الحلقــــــــــة السادســـــــــــــة عشــــــــــــر من قصة "زيــــــــزيــــــتــــــــا"

الحلقـــــــــة السادســـــــــة عشـــــــــر

انور قاعد ساكت وسرحان وعينه بتدمع وزيزيتا قاعدة قدامه ساكتة خالص مبتكلمش ولا بتعيط ولا

بتعمل اي حاجه ‘ بس قاعدة ساكتة ..

انور يخرج من الزنزانة ويخرج برة القسم ويفضل ماشي في الشوارع ‘ عمال يعيط ومش قادر

يتصور ان حبه خلاه يعمل كده ..

***********************************************

تاني يوم راح انور لحكمت ..

حكمت:ازيك يا حبيبي ‘ وحشتني اوووي

انور بحزن:محتاجك يا خالتو اوووي ‘ وعارف ان محدش هيفهمني غيرك

حكمت:مالك يا حبيبي

انور:فين بدور؟

حكمت:قصدك جنى؟

انور بعصبية:دي مش جنى يا خالتوووو مش جنى

حكمت تاخد انور وتروح بيه على المكتب اللي في الطابق اللي تحت وتتأكد ان مفيش حد سامع

حاجه..

حكمت:انت مجنون ازاي تقول كده بصوت عالي

انور وهو بيعيط:البنت اللي جوة دي يا خالتو مش جنى والله العظيم ما جنى

حكمت:وانت متأكد ليه اوي كده يا انور؟

انور:انا بسببها عملت حاجة امبارح فظيعة اووووي اوووووي

حكمت:عملت ايه؟

انور:فاكرة يا خالتو البنت اللي حكتلك عنها بتاعت الكباريهات ‘ الرقاصة دي؟

حكمت:ايوة فاكراها

انور:اهي البنت اللي جوة دي كانت معاها ‘ امبارح اول ما افتكرت انا شفتها فين افتكرت انها

لعبة من البنت التانية عشان يسرقوا فلوسكم ‘ بس انا طلعت ظالم وحيوان وقذر اووووي

حكمت:ايه اللي حصل بالظبط يا انور؟؟ فهمني كل حاجة!!

وبعد ساعتين من الكلام حكمت قامت وقفت ومشيت وراحت لصورة جازم وهو صغير المتعلقة

جمب صورة جمال باباه وقالت:انا فعلا فرحت اول ما شفتها وافتكرتها بنتي ‘ انا عارفة ومقدرة

جازم عمل كده ليه !! جازم شاف مامته متعلقة بوهم كذاب ببنتها اللي ضاعت من 23 سنة !!

شايفني سنة ورا سنة بذبل وقلبي بيتعب وانا لسه متعلقة بوهم رجوع جنى!! هو شاف مامته

بتموووت فحاول يعمل زي ما انا عملت زمان!! فاكر يا انور الطفلة اللي شفتها في دار الايتام

سلمى؟؟

انور:ايوة فاكر يا خالتو ومحدش مكنش مصدقك وانتي كنتي عارفة انها مش بنتك ومع ذلك برضو

اهتميتي بيها لحد ما ماتت..

حكمت:جازم عمل زي ما انا عملت ! شاف بنت هي كمان اتخدت من اهلها ويا عالم قلبهم هما

كمان محروق زي قلبي ولا لا! هو شايف ان كلام مامتك صح وان جنى ماتت وجابلي بنت

تانية عشان احبها زي جنى..

انور بغضب:بس دي مش جنى

حكمت والدموع في عينها:عارفة!!

انور بصدمة:عارفة؟!

حكمت:التحاليل اللي وروها ليا تثبت ان البنت سليمة ولان السر ده محدش يعرفه غيري فجازم

مخدش باله..

انور باندهاش:سر ايه ؟؟

حكمت ترجع بذكرياتها لورا..

حكمت في المستشفى وجمال قاعد فرحان ..

جمال:تؤام زي العسل هتسميهم ايه؟

حكمت بفرحة:هسميهم الولد جازم والبنت جنى

جمال باستغراب:ههههههه ايه الاسامي الجديدة دي؟!

حكمت:عايزة كلهم يبقى على حرف الجيم واعمل مملكة الجيم

جمال:ماشي يا حبيبتي انا لازم اقوم وراية مؤمرية ‘ ادعيلي كتييير يا حكمت وبوسيلي العفاريت

الصغيرة لحد ما ارجع تاني..

حكمت بزعل:ايه ده يا جمال معقول تسبني والدة كده وتروح الشغل

جمال:اعمل ايه بقى؟! ما انتي عارفة طبيعة شغلنا كده! هو الظابط من امتى بيعرف يرتاح!!

حكمت:يعني هتسبني في المستشفى لوحدي ‘ انا بخاف اوووي يا جمال

جمال:متخفيش يا حبيبتي لمياء جاية هي ومدحت وانور هيموت ويشوف العفاريت الصغيرة هههههه

تخيلي كلمني في التلفون وانتي بتولدي وانا بجيب حجات من البيت ليكم بيقلي :قول لخالتو متولدش

لحد ما اجي ههههههه..

حكمت:طيب ارجع بسرعة يا جمال

جمال بيحضن حكمت وهي نايمة على السرير ويقولها هتوحشيني ..

بعد دقائق تيجي الممرضة لحكمت..

حكمت:اخبارهم ايه؟

الممرضة:احنا عملنا ليهم كل الفحوصات جازم ماشاء الله عليه صحته سليمة بس البنت عندها فقر

دم..

حكمت بخوف:اييييه يعني اييييييه؟؟

الممرضة:متخافيش حضرتك ده مرض بسيط مفهوش حاجه وليه علاجه ان شااء الله!!

حكمت ترجع للواقع وتقول:لما بصيت في التحاليل اللي معمولة ولقيت انها سليمة ‘ عرفت انها مش

بنتي ‘ هي كمان شكلها مؤدبة وخافت منك باين ‘ جتلي على بليل وعيطت واعتذرت انها عملت

كده!! هي سمعت كلام جازم وكان نفسها تحس بالامان ..بس انا خلاص بقى صدقت ان جنى ماتت

ومفيش امل في رجوعها!!

انور بيعيط:تحس بالامان!! دي خلتني اشك في المسكينة اللي في السجن واعذبها بسببهااااااا

حكمت:لا يا انور ‘ انت عذبتها عشان هي رفضتك!! بس مكنتش اعرف ان جواك انسان قاسي

كده..

انور بعياط:انا عذبتها كتييييييييير اوووي يا خالتووو.. كتيييييييير ‘ انا حيوااااااااااااااان !!

انا اقذررررررررر مخلووووووق على وش الارض!!

حكمت:انا عايزة اشووفها يا انور ‘ من اللي حكتهولي ده يا بني عنها ‘ شكلها اتظلمت كتير اوي في

حياتها ومحدش كان واقف جمبها!!

*******************************************

في مكان ما وعند الراجل اللي تعبان ‘ دخلت عليه مراته..

مراة الراجل:سألتشلك عليها يا خويا في الحتشة وبيقولوا انها في الحبس

الراجل:لازم نشوفها ‘ حح ح حاولــ ح حاولي تعملي زيارة ليها

مراة الراجل:بس دي هتقعدشلها كتشييييير!!

الراجل:اا اتت تصر رر ر ف ي

*********************************************

بعد شهر زيزيتا قاعدة في الزنزانة بتاعتها وبيدخل عليها الشاويش يقول:زيارة

زيزيتا تقوم وهي ساكتة وتروح معاه ‘ تدخل المكتب فتشوف انور قاعد مع الظابط صاحبه ومعاه واحدة غريبة

انور وهو منزل عينه:زيارة ليكي يا زينب ‘ الست دي بتقول انها عايزة تقابلك وانا كنت جاي اقابلك بس هخليها هي الاول

زيزيتا بصوت واطي:انا معرفهاش

الست بقلق:انا عارفاكي يختشي.. 

انور:عندكم ربع ساعة وهرجع ليكم تاني.. يلا يا رامي نخرج برة 

يخرج انور ورامي ويقف برة على الباب عشان يسمع لانه شك في الست دي..

الست:انا مراتش عمك

زيزيتا وشها اصفر وعينها تعبانة ودبلانة وبصوت واطي:عمي مين؟

الست:اخو المعلم حنش

زيزيتا:ابويا!

الست بتبلع ريقها وبتوتر وبارتباك:ما هو دشه الموضوع اللي جاية اكلمك فيه؟

زيزيتا:لو كنتشي جاية يختشي عشان المحلات والورث فامي بعتشه كله لابن الكلب مؤه وانا

على باب الكريم!

الست:لا يا ختشي انا مش جاية عشان كده !! انا جاية عشان مووضوع مهم

زيزيتا:موضشوع ايه ده؟

الست:جوزي زمان كان بيشتغل في مستشفى كبيرة اوووي وكان تشمرجي ‘ المهم يعني جتله حسنية

الهي ربنا يوريها ياااارب ويخسف بيها

زيزيتا بعصبية:انتشي جاية تدعي على امي يا ولية قدامي!!

الست:استني يختشي اسمعيني للاخر وانتشي اللي هتدعي عليها بعدين

زيزيتا:اخلصي

الست:جت لجوزي واترجتشه بايمنات الدنيا والدشين وبعتشله دهبها كله عشان يخطفلها عيل

من المستشفى دهي هوانهم يفهموا المعلم انها حبلة ويجي جوزي اللي هو اخوه يعرض عليهم

انها تخلف يختشي في المستشفى دهيه ‘اكمنه شغال فيها وهتشولد ببلاش وجوزي وقتها عينه

كات طفسة والفقر يختشي يخلي الفقير والغلبان اللي زينا يبيع ضميره برخص التشراب..

زيزيتا:وانا مال امي بكل ده يا حجة دلوقت!!

الست:مالك ازاااي!! ما انتشي يا ختشي اللي سرقناكي من المستشفى!!

زيزيتا بصدمة وزعيق:نعم يا روووووووووح امك!! انتشي بتقووووولي ايه!!

الست:هي اه كتش متفقة مع جوزي انه يخطف واد بس هو في الضلمة خدك بدل الواد اللي كان

حاطط عينه عليه

زيزيتا بصدمة:وامي تعمل كده ليه اصلاااا!!

الست:عشان يختشي مكنتش بتخلف والرحم بتشاعها كان فيه ورم ولازم تشيله ولو مش مصدقاني

ابقي اتاكدشي من حكاية رحمها دهون لانها بعد ما سرقتشك ‘ عملت عملية شالت فيه الرحم ‘ اللي

كات المفروض تشيله بسرعة قبل ما الورم ينتشر

زيزيتا بصدمة:انتشي اكيد نصابة!!

الست:ده جزااااتي برضوووو ‘ انا يختشي قلت اللي عندي وريحت ضمير جوزي المرمي بين

الحيا والموووت ‘ عايزة تصدقي صدقي ‘ مش عايزة انتشي حرة..

مشيت الست من هنا وفجأة الدنيا لفت بزيزيتا واغمى عليها

****************************************

بعد تلت سنين وتحديدا سنة 2011 خرجت زيزيتا من السجن واول حاجه عملتها راحت فورا

تل العقارب ‘ وراحت على بيت مامتها..

اول ما دخلت لقت المعلم مؤه ومعاه سوسن ..

سوسن:كفااااااارة يا بتش ‘ خرجتي امتى؟

زيزيتا:امي فين؟ وبتشعملي ايه هناااا؟؟؟

سوسن:هيهيهيهيهيهي انا في بيتشي يا دلعدي

زيزيتا:بيتشك ايييه؟!!! ده بيت المعلم حنش

مؤه:هأهأهأهأهأ الله يجحمه ما طرح ما غااار بقى ‘ لا يا حيلتها ده بيتي وبيت المعلمة سوسن

زيزيتا:امي فييييين!!

تخرج حسنية من المطبخ وهي متبهدلة:زييييييييييييينب!! بنتييييييي خرررررجتي امتى

زيزيتا:الاوبااااش دولة يا ما بيعملوا ايه هنااااا؟؟

حسنية:اقول ايه حسبي الله ونعم الوكيل ‘ خد كل حاجة مني يا زينب واستقوى وافتشرا عليا

اول ما دخلتشي السجن وجابلي ضرة

زيزيتا:انا بت مين يمة؟؟

مؤه وسوسن يبصوا باستغراب واندهاش ‘ وسوسن تقول:البت باينها اتلحست في السجن ولا ايه

يا مؤه؟

زيزيتا لحسنية:انااااا ابقى ميييييييييييييييييييييييييييييييييييييين يمممممممممه!!!

حسنية بارتباك:تبقي بتيييي

زيزيتا:تعالي بينا نروح للدكطور ونشوووف رحمك!!

حسنية:اا اانتي بتخرفي تقوولي ايه

زيزيتا بزعيق:اانااااا عرفت كل حاجة مرااااااات عمي اللي المفروووض يبقى عمي جت

واعترفتشلي بكل حااااااااااجه

حسنية بعياط وانهيار:كنتي عايزااااني اعمل ايه وابوووكي كل يوم عايزني اخلفله؟!!! هاااا قوليلي

كتشي عايزاني اعمل ايه وانا بسمع بيقول لو مخلفتش قرررريب هتجوز عليهااااا!!

زيزيتا بغضب وعياط وصريخ:وتحرميني انااا من اهليييي!! ويا تررررررررى هماااا

مييييييييين هاااااااااااااااا انطشقيييييييييييييييييييي

حسنية:معررررررفش ‘ معررررررررفش هماااا ميييييين

زيزيتا تهجم على حسنية وتضرب فيها وحسنية تصوط:يااااااااالهوووووووي ‘ حد يحوش

بتش الكلب دشي عنييييي

سوسن تحاول تدخل تحوش ما بينهم:يالهوووووووووووي ‘ الحقني يا مؤه البتش اتجننت

وهتشتقتشل امهاااا

زيزيتا تشد شعر حسنية وسوسن في نفس الوقت وتقول:دشي مش امي دشي بت كللللللللب

مؤه يحاول يشد زيزيتا وبعدين يخدها ويطلع بيها من الشقة ويقولها:اهدشي كده

زيزيتا :وحياة مقاصيصي دشي لوريهااااااا على عملتشها السوووودة

مؤه يهمس في ودن زيزيتا:بقلك ايه يا بتش ‘ ما تعالي معايا نطلع نتكلم ونشوف هتعملي ايه؟

زيزيتا:جرررررررى ايه يا عررررررررة انت رااااااااخر!!

مؤه:يا بتش ‘ ده انا هنغنغك والبسك دهب قد وزنك مرتييين

زيزيتا:مقاااابل ايه اشاء الله؟

مؤه:نتجوز

زيزيتا:هيهيههيهيهي عارف يا خويا حلمتش ودنك

مؤه:طب واللي يخليكي تشوفي حسنية مذلولة؟؟

زيزيتا تفكر شوية كده:افكرررر وارد

مؤه:بس متتأخرش بقى يا جمييييل ‘ احسن العين عليك من زمان وانا استووويت

زيزيتا:يبقى يا خويا تستشنى لحد ما تزرع

وتسيبه وتمشي وتقول بصوت واطي:كتشك قرف عالم منتشنة!!

**************************************************

تبص زيزيتا في الورقة اللي معاها وتخبط على الجرس فيفتح ليها واحد..

زيزيتا:اشاء الله يخليك البتش بدور هنا؟

الخادم:بدور مين حضرتك؟

زيزيتا:البتش بدووور ‘ طب رماااانة؟؟

الخادم:حضرتك ‘ اكيد العنوان غلط

زيزيتا:يوووه!! غلط؟ طب سيدك جازم بيه هنا؟ ولا بردشك غلط؟؟

الخادم:ايوة يا فندم هنا جازم بيه

زيزيتا:طشب ناديه بقى يا خويا

زيزيتا واقفة في نص الفيلا مكان ما سابها الخادم وعمالة تبص بانبهار:معقوول البتش بدور هنا؟

فجأة تلاقي زيزيتا واحدة شبه بدور نازلة بس عاملة تسريحة شعر ولابسة فستان انيق اوي وريحة

البرفيوم بتاعتها انتشرت في كل مكان..

بدور:زيزيتااااا!!

زيزيتا باندهاش:انتشي تعرفيني يا مزمزيل؟؟

بدور:انااا بدوووور يا زينب

زيزيتا تُصعق من منظر بدور وتفتح بقها وتقول بعدم تصديق:انتشي البت بدووور!!

بدور:ايوووة انا بدووور يا زينب ‘ عاملة اييييه ‘ خرجتي امتى يا زيزيتا ‘ خرررررجتي

امتى؟؟

زيزيتا بغضب:هه تشوك ما افتكرتشي اني كت محبوسة يختشي؟؟

بدور:انا عارفة اني مقصرة معاكي اوي يا زينب بس .....

زيزيتا:اه مشغولة بقى ‘ تشلاقي يا بت النادشي شغلك بقى ومبقتيش يعني ملاحقة من توتو وسوسو

وفوفو؟؟!! ماهو العززز كده يا بت ادم وحوااا بينسي الواحد اقرب ما ليييه ‘ بيخليه يتشعمي!!

بدور بحزن:اا انا عارفة اني قصرت معاكي بس......

زيزيتا:لاااا ولا بس ولا حاجه هه واتشاريني كل ما اسال جازم بيه عليكي وعلى رمانة!!

يقووولي كويسين ‘ استغرب انتوا مبتجوووش لييييه!! اتااااريكي مشغوووولة بقى في ابصر ايه!!

بدور:زينب انا....

زيزيتا:يا شيخة بقى بلا زينب بلا بتشنجان اسووود ‘ اعتشبريني مت وانا كمان هعتشبرك مووتي

بس قبل ما امشي ‘ عاوزة اشووف البت رمانة

بدور بارتباك:مم ا ا مم

زيزيتا بغضب وشك:البت رمااااااااانة حصلهااااا حاجه؟؟؟؟؟

بدور:رر مم اا رمانة في المستشفى تعبانة

زيزيتا :اييييييييييييييييييييه ‘ هي فيييييييين ‘ عملتشي ايييييه فيها

**************************************************

بعد ساعتين زيزيتا بتجري في المستشفى لحد ما بتوصل رقم الاوضة خبطت ودخلت ‘ لقت رمانة

نايمة والاجهزة حواليها .. تجري زيزيتا وتكون حاطة كمامة على بقها ولابسة لبس معين ادهولها

المستشفى عشان التعقيم ومتنقلش الاوبئة للمريض..

زيزيتا بتبوس ايد رمانة وتعيط كتير..

رمانة بتفتح عينها شوية بشوية واول ما تشوف زيزيتا تبتسم اوووي وتقول:ابلة زيزيتااااا

وحشتيني اووووي اووووي اووووي

زيزيتا بعياط:وانتشي يا بت يا رمانة

رمانة بابتسامة ضعيفة وبتتوجع:مش قلتلك يا ابلة تاخديني معاكي

زيزيتا:مكنتش اقدر يا عيون زينب ‘ انا لو كت اطووول اخدك في حضني واحميكي من الدنيا ‘

كت خدتك..

رمانة بتتوجع وتقول:ابلة بدور طيبة برضو بس كانت بتنساني كتير

زيزيتا بالم:الفلوووس غيرتها كتييير

رمانة:الست اللي عايشة عندها ابلة بدور طيبة اوووي هي كمان ‘ جبتلي لعب كتييير وبتيجي

تزورني ‘ بس هي احيانا بتناديني سلمى!!

زيزيتا باستغراب:سلمى؟!

رمانة:بتقول ان بنتها كانت عيانة زي العيا بتاعي

زيزيتا بعياط:انتشي هتخفي يا بت وتبقي كووويسة ‘ متخافيش

رمانة:لا يا ابلة انا تعبت اوووي ‘ انا عايزة اروح لربنا هو ارحم من الدنيا دي

زيزيتا بعياط:يا بتش انتشي شفتي حاجة من الدنيا دي عشان تقولي كده؟!

رمانة بوجع:انا صغيرة بس قلبي بيشوف كل حاجه

زيزيتا تبوس ايد رمانة:سلامة قلبك يا قلبي

رمانة:لما اروح عند ربنا يا ابلة ‘ هقله يخليكي مبسووطة ‘ عشان انتي كنتي بتخليني مبسووطة

زيزيتا تحط ايدها على بق رمانة وتقول:اسكتي يا بتش اسكتي ‘ هتبقي كوووويسة

رمانة:متزعليش يا ابلة مني

زيزيتا:انتي اللي متزعليش ان الدنيا خدتشني منك

رمانة:انا بحبك اووووي يا ابلة وبحب عمو انور وجازم

زيزيتا باندهاش:انووور!! انتي تعرفيه؟

رمانة:دشه طيب اوووي يا ابلة وكان بيحكيلي عنك كتير واحيانا كت بسمعه وانا نايمة ويقول وهو

بيعيط انه بيحبك ومكنش عاوز يأذيكي ابدا ومكنش يعرف..

زيزيتا بعياط:بس يا بتش بقى

رمانة:انا جعانة اوي يا ابلة

زيزيتا:يا عنيااا ‘ اجبلك ايه يا بت؟

رمانة غمضت عينها

زيزيتا:اجبلك ايه يا رمانة؟ انتشي نمتي؟

زيزيتا تسمع صوت صفارة من الاجهزة وبعدين يدخلواا الممرضات بسرعة عليهم

زيزيتا بدهشة :ايه يا ختشي مالها؟؟ ها مالها

ممرضة الاولى للمرضة التانية:النبض وقف

زيزيتا:لا يختشيي موقفش ‘ هي البت جعانة بس وهتبقى كووويسة

الممرضة التانية بتغطي وش رمانة

زيزيتا بتجري عليها وتمسكها وبتقولها في ذهوول:بتشعملي ايييه يختشي ‘ بقلك البت جعاااانة

بتشعملي اييييه

الممرضة:البقاء لله

زيزيتا بذهول:لااا هو ايه دشه ‘ فال الله ولا فااالك البتش لسه صغيييرة ‘ هي هي هي جعانة بس

جعانة مفيهاش حاجة يعني

الممرضة التانية بتحاول تبعد زيزيتا عن رمانة بس زيزيتا بتصرخ جاااامد اوووي:لااااااا هي

جعااااانة ‘ هي قالتشلي والله انا جعانة يا ابلة!! انتوا مبتسمعووووش

في اللحظة دي يدخل انور وحكمت اول ما يشوفوا المنظر ده يفهموا ان رمانة ماتت ‘ انور يجري

على زيزيتا ويحاول يهديها..

زيزيتا بصريخ:بقلهم جعاااانة والله هي جعااااااااانة

حكمت بتعيط جامد اوووي

انور بيقول لزيزيتا:اهدي يا زينب مش كده

زيزيتا تبص ليه وتزقه وتقولهم:انا بكرهكم كلكم كلكم بكرهكم

وتطلع تجري وساعتها حكمت تبص ليها اوي وتحس باحساس غريب

***********************************************

في الكباريه زيزيتا قاعدة في اوضتها ‘ ويدخل عليها مؤه..

مؤه:مصدقتش اما قوليلي انك هنا يا قمر وعايزاني

زيزيتا وهي بتحط روج احمر غامق فوق شفايفها:عايزة ارقص كتشييير اووي

مؤه:الصالة مليانة اول ما عرفوا انك رجعتي

زيزيتا تقوم حاطة كحل وحاطة لون اسود فوق عينها وفضي بيلمع وتلبس بدلة الرقص وتخرج

ترقص على اغنية 

كلماتها تبدأ

يابا يابا يابا
انا ليه اكون طيب كدا وقلبي ليه ديما حزين
وهاخد ايه من كل ده معيش لنفسي لو يومين
بقيت خلاص مليان جراح
من كتر حزني علي الي راح
ضحيت كتير علشان ناس وناسي نفسي من سنين

تبدأ تشوف زيزيتا الصالة مليانة ناس سكرانين واللي قاعد بيضحك واللي قاعد بيسكر اكتر والبنات

قاعدين على كل طرابيزة يحاولوا يفرفشوا الزباين ..

ترقص زيزيتا مع الكلمات وتبدأ تشوف لحظات حياتها قدامها زي شريط سينما ..

ومع كلمات الاغنية وهي بتقول:

ما انت السبب في الي انكتب
اه والغلطه كانت غلطتك
ادتلهم فوق حقهم
وسبوك يا قلبي في دمعتك

تبدأ تشوف نفسها وهي بتحط لكل زبون كانت بتروح معاه الشقق منوم في الشرب اللي بيشربه

وتقعد ترقص ليهم لحد ما يناموا وبعدين تاخد فلوسها وتمشي ..

وتفتكر لما راحت مع جازم وحطلته منوم بردو في العصير ولما نام قلعته هدومه عشان يفتكر

انه حصل حاجه وخدت فلوسها ومشيت قبل ما يصحى..

ترجع تاني زيزيتا للواقع وتبدأ تشوف الاشكال اللي قاعدة في الصالة والرجالة وهما عمالين

يرموا عليها فلوس وهي بترقص وتعيط بانهيار..

ولما تيجي كلمات الاغنية تقول:

قولي مين دلوقتي جنبك وانته دايب في الجراح
ان كان حبيبك ولا صحبك هما فين مل الكل راح
كل واحد خد مرادو
واترمينا فذيكرياتو
طب لامتى
هتفضل انت تدي ناس مش مخلصين

تفتكر زيزيتا يوم ما جربة خدها الجراج وحاول يعتدي عليها ويقطع ليها في هدومها وهي تصرخ

ويحط ايده على بقها عشان يمنع صراخها ودموعها نازلة على خدودها ‘ لحد ما جه حمادة انقذها

وشافته بعدين وهو بيموت هو والمعلم حنش..

تبدأ ذكرياتها مع حمادة تيجي قدام عينها وهو كان بيحميها من الولاد اللي كانوا في الشارع وهي

صغيرة وازاي كان حنين معاها وتبدأ تعيط اكتررر واكترررر..

ولما كلمات الاغنية تقول:

لو قلت مليون اه
على اللي ضيعناه
يا قلبي صعب يعود
مهو راح يا حول الله

تفتكر انور لما دخل عليها في الزنزانة واعتدى عليها وبعد ما عرف انها كانت شريفة فضل يقولها:

ازاااي!! ازااااي!! ازااااي وانتي كنتي بتشتغلي .........

زيزيتا قاعدة ساكتة مبتعملش أي حاجه خالص ولا بتعيط ولا بتصرخ ولا أي حاجة

انور:يعني معنى كده كنتي بتضحكي على الزباااااين!! مكنتيش بتعملي حاجه؟ وجاااازم؟؟؟ معملتيش

حاجه معاه هو كمااااان!!! يعني انااا اول وااااااااحد يلمسسسسسسسك!!!! لااااا ليييييييه لييييييييه

لييييييييييه سبتيني اعذذذذذذذبك كل دددددددده ليييييييه مقلتلييييييييش ليييييييييييييييه لييييييييه

ااااااااااااااااااااااااااااااااااااه يا زينب ‘ااااااااااااااااااااه

زيزيتا قاعدة ساكتة في مكانها مبتعملش أي حاجه!!

ترجع زيزيتا تاني للواقع وتكون لسه عمالة ترقص على الاغنية ودموعها عمالة تنزل اكتررر

واكترررر وتحت عينها بقى كله اسود من الكحل السايح وحواليها الرجالة عمالة تسكر وترمي

عليها الويسكي ...

تفتكر لما عرفت انها مش بنت حسنية وانها ضاعت حياتها خلاص ومبقتش عارفة مين صاحبها ومين عدوها..

بعدين تفتكر زيزيتا بدور اللي نسيتها لما راحت تعيش حياة نضيفة واهمالها لرمانة ‘ وافتكرت

زيزيتا موت رمانة وكأنها بدأت تستوعب ان رمانة فعلا خلاص ماتت وعلى نهاية الاغنية

وقعت زيزيتا من طولها..

استنوني الحلقة اللي جايــــــــــة