفايفها المليانة
وترجع تحطه في الشنطة وبعدين تطلع الكحل وترسم
عينها بيه وترجع تحطه..
تبص لنفسها في المراية فتشوف ملامح لواحدة عينها
واسعة ولونهم ازرق ‘ مناخيرها مستقيمة
من فوق ومن تحت مرتفعة شوية للاعلى ‘ شفايفها
مليانة ووشها دايري.. شعرها كيرلي ولونه
اشقر.. بشرتها لونها برونزي .. وحاطة حلق في
حواجبها..
تقول لنفسها:متصلش ده لحد دلوقتي ليه! مع انه
قالي خمسة وهكلمك
وفجأة يرن التلفون من غير ما تبص ترد
وتقول:اتأخرت يا أيوب!
وبعدين ترجع تبص للموبايل وتقوله:عايز حاجه
معينة يعني ولا لا؟ عشان خديجة على الويتنج..
غدا؟ من امتى يعني؟ مفاجأة؟!! ممم .. طيب طيب
تقفل ريانة بسرعة وتلحق خديجة اللي كانت على
الويتنج..
ريانة:ايوة يا خديجة
خديجة: معامن تتكلمي؟
خديجة:بترغي مع مين؟
ريانة:ده ايوب! تخيلي بيقولي عايزنا نتغدا سوا!!
قال ايه عامل مفاجئة؟! بعد خمس سنين اخيرااا
افتكرني على الغدا..
خديجة: مزيان، وا ردي
البال ماتبقايش مغفلة وتقولي لا ماشي هكداك راه غير كيحاول نبدلو جو الروتين اللي
كان بينكم طول المدة اللي فاتت؟!
خديجة:طيب حلو ‘ متبقيش بقى مغفلة وتقولي لا !!
مش يمكن بيحاول يجدد حالة الملل الفظيعة اللي
بقت بينكم الفترة اللي فاتت؟!
ريانة:ممكن اه وممكن لا! المهم .. انتي فين؟
خديجة: أنا فالدار دابا،
ولكن شي سوايع ونسافر
خديجة:انا في البيت ومسافرة بعد كام ساعة
ريانة:انتي لحقتي؟
خديجة: آشنو ندير! هادي
خدمة المضيفات
خديجة:اعمل ايه! ده شغل المضيفات بقى
ريانة:راجعة على المغرب؟
خديجة:ااه
ريانة:هتوحشيني
خديجة:حتى انتِ..ردي البال لراسك
خديجة:وانتي كمان.. خلي بالك من نفسك
ريانة:ماشي حبيبتي
ريانة لسه هتقفل التلفون ترجع تقول
بسرعة:خدددديجة خددددديجة
خديجة:ايوة؟
ريانة:مش هينفع اشوفك قبل ما تسافري؟
خديجة:مش عارفة هلحق ولا لا؟
ريانة:حاووولي
خديجة:علاش؟كاين الجديد؟
خديجة:اشمعنا فيه جديد؟؟
ريانة:لا .. بس ... عادي يعني..
خديجة:غادي نحاول والله
خديجة:هحاول والله..
ريانة:ممم .. طيب
تقفل ريانة التلفون وترميه جمبها على الكرسي
وتبدأ تسوق العربية ..
****************************************
بعد ساعة بتوصل ريانة لفيلا من برة لونها ازرق
وعبارة عن طابقين وجمبها حديقة كبيرة ومليانة
اشجار وورود اشكال والوان وانواع مختلفة.. بتدخل
ريانة لورود البنفسج وتقطف وردة وتدخل
بتلاقي ايوب نايم على الكنبة والريموت في حضنه
ومفتوح على فيلم رعب ‘ اول ما عينها بتيجي
على الفيلم بتشوف لقطة لراجل بيدبح واحدة فبتصرخ
جامد وتترعش ويقع منها الريموت اللي
كانت لسه شايلاه من حضن أيوب..
أيوب بفزع بينط من مكانه ويقول بخضة:ايه ..
ايه.. ايه في ايه؟؟ في ايييه يا ريانة؟؟
ريانة بتترعش جامد وتزعق وتقول:كاااااام مرة
قلتلك بخااااف بخااااااف
أيوب بيبص على التلفزيون بسرعة ويقفله
ويقلها:منتي مكنتيش هناااا وانا نمت على نفسي!!
ريانة:انت ايه اللي منيمك في الصالة كده؟
ايوب بابتسامة:مستنيكي يا حبيبتي
ريانة باندهاش:غريبة؟
ايوب:ليه؟
ريانة:اصلك من بعد شهر من جوازنا اللي كان من
خمس سنين معملتهاش!!
ايوب:حقك عليا ‘ كنت غلطان
ريانة:قلت لدادا فهيمة تحضر الاكل؟
ايوب:لا ‘ مش قلتلك هنتغدا سوا
ريانة:فين؟
ايوب:في اي حتة تحبي تروحيها
ريانة:ايوب لو عامل الهوليلة دي كلها عشان اروح
حفلة اكرم صاحبك فانا بقلك لا!!
ايوب بنرفزة:شفتي بقى ان دماغك بتبقى غبية وقفل
ازاي!!
ريانة:ما انت فهمني ايه التغييير الفظيييييييييع
اللي جه عليك ده؟!
ايوب:عااايز اتغدى مع مراتي برة؟! ايه اجرمت؟؟
ريانة:اففف .. خلاص خلاص .. يلا بينا .. ولا
اقلك.. استنى ‘ هطلع اغير
ايوب:ماشي حبيبتي.. مستنيكي هنا
***************************************
تطلع ريانة لاوضتها واللي بتبقى عبارة عن سرير
كبير لونه اسود في احمر والحيطة لونها احمر‘
و فيه تسريحة لونها اسود كبيرة في النص وكرسي
صغير في النص تبع التسريحة واتنين كمودينو
جمب السرير على كل جهة من الجهات وبعدين دولاب
اسود برضو كبير في الجهة اللي قصاد
السرير..
ترمي ريانة شنطتها على السرير وتفتح الدولاب
وتفضل خمس دقايق متنحة قدام الدولاب ‘ بعدين
عينها تقع على فستان اسود طويل ومفتوح من ورا
لحد الضهر .. تلبسه وبعدين تختار ليه شنطة
فرو وتختار صندل اسود كعبه عالي.. تقعد قدام
التسريحة وتقعد تلعب في شعرها الكيرلي
عشان يدي شكل كيرلي منكوش شوية.. تغير الحلق
اللي في حواجبها واللي كان لونه فضي ‘ وتحط
واحد لونه فوشيا مكانه..
تنزل ريانة واول ما أيوب يشوفها يصفر ويقول:واو
ايه الشياكة دي
ريانة تضحك بهدوء وتقوله:مش عارفة ليه مستغرباك
اوووي
أيوب باستغراب:ايه ده؟؟
ريانة:ايه؟
أيوب:ايه اللي في حواجبك ده؟!
ريانة:ياااه انت لسه فاكر!! دي بقالها شهر
أيوب باحراج:انا فعلا لسه واخد بالي !
ريانة:عادي يا أيوب ‘ زهقانة فقررت في مرة اروح
احط حلق في حواجبي!! ايه مش حلو؟
أيوب:مم مستغربك بس
ريانة:طب مش يلا بينا؟
أيوب:يلااا حبيبتي
**************************************
في المطار بتكون واقفة رودينا مستنية شنطتها ..
بتبص على ساعتها كل شوية وترجع تدور على
شنطتها في الشنط اللي بتخرج.. بعد وقوف عشر
دقايق بتاخد شنطتها وتجرها وتخرج لحد الباب
فيوقفها الظابط:باسبور حضرتك
رودينا بابتسامة: اتفضل
الظابط:نورتي مصر
رودينا:شكرا
تخرج رودينا وتلاقي إلياس مستنيها ‘ اول ما
تشوفه تبتسم جامد وتجري عليه ويحضنوا بعض..
إلياس:وحشتيني يا بنت الايييييه!!
رودينا:وانت اوووي يا ياسووو
إلياس:بس اتغيرتي اوي يا رودي؟! ايه ده!! خسيتي
اوووي وامتى غيرتي لون شعرك وبقى أحمر
كده؟! واخر مرة شفتك فيها عنيكي كان لونها بني
ايه اللي قلبها وخلاها خضرا كده؟
رودينا:هههههه لسه زي ما انت ..
إلياس ببتسامة هادية: ايه نبرة الحزن واليأس
اللي شايفهم في عنيكي دول يا رودينا؟
رودينا:وهو اللي حصلي قليل يا إلياس!!
إلياس:ما انتي مش اول واحدة ولا اخر واحدة تتطلق
يا رووودي وبعدين مش ده كان قرارك
من اول سنة كمان ليكي معاه؟! واهو اخيرا حققلك
اللي نفسك فيه؟ زعلانة ليه اوي بقى كده؟
ده واحدة غيرك خدت حريتها هتبقى الفرحة مش
سيعاها!!
رودينا ودموع في عينها:مفتكرش فيه واحدة هتفرح
بعد خمس سنين ضياع وقرف واهانة وضرب!!
فيه واحدة هتفرح وهي كانت مغصوبة على جوازة عشان
اهالي ومشاكل!! فيه واحدة هتفرح وانا
راجعة بالعافية ويادوب معايا شنطة هدومي!!! شنطة
هدوووومي يا إلياس!! انا عمري ما هسامحكم
عمرررررري ..
إلياس:اهدي بس دلوقتي يا حبيبتي ‘ وبعدين انا
اول واحد عارضت بابا عشانك ‘ لما جتلك اخر
مرة لندن وشفتك اد ايه انتي متعذبة.. هعوضك يا
حبيبتي .. حتى بابا اصلاااا زعلان من يومها
ومبقاش يكلم عمو سمير وو ....
رودينا:مش هرجع البيت يا إلياس لو ايه!!
إلياس:بس يا رودي بابا تعبان اوي من ساعة ما عرف
قرارك ده
رودينا:انا مبقتش صغيرة!! وخلاص مش هسمح تاني
لأي حد ‘ لأي حدددد انه يفرض عليا حاجة
انا مش عايزاها.. عندي شقة هقعد فيها واللي عايز
يزورني اهلا وسهلا ..
إلياس:بس دي شقة ايجار يا رودي
رودينا بعصبية:بس فيها راحتي!!
إلياس بهزار:المهممم تحبي تتغدي فين بقى؟ اكيد مصر
كلها واحشاكي؟
رودينا بابتسامة:اوووي .. في اي مكان
إلياس:عندي ليكي مكان تحفة..
رودينا بتوتر بتدور في شنطتها وتفضل تأفأف..
إلياس بيبص باستغراب ليها:مالك؟
رودينا:عادي ؟ مالي؟
إلياس:بتدوري على ايه مش لاقياه؟
رودينا:مش على اي حاجة!!
إلياس بيبتسم ابتسامة خبيثة وبهدوء يقولها:عايزة
تسألي عن حاجه ومترددة؟؟
رودينا بتبص ليه وتفتح بقها كأنها هتتكلم بعدين
ترجع تسكت.. تبص ليه لثواني وترجع تقوله:
أ... لــ ... أيوب عامل ايه؟
..................
استنوني الحلقة اللي جاية...
