الحلقة الخامســــــة عشـــــــــر
بعدين صمت طويل فضل بينهم حست فيه بيري بالندم على
تسرعها للي قالته وفي نفس الوقت كان تركي حاسس
انه مشتاق جدا يشوف بيري بس مكنش حابب تشوفه في عجزه ..
- تحب نتقابل؟
- ......
حست بيري بإحراج تاني وقالت وعيونها مليانة دموع:
- اسفة ‘ انا هقفل عن اذنك
- عشر دقايق واكون عندك ..
*****************************************
خرجت بيري وقالت
لياسمين انها خارجة تقابل تركي..
- طب انتي متأكدة
يا بيري انه هيقف جمبك فعلا؟
- ايوة هو وعدني
وبعدين انتي مش قلتيلي انه شكله راجل فعلا ومحترم!
ياسمين بقلق وحيرة:
- ممممم انا فعلا
بشوفه كده بس اخر موقف حصل لما كنا في المول والبنت العجيبة دي جت حسيت بقلق
كده يعني حسيت فيه
عكة في الموضوع وانا خايفة عليكي ! ما انتي مخرجتيش من عك عشان تدخلي في
عك اكتر!!
بيري بابتسامة
مكسورة:
- متخافيش جرحي
اللي لسه بينزف مش هيخليني ارمي نفسي في نار تانية دلوقتي!
ياسمين بتشجيع:
- بس تركي بقى مش
نار هو بس لو معكوك يخلص ع خير وربنا يسهل
بيري بهزار:
- انتي قريبته يا
ياسمين ولا حاجة ؟! يعني بتدافعه عنه كتير ولا كأنه قريبك!!
- هههههه مش عارفة
بس انا عندي حاسة بشم الكويس من الوحش من على بُعد وبصراحة اللي ما يتسمى
ده عمره ما نزلي من
زور بس كنت بخاف اقلك !
- مين ده؟!
- اللي راح ربنا ما
يرجعه واسمه إبراهيم!
- ااه ..
تسكت بيري لثواني
وتقول بعدها بحزن:
- تخيلي محاولش
يكلمني من وقتها! زي ما يكون باع ؟؟ انا مش قادرة اصدق ان ده إبراهيم اللي حبيته
واللي كنت هتجوزه
خلاص..
- احمدي ربنا انه اكتشفتيه
من دلوقتي مش بعدين!
بيري وهي سرحانة:
- ده كان مبيقدرش
على بعدي يا ياسمين! عارفة يعني ايه لما كنت بغيب عنه بالساعة يقلي انتي فين ؟!
ملكيش حس ليه؟ سواء بمسج او بواتس اب او بأي حاجة!!!
- بيري الله يخليكي
متفكريش بالاسلوب ده لانك هتنهاري! مش هتلاقي غلطة ليكي تسمحله يعمل اللي عمله
ده ! فمتفكريش كده
هتتعبي..
- ما انا فعلا
تعبانة ومش قادرة !
- عارفة يا حبيبتي
عارفة ‘ حاولي تساعدي نفسك تعدي الازمة دي ..
بتنهيدة:
- هيييه طيب ‘ هنزل
بقى عشان متأخرش
*******************************************
في مطعم معروف في
البحرين ‘ أضوائه هادية وفيه موسيقى هادية بتتعزف كان تركي قاعد مستني بيري..
دخلت بيري المطعم
فضلت تدور عليه ولما لقته اتجهت ليه ..
- انا اسفة اني
خليتك تنزل وانت اكيد مضايق ومش ناقص دوشة .. بس .....
قاطعها تركي
بابتسامة:
- بالعكس انا كان
نفسي بس مكنتش في نفس الوقت عايزك تشوفيني وانا في الحالة دي
بيري بتردد:
- خايفة اكون حشرية
لو سألتك مالك
- الاجابة طويلة
اوووي
- سامعاك
- عايز اتفهم مش
اتسمع
اتلعثمت بيري وقالت
بارتباك:
- اكيد هفهمك ولو
معرفتش ابقى حاول تفهمني
سكت تركي لثواني
وبعدها بص في عيون بيري وقالها:
- انتي بالذات لازم
تفهميني
اتوترت بيري اكتر
واتكسفت وقالت بسرعة من الارتباك:
- طب اشرحلي مالك
يلا ؟
- فاكرة اني حكيتلك
اني اتخنت واني عشقت لحد ما اتهنت! اهي هي دي اللي حاليا مفروض عليا اتجوزها!
اول ما سمعت بيري
كلمة "مفروض عليا اتجوزها" قلبها اتقبض وبلعت ريقها بصعوبة وبعدين قالت:
- ازاي؟!
- دي تبقى بنت
خالتي وبابا بيعتبر باباها زي الاخ وبينهم شغل وفي السعودية جواز الاقرايب بيبقى
بشكل
كبير وانا كنت عارف
ده من زمان ‘ من واحنا صغيرين وكبرت قدامي وانا فكرة واحدة في دماغي ان دي
اللي هتجوزها
وحبيتها ع الاساس ده بس هي طلعت خاينة وطلعت بتلعب بالقلوب وكأنه شيء عادي
ومبقتش عايز اليوم
اللي يجي والاقيها فعلا اتفرضت عليا ! بس واضح انه جه خلاص .. هددتها وقلتلها
اني مش عايزها
وترفضني وساعتها والدي مش هيتكلم بس للاسف هي بدأت تعند..
- تفتكر حبتك لما
ضعت منها؟
- هههههههه بريئة
انتي اوي يا بيري! خديجة تحب ؟! وتحب مين! تحبني انا؟! انا اللي شفتها بعيني
شفت خيانتهاااا
بنفسي!
- امال تفتكر هي
ليه بتعمل كده فيك؟!
- عشان تكسرني ‘
لاني كاسر عينها .. هي بمعتقداتها الغبية فاكرة انها تقدر تعمل فيا كده
بيري بارتباك اكتر:
- وانت قررت على
ايه؟
تركي بخوف يبص
لبيري ويقول:
- لو فضلت مصممة
على التحدي هتجوزها
دق قلب بيري وقتها
وحست بألم شديد في قلبها وكأنها اتوجعت من جديد بس كانت محتارة ومستغربة
جدااا هي موجوعة
ولسه مش قادرة تفسر سبب خيانة إبراهيم ليها ‘ طب ليه قلبها وجعها تاني لما حست
ان تركي هيتجوز حد
غيرها؟!
ابتسمت بهدوء
وقالت:
- فعلا اهم حاجة
رضا الاب ‘ ومتعرفش يمكن هي تتغير وتبقى كويسة ويرجع الحب القديم بينكم
ضحك تركي بسخرية:
- انت بتتكلمي جد؟!
- ايه مالك!
- انا وخديجة اخر
اتنين ممكن يحبوا بعض!
- بس كده جوازكم
......
قاطعها تركي فورا
وقال:
- جوازنا ده هيكون
عقاب هي فرضته ليها بنفسها! انا هتجوزها
اسما بس! لكن هي عمرها ما هتكون
مراتي اللي يوم ما
اتعب من الدنيا وابقى عايز حضن أمان هجري لحضنها!!! هتكون مراتي بس عمرها
ما هتكون هي الانسانة
اللي مستعد اوريها دموعي وانا مش خايف!!
- مش قادرة افهمك !
امال هتتجوزها ليه؟! ويعني ايه عقاب؟! لما هي نفسها اصلاااا عايزة تتجوزك عشان
تعاقبك انت ..
- هعيشها ايام
سووودة
خافت بيري من نبرة
الحقد اللي في تركي :
- بس انت مش من
النوع ده
تركي بعصبية:
- معاها مفيش نوع
ينفع الا ده!! هي اللي فتحت النار عليها .. خليها تدوق بقى مُر عذابي
بصت بيري بخوف ليه
وبعدين لفت وشها لبعيد وسرحت فقالها تركي فجأة:
- سافري مصر انتي
بس وانا ورقك بأذن الله هخلصه وهترجعي تاني هنا .. وسلميلي على عيلتك
- انا خايفة اني
ممكن مقدرش ارجع
اتغيرت فجأة ملامح
تركي من انسان هادي لانسان الرعب امتلكه:
- ايــــــه! لا
طبعا ازاي؟!
- ماما ممكن تخاف
تنزلني في غربة لوحدي ‘ هي كانت مطمنة عشان وجود ......
تركي مقاطعا:
- متقوليش اسمه
عشان بيعصبني!
- ليه؟!
سكت تركي لثواني
وقالها بهدوء:
- لو شفتي حد عنده
"ليلك" وانتي بتدوخي عقبال ما بتلاقي النوع ده لانه نادر وتلاقيه مهمل
ومش مهتم وبيعاملها بجفاء هتعملي ايه؟؟
- هبقى عايزة اجري
عليه ازقه واضربه واخد الورد منه وادعي ان
يكون لسه فيها امل تعيش
- بس كده انتي
جاوبتي على نفسك..
تحس بيري بدقات
قلبها بتدق بسرعة وتخجل جدا وتبص في الارض من الخجل وتقول بعدها بثواني بلعثمة:
- طب انا لازم امشي
عشان اتأخرت وبكرة عندي سفر..
- هاجي اوصلك بكرة
المطار بنفسي
- مش عايزة اتعبك
- ياريت يكون كل
التعب منك انتي بس
******************************************
ترجع بيري من برة
تلاقي ياسمين قاعدة في الصالة بتعيط بتتخض جامد وتجري عليها :
- في ايه يا ياسمين
مالك؟؟؟؟ مهرة عيانة؟؟ فيه ايه؟؟ حد حصله حاجة من اهلك؟؟
- لاااااا بس انا
تعبت يا بيري
- من ايه ! منا
سيباكي كوويسة
- ماما زهقتني يا
بيري من حوار العرسان وانتي امتى تنزلي عشان تشوفي ابن مش عارف مين بيدور
على عروسة وابن فلانة وابن مقرفة وابن وابن وابن وابن
- ههههه ضحكتيني في عز خضتي عليكي! ابن مقرفة ايه بس .. ماهي مامتك ومن
حقها تفرح بيكي
- ايوة بس مش كده والله!! يعني اعصابي خلاص !
- قوليلها في الاجازات
- منا كان المفروض انزل في اجازة نص السنة دي بس منزلتش على اساس مرضتش
اسيب مهرة بعد
ما عرفت عن موضوعها..
- خلاص قوليلها في الصيف
- انتي عارفة المشكلة فعلا اننا المغتربات بنواجه ازمة عدم وجود عريس دي!
- ازاي؟
- يعني في ام البلد دي فييين وفييين عقبال ما بلاقي مصري ! ويوم ما بنلاقي
ممكن يطلع فلصووو
- طب ما انتي عندك يا حبيبتي وقت الصيف
- انتي عارفة نصهم بيجوا ليه؟
- ليه؟
- اول ما بيعرفوا اني بشتغل برة! بيتهوسوا وكأن لقوا كنز!! طب تخيلي مرة
قعدت مع عريس يا بيري
فضل طول القعدة يسألني عن شغلي في البحرين وعن البحرين نفسها اكتر ما
بيسألني عن نفسي !!
بيبققوا فاكرين انا بقى العروسة اللي هتخرجهم ع الخليج! فياخدها باكدج كله
على بعضه عروسة ووظيفة
في الخليج!
- طب وبعدين
- وواحد تاني بقله انا عايزة لو اتجوزت ارجع مصر بقى اقعد فيها تخيلي يقولي
ايه؟
- ايه؟
- يقلي ليه البحرين احلى ‘ انا
بفكر لو حصل نصيب بينا اديكي ورقي بقى تشوفيلي شغل فقلتله طيب افرض اخدت وقت يعني
عقبال ما الاقيلك منا مش بسهولة ! يقلي لا شوفيلي اي شغلانة بس اجي بيها وبعدين
انا هفحت الصخر هناك عقبال ما الاقيلي شغل!!
- هههههههههههه مسخرة!
- استني بس قمت قلتله لا انا مش عايزة اصلا اكمل هناك ‘ منا عايزة اشوف
هيعمل ايه ! قام قالي
لالالا قعاد في مصر مش ناوي قمت قلتله لا انا اللي ناوية اصلا مكملش
المناقشة دي ..
- يخربيت عقلك !
- ماهو اصلا مش عايزني! ده كان عايز يجي الخليج وخلاص!!
- معلش فهمي مامتك براحة وهي اكيد هتقدر ده يا ياسمينة
- مش مهم الكلام ده ! انا كنت بعيط كده عشان افك من خنقتي شوية ! اعمل ايه
يعني لحظي اني من المغتربات واننا فين وفين عقبال ما بنلاقي عريس حليوووة كده..
- هههههههه ياااارب يا ياسمينة تلاقي عريس العمر حليوة كده..
- المهم انا مليش فيه هتيجي البحرين تااااني سمعاااااني!!
بيري بحزن:
- بيني وبينك انا اللي بقيت بفكر مجهاش تاني
ياسمين بصدمة:
- ايه!! ليه يا بيري
- خليني بعيد يا ياسمين انا مش حمل وجع تاني
- حصل حاجة مع تركي؟؟
- طلع باباه عايز يجوزه قريبته اللي كان هو بيحبها زمان وخانته
- اوبا ! مش قلتلك شكله معكوك عكة ما يعلم بيها الا ربنا !!
- خليني بعيد
- خفتي تحبيه؟
- مش عايزة اتعلق بأمل سراب كداب!!
- بس فرصة العيشة هنا يا بيري لظروفك ووضعك حلوووة ومريحة مامتك واخواتك!
- هحاول الاقي زيها في مصر
- لالالالالااااا انتي تروحي تقعدي شوية هناك وترتاحي وتنززززلي يا بيري
متهزررريش!!!!
هزت بيري راسها بهدوء وبابتسامة مليانة حزن وجوة نفسها كانت بتقول:
"لازم مرجعش ‘ بلاش اعلق نفسي بأمل مش ليا ‘ واللي ربنا عايزه هو اللي
هيكون"
**********************************************
رينا بتتصل في
الشغل وتعتذر ليهم عن انها مش هتقدر تحضر وده لانها تعبانة جدا وبتتصل بأخوها بعد
ما
بندر يروح الشغل ..
بتحكي لاخوها على كل اللي حصل وبيتفق معاها انه في اقرب رحلة طالع بيها
هيجيلها مخصوص
البحرين عشان يشوفها ويقعد معاها ....
*****************************************
تركي بيركب عربيته
بعد ما وصل بيري المطار واول ما بيركب بيجيله مسج بيشوفها من برة باسم بيري فيبتسم
ابتسامة مليانة حب ويفتحها واول ما يفتحها يتصدم!
...................................
