الحلقــــة التانيــــــــة
بص إلياس لأخته وقالها:هو لسه؟
رودينا بدموع في عينها:لسه
إلياس بحزن:معرفش عنه حاجه بب بقالي شهرين ‘ انا
كمان بقيت بتوجع اما اشوفه
رودينا بابتسامة مليانة سخرية: عشان ريانة؟
إلياس:المهم ‘جبتيلي ايه معاكي من لندن
*************************************
في مطعم فاخر وشيك ريانة وأيوب قاعدين على
طرابيزة عليها شموع ..
أيوب بيمسك ايد ريانة وبيقلها: عارف اني مقصر في
حقك اوي .. عشان كده بحاول اعتذرلك
بطريقة شيك..
ريانة قاعدة بتتأمل أيوب ‘ شعره الطويل نوعا ما
وسايح‘ عينه اللي لونهم بني فاتح ‘ بشرته القمحية
جسمه المتناسق و مناخيره المعوجة شوية ..
أيوب:اييييه روحتي لحد فين؟
ريانة بهدوء:مروحتش ‘ كنت سرحانة فيك
أيوب: ريانة انا عارف ان المفروض كنت اعوضك عن
جوازتك الاولانية و .....
ريانة بتقطعه وتقوله:شششششش مش عايزة افتكر مش
عايزة افتكررررر شششششششش
أيوب:بس انا محتاج اتكلم معاكي
ريانة تفتح شنطتها بتوتر شديد وتطلع حبوب وتاخد
منها وتشرب مية بتوتر وخوف ‘ وتفضل تبص
يمين وشمال..
أيوب بخوف:مالك يا ريانة؟ وبعدين ايه الحبوب
دي؟؟
ريانة بتوتر:مم مممتخدش في بالك ‘ حبووب حبووب
مهدئة .. أعصااابي تعبااانة جدداااا
أيوب باندهاش:حبوب مهدئة!! من امتى؟؟ هو انا مش
عايش معاكي في نفس البيت ولا ايه؟!
ريانة باستهزاء:هه انت اللي هتقدر تجاوبني يا
أيوب على السؤال ده؟ احنا عايشين مع بعض ولا
لا؟!
أيوب بيمسح بايده العرق اللي على وشه باحراج
وقال:اا اانا عارف ان مسؤولياتي كتيرة والشغل
خدني منك ‘ بس ا .. اا انا بحاول يا ريانة اعوضك
عن ده ‘ اديني بس فرصة..
ريانة:مممم مممم
ريانة تمسك بايدها دماغها وتفتكر لما كان عندها
19 سنة وباباها دخل في يوم عليها وقالها:
ريانة جالك عريس
ريانة باستسلام:مين
بابا ريانة باحراج:مش عارف اقلك ايه يا بنتي بس
‘ اناا رفضته كتير بس هو صمم اني افاتحك
واخد رأيك وانا متأكد انك هترفضيه..
ريانة : مين ده يا بابا؟
بابا ريانة بتردد :شش شك شكري
ريانة وهي باصة في الارض وبتوتر:وو و وانا
موافقة
بابا ريانة بصدمة:موافقة؟! انتي متأكده؟؟ دد ده
انتوا بينكم مش أقل من 20 سنة؟!
ريانة بتعيط جامد وتقول لباباها:ايوة يا بابا
انا موافقة
بابا ريانة وهو لسه مصدوم:اا انا عمري يا بنتي
ما هغصبك على حاجه وانا اصلا رفضته كذا مرة
بس هو اللي صمم المرادي اني اجي واخد رأيك!! بس
متوقعتكيش توافقي يا بنتي؟؟ لييييه ترمي
شبابك مع راجل عجوز اد باباكي؟!!! ده كان بيلعبك
زمان على حجره!!
ريانة:النصيب!!
**********************************
أيوب بيشاور بأيده قدام ريانة وبعدين
يقولها:رياااانة ‘ روووحتي فين؟
ريانة بتفوق من ذكرياتها:هاه لا لا عع عادي مم
مفيش
أيوب يمسك ايدها ويبتسم ويقولها:طب ايه يا
حبيبتي مش ناكل بقى؟
ريانة بابتسامة:اا ااه اه
ويبتدوا ياكلوا ولسه ريانة هتحط الاكل في بقها ‘
ترمي فجأة الاكل من ايدها وتقول:
انا مش عايزة اكل
أيوب بتعجب:ليه؟
ريانة بصوت عالي:مليييش نفس!!
أيوب:طيب طيب اهدي.. تحبي نروّح؟
ريانة:ااه نروح اه نروح نروح
أيوب:ماشي حبيبي
بعدين يبص أيوب على الجرسون اللي في المطعم
ويشاور ليه بايده انه عايز الحساب في نفس
اللحظة اللي بيدخل فيها إلياس ورودينا المطعم..
أيوب ورودينا بتيجي عينهم في عين بعض ‘ فأيوب
يتوتر ويكون مصدوم ومبرق ..
ريانة بتاخد بالها من صدمة أيوب فتبص ناحية ما
هو باصص وتتصدم لما تلاقي إلياس ورودينا..
إلياس بهمس:تحبي نمشي يا رودي؟
رودينا بتحدي:لا ‘ هنروح نسلم
إلياس:متأكدة انك محتاجة تعملي ده؟!
رودينا:أه!!
وتروح رودينا هي وإلياس ناحية ريانة وأيوب..
رودينا:مساء الخير
أيوب:مساء النور ازيك يا رودينا ‘ حمدد الله على
السلاامة
رودينا بابتسامة هادية:الله يسلمك
ريانة بتوتر:حمد الله على السلااامة
رودينا:الله يسلمك يا ريانة ‘ عاملة ايه؟
ريانة:كك كويسة كويسسسة الحمد الله
إلياس بيسلم على أيوب وبيقول:فينك محدش بقى
بيشوفك
أيوب:انت عارف بقى يا ياسو الشغل وزحمته ..
اقعدوااا انتوا واقفين ليه
ريانة:اا انا مصدعة وعااايزة امشي ‘ اا اصلا
احنا كنا ماششين حح ححتى أيوب طلب الشيك وو
وو والمفروض يجي دلوقتي وو ووكده
رودينا:سلامتك ‘ هو صداع زمان رجعلك تاني؟
أيوب باندهاش:صداع زمان؟!!
رودينا وريانة يبصوا لبعض وبعدين إلياس يقطع
لحظات الصمت دي ويقول:
سلامتك يا ريانة .. ابقوا خلونا نشوفكم
ريانة بتوتر شديد:اا ااه طبعا ان ان شاء الله ..
يلا حبيبي
أيوب:اه يلا ..
يسلم على إلياس وبعدين يمد ايده ويسلم على
رودينا واول ما تلتقي العيون يحس أيوب بدقات قلبه
بتزيد..
**************************************
إلياس ورودينا قاعدين وكل واحد فيهم سرحان ..
إلياس:روودي حبيبي ‘ يلا ناكل لحسن الاكل شكله
برد
رودينا:تفتكر هما مبسوطين مع بعض؟
إلياس:مش عايز أفكر لاني تعبت بقى من الموضوع ده
‘ يلا حبيبتي كلي وانسي
رودينا:انسى!؟
إلياس:ايوة انسي وعيشي بقى لنفسك
رودينا:انسى حب عمري؟!!! هه انسى اللي كانت
صحبتي ؟
إلياس:بالنسبة ليه انتي اللي ابتديتي بالخيانة
رودينا بعصبية:لاااااا!! هو عارف اني اتغصبت على
جوازة انا مش عايزاها !!
إلياس:بصي انا في الاول كنت مضايق منه وروحت
اتخانقت معاه بس لما هديت لقيت ان المنطق
اللي بيتكلم بيه هو الصح؟!!
رودينا:اللي هو؟
إلياس:واحد مجرووووح من حبيبته اللي اتجوزت غيره
وسافرت لبره ‘ صحي لقى فجأة كل أحلامه
انهاااارت ووقعت!! ملقاش قدامه غير صحبتها واللي
برضو كانت طالعة من جرح ووجع ‘ الاتنين
حسوا ان وجودهم مع بعض ممكن يلئم الجروح دي
ويعيشوا بقى حياة جديدة..
رودينا:واناااا؟؟ ليه محدش فكر فيا؟؟ ليه كل
واحد فكر في نفسه وبس؟؟
إلياس:بالنسبة ليه انتي واحدة دوستي على احلامه
ومشيتي
رودينا بدموع:انااااااا اللي اتداس عليها يا
إلياس مش حد تاني!!
*******************************************
اول ما توصل ريانة البيت ترمي شنطتها بعصبية
وتبص لأيوب وتقول بنرفزة:ما كنت تروح
تحضنها بالمرة!!
أيوب باستغراب:انتي بتتكلمي عن ايه؟
ريانة بنرفزة:والله!! اعملللللل نفسك بقى مش
فاااااااهم بتكلم عن مين؟
أيوب بهدوء:انتي بتزعقي كده ليه
ريانة بهستيريا تزق الكرسي اللي كان جمبها
وبزعيق:متووووووووهش الموضوووووووع !
نظراتك اللي كانت هتاكلها وسلامك اللي زي ما
تكون مكنتش عايز تسيب ايدها!! لا وايييييييييه
بتقلهم اقعدوووووووووا.. انت
مبتحسششششششششششششششششش
أيوب:مش انتي قمتي بالواجب وقليتي ادبك كويس اوي
معاهم وقلتي اننا ماشيين؟! عايزة ايه
تاني بقى؟ بعدين انا عملت كده من باب الزوق يا
هانم مش اكتر!!
ريانة بتتعصب اووووي:عييييييييييييييينك
فضحااااااااك ‘ يظهر ان الحب القديم مماااااااتش
أيوب بيحاول يقرب لريانة وياخدها في حضنه بس هي
بتزقه جامد وتكون بتترعش جامد وتقول:
متلمسنييييييييييييش ‘ متعملششششش نفسك بتحبنييييييي!!
انا عااااارفة انك ولا يوووووم حبتني
بس بردو كنت عايشة معاك على أمل انك تحبني ‘ انت
لسه عايش بيها وليهاااااااااااااااا..
انت كذاااااااااااب ‘ انت غشااااااااااااااااش
غشااااااااااااش ‘ انتواااا كلكم غشاااااشين.. ابعدددد
عنييييييييييييي..
أيوب صبره يكون خلص ويزعق ويقلها:انتي مش
طبيعية!! انتي ازاااااااي كده!!
ريانة تبدأ تكسر في الحاجات اللي قدامها وترميها
يمين وشمال من غير اي استيعاب وتصرخ:
انت اللي خاااااااااااااااين و من اول يوم
جوااااااز لما نطقت اسمها واحنا في حضن بعض بدل
اسمي!!
******************************************
خديجة واقفة على باب فيلا ريانة وبترن الجرس
بقلق..
ريانة بتفتح ليها وبتكون بتعيط جامد والكحل سايح
تحت عينها من كتر العياط..
خديجة بفزع:مالك؟ آشنو واقع؟
خديجة بفزع:مالك؟ فيكي ايه يا ريانة؟
ريانة:شفنا رودينا النهاردة في مطعم ‘ البييييييه
لسه بيحبهاااااا ‘ لسه قلبه بيدق ليييييها!!
خديجة: ياريانة بردي، ماشي معقول كل مرة
تجبدي هاد الموضوع تنوضي الصداع وتبداي تصرفي فحال الحمقة وتقربلي حياتك!!!
خديجة:اهدي يا ريانة ‘ مش معقول كل ما الموضوع
ده يتفتح تعملي الهوليلة دي وتتصرفي
زي المجانين وتبوظي عليكي حياتك!!
ريانة بنرفزة:اناااا مجنوووونة؟؟؟ انا مجنووونة
عشان رضيت اداويه في عز جرحه وكل يوم
ادوووس على نفسي عشااااانه وهو هاملني
وسااااكتة؟!
خديجة بغضب:تقدري تقوليلي عملتي ايه انتي عشان
ينساها؟ لااا انتي عملتي كأنك لاول مرة
بتكتشفي انه بيحب قديم ! وانتي متجوزاه وانتي
عارفة كويس اوي انه طالع من حب قديم وجرح!
بس عملتي زي الست الخايبة ‘ دخلتي تعيطي
واتقوقعتي على نفسك وخلاص! قوليلي عملتي ايه
عشان ينساها ويحبك انتي؟ حبيتي تعيشي دور
المسكينة والمخدوعة واستسلمتي!! انتي حابة تعيشي
الدور ده يا ريانة.. انتي اللي مخدتيش خطوة عشان
هو يقدر ياخد خطوة..
ريانة:اناااا!!
خديجة: آه انتي.. حتى اليوم منين قالك
نتغداو برة بقيتي كتعجبي وشاكة وهانتي قلبتيها صداع فالأخير!!
خديجة:ايوووة انتي.. حتى النهاردة لما قالك
نتغدى برة ‘ فضلتي مستغربة وشاكة واهوو قلبتيها
خناقة في الاخر!!
ريانة بعصبية:انتي انتي بتتكلمي وعاملة فيها
مصلحة اجتماعية وعااااقلة وشاااطرة كووويس اهو
وانتي اول واحدة فاااااشلة في حياتك!!
خديجة بغضب:اناااا فاشلة!!
ريانة بتمسح الدموع من تحت عينها بايدها اللي
بتترعش وتولع سجاير بتوتر وتنفخ باضطراب وتقول:
ايووووة انتي فاااااشلة ‘ طول عمرك بتحاول
تحسسيني اني فاشلة في بيتي ومع جوزي ‘ فاشلة اني
اخليه يحبني ‘ فاشلة اني احب وانتي اول واحدة
فشلتي تخلي الانسان الوحيد اللي حبتيه يحبك!!
عاااااارفة لييييييه ؟؟؟ لانه بيحبني انااااا ‘
هو كمان مش قادر ينساني اناااا .. انتي اللي فااااشلة
مش اناااا..
خديجة بغضب ونرفزة بتضرب
ريانة بقلم وتقول: انتي اللي حمقة وماشي طبيعية
خديجة بغضب ونرفزة بتضرب ريانة بالقلم
وتقول:انتي مجنونة مش طبيعية ..
تطلع خديجة بسرعة من الفيلا وهي منهارة وتروح
ريانة تقف قدام المراية وتبدأ تصرخ جامد
وترمي كل حاجه على المراية لحد ما تكسرها وفجأة
....
.................
استنوني الحلقة اللي جاية....
