الحلقة الثالثـــــــة
تطلع خديجة بسرعة من الفيلا وهي منهارة وتروح
ريانة تقف قدام المراية وتبدأ تصرخ جامد
وترمي كل حاجه على المراية لحد ما تكسرها وفجأة
تمسك الموبايل وتضرب رقم واول ما تسمع
صوت الو تقول بكل نرفزة:انتتتت فين؟؟ عاوزة
اشووووفك حالا.. لا لا لا لا مش هقدرررر استنى
انا تعباااااانة.. انا جيااااالك العياااادة..
تاخد شنطتها وتركب العربية وتسوق بأقصى سرعة
عندها ما كنتش شايفة قدامها حاجة من
الطريق غير صور وذكريات هي عاشتها..
شافت نفسها وهي عندها خمس سنين بتلعب في حوش
العمارة بتاعهم في مصر الجديدة وباباها
جاي ومعاه صاحبه شكري اللي لسه واصل من امريكا..
تجري ريانة على باباها وهي مبسوطة:باباااا جه
بااااباا جه
باباها ياخدها في حضنه ويشيلها ويقولها:حبيبة
باباااا ‘ نسلم على عمو شكري
شكري ياخدها من باباها ويشيلها ويبوسها
ويقولها:ايه القمر ده؟
ريانة تضحك ببراءة..
شكري:اسمك ايه؟
ريانة ببراءة الأطفال:ريانة
بابا ريانة يدخل الشقة ويقول:تعااال يا شكري ‘
ادخل ادخل زي بيتك انت هتتكسف
يدخل شكري البيت ويكون لسه شايل ريانة وتيجي جدة
ريانة من جوة:اهلااا يا حبيبي حمد الله على
السلاااامة.. اتفضل اتفضل..
شكري باحراج:ازي حضرتك يا حجة ‘ والله ما كنت
عاوز اعذبكم معايا بس اعمل ايه بقى ‘ عادل
اصرررر يجبني هنا البيت معاه..
جدة ريانة:بيتك يبني ومطرحه وبعدين تلاقيك راجع
من السفر بطنك ممقوتة يعيني من اكل برة ‘
واحسن حاجه عملتها انك جيت هنااا تاكل اكل بيتي
بقى شوووية.. تعالي يا ريانة هنا من على حجر
عمو هو تعبان..
شكري:لا لا ازاااي يا حجة ‘ خليها انا مبسوط
بيها
عادل:اصل شكري بيحب الاطفال اووي
جدة ريانة:وانت متجوزتش ليه يا بني لحد دلوقت
شكري:لا يا حجة انا حلو كده اوووي
عادل:طول عمره غاوي رمرمة ههههههههه
شكري:ههههههههه
تدخل الجدة ويروح عادل وراها عشان يساعدها ويبص
شكري لريانة ويقولها:قوليلي بقى عندك كام
سنة هاه؟
ريانة:خمسة
شكري يبوس ريانة ويقلها :حبيبة عموو ‘ ده انتي
لما تكبري هتبقي حتة قمرة
تفوق ريانة من ذكرياتها على صوت زمارة عربية في
الناحية المعاكسة كانت هتدخل فيها فتتوتر
جامد وتفرمل العربية اوووي.. وبعد دقيقة وبعد ما
تاخد ريانة انفاسها تكمل لحد العيادة اللي يكون
مكتوب عليها عيادة دكتور اسلام كمال اخصائي علم
نفس.
وهناك اول ما تشوفها الممرضة اللي قاعدة
برة:ريانة هانم ‘ حضرتك عندك ميعاد
اسلام يخرج من اوضته ويقولها:سبيها يا ميرفت ‘
اتفضلي..
ريانة ترمي شنطتها على المكتب وتقول
بنرفزة:الدوااا مبيعمليييش حاجه!! انا عايزة حاجه اقووووى
انا تعباااااااانة ‘ تعباااااااااانة اووووووووي
اووووووي اوووووووي..
اسلام:اهدي كده وبراااحة قوليلي في ايه؟
ريانة:رجعتتت من السفر
اسلام باستغراب:هي مين؟
ريانة:روديناااا رودينا يا اسلااااام
روديناااااااا ‘ مش انا قلتلك انااا قلتلك هو طلع لسه بيكلمهاااا وانت
قلتلي لاااا وانه بيحاول يفتح صفحة جديدة
معاااكي..
اسلام:طيب ايه رأيك اقلهم يعملوا حاجه تهدي
اعصابك وتحكيلي براحة كده ايه اللي حصل
ريانة تنزل منها دموع في الاول بكل صمت وبعدين
تروح تمدد على الكنبة المخصصة للعيانين
اللي يحبوا وهما بيتكلموا يحسوا براحة وتقول:
لقيته بيتصل بيا عشان نتغدا برة ‘ انا حسيت انه فيه
حاجه! اصل غريبة يعني!! ايوب من امتى هيفتكرني
على الغدا!! هناك في المطعم لقيتها هي وإلياس
داخلين!! اكييييد كان قايلها اننا هناك وتعمل
انها صدفة!!!
اسلام:ليه بتقولي كده؟
ريانة تبص لإسلام باستغراب: عشان مفيش غير كده؟!
أصل مش صدفة صعبة شوية انها تحصل؟!
اسلام:وبعدين كملي؟
ريانة بتوتر:اا اانا بقى مستحملتش ااه مستحملتش
خصوصا ان الباشا كان عايزها تقعد تتغدى معانا؟
تخيل؟؟ وصلت بيه الجرئة لكده؟؟!! انا قلت بقى لا
احنا هنمشي ولما رجعنا البيت اتخانقنا خناقة
لرب السما..
اسلام:طيب وانتي ناوية تتصرفي ازاي؟
ريانة:مشش عارفة مش عارفة خاااالص .. انا
تعبتتتتت
اسلام:طب ايه رأيك تعملي حاجة وهتكسبي منها انتي
ريانة:ايه؟
اسلام:اقلك يا ستي..
*********************************
ريانة بترجع البيت ومعاها هدية وبتطلع الاوضة
تلاقي أيوب قاعد بيتفرج على التلفزيون..
ريانة بدلع:انت هنا حبيبي من زمان؟
أيوب باستغراب من تغيير ريانة:اه .. اا انتي
كنتي فين؟
ريانة:بشتري لحبيبي هدية
أيوب باستغراب اكتر:اا انا؟؟
ريانة:ااه انت هو انا عندي حبيب تاني غيرك؟!
وتقرب ريانة ليه وتبوسه على خده بعدين تقوله:انا
لقيت اني اتعصبت بسرعة وعلى الفاضي ‘ بس
كان غصبن عني بردو فعشان كده بعد ما انت خرجت
فكرت اني اخرج اتمشى بالعربية شوية
وبعد ما اتمشيت واعصابي هديت قررت اني اصالح
حبيبي ومش بس كده كمان ‘ انا لقيت اننا
محتاجين كلنا نفتح صفحة جديدة..
أيوب بيلف كله لريانة اللي كانت قاعده جمبه على
السرير وبيقولها:ريانة انتي بتتكلمي بجد؟
ريانة بتبتسم وتقول:ااه بجد
أيوب:اا اصل يعني اللي يشوفك الضهر ميشوفكيش كده
دلوقتي!!
ريانة بتقرب اكتر ليه وتقوله بدلع: لقيت نفسي
غلطانة
أيوب بيلف ايده حوالين ريانة ويقولها:انا اسف
حبيبتي لو كنت اتصرفت تصرف بعفوية وضايقك
ريانة:ولا يهمك حبيبي.. المهم احنا محتاجين
نسافر ‘ نغير جو شوية
أيوب بفرحة:طب يااااريت والله ‘ احنا فعلا
محتاجين نغير جو
ريانة بتبعد عن أيوب براحة وتروح ناحية التسريحة
وتشيل الميك اب بتاعها وتقلع الحلق اللي
مركباه في حواجبها وتقوله:بس انا كان عندي اقتراح..
أيوب:ايه حبيبي؟
ريانة:يعني لو ميضايقكش نسافر مع رودينا وإلياس
أيوب اتخض من الاقتراح وقال:رودينا وإلياس!!
ريانة:ااه إلياس صاحبك من زمان.. ااه هو العلاقة
بينكم اتوترت بخصوص ... يعني بخصوص اللي
حصل وانا ورودي كمان كنا صحاب فانا بقترح ان
السفرية دي بقى نتخطى فيها كل التوتر اللي
بقى بينا وننسى زمان ونبتدي صفحة جديدة بالواقع
اللي بقى موجود؟ ايه رأيك حبيبي؟؟
أيوب بسرحان:مش عارف ....
ريانة بعد ما تكون مسحت المكياج تلبس لبس البيت
وتقرب لايوب اوي وتهمس في ودانه: وحشتني
اوووي وبعدها تقفل نور الاباجورة اللي كان جمب
أيوب...
**************************************
بعد خمس ساعات يصحى أيوب من النوم فجأة عطشان
ولسه هيقوم من السرير ميلاقيش ريانة
جمبه ‘ فيستغرب جدا .. يبص للساعة اللي جمبه
يلاقيها الساعة 4 الفجر ‘ يلبس الروب بتاعه
ويقوم يشوف الحمام اللي في الاوضة ميلاقيش ريانة
موجودة فينزل تحت يلاقي الصالة كلها
ضلمة يروح للمطبخ وهو ماشي بيعدي على شباك بيطل
على الجنينة يلاقي ريانة قاعدة على
المرجيحة ومتكورة على نفسها بشكل غريب..
يطلع برة الجنينة ويبص عليها باستغراب وكانت
بتتهز على المرجيحة وهي متكورة بطريقة غريبة
جدا ‘ يقرب منها براحة ويقولها بشويش:ريانة؟
ميلاقيش رد منها ..
أيوب بخوف وبشويش في نفس الوقت:ريانة حبيبتي؟
قاعدة كده ليه في الضلمة؟ مالك؟
......
أيوب بيهز ريانة أقوى شوية:ريااانة؟!!!
ريانة ترفع راسها بشويش من التكويرة اللي هي
فيها وتبصله بخوف:عايز ايه؟
أيوب باندهاش من طريقة كلامها وتلفون البيت اللي
في ايدها ويقولها:مالك حبيبتي؟ هوو هو انتي
كنتي بتكلمي حد؟ ماسكة تلفون البيت ليه؟
ريانة:لا ... اه ... اه ... اااه فيه حد اتصل
أيوب:مين؟
ريانة:حد معرفهوش قالي اني هموت؟!
أيوب بفزع:ايه؟ ايه الكلام ده؟؟ ده تلاقي معاكسة
سخيفة
يمسك ريانة ويشيل منها التلفون فيلاقي جسمها
كلها بارد جدااا ...
أيوب بحنية:قوومي حبيبتي ‘ ننام .. متخافيش يا
حبيبتي .. محدش اصلا يقدر يعملك حاجه طول ما
انا معاكي..
ويشيل أيوب ريانة واللي كانت زي الهشة بين ايديه
وراح حطها في السرير ورمى التلفون بعيد
وغطى ريانة كويس وفضل سهران شوية لحد ما رجع
ينام هو كمان..
**************************************
تاني يوم الصبح صحي أيوب لقى ريانة واقفة في
المطبخ بتحضر الفطار وبتغني :
يانا يانا يانا يانا في حبيبي .. اموت انا في
حبيبي ..
اموت انا بلهيبي يا عذابي وحبيبي ..
وحبيبي ما داري بي .. وعلشانه اموووت انااااا
أيوب:احم
ريانة كانت بتقطع بالسكينة واول ما سمعت صوت
ايوب اتخضت فوقعت السكينة منها ..
أيوب:انا اسف والله مقصدش اخضك !! انا حتى عملت
احم عشان متتخضيش
ريانة بتوتر:خلاص حبيبي حصل خيير
أيوب:ايه ‘القمر صاحي بدري وعمال يغني ويدلع زي الكروان؟
ريانة بضحكة صافية:مش عارفة ليه حبيبي صاحية
مزاجي حلووو اوي النهاردة؟! يمكن عشان
نمنا امبارح بليل بمزاج حلو..
أيوب بيبص باستغراب على ريانة ودهشة..
ريانة:ايه؟ بتبصلي كده ليه؟
أيوب بارتباك:هاا لا لا عادي ...
ريانة بتقرب لأيوب وتحط ايدها على رقبته وتقوله
بدلع:ها حبيبي تفطر في الجنينة ولا فين؟
أيوب بسرحان وباستغراب:اي مكان
*******************************
في شقة صغيرة على النيل رودينا بتكون قاعدة في
البلكونة بتشرب الشاي وتسمع جرس الباب بيرن..
بتلم شعرها المفرود لحد كتفها وتربطة على هيئة
ديل حصان بسرعة وتبص من العين قبل ما تفتح
وتلاقي إلياس قدامها بشنطة سفر صغيرة..
هي بتبص لإلياس باستغراب وبعدين تبص للشنطة اللي
في ايده وترجع تبص تاني ليه وتقوله:
ايه ده؟
إلياس بابتسامة واسعة:ايه؟ جاي ابات معاكي؟!
بصراحة انا كمان مخنوق من البيت جدااااا
رودينا:امممم ده قرارك فعلا ولا قرار السيد
الوالد؟! عشان كلام الناس؟؟
إلياس:لا والله ده قراري انا فعلاااا ‘ وطبعا
لقى استحسان واسع من السيد الوالد..
يمشي إلياس خطوتين وعينه تخطف نظرة سريعة على
الشقة بعدين يقعد على كرسي ويقولها:
بمناسبة السيد الوالد ‘ فهو عايز يشوفك جداااا
رودينا بعين حزينة:لسه مش مستعدة اقابله دلوقتي!
إلياس:لحد امتى يا رودي؟ بابا تعبان اووي
رودينا:متضغطش عليا يا إلياس لاني بجد تعبانة
أوي..
إلياس:ممممم
وفجأة يرن تلفون إلياس فيبص في الشاشة شوووية
كده وبعدين يبص لرودينا ..
استنوني الحلقة اللي جاية
