"هِسّهِسّ" الحلقـــــة الرابعـــــــــة

الحلقــــــــة الرابعــــــــــة

رودينا بتوتر:أيوب صح؟

إلياس:اممم!! بس غريبة يعني بيتصل بيا!؟ ده بقاله فترة معملهاش

رودينا:رد شووفه عايز ايه وانا داخلة جوة..

إلياس بابتسامة مصطنعة: باشا ازيك ؟

أيوب بتوتر شديد: ازيك عامل ايه؟

إلياس: الحمد الله

أيوب:...

إلياس:...

أيوب:بص انا عارف يا صاحبي اني مقصر معاك ومقصر في حقك ومقصر في كل حاجه ‘ بس

..... مش عارف اقول ايه ..... بس ..... احنا محتاجين نفتحة صفحة جديدة مع بعض ‘ يعني ....

فيه وضع جديد وبقينا مش مرتاحين ومحتاجين نتكلم كتير في الموضوع ده.....

إلياس بابتسامة: الوقت اللي تحبه يا أيوب انا مستعد اتكلم فيه..

أيوب:طيب تمام انا هخلص كام اجتماع ورايا واتصل بيك على الغدا كده نتغدا سوى؟ فاضي ولا

مشغول؟

إلياس:لا تمام هكون في الجاليري .. قولي فين بس وانا اجيلك..

أيوب:هعدي عليك

إلياس:خلاص مستنيك ان شاء الله

يقفل إلياس مع أيوب ويسرح بذكرياته ويرجع لورا ‘ لما كان في جامعة وكان واقف مستني أيوب

يخرج من المحاضرة..

أيوب يخرج يلاقي إلياس واقف مستني فيقول:بقالك كتير واقف؟

إلياس:ايه يا عم ده؟ بقالي نص ساعة واقف لحد ما كنت خلاص هتجنن وادخل اقول لدوك بتاعك

ده انجز..

أيوب:يا عم ده راجل فصيل عمال يرغي يرغي ... بقلك اييييه انا ميت من الجوووع وديناصورات

بطني مش بتصوصو لاااا دي ممكن تهجم على اي حد تهبشه دلوقتي...

إلياس:هههههه .. المفاجئة بقى ان الغداااا النهاردة عند الست الوالدة

أيوب بفرحة:بجدددد؟

إلياس:عيب عليك طبعا

أيوب:قووولي بقى كده انها عاملة المسقعة اللي بمووووت فيها ؟

إلياس بيغمز ويقول:لااا ده اللي عملها مخصوص ليك هي رودي..

أيوب:ياااااه شوووقتني ‘ طالما معمولة من صوابع زي العسل اكيد هتكون عسل

إلياس يضرب أيوب:جرى ايه يااااد نسيت نفسك ولا اييييه ‘ متنساش انها اختي

أيوب:يا عم انا كلمت باباك خلاااص وقلتله اني حاجزها وقريت فاتحة معاااه يعني هتبقى حلالي

بأذن الله ..

إلياس:بردووو حتى لوووو ‘ دي مجرد فاتحة يعني ممكن نسحبها في اي وقت ونقولك ملكش بنات

عندنا...

أيوب:ده انا كنت اموت فيها يا جدع

إلياس:بعد الشر عليك يا صاحبي .. انت عارف ياد احلى حاجه ايه في الموضوع ده؟

أيوب:ايه؟

إلياس:ان انت صاحبي وعارفك وحافظك وعارف انك هتحافظ على اختي ازاي ومتأكد من ده كمان

وان الحمد الله الحمد الله بابا وافق لحسن انا كنت مرعوووب من اللحظة دي اكتر من رودي!

تصور؟

أيوب:يا ابني هتلاقوا عريس زي فين بس

إلياس:يا عم روّح بقى ..

أيوب: انت لسه متكلمتش مع ريانة؟

إلياس بخنقة وضيقة:مش عارف ‘ مرعوووب وخايف اوووي ‘ مبتدنيش فرصة اني اكلمها في

الموضوع ده خالص! زي ما تكون حاسة وبتصدني بزوق !

أيوب :امممم بس تفتكر باباك هيوافق انك تتجوز واحدة مطلقة؟!

إلياس:واحد زي بابا صعب اوووي يا أيوب وانت عارف  افكاره المريبة فمعتقدش هيوافق بسهولة!!

ده انا بقلك انا لحد دلوقتي مش مصدق انه وافق عليك!! بس هي لو تديني الضوء الاخضر ‘ هبقى

مستعد اواجه الدنيا كلها..

أيوب:امممم ‘ طب لسه معرفتش هي اطلقت ليه؟ او ليه اصلا اتجوزت واحد اكبر من ابوها؟!

إلياس بحزن:ده السر الوحيد اللي مش قادر افك لغزه!! شوف اعرفها بقالي اد ايه!؟ الا اني لحد

دلوقتي مش قادر اعرف هي ليه اتجوزت واحد اكبر من ابوها !!!!

أيوب:ولا حتى رودي تعرف؟

إلياس:هه ولا حتى رودي تعرف ! تخيل !!

أيوب:ياااه لدرجادي؟!

إلياس:احيانا بحس اني اكتر واحد في الدنيا دي كلها فاهمها واحيانا تانية بحس اني عمري ما فهمتها

ولا عمري هفهمها! بحسها غامضة بطريقة يا اخي تخوّف!!

وفجأة يفوق إلياس من ذكرياته على ايد رودينا وهي بتشاور يمين وشمال قدام عنيه عشان يفوق..

رودينا:اييييه ‘ بقالي خمس دقايق واقفة قدامك اناديك

إلياس:هه معلش حبيبتي كنت سرحان

رودينا:كان عايز ايه؟

إلياس:عايز يقابلني ‘ يعني عايز نتخطى مرحلة التوتر و التنشنة اللي وصلنا ليها

رودينا:امممم

إلياس:هيضايقك؟

رودينا:لا بالعكس ‘ انت عارف اني عمرت ما كنت عايزاك تخسر اعز صاحب عندك بسببي..

إلياس:تماام انا هقوم بقى اروح الجاليري وهبقى اتغدى معاه ...

رودينا:وانا لو زهقت هبقى انزل اعمل شوبينج شوية ‘ مش عايزة اقعد في البيت افكر كتير

إلياس:مش هتروحي لبابا بردو؟

رودينا بتتنهد وتمسك شعرها بايدها بقوة ‘ دليل على انها تعبت من الموضوع وقالت:مش دلوقتي

يا إلياس مش دلوقتي...

************************************

ريانة قاعدة قدام التلفزيون على الكرسي ومستلقاة عليه ورجلها ممدودة قدامها وعمالة تأفف كل

شوية.. بصت للساعة لقتها 5 العصر ورجعت تقلب في القنوات وفجأة لمحت ظل واحد ماشي

في الجنينة لابس اسود ‘ اتفزعت جدااا ووشها اصفر وبدأت تعرق كتير وارتبكت ومبقتش عارفة

تروح فين ولا تعمل ايه .. شافت تلفون البيت قدامها على الكنبة جريت عشان تاخده اتكعبلت في

سلك الاب التوب اللي كانت حطاه بيشحن على الطرابيزة اللي جمبها ‘ لما وقعت وقع معاه الاب

توب .. حطيت ايدها بسرعة من الخوف على بقها وخدت التلفون وجريت على اوضتها فوق

قفلت على نفسها واتصلت بأيوب..

أيوب:ايوة حبيبتي انا في السكة

ريانة بصوت واطي ومرعوب:أيوب أيوب أيوب الحقني الحقني يا أيوب بسررررعة

أيوب بفزع:فيه ايه يا ريانة؟؟ فيه اييييييه؟

ريانة:أيوب فيه واحد في الجنينة ‘ شفته شفته بيمشي وانا طلعت فوق الاوضة وقفلت عليا بالمفتاح

أيوب:ريانة حبيبتي اهدددي اهدددي ‘ انا جاي بسرعة اهو .. بس بصي دوووري على اي حاجة

حادة حواليكي عشان لو لو دخل عليكي واتأكدي انك قفلتي باب الاوضة عليكي وانا جاااي اهو

متخافيش حبيبتي متخافيش..

ريانة بعياط وانهيار وبصوت بشووويش:اناااا مرعووووبة يا أيوووب مرعوووووبة

أيوب:انا معاكي اهووو على السكة ‘ لقيتي حاجه تتدافعي بيها عن نفسك؟

ريانة بعياط وتوتر:مم ممش عارفة مش عاااارفة

أيوب بتوتر:طب اهدددي انا جاي اهوو جااااي

بعد عشر دقايق يوصل أيوب ويجري بشويش عشان الشخص المجهول ميحسش بيه ويروح على

الجنينة بسرعة ويكون ماسك في ايده عصاية حديد طويلة وسمكها متين ‘ بيشيلها دايما معاه في

العربية من ساعة ما اتهجموا عليه حرامية مرة في الدايري وسرقوه .. بيفضل يتلفت يمين

وشمال ووراه وقدامه عشان يشوف اي حد بس مش شايف اي اثر لاي حد.. شاف بس

ان الجنينة متبهدلة واصيص الورد مكسور والورد متداس عليه والجنينة بان ان كان فيها حد

دخل الفيلا ودور في كل حتة قبل ما يطلع فوق وبردو ملاقاش اثر لاي حد ‘ طلع بسرعة على فوق

عشان يشوف ريانة لقى الباب باين عليه اثار طعن ومكتوب على الباب "ريانة هتموت"..

من خضته جري بسرعة يفتح الباب بس كان مقفول ‘ قعد يضرب بايده عشان ريانة تفتح بس

مكنش سامع اي صوت .. فضل يضرب ويزق الباب كذا مرة لحد ما قدر يكسره ويفتحه وهناك

لقى ريانة واقعة على الأرض مغمى عليها..

************************************************

إلياس بيفتح الباب لقى رودينا قاعدة في المطبخ بتاكل .. اول ما شافته عينها كانت بتسأله:

يا ترى عملت ايه؟

إلياس قال:عارف انك هتموتي وتعرفي قلنا ايه بس اروح اغير هدومي واجي احكيلك بالتفاصيل

رودينا اكتفت بهز راسها بمعنى انها مستنياه..

بعد دقيقتين بيرجع إلياس ويقعد قدام رودينا ويقول:قابلته وطبعا في الاول فضلنا احنا الاتنين

متوترين.. بعدين سألني عليكي..

رودينا:قال ايه؟

إلياس:قالي هي كويسة؟ وقعد يسأل كتير انتي رجعتي ليه ‘ كان مهتم يعرف انتي اطلقتي ولا لا

رودينا:وقلتله؟

إلياس:مقلتهاش صريحة بس أيوب ذكي وفهمها ..

رودينا:اممم وبعدين؟

إلياس بيتنهد ويقول:قالي انه مخسرنيش واذا كان بعد عني فده عشان ميعذبنيش في بداية الموضوع

وبعدين التوتر بنى الف حاجز بينا.. قعد يشرحلي انه بعد ما انتي اتجوزتي واد ايه كان صاعقة ليه

ملاقاش حد جمبه ولا فهمه قد ريانة واللي كانت بردو خارجة من موضوع طلاقها ..

رودينا:ومين اولى يكون جمبها بعد طلاقها انت ولا هو؟

إلياس بحزن:هي اللي اختارته عني يا رودينا .. هي لقت في أيوب الامان اللي عمرها ما حسته

معايا!! كانت شايفة دايما اني مش هقدر اوفرلها ده..

رودينا بنرفزة:اااه يقوووووم يتجوزها!!

إلياس:هرجع واقلك انه يعتبر انتي اللي اتخليتي الاول!

رودينا بعصبية:وهو انا اتخلييييت بمزااااجي!! ما انا اتغصب عليا وادبحت!!!

إلياس:انا مش قادر اقف في صفك ولا قادر بردو اقف في صفه!! بس هو كان مدبوووح!! رجع

من السفر لقاكي اتجوزتي وسافرتي مع جوزك!! اااه مش قادر اسامحه انه يوم ما لجأ لجأ لاكتر

انسانة حبيتها في حياتي بس جايز من كتر ما هو مدبوح مكنش شايف قدامه!!

رودينا:طب وهي؟!!! مفكرتتتتتش !!!!

إلياس:متسألنيش عنهاااا .. اسأليني عنه لما عرف واتصدم بخبرك وكانت غلطتك انك مقلتلوش

قبل ما يسافر على اللي بابا ناويه معاكي!! اسأليني وانا بشوف صاحبي بيقع من طوله ودخل

المستشفى بسبب انهيار عصبي.. زي ما قلتلك جايز يكون اختار شخص غلط يسانده ويقف

في محنته بس في الاول وفي الاخير هو مخطفش حد من حد..

رودينا:هه يعني؟

إلياس:يعني صحبتك هي اللي لجأت ليه وكانت محتاجاه اكتر ماهو محتاجلها ...

رودينا:يعني سامحته؟؟

إلياس:انا كنت عاتب عليه عشان ريانة بس لازم افوق بقى من الوهم اللي انا فيه ده واعرف انها

عمرها اصلاااا ما حبتني!! فمليش اني الومه على قلب عمره ما حبني ... حتى لو مكنش هو

اتجوزها هي عمرها ما كانت هتختارني..

رودينا:انا قلبي موجوووع اوووي ومحروووق ومش عارفة انت بتتكلم ازاي كده؟!!!

إلياس بتوتر:بتكلم بعقلي يا رودينا .. انا هبقى بظلم صحبي اكترررر لو قلت انه سرق ريانة

مني! لان ريانة مكنتش ملكي اصلااا علشان تتسرق!!

رودينا:طب وانااااااااااااا؟؟؟ اناااااا ايييييييييييييه اييييييييييه

إلياس:طب ما هو كان هيتجوز كده كده؟! ولا انتي كنتي متوقعة انه يستنى واحدة "في نظره"

هي هربت ووقعت من اول مطب في حياتهم؟!!!

رودينا بتبكي جامد وتغطي بايدها فوق عينها وتقول:حرااااام ‘ حرااااام بقى انا محتاجة حد يفهمني

إلياس بيقوم ويحضنها:والله فاااااهمك واكتر وااااحد عذرك ومقدرررك عشان شفت اللي ورا

الكواليس بس هو مشفش فمتتوقعيش انه يقدرك..

رودينا:بس انا بحبه بحبه ومش قاااااادرة .. مش قاااااادرة يا إلياس.. انا بس شفته معاها

وماسك ايدها كنت هقوم اخنقهاااا واقتلهااااا..

إلياس:امال لو تعرفي هو طلب مني ايه هتقولي ايه!! بس انا قلتله اني معتقدش توافقي؟

رودينا:ايه؟

إلياس:طلب ان انتي تفتحي صفحة جديدة كمان مع ريانة وو ..... و.....

رودينا:و ايييه؟

إلياس:و نسافر يعني كلنا وكده

رودينا باندهاش: اييييييه!!! هههههه انت بتهزررر صح؟!!!

إلياس: انا بقى شايف ان احنا محتاجين نتقبل الواقع زي ما هو ‘ انا لازم افوووق بقى من وهم

حبست نفسي فيه وانتي لازم تفووووقي ان حبيبك بتاع زمان خلااااص اتجووووز!!

رودينا:ومين قالك انه مش هيرجعلي؟!

....................

استنوني الحلقة اللي جاية