الحلقــــــــة
الرابعــــــــــة عشــــــر
جازم:ولو قلتلك ان
عندي الحل؟؟
بدور:ميحكمشي يا
خويا ‘ انت زي التعبان ‘ لفيت ع الغلبانة لحد ما خليت صحبك يحبسها
جازم بندم:ياريته
صاحبي وبس
بدور:امال ايه كمان؟
جازم:ابن خالتي
بدور بنظرات كلها
قرف:وبتقول تساعدني ‘ عايز تسلمنا ليه يخويا
جازم:والله ما كنت
اعرف انه هيستخدم التسجيل في انه يحبس زيزيتا ‘ والله لو كنت اعرف ما كنت
قلتله ..
بدور بزعيق:وانتش
تقوووله ليه من اساسه
جازم:عشان ليلتها
اتخانق معايا ‘ انا عااارف ان زيزيتا مظلومة وانها نضيفة اوي من جوة ‘ زيزيتا
حكتلي على اللي سوسن
عملته فيها بسبب المعلم اللي اسمه .. مش فاكر اسمه ايه وانها ياما
زنت عليها عشان
تشغلك بس هي كانت بترفض ‘ اتخانقت يوميها مع انور على زيزيتا..
بدور:وانتوا
تتخانقوا ليه؟
جازم:موضوع يطول
شرحه ‘ بس صدقيني عشان اثبتلك حسن ظني انا هجيبلك شغل كويس
تشتغليه ..
بدور بحزن
وحسرة:هشتغل ايه يعني؟
جازم:يعني احنا كنا
محتاجين في الجريدة بتاعتنا واحدة تشتغل في البوفيه بتاع الجريدة
بدور:يعني ايه
البفيه اللي بتقول عليه ده؟ انت جاي تتنأور عليا يا ابن الاكابر
جازم بابتسامة:استني
بس انتي حساسة اووي كده ليه ‘ بوفيه ده يعني لما حد يطلب قهوة او شاي
او سندويتشات انتي
تعمليهم وكده ‘ احنا كان عندنا عم سالم بس هو تعب ومبقاش قادر يشتغل
فانا قلت انتي اولى
دلوقتي من اي حد..
بدور بفرحة:بجد؟
يعني انا اخيرا هشتغل شغلانة شررريفة؟؟
جازم:وهدور معاكي
كمان على اهلك
بدور بدموع:انت طيب
اوووي
جازم:صدقيني انا
مكنتش عاوز ااذي زيزيتا ‘ فهميها ده
بدور:ماشي يا خويا
..
جازم:بكرة هعدي
عليكي ‘ عشان تركبي معايا ونروح الشغل وتستلمي
بدور:لاااا يا
خويااااا انا مبركبش مع رجالة لا مؤاخذة في العربيات ‘ واوعى يغرك عقلك ويوزك
انك تودشيني منطكة ضلمة
ولا ورا مصنع الكراسي وتفتكرني لحمة طرية يا خويااااا
جازم:انتي ليه دماغك
شمال على طووول؟؟؟
بدور:عشان اللي شفته
يا باشا يخليها تروح شمال كدشه على طوول
جازم:خلاص هديكي
العنوان وابقي تعالي بنفسك ويااارب متوهيش
بدور:لا يخويا ملكش
فيه انتشه اديني العنوان وانا هتصرف
جازم يدي بدور
العنوان ويتفقوا انهم يتقابلوا بكرة ‘ تاخد بدور رمانة وتركب مواصلات عشان
تروّح..
بدور قاعدة سرحانة
وترجع بذكرياتها لورا بعد ما اتقبض على زيزيتا وكانت مع جازم..
الاتنين ماشيين في
مستشفى وبدور كانت قلقانة وخايفة ومرعوووبة وبتبص وراها كل شوية..
جازم:مالك يا بدور؟
بدور:اصل خايفة؟
جازم:ليه؟
بدور:يعني الصراحة
كصة اختشك دهي مش داخلة نفووخي انه ممككن اكون انا
جازم:ليه؟
بدور:عشان شكلها
راحت للي خالقها يا ابن الاكابر وامك لا مؤاخذة مش عايزة تصدق
جازم:يبقى اسمنا
جربنا يا بدور ومخسرناش حاجه
بدور بدموع في عينها
وحزن:لا هنخسر ‘ يمكن انتش مش هتخسر بس انا هخسر! هخسر حلم
جميل اني الاقي
بيتشي وعزوة وضهر لياا ! هخسر اني ابقى انسانة ولو لمرة واحدة! هخسر
ان يبقى ليا اخ زيك
يحميني بقى من الغدر والقرف والمرمطشه اللي شفتهم طول حياتشي..
جازم:طيب وجيتي
معايا ليه طالما هتخسري كل ده؟
بدور:عشان حبيتش
اعيش الحلم دشه ولو ليوم واحد !!
تطلع دكتور من
الاوضة وتقول اتفضلوا روحوا اوضة التحاليل عشان يخدوا منكم العينات اللي
مطلوبة..
جازم:ها يا بدور
نروح ولا نمشي واحنا مش عارفين حاجه؟
بدور بحزن:نروح
بعد ساعة تطلع
الدكتورة بنتيجة التحاليل وتقول ليهم:التحاليل اثبتت ان العينات مختلفة تماما
ومفيش
اي تطابق ولا
انتماء..
جازم بحزن:شكرا يا
دكتورة
بدور بدموع:شفت يا
باشا ‘ اصل انا استحالة اكون بنت ناس طشيبين زيكم ولا اكون بنتش اكابر
انا اكيد بنتش
حرااااام ..
جازم:انا ااااسف يا
بدور ‘ بس صدقيني كان نفسي تكوني انتي جنى
بدور:سك ع الموضوع
تشلاقيها مرتشاحة دلوقت عند ربنا ‘ هي زي ما خالتشك قالت
جازم :صح هو زي ما
خالتوا قالت ‘ كويس اني متهورتش وروحت قلت لماما على اللي
شاكك فيه لحسن
زمانها كانت اتعلقت بحبال دايبة..
ترجع بدور للواقع
وتمسح دموعها..
رمانة:انتشي يا ابلة
بتعيطي على ابلة زيزيتا
بدور:هتوحشني اووي
رمانة:وانا كمان يا
ابلة
************************************************
حكمت ماشية في مكان
غريب وبعدين واحد يقلها اتفضلي هي مستنياكي جوة ‘ بس حالتها صعبة
اوي..
تدخل حكمت بكل لهفة
وشوق وتقول:جنـــــــــــــــى؟
تلف بنت عليها وشها
مشوش وهدومها مقطعة وشعرها منكوووووش وتصرخ وتقولها:
انا بكرهكم كلكم
كلكم كلكم
تقوم حكمت مفزوعة من
النوم وتصرخ فيدخل جازم من برة عليها..
جازم بقلق:مالك يا
ماما؟ تعبانة؟؟ اتصل بالدكتور؟؟
حكمت:جنى يا جازم ‘
جنى
جازم باستغراب من
مامته:مالها يا ماما
حكمت:جنى يا جازم
شوهوا وشهاااا شوهوهاااااا
جازم:جنى يا ماما
ماتت بقى حرام عليكي نفسك وحرام عليكي اناااا ‘ انا بقيت اشوف اي بنت تايهه
حتى لو كانت صغيرة
افتكرها جنى!! لازم تصدقي بقى انهااا ماتتت
حكمت
بانفعال:لاااااا لاااااا لمياااااء متعررررفش حاااجه ‘ جنى عايشة وشوهوااا وشها
انا شفتها دلوقتتتي
وقعدت تصرخ وتقولي بتكرهنااااا بتكرهناااا يا جازم!!
جازم:يا ماماااا
انتي كنتي بتحلمي ‘ مجرد حلم عقلك البااااطن صورهولك عشان على طول بتفكري
فيها..
حكمت فجأة مسكت
قلبها وبرقت عينها اوووي ومبقتش قادرة تاخد نفسها..
جازم برعب وقلق
:مااااماا؟؟ مالك يا ماماااااا..
ويجري يطلب الاسعاف
**********************************************
حسنية قاعدة بتعيط
والمعلم مؤه جمبها بيشرب شيشة..
مؤه:جررررى ايه يا
ولية انتي ‘ هتقعدي تصدعينا بنواااحك ده!!
حسنية:بقلك بتي اللي
حيلتشي رااااااااااحت
مؤه:ما تغووور اهي
تستاهل عشان عاملة فيها 10 رجالة في بعض
حسنية:والنبي يا
معلم ابوووس رجلك تشعملها حاجه
مؤه:بيعيلي المحلات
يختشي وانا اتصرف
حسنية:مقدررررش كت
البت زينب دبحتشني
مؤه:يبقى خليها
تنفعك بقى
ويقوم مؤه فتقوله حسنية:رايح
فين يا معلم؟
مؤه:خااااارج من وشك
العكرررر ده
حسنية:والبتش؟
مؤه:اترحمي عليها
بقى
حسنية:يالهوووووووووووووووووووووووووووي
**************************************************
جربة وديزل قاعدين
في مكتب ومأجرين 100 بلطجي..
جربة:كل واحد فيكم
لُه 200 جني
واحد من
البلطجية:وافرض اتقبض علينا؟
جربة:تبقى امك
دعيالك يااااض لو اتقبض عليك بجد
البلطجي:هنستفيد
بايه
جربة:اهلك هيعيشوا
عيشة ولا عيشة الملوك وكل شهر دخل شهري ميقلش عن 500 جني
بلطجي تاني:عايزن
نقلبها دم؟
جربة:لا يا روح امك
‘ غباوتك انت بالذات دي مش عاوزنها ‘ عاوزين الموضوع يبان كانها
عركة عشان الحكومة
اما تيجي ميعرفوش اللي فيها..
ديزل:انتوا تكسروا
وتضربوا ‘ لكن دم لاااا
بلطجي تالت:اعتبروه
حصل
جربة:ديزل ادفعلهم
يلااا
بعد ما دفعوا الفلوس
ليهم ديزل بيقول لجربة: هنعمل ايه دلوقت؟
جربة:هنكت في اي حتة
لحد ما الموضوع يخلص ‘ عشان منتخدش في الرجلين
ديزل بخوف:هوو احنا
ممكن نتاخد في الرجلين
جربة:يااااض انشف
كده ياااااض ‘ دي عملية تطمين مش اكترررر
ديزل:اااه ماشي
****************************************
مؤه قاعد مع سوسن ..
سوسن:لا يا خويا ‘
انا مبياكلش معايا الاونطة دي اااه
مؤه:ما انتي شايفة
بت الرفضي مش راضية تبيعلي المحلات والخطة اللي حاططها فرطت مني
اوووي..
سوسن:يوووه وانا
اللي هقلك يا خويا تشعمل ايه؟؟
مؤه:شكلها كده بتلعب
في عداد عمرها
سوسن بفزع:يا
نهاااااارك اسوووود انتش عاوز تقتشل الولية!!
مؤه:الله!! مش هي
اللي مش عايزة تبيع يبقى تروح بقى تقابل حنش عشان اكيد واحشها
سوسن بخوف:يالهوووي
يالهووووي ‘ انتش ملكش عزيز ولا غاااالي ولا ايييييييييه يا مؤه؟؟
مؤه بيقرب سوسن منه
ويزقها في حضنه ويقول :انت الغالي يا غالي
ويقوم قافل النور..
*******************************************************
لمياء قاعدة بتعيط
برة اوضة العناية المركزة وجازم عمال رايح جاي قدام الاوضة وبعديها جه
انور من بعيد بيجري
عليهم ويقول:ايه اللي حصل؟ خالتو مالها؟
جازم بقرف:انت ايه
اللي جابك هنا
لمياء باندهاش:ايه
اللي بتقووله ده يا جازم؟
جازم وهو بيجز على
سنانه:لولا ان ده مش وقته لكنت وريتك
لمياء بغضب:وووولد!!
انت ازااااي بتتكلم بالطريقة الفلجر دي؟!
*فلجر:يعني بيتكلم
بطريقة غجرية
انور:معلش يا ماما ‘
هو معذووور برضو
لمياء:انا مش فاهمة
حاجة؟ فيه ايه؟؟
انور:ده موضوع بيني
وبينه وجازم زعل مني عشان اتصرفت صح وعشان واجبي كظابط جيت
على حد عزيز عليه..
لمياء:مين الحد ده؟
ويعني ايه واجبك كظابط .. تؤؤؤؤ احنا في ايه ولا في ايه!! حكمت مش عارفين
مالها وانتوا عمالين
تتخانقوا في تفاهات..
***********************************************
جازم قاعد على
الكرسي بعيد عن انور ولمياء وفجأة يطلع الدكتور يقول:
قلبها تعبان جداا
وحذرتكم يا جماعة كذا مرة !! الاجهاد مش كويس ليها!!
لمياء:حكمت تقريبا
مبتعملش حاجه يا دكتور؟
الدكتور:مش شرط يكون
اجهاد جسماني ممكن يكون اجهاد فكري
جازم:هي فعلا كانت
بتفكر كتير وكانت صاحية من كابوس وقعدت تقول كلام كتير مش مفهوم
الدكتور:واضح ان فيه
حاجه تعباها جدااا ‘ ارجوكوا حاولوا تريحوها والا كده انتوا بتتعبوا قلبها
وساعتها هنوصل لطريق
مسدود..
يمشي الدكتور فتقول
لمياء:انا مش فاهمة حاجة يا جازم؟ فيه ايه؟
جازم وهو سرحان:مم
مفيش حاجة مفيش حاجة ‘ كله لازم يتحل
ويقوم ماشي وسايب
لمياء وانور واقفين مش فاهمين اي حاجة ومستغربين..
*********************************************
جازم في العربية
عمال يلف بيها في الشوارع وعمال يفكر ويتكلم مع نفسه..
جازم:اللي هعمله ده
جريمة ‘ بس محدش هيعرفها الا انا وهي !! طب وافرض حد عرف؟ تؤ
بس اسيب ماما كده؟؟
ماما كل شوية بتتعب اكتر!! وبعدين فين جنى اصلااا!! جنى ماتت زي
ما خالتو قالت ‘
يعني اكيد مش هتظهر في يوم وتكذب ان بدور مش جنى!! مقدميش غير
اني اعمل كده عشان
ماما تخف ‘ مينفعش اسيب ماما تضييييييييع مني .. بس؟ اللي بعمله
ده يا جازم مخيف
اوووي!! يعني تسيب مامتك تموووت قدام عينك وانت قدامك تجيب
جنى ليها؟؟ بس دي مش
اختي الحقيقية!! ماهو محدش عارف انها مش اختك!!
وافرض عرفوااا ما هو
مش عبط؟ وانت يعني هتروح تقولهم هي دي جنى وبس!!
امال هعمل ايه؟
هتزوووور طبعا نتيجة التحاليل ودي سهلة اوووي وساعتها الكل
هيصدق وغصبن عنه..
لازم الكل يصدق عشان مامتك يا جازم.. لاااااازم!!
....................
استنوني الحلقة اللي
جايـــــــــة
