الحلقــــــــة
الثالثــــــــة عشــــــــر
زيزيتا خارجة من
الكباريه تلاقي عربية بوليس وانور نازل منها بيقول:المرادي مش هتعرفي
تخرجي منها يا
زيزيتا..
زيزيتا
باستغراب:بيطلعوا امتى دووولة!!
انور:اتفضلي معانا
زيزيتا:ايه هتعزمني
على كباية عصير في القسم هيهيهيهيهي
انور:انتي مقبوض
عليكي بتهمة ممارسة الدعارة
زيزيتا:يادي
النيلة!! ما قلنا تشيلني من نفوخك يا حضشرة الظابط بقى!!
انور بابتسامة فيها
عند:والمرادي مش هتقدري تفلتي منها
زيزيتا:ليه يخويا كتم
صورني ولا مصورني؟؟
انور:هتعرفي في
القسم
*************************************************
رمانة قاعدة مع بدور
في البيت والاتنين عمالين يبصوا على الساعة كل شوية..
رمانة:ابلة زيزي
اتأخرت اوووي
بدور بقلق:اوووي
ومقالتليش انها هتتأخر ‘ وهي متعودة لو هتتأخر تقولي وبعدين دشي كت
مكلماني من كام ساعة
تقولي انا جاية!!
رمانة بخوف:يكون
جرالها حاجه يا ابلة
بدور بعصبية:تفي من
بقك .. تؤ انتشي ايه اللي مصحيكي لدلوقت!! خشي نامي
رمانة بخوف:مش هعرف
انام
بدور:يوووووه
************************************************
زيزيتا قاعدة في
مكتب انور بتلعب باللبانة في بقها وتعمل بالونات بيها وتفرقع لحد ما دخل انور
وقام جاب كرسي قدام
زيزيتا وحط رجله عليها وبقى نصه واقف كده ووطى على زيزيتا وقال
متفرحيش اوي كده ‘
لما تسمعي اللي محضرهولك هتبوسي ايدي
زيزيتا
باللبانة:هيهيهيهيهيهي
انور يروح مكتبه
ويفتح درجه ويطلع مسجل صغير ويشغله فتسمع زيزيتا نفسها وهي بتقول:
اه يا خويا وبدأت
بقى ارقص في الصالة والزبووون اللي عينه هتطق عليا كدهون ‘ المعلمة
سوسن تتشفق معاه !
في الاول بنت الرفضي كات بتستغفلني بس بعدين انا بقى وعيت
على نفسي وبقى
الزبون يدفع نص ليها والباقي ليا..ااااه منا بتشعب يا خوياااا
انور يقفل المسجل
ويقولها:ايه رأيك في المفاجئة دي
زيزيتا والدمعة في
عنيها وضحكت ضحكة صفرا:هه هو بقى كان بيشتغل لحسابك يا خويا!!
انور:بصراحة لا! بس
هو لما جبلي حاجه زي دي ‘ قلت مينفعش اسيبها ولا ايه يا زينب
زيزيتا بتمسح دمعة
وتبتسم بعند وتقول:زيزيتا يخوووويا ‘ زينب ماتت من زمان زي ما سمعت
انور يقف ويضربها
قلم بغيظ:لما اكلمككك تتكلمي كويس معايا ‘ انا مش من زباينك يا روح
امك!!
زيزيتا:انت اوسخ من
زبايني
انور يضربها تاني
وبعدين يدوس على جرس مكتبه ويقول للشاويش يخدها على الحجز الانفرادي..
*******************************************
بعد ساعة يروح جازم
الكباريه وطبعا ميلاقيش زيزيتا هناك فيحاول يسأل عليها لحد ما يدوه
عنوان الشقة اللي
قاعدة فيها..
بدور تفتح
لجازم:ايوة؟
جازم:زيزيتا هنا؟
بدور بقلق:لاااا يا
خويا لسه مرجعتش من بره وانا هموتش من القلق عليها
جازم:ليه؟ هو فيه
حاجه؟؟
بدور:اا اه لاا
جازم:اه؟لا؟؟
بدور بقلق:مش عارفة
‘ اصل البتش اتصلت بيا من ساعتشين تلاتشة وقالت انها راجعة ومرجعتش
جازم بحيرة:ممم يمكن
يعني.....
بدور وكأنها فهمت
قصده:لا لما بيبقى عندها زباين او حاجه بتقوول ‘ الا هو انت مين؟
جازم:اا مم ا انا
معرفة بيها
بدور:اصل غريبة ان
حد يجي يسأل هنا عنها وكدشه
جازم:طب انا همشي
دلوقتي وابقى اجي في وقت تاني عشان اطمن حتى
بدور بسرحان:ماشي
جازم لسه هيمشي
بعدين يفتكر ويقول:متعرفيش بدور اللي عايشة معاها فين؟
بدور بخوف:اا انا
جازم باهتمام ويبص
ليها بتفحص شديد:انتي انتي بدوووور
بدور باستغراب
وخوف:ااه؟ ليييه؟ زيزيتا جرالهاااا حاجه يا خويا وانته خايف تقوول
جازم:لا لا والله
معرفش حاجه عنها ‘ بس هي حكتلي عنك كتير
بدور باندهاش:انااا؟
اشمعنا؟؟ زيزيتا عمرها ما بتتشكلم عني لزباينها!!
جازم:لا ما اهو انا
مش اي زبون
بدور:امال انتش مين
يا خويا؟؟
جازم:منا قلتلك ‘
المهم لو وقتك فاضي كنت عايزة اتكلم مع حضرتك شوية
بدور باندهاش وفاتحة
بقها من الاستغراب:حضرتشي!! لا انا اسمي بدور يا خويا
جازم بتلقائية:هههههه
ماشي يا بدور ممكن اقعد معاكي شوية
بدور بضيق:اوعى
يخويا تشكون فاكر اني زي زيزيتا وبمشي مشي لا مؤاخذة!! لا يا عنيااااا
ولا تشكون من زباين
المعلمة سوسن الله يجحمها وزقاااك علياااا!!
جازم:ابداا والله ‘
بس انا ... طب ما ما ندخل نتكلم جوة ولا هفضل على الباب كده؟!
بدور:ادخل يا خويا
اما نشووف اخرتشك..
*************************************************
لمياء:زي ما بقلك
كده يا مدحت ‘ الولد شكله بيحب
مدحت:مقلش مين؟
لمياء:لااا شكله
عايز يتأكد الاول
مدحت:طيب اول ما
يقلك نشووف هي بنت مين واصلها وفصلها ونبقى نخطبه ليها لو كانت بنت
حد مهم..
لمياء:طبعااا هو انا
ابني هيتجوز اي واحدة والسلام ‘ انور طول عمره عاقل يا حبيبي وعارف
مصلحته..
*************************************
في مكان ما راجل
نايم على السرير وعمال يكح ويقول:عااااوز اشوووفها ‘ عااااوز اشوفها
مراته بحزن
وعياط:حاضر يا خويا حاضر
الراجل بنرفزة وعمال
يكح جامد:كل يوم تقوليلي حاضر ومش بشووفها ‘ انا حاسس اني هموت
ولازم اشوووفها..
مراته بعياط
اكتر:بعد الشرررر كت اموووت من بعدك يا
رجلي
***********************************
جازم مع بدور..
جازم:زيزيتا كانت
قالتلي انك ضايعة من وانتي صغيرة؟ صح؟
بدور:اه
جازم باهتمام:تفتكري
اي حاجة من وانتي صغيرة؟
بدور باستغراب:ودشه
يفرق معاك يعني يا كابتشن؟
جازم:بصي انا ليا
توأم وخطفوها من واحنا صغيرين وبندور عليها ومش عارف ليه اول ما زيزيتا
قالتلي عليكي
حسيت....يعني ..... حسيت انك ممكن تكوني انتي!! مش عاااارف ليه!!
بدور بعدم
تصديق:انا!! اختشك؟
جازم:لا انا معرفش
اذا انتي اختي ولا لا ‘ بس انا كنت جاي لزيزيتا النهاردة عشان كنت عاوزها
تسألك لقوكي فين
وانتي صغيرة؟!
بدور وهي سرحانة في
ذكرياتها:بص يا خويا انا موعاش اوووي اما كت صغيرة غير اني اما
كبرتش شوية وبدأت
افهم كات ام عنايات تقول انها لقتني في محطشة مصر مرمية وكات
بتقول اني شكلي بت
ناس نضاف بس هه معتقدش يعني
جازم
باهتمام:ليييه؟؟
بدور:وهو انا لو كت
كده كانوا سابوني لحد دلوقت!!
جازم:مش يمكن
بيدوروا عليكي زي ما احنا بندور على جنى؟!
بدور بحسرة:هي اختشك
اسمها جنى؟
جازم:ااه ‘ خالتو
بتقول انها سمعت الممرضات بيقولوا انها ماتت ‘ بس ماما مش مصدقة وحاسة
انها لسه عايشة وعلى
أمل تلاقيها!!
بدور وهي فاتحة
بقها:لا يعني لا مؤاخذة انا مش فاهمة حاجة من اللي بتبع بيها يا خويا دشي!!
جازم:بصي انا هحكيلك
يا ستي على حكايتي كلها ‘ بس توعديني انك انتي كمان تحكيلي
على قصتك كلهااااا ‘
كلهاااا يا بدووور ومتسبيش ولاااا تفصيلة لان كل تفصيلة مهمة اووي..
************************************
بعد ساعة يدخل
الشاويش على انور بزيزيتا ويخرج..
انور:جعانة؟
زيزيتا باندهاش:هه
انور:بكلمك!!
زيزيتا:ينفع يا حضشرة
الظابط اعمل مكالمة؟ مش الكانون سمحلي بمكالمة تَلفون؟
انور:ممكن ‘ خدي
اتصلي
زيزيتا تتصل ببدور
واول ما بدور ترد عليها زيزيتا تدمع:ايوووة يا بدووور هاتشيلي اي محامي
وتعاليلي انا في قسم
......
زيزيتا تقفل التلفون
فأنور يقلها:هيجي اكل دلوقتي ‘ اقعدي عشان تاكلي
زيزيتا:وهو من امتشى
الحكومة رقيقة كده مع الراكصات اللي زي ‘ او العاهرات لامؤاخذة!!
انور يقف فتقوم
زيزيتا قايلة:هتضرب تاني؟! اضرب يا خويا شكل هو ده معنى الرجولة
اللي عندك!! اضرررب
يا حضشرة الظاااابط ما هي الحكووومة اما تتزنق وتعرف انها
غلطانة تعلي الصوووت
وتضرب في مواطنينها!! اضررررب يا حضشرة الظاااابط
لان في الضرب
الحقيقة بتضشييييييييييع!! اضرررررررب
انور يرفع ايده عشان
لسه هيضربها بس يلاقي نفسه بياخدها في حضنه وتتفاجأ زيزيتا بالحضن
ده بس تفوق بسرعة
وتبعد وتقول:اااااااااه قوووول كدشه بقى يا خويااااا !! عيني عليه واقول
اخييييييييه!!!
انور يبدأ يستوعب هو
عمل ايه فينادي الشويش بزعيق بس فجأة يلاقي جازم بكل عصبية
داخل وبيزعق وجري
على انور وخنقه من رقبته:اااااخر حاجة اتخيلها ان ابن خالتي المصوون
يلعب اللعبة
الووووووسخة دي!!
انور:وهو انااا بس
اللي وسخ ولا ايييييه؟؟! ما انت كماااان كنت زي اي واحد قذر وزبالة
جرجرتك للقرف
بتاعهاااااا
زيزيتا بسخرية:هه
وانتشه يا حضشرة الظااااابط ايه نضشيييف اووووي ومكتش عاوز
تكروتني دلوقت!!
جازم:زيزيتا لازم تخرج
يا انوووور
انور:عشم ابليس في
الجنة!!
جازم يضرب انور بوكس
في وشه:هقول للنيابة اني انا اللي خلتها تقول الكلام دده عشان كنت
عاوز اضرب فرقعة
صحفية زي اي صحفي مبتدىء واكسب من وراها..
زيزيتا بمرارة
وحزن:هوو انتوا عالم جبلااااات لا مؤاخذة!! عماااااالين تشتروا وتبيعوا فينا
عشان حوجتنا
تتف زيزيتا على
الارض وتشاور على جازم وتقوله:غلطتشي يا باشا اني كت فكراك نضشيف
واتشكلمت معاك
بسلامة نية بس طلعت زي ما صاحبك قال كلكم اوساخ في بعض
وانتشه يا حضشرة
الظابط هتلبسني قضية عاااادشي ما ياما دقت على الراس طبووول
وياما دخلتشوا
الغلابة السجون ‘ مش جديدة على الحكوووومة ...
وتطلع زيزيتا
للشاويش فتلاقي بدور فتقلها :بتش يا بدووور ‘ المرادي شكلي فعلا هتطس كام سنة
خدشي بااااالك من
البتش رمااااانة وابقي زوري امي من فتشرة لفتشرة ..
بدور بعيااااط:لاااا
يا زيزيتا متسبنيييش
*****************************************
بعد اسبوع في
المحكمة زيزيتا قاعدة في القفص وانور قاعد في المنصة بتاعت النيابة وجازم
وبدور ورمانة قاعدين
ومعاهم المحامي عشان يسمعوا النطق بالحكم في قضية زيزيتا..
القاضي:حكمت المحكمة
حضوريا بحبس المتهمة زينب حنش عباس
الشهيرة بزيزيتا لمدة ثلاث
سنين مع الشغل
والنفاذ .. رفعت الجلسة
بدور بتعيط وبتحضن
رمانة اوي وبتعيط ‘ جازم كان قاعد مضايق ومتعصب اوي وخرج على
طول من قاعة
المحكمة..
رمانة بتجري على
القفص اللي قاعدة فيه زيزيتا وتعيط وتقول:هتوحشيني اوووووووي يا ابلة
زيزيتا بابتسامة
مليانة قهر وحزن:انتي كمان يا بتش ‘ خدي بالك من ابلتشك بدووور واوعي
تزعليها واسمعي
كلامها دايمااا..
رمانة:مينفعش يخدوني
معاكي يا ابلة
زيزيتا:بعد الشررررر
عليكي يا بتش ‘ ده انا اموووتش نفسي ولا ادخلك مكان زي ده ‘ انتشي
يا بت هتدخلي مدارس
وتتعلمي وتتنوري ااااه
رمانة:انا مش عايزة
حاجة الا انتي يا ابلة والنبي اجي معاكي
زيزيتا لبدور اللي
بتعيط:بدووور خديها وروحوا وابقي تشعاليلي زيارة يا بت ضروري لازمن
اقوولك على حااااجه
..
بدووور:ماشي يختي
تمسك بدور ايد رمانة
وتجرها بالعافية ورمانة تعيط وتقول:عااااايزة ابلة زيزيتاااااا
بدور بتعيط وتسحبها
بالعافية:يا بتش بس بقى حرااام عليكي
تخرج بدور من قاعة
المحكمة تلاقي جازم واقف مستنيها وبيقلها: تعالي انتي ورمانة
بدور بغضب:على فين
يا ابن الاكابر!! مش كفاااااية انكم حبستوا الضهر اللي كان ليا وللبت
الغلبااانة دهي؟!
جازم:صدقيني انا
غصبن عني ‘ انا.....
بدور:روح لحالك يا
ابن الاكابر اختشك يا خويا اللي بتدور عليها مش بينا ولا وسطشينا
جازم:اسمعيني انتي
ورمانة زي ما قلتوا محتاجين ضهر ‘ ولا انتي عايزة سوسن تستغل ضعفك
وتخليكي زي زينب؟!
بدور بخوف:لا يا
خويا هرجع للشحاتة او النشل
جازم:هتيجيبي اد
ايه؟ هاااا؟؟ والطفلة الصغيرة اللي في رقبتك؟؟
بدور بعياط:مش عارفة
مش عارفة
جازم:ولو قلتلك ان
عندي الحل؟؟
............................
استنوني الحلقة اللي
جاية
