الحلقة الثامنــــــــة
عشـــــــر
وفجأة يرن التلفون
تجري حكمت وترد:الووو .. ايوووة
يا لمياااء ‘ بتعيطي لييييه؟ انور جراله حاجه
يقوم جازم مفزوع من مكانه ويجري
على حكمت:انور جراله حاجه؟
حكمت:طيب امال بتعيطي ليه ‘
خضتيني يا لمياااء ‘ تعالي انتي ومدحت هنا شوية
اهو نقعد كلنا مع بعضينا ‘ نطمن
بعض..
يطلع جازم لبدور في اوضتها
فيلاقيها بتلم في شنطتها..
جازم:رايحة فين يا بدور
بدور وهي بتعيط:ماشية يا جازم ‘
وكان لازم امشي من زمان اوووي ‘ من اول ما اكتشفت
اني عايشة بينكم شفقة واحسان بس
!! صدقني يا جازم انا حاولت اخليكم تحبوووني ‘ حاولت
اتقرررب ليك ‘ بس كنت بشوووف شبح
زينب دايما ما بينا....
جازم باندهاش:زينب!!! ايه
علاقتها باللي بتقوووليه يا بدور؟؟
بدور بألم : انت عارف كووويس اني
بحبك ومن زمان ‘ بس انا غصبن عني حبيتك!! لقيتك
حنين معايا وقبلي مع زينب وكنت
حنين حتى مع رمانة!! لقيتك اماااان كنت طول عمري
بصبر نفسي بيه وانا مرعوووبة في
جلدي وانا بجري وبهرب من شارع لشاااارع!! اصرارك
على اني اقعد معاكم وانك تدور
معايا على اهلي اللي مش قادرين نعرف هما ميييين كان
بيخليني كل يوووم احبك اكتر
واكترررر!! حتى لما اعترفتلك انك اول حب في حياتي
فاكر؟؟! من سنتين!!!! كنت مستنية
ررررد معين منك بس ملقتهوووووش منك يا جازم
كنت بحاول اكدب على نفسي انك
ميال لزينب واقووول لاااا استحاااالة يكون ميال
لواحدة جسمها اتعرى لمليوووووون
غيره!! بس طلعت زينب شريفة ويمكن اشرف
مني كماااان!! ساعتها اتأكدت انك
اكيد هتعوزها هي وانا زي ما اتعودت طول حياتي
ارجع واستخبي من عيون الناس
لتاكلني او تاخد حاجه مني بالغصب.. سبني امشي
يا جازم الله يرضى عليك ‘ وكفاية
عليا احلااام كده ‘ انا طلعت فوووق اووي في العلالي لحد
ما اوقعت على جدور رقبتي واتكسرت..
جازم:مين قالك الكلام الفارغ ده؟
مين قال اني بحب زينب اصلااا!!
بدور:هه متحاولش تضحك على نفسك
جازم بعصبية:انا لو بحب حد فهو
انتي!!
بدور:انا؟ طيب ليه مبتتكلمش؟؟
ليه مبتحسسنيش بده؟؟ ليه كل ما اقرب ليك خطوة ‘ الاقي زينب
سبقتني عشرة؟!!
جازم بغضب:عشاااان انا البنت دي
ازيتهاااااا بسببي كتيييير!!
بدووور:لييييييه؟؟ فيه لغززز مش
قاااادرة افهمه
جازم بعصبية:عشااااان انا لما
فهمت انور اني غلطت معاها ‘ طلع بيحبهااا واتجنن بسببي وراح
واعتدى عليهااااا وضيع اغلى حاجة
عندها بسببي انااااا ‘ لما كان فاكرة انها بنت ضايعة!!
بدور بصدمة:ايه؟؟ لا لا لا لا !!
لاااااا ‘ لاااا مش قادرة اصدق!! مش ممكن!! انووووور!!
لييييه؟ ليييييه؟؟ ولييييه
مقووولتلييييش يا جااااازم ليييييييييه!! عندها حق زينب تكررررهني!!
معقووول تكووون مرت بكل ده
واناااا انااا اقرب واحدة ليها مكنش جمبها ؟؟ حراااام عليك
يااااا جااااااااازم
ليييييييييييييييييييييييييييييييييييييه متقوووووليش ليييييييييه!!
جازم:اقلك ايه وانا بدبح كل
يووووووم ‘ انا مكنتش اعرف انها متلمستش واننا معملناش اي حاجة
مع بعضينا ‘ بس كون ان انور
يعتدي عليها كان شيء فظيع بيدبحني ! فكان كل همي اني
اعوضها!! البنت دي انا اللي حبيت
ادخل حياتها المتلخبطة واشوف سككها ماشية ازاي
عشان اكتب عنها مقال اطلع بيه
لفوووق ومن ساعة ما دخلت حياتها وانا كل يوم بعملها
مصيبة اكبر من اللي قبلهاااا ‘
فهمتي ليييييه زينب ما بينا!! مش عشان بحبهاااا لاااا عشان
مظلووووومة يا بدووور !!
مظلوووومة!!
بدور بتعيط:حرام عليك متقليش كل
ده وتسبني مغيبة واسيبها في اصعب الظروف دي!!
جازم:يبقى لازم ندور عليها سوووا
‘ مهما كااان
بدور:طب والبلد المولعة دي؟!
جازم:مش عااارف ‘ بس لازم
نلاقيها لااااازم!!
***********************************************
بعد تلت ايام وتحديدا يوم
28-1-2011
زيزيتا قاعدة في بيت لوزة وفي
الصالة عمالة تتفرج على التلفزيون وتتابع الاخبار باهتمام وتركيز
لوزة تخرج وتكون لابسة..
لوزة:فوتشك بعافية بقى يا بتش يا
زيزي
زيزيتا باندهاش:انتشي رايحة فين
يا بتش والدنيا مقلوووبة كدهون؟؟
لوزة:جرى ايه يختشي ‘ رايحة القط
رزقي!!
زيزيتا:يا بت رزق اييه وهو فيه
حاجه ماشية في البلد اليومين دووولة؟!!
لوزة:بقلك ايه يا بتش انا نازلة
واما ارجع نبقى نفهمووكي
******************************************
جربة لديزل وكرنك :
الشغل هيحلو يا جدعاااان ‘
متتخيلوووش كام واحد من الناس العليوي اوووي في البلد طالب
بلطجية!!
كرنك:طبعااا ما هم خايفين ‘
والله وجه اليوم اللي نلاقي فيه الحيتان الكبيرة خايفة!!
جربة:الحيتان يابه طول عمرها
بتخااااف ‘ اوعى تكون مفكر ان الانياب اللي عندها دي بتعض
ده منظر يا عيني بس عشان احنا
اتربينا على الخوووف فبقينا نخاف من قبل حتى ما نفكر اننا
نجرب ان نكسرها!!
ديزل:طب ولما هو كده بقى
بنساعدهم ليه يفتروا اكتررر والشعب كله قرف!!
جربة وهو بيولع سيجارة:عشان
زبايك الفلوس يابه ‘ احنا يابه من ساعة ما اتخلقنا وهما علمونا
انه ندوس على اقرب الناس لينا
وعلى نفسنا كمان عشان نجيب المم!! يبقى هنيجي بقى دلوقتي
ونصحى ونقول ثووورة!!
كرنك:وهندفع للبلطجية كام
المرادي؟
جربة:300 جني مرة واحدة
ديزل:هأهأهأهأهأهأ طبعا كلهم تبع
الحزب الوطني
جربة:هههههههههههه مغفل مش بس
الحزب الوطني يا حبيبي بيدفع وناس تانية كمان
ديزل:مييين؟
جربة:اي حد دلوكت ليه شوووق يخرب
مصر وليه مصلحة انها ترقد متقمش بيدفع وسط
الزحمة ومن تحت الطرابيزة عشان
البلد دي توووولع اكترررر ومتقومش..
بعدين يبوس بوسة في الهوا
ويقول:وابقى سلملى على الثووورة يا مصرررين هأهأهأهأهأهأ
كرنك:ايه ياض الدماغ دي ياض؟
دماغ متكلفة يعني؟؟
جربة:اللي يجرب يتعامل مع
الحيتان الكبيرة ‘ يتعلم يعض ازاي وامتى وفين!!
ديزل بخوف: بس يا جدعان يعني
مهما كاااان دي بلدنااا ولازم نخاف عليها
كرنك:انت بتتفرح على صباح الخير
يا مصر كتير ياض ولا اييه هأهأهأهأ وشوية شوية
تقلنا مصر هي امي ونيلها هو دمي
‘ وبلااادي بلاااادي بلاااادي!!
جربة يقوم يقف ويكون واقف مش
راكز من كتر سجاير المخدرات اللي بيشربها ويقول:
تعيش مصر حرة مستكلة ‘ تعيش مصر
حرة مستكلة
اسفخوووووس على دي بلد يا جدع!!
الا عمرنا ما شفنا فيها يوم حلو!! اتعرينا واتسحلنا
واضربنا فيها من صغرناااا!! من
واحنا عيال صغيرة دوقنا المررر وشلنا الهم!! هه كات
فين البلد اللي عاوز تحميها دي
يخوياااا ؟؟!! عملتلنا ايه لما كنا عيال شوارع ؟!
اللي هربان من جوز امه المفتري
واللي ملوووش ام واللي طلع ..... امه عشان يعرف يدوب
يعيش!! لو هتعيشها وطنية يا
حبيبي يبقى مش هتاكل الشهد اللي بتاكله دلوقت!!
ديزل وعينه فيها دموع:يا جدع
نفسي من مرة اعييييش زي اي انسان ليه بلد بيحبها ويخاف
عليها!! تعبت من كتر ما بعت في
ضميري وبعت ناس ياما ودوست على ناس ياما!!
يشاور على قلبه ويفضل يضرب عليه
ويقووول بصوت مدبوح:يا جدع نفسي الشيء اللي جوة هنا
يرجع يصحى ويعييييييش!! انت
نَفسَك يبقى ليك قلب ‘بدل الحجر الميت اللي جواااااك!!
كرنك:الله الله الله الله مالكم
قلبتوها غم ليه كده ‘ هو البُرشام خستع وجاب لورا ولا ايه؟
ديزل ودموعه نازلة: انا حمادة يا
جدع بيجيلي في المناااام من فترة لفترة ومكفررررني!! نفسي
اقله ارجع عيش بس ارحمنييييييي
بقى من دمك!! نفسي ارجع بني ادم يا جدع!! ايوووووة
نفسي انزل في الميدان زي الناس
النضيفة واهتف بعلووو صوووووووتي معاااااااهم
عيييييش حرررررية عداااااالة
اجتماعية ‘ عيييييش حرررررية عداااالة اجتماااعية
يقوم ديزل ويقف ويشرب من البيرة
ويقول:عييييش حررررية عدااااالة اجتمااااعية
كرنك:حرية دي تبقى خااااالتك
هأهأهأهأهأهأ
جربة:انززل انزززل ‘ انزززل يا
جدع هههههههههههه انزل بلاش كلام فااااضي ‘
طب يكش توووووووولع ام البلد
الوسخة دي!!
**************************************************
ترجع لوزة بعد خمس ساعات البيت
ووشها يكون منفوخ ومحمر ومضروبه في عينها ‘ تجري
عليها زيزيتا بلهفة وخوف
وفزع:ماااالك يا بتش؟؟
لوزة بارتباك:مالي يختشيي
زيزيتا:ايه اللي عمل في وشك
كدهون؟؟
لوزة بارتباك شديد:مم م مفيش
اتكعبلت على وشي وانا جاية
زيزيتا بخوف:طب تعالي يا بت
اعملك اي كمادشات ‘ حلوووة للوش
لوزة:لاه يختشي انا تعبانة وجتتي
منملة وعايزة انام ‘ عشان بكرة الصبح بدري ورايا شغل
زيزيتا باستغراب:شغل ايه دشه يا
بت اللي من صباحية ربنا كدشه؟
لوزة:يوووووه يا زيزي ‘ بقلك ايه
يختشي انا مش فايقالك وعايزة انااام
تمشي زيزيتا ورا لوزة لحد الاوضة
وتقولها:لااا مش هسيبك يا بت ‘ عشان انتشي وراكي حكاية
ورواية وهتشقوليلي فيه ايه
دلوووقت!!
لوزة:عايزة تعرفي فيه اييييه
يختشي!!
زيزيتا:ايوووة عايزة اعرف
لوزة:وتسبيني اناااام؟؟
زيزيتا:ايوووة هسيبك تنااامي
لوزة:فيه يختشي اني بيدفعلي
فلوووس عشان اضرب واقوول ان العيال الشباب دوول هما اللي
بيضربوني ويتعملي محضر بالتحرررش
والتعدي عليا ولما يكشوووفي على جتتتي هيلاقوا
عليا اعراض ضرب وتعدشي!!
عرررررفتشي يختشي!!
زيزيتا بصدمة:ياااااانهاااااااارك
اسوووووح!! يالهووووي يالهوووووي يالهوووووووي!!
لوزة:عايزاني في ظروف البلدش
المهببة دشي اعمل ايه؟؟؟ هاااا اوكل نفسي وا اوكل اخواتشي
اللي في البلد منين وكل حاجة
وقفت؟؟؟ يختشي الغلابة اللي زيينا ده المووسم بتشاعنا!!
لو نزلتي الشارع هتلاقي ياماااا
واممم بيدفعلها فلوووس عشان ام .... الثورة دشي تبووظ
هاجي اناااا واعمل فيها بقى ابصر
ايه اسمه محفوظ زغلول دهوووون!!!! لااا يختشي
انا لوووزة اللي محتشاجة فلووس
عشان اوكل بيها عشر ابقاق في البلد!! والنبي
تشنامي وبلاش البصة اللي في عينك
دهي!!
زيزيتا:تقومي تعري نفسك وتسيبي
نفسك للضرب والاهانة والمرمطة؟ عشان كام ملييييم
بيدفعلك!!
لوزة:كت لقيت فلوووس وقلت لااا!!
مالها البلد يعني بمبارك؟؟ هاااا ما كنا كافيين خيرنا شرنا
وكنا بنلقط رزقنااا والحمدش
الله!! لازم بقى يعملولي فيها ابو العرررريف؟؟؟ وحياتشك
البلد دي ما هتنضف ‘ اصل اللي
تشربى على الوسخ هيطلع وسخ!!
زيزيتا:لااا انتشي غلطااانة
بقى!! عشان الناس اللي طشالعة بالملاااين دشي بيتكلموااا عننا !!
قاموا بثوووورة عشاناااا!! عشان
يتوفرلناااا عيشة حلوة وهنيه!! قاموااا يهتشفوا ضد الحكومة
الظالمة عشان يقلولهم فيه ناس
عايشة معاناااا اتدفنوا وهما ميتييين!! تقووومي انتشي تدفني
نفسك بالحياااا!! يبقى هما
بيدوروا على مصلحتشك ‘ وانتي تغدري بيهم!!
لوزة:هيهيهيهيهههههي شيلااااه يا
مصلحة!! يختشي دووول ناس مدفعلوهم زي زيهم ااااه
كلهم بيتشكلموا عشان فاكرين ان
كل واحد فيهم هيمسك في البلد شوووية ‘ لكن الغلابة اللي زي
وزيك منسيين من زمااان اوووي
وممموتش يا حمار عقبال ما يفتشكرووونا!!
زيزيتا:ياااا بتش البلد صحيييت
من النوووم اخيرااا وحسوااا بينا وطشلعوااا في كل حتشة ولسه
هيطلعوااا عشان نززززيل الغمة
دشي بقى ‘ ونبني مصر من تشاني !! بس المرادي مصر
هتكون واخده بالها منننا!!
لوزة:والنبي كلام الشعرا دشه
ميتبعش في سوق الخميس بنكله ‘ فتشك بعافية انا داخلة انام
ورايا شغل!!
************************************************
لمياء في بيت حكمت ‘ ماشية رايحة
جاية ..
جازم:اهدي يا خالتو ‘ مش كده!!
لمياء بعصبية:الدنياااا
مقلوووووبة ومش عااااارفة اطمن على ابني ولا عارفة اوصله وتقولي
اهدى!! هيجي منين الهدوووووء ‘
حسبي الله ونعم الوكييييل فيهم ‘ دول نااااس عملاااا وخاينين
عايزين البلد تووولع عشان
امررريكا تتحكم فينا..
جازم:لا معلش بقى يا خالتو !!
مين قال كده!! احنا عايشين في فساااد بقالنا سنييين ‘ العفن
في البلد طفح !! كفاية نصب وسرقة
ونهب في ثروات البلد اللي بترووح لناااس معينة
وناس تانية طافحة الكووووتة مش
قادرين حتى يعيشوااااا ومع كل ده لسه بنخونهم!!
لمياء وهي بتعيط:اناااا معرررفش
ولااا افهم في الكللاااام ده!! انا عاااااايزة ابني!!
عايزة اووووصله!!
حكمت:طب هو اخر مكالمة قالك ايه
فيها؟
لمياء:قالي البلد مقلوبة والناس
بدأت تتهجم على السجون وضرب وقتل وبعدين تلفونه اتقفل
وكل ما نطلبه زي ما انتم شايفين
كده مش قادرين نوووصله!!
حكمت بقلق وخوف:يااااارب
استرررها يااااارب
لمياء بعياط: دلوووقتي بس حسيت
بيكي يا حكمت اما ضاعت منك جنى
حكمت ولمياء قعدوا يعيطوا..
بدور بتهمس لجازم:عرفت اي حاجه
عنه؟؟
جازم:لااا بس اللي عرفته في الجريدة
النهاردة ان جتلهم اوامر لكل الظباط يختفوا بعد ما السجون
اتفتحتت..
بدور:طب ليييه؟؟ والنااس تعمل
ايه من غير شرطة؟
جازم:مؤامرة دنيئة وكذا طرف
مشترك مع بعضه من غير ما يحسوا انهم عمالين يشاركوا بعض!!
بدور:قصدك ايه؟؟
جازم:دلوقتي الكل تايه ومش فاهم
في ايه ولا بيحصل ايه!! مين بيضرب في المتظاهرين وليه
الشرطة اتسحبت وليه السجون
اتفتحت والفلوس اللي بتدفع دي مييين اللي بيمولها!!
اسئلة كتير اوي يا بدور مش هنقدر
نعرف دلوقتي في وسط الزحمة ‘ كله بعدين هيبان
وربنا يسترررر..
بدور:طب انور ‘ هنعرف نوصله
ازااااي؟؟
جازم:اديني بدور في كل مكان
وفجأة يرن الجرس البيت ‘ بعد ما
الخدام يفتح الباب يلاقوا انور داخل ومتصاب في دراعة وهدومه
مقطعة واول ما يجروا عليه ‘ يقع
على الارض مغمى عليه..
************************************
زيزيتا قاعدة في بيت لوزة وخايفة
‘ عمالة بتسمع اصوات ضرب نار ومش فاهمة الاصوات دي منين
وليه.. وبتقلب في القنوات وكل
قناة عمالة تقول حاجة عكس القناة اللي قبلها..
تجيب قناة الفضائية المصرية
فتلاقي المذيع بيستقبل اتصالات
المذيع:معانا اتصال من ام احمد
ام احمد:يا فنددددم احنا هنااا ‘
الدنياااا مقلووووبة ‘ البلطجية بيدخلوا علينا المنطقة ويضربوا نار
عشواااائي ‘ انجدوووووووووونااا
حررررررررام عليكم ‘ فيييييين الجيييييش
المذيع:يا جماعة بلاش نفتعل في
الاقاووويل ‘ حضرتك شفتي البلطجية بنفسك؟؟
ام احمد:حضرتك بقلك دخلوا على
العمارة اللي قدامنا وجابوا جوز جارتي قدامنا وضربووووه
المذيع:انتي شفتيه بنفسسسك!! يا
جمااااعة ده تشووووويش تشووووويش
زيزيتا بتعلق على اللي شايفاه في
التلفزيون:يخوياااااا انتش حماااار!! بتشقلك شافت بنفسها؟!!!
تغير زيزيتا القناة وتجيب قناة الجزيرة
فتلاقي واحد بيقول:
الاهالي فتحوا علينا السجوون
واحنا مش عارفين نعمل ايه دلوقتي
المذيع:طب وانتوا بتعملوا ايه
دلوقتي ‘ يعني ايه موقفكم؟؟
الراجل:احنااا بنتشاور بينا وبين
بعضينا ولو اتصلتوا بينا بعد ساعة هتقدروا تعرفوا احنا وصلنا
لقرار ايه..
زيزيتا تقرا بصوت عالي الشريط
الاحمر اللي مكتوب على الشاشة :
عاجل ‘محمد مرسي:الاهالي حرروا
34 من أعضاء جماعة الاخوان المسلمين من السجن
بعدين ترجع وتقول:السجون كلها
اتضشربت ‘ يا تشرى حضشرة الظابط عامل ايه في
الموكف دهون!!
المذيع:يعني دلوقتي انت بتقول انكم
34 واحد من جماعة الاخوان و7 من مكتب الارشاد؟!
محمد مرسي:اه هقلك الاسامي عشان
تعرف ‘ محمد مرسي ‘ عصام العريان ‘ محمد سعد
الكتتاتني ‘ محي حامد ‘ محمود
ابو زيد ‘ مصطفى الغنيمي ‘ سعد الحوسيني دول سبعة
من اعضاء مكتب الارشاد
زيزيتا وهي بتقلب القناة:
يالهوووي كل دشوووله هربواااا ‘
يخويا كل السجون اتفتشحت وكل المقبوض عليهم
طلعوااا!! يا تشرى هيحصل فيكي
ايه يا بلد!!
*********************************************
انور نايم على سرير جازم ولميا
ومدحت وحكمت وجازم وبدور كلهم حوالين السرير بعد ما جابوا
الدكتور ليه وطهروا الجرح ..
انور بيفتح عينه ‘ لميا بلهفة
وفزع:انوووور حصلك ايه يا انووور
انور يرجع يغمض عينه
ويقول:متخفووش
جازم:سلامتك يا بطل
انور يبتسم وهو مغمض عينه:و حش ت
ني
جازم يمسك ايده:وانت كمان ‘
يلااا قوووم بقى وشد حيلك ‘ عايزين ننزل الميدان
لميا:لااااا ابني هيقعد في حضني
‘ مش هينزل في حتة
انور:مــ ت خف يش يا امي
*********************************************
جربة للبلطجية : جزء هيروح على
ميدان التحرير عايزين نقلبها مفهوووم
البلطجية:ضرب يا باشا بس ولا
نقتل كمان؟
جربة:الاوامر اننا نخربها ‘ اي
حد قدامكم افرموووه واعدموه العافية
واحد من البلطجية:الاوامر من
الحكومة يا باشا؟
جربة:وانت مال امك ‘ حكومة ولا
غيرها؟؟؟ انت مش بتقبض يابه؟؟ يبقى تنفذ وانت ساكت!!
بعدين حكومة ولا غيره كله بيدور
على مصلحته ‘ يبقى تبقى شاطر وتدور على مصلحتك!!
********************************************
زيزيتا بتقفل التلفزيون وتقوم
بقلق وتقوول:لااااا كدشه كتشييير البت لوزة من صباحية ربنا
مجتش!! هنزل ادور عليهاا!! بس
ادور عليها فين وصوتش الرصاص دهووون!!
هنزل وخلاااص اشاء الله اقلب
اسكندرية حتشة حتشة عليها!! اااااه!!
تنزل زيزيتا وتكون لابسة عباية
ولافة على شعرها طرحة واقعة كده وطبعا مش حاطة اي ميك
اب وتقعد تدور عليها في الشوارع
.. فتلاقي مسيرة مليانة ستات بيهتفوا:
الشعب يريد اسقااااااااط
النظاااااااام ‘ الشعب يريييييييد اسقاااااااااط النظااااااااااام
يعدوا من جمبها فتكون واقفة
بتتفرج عليهم وهي مبسوطة وبعدين واحدة تقلها :قولي معانا
الشعب يريد اسقطااااط
النظااااااام
زيزيتا بصوت واطي:الشعب يريد
اسقاط النظاااام
الست:علي صوووووتك اكتر ‘ قد ما
اتظلمتي علي صوووتك ‘ قد ما اتوجعتي من النظام الفاسد
علي صوووتك ‘ قد ما شربتي الذل
وقلتي بكرة هيبقى احسن ويجي بكرة ويبقى اسووود ‘ علي
صوووووتك..
زيزيتا بدموع وكل مشاهد الظلم
تيجي قدام عينها فتقول بصوت عالي والدموع نازلة من عينها:
الشعب يريييييييد اسقاااااااااط
النظااااااااام
تدخل زيزيتا جوة المسيرة وتنسى
انها كانت بتدور على لوزة وتفضل تهتف:
الشعب يرييييييد اسقاااااط
النظاااااااام
لحد ما يقابلوا ستات جايين في
المعاكس وكلهم شراشيح ويدخلوا على المسيرة دي ويضربوا
فجأة زيزيتا تلاقيها وسط ستات
بيضربوا ستات ومش شايفة اي حد ولا قادرة تميز وشوش
حد ‘ كل اللي شايفاه ستات ماسكين
مطاوي واللي ماسكة شوم واللي ماسكة جنازير ونازلين
ضرب وفجأة تجيها ضربة مطوة..
................................
استنوني الحلقة اللي
جايــــــــــة
ــــــــــــــــــــــــــــــــــــــــــــــــــــــــــــــــــــــــــــــــ
* اعتذر مرة اخرى عن الالفاظ الخارجة
* مكالمة محمد مرسي متاخدة من قناة الجزيرة نفسها
* المكالمة اللي حصلت على القناة الفضائية المصرية سمعتها بنفسي ايام الثورة
