الحلقــــــــة
الثانيــــــــة عشـــــر
جازم وهو بيبص على
زيزيتا من تحت لفوق :هتعرفي؟
زيزيتا بضحكة مليانة
وجع:هيهيهيهيهيهيي اماااال ده انا زيزيتا والاجر على الله...
جازم:طب يلا بينا
وفعلا راحت زيزيتا
معاه بعد ما دفع لسوسن جزء من الفلوس وراح بيها على شقة..
زيزيتا وهي بتدخل:دي
شقتك؟
جازم:يعني مش بالظبط
‘ هي بصراحة بتاعت واحد صاحبي
زيزيتا:يعني انت
ملكش في الكلام ده يخويا وشكلك ضارب لخمة! ايه اللي يرميك على المر؟؟
جازم:عارفة احلى
حاجة فيكي ايه؟
زيزيتا بتلعب في
شعرها وتلعب بحواجبها وتقول:هيهيهيهيهي ايييه يا عنيا؟؟
جازم:انك ذكية اوووي
‘ بصراحة انا فعلا اول مرة اعمل كده ومش عادتي بس انا عاوز ادردش
معاكي شوية وبعدين
توريني بقى بتبسطي زباينك ازاي
زيزيتا وهي رافعة
حاجب:انتشه مش محامي؟! انتشه ظابط!!
جازم:لا صحفي
زيزيتا:ههيهيهيهي من
بتشوووع القلم واللسان الطووويل دووولة يعني
جازم:هههههههه
ايوووة انا من بتوع القلم واللسان الطوويل
زيزيتا:تب يا خويا
وانا فيا ايه عاوز تتشكلم عنه؟
جازم:انتي فيكي ايه
الواحد ميتكلمش عنه؟! فتاة ليل ومن عشوائيات وبتعملي ده عيني عينك ومش
خايفة من حد ولو حد
كلمك عن شغلك تقريبا بتدافعي عن نفسك؟ رغم انك ممكن تكوني اكتر
واحدة عارفة انك
ماشية في سكة غلط
زيزيتا:وخد الاتقل
منها كمان وبمنع اي بتش تمشي في سكة زي سكتشي يا خووويا
جازم:يعني مش حابة
شغلانتك طيب ليه بتدافعي عنها؟
زيزيتا:ومين قال اني
بدافع عنها!! انا بدافع عن نفسي انا !! لا مؤاخذة يعني انت ابن اكابر
عمرك دخلت عشوائية؟
عمرك فكرت بس الناس اللي هناك عايشين ازاي؟ تشيب بلاش
عمرك حسيت بالبناتش
اللي هناك وازاي بيبقوا لحمة طرية في عيون كل الناس اكمنهم فقرا
وغلابة؟؟ يا خويا
انا شفت اللي مش هتشوفه في عمرك كله..
جازم باهتمام:بس
اللي سمعته عنك ‘ انك ليكي اهل؟!
زيزيتا:ابويا مات في
عركة قدام عيني عشان واحد ابن حرام كان بيغتصبني ‘ كت خمس سنين
فجأة لقيت انياب
الوحوش كلها قدام عيني وبقيت انا وامي ملطشة لكل الناس! موعااااش على
ابن الحرام اللي
عمله فيا ؟ بس فاكرة اني كت حاسة اني بمووت من الخوف والرعب والبرد
كت سقعااانة اوووي
....
جازم:ها كملي
زيزيتا وفي عينها
دموع:هه انت مش هتشربني حاجة؟ ولا انت بخيل؟
جازم:تحبي تشربي
ايه؟ كونياك ولا ويسكي؟
زيزيتا:لا يا خويا
دول تشربهم انتش ‘ انا مليش في الكلام دهوون
جازم باندهاش:ايه ده
بجد؟
زيزيتا:اااه ومالك
مستغرب ليه يعني ؟
جازم:اصل يعني اقل
حاجة واحدة ......
زيزيتا:كمل يا خويا
سكت ليه؟ واحدة زي صح؟!
جازم:انا اسف مقصدش
ازعلك
زيزيتا:عارف ايه
اكتشر حاجه مخلياني مرتاحة ليك رغم اني المفروض يعني اخاف واكش منك
وانت كدهون صحفي ‘
يعني ممكن تكون بتسجلي بكامره او بمسجلة من الحجات بتشاعتكم دهي
الا ان حنيتك وأدبك
معايا وتعاملك على اني انسانة مش واحدة رخيصة يدوب عايز تقضي
ليلة عنب معاها
وخلاص ‘ بيخلوني ارتشاح اوي في الكلام..
جازم:طيب قوليلي بقى
ابتديتي الموضوع ازاي
زيزيتا:ولاد الحرام
يخويا زغليلوا الموضوع في عنيا كدهون ‘ في الاول كنتش بشتغل طبالة بس
وحياتشك!!
جازم
باندهاش:طبااالة!!
زيزيتا:اااه مع
العالمة الراكصة الشهيرة سوسن سوستا هيهيهيهيهي
جازم باهتمام:ها
وبعدين
زيزيتا بتقرب لجازم
ويكون قاعد على الكنبة فتقعد شبه في حضنه وتقوله بدلع:احنا هنقضيها
حواديتش ولا ايه ؟
جازم:لا طبعا ‘ بس
ادينا بنتكلم شوية
زيزيتا:هيهيهيهي
تبقى خايف يا عنيا
جازم:من؟
زيزيتا:يعني
جازم بيلعب في شعر زيزيتا:تؤ
الفكرة كلها مش فكرة عرض وبيع لسلعة!!
زيزيتا تقوم تقف
وبعصبية:ليييييييييييييييييه يا خويااااااا عرررررررة ولا عررررررررة؟؟
ولا تكونشي كان نفسك
في واحدة شعرهاااا اصفر وعيونها زرق ولا خضر وتبرطم بالانجليزي
زيك ‘ لااااااااااا
يا نضررررررررري ده انا زيزيتا اللي حفي وراهاااا كتشييييير اووووي
اووووووووي
وشوووووووووووووووووووووووووبش..
جازم بيمسك ايدها
ويزقها عليه ويقول:هههههههههههه ايه يا بنتي وصلة الردح دي؟!
زيزيتا:لا بقلك ايه
وصلة الحنية اللي داخل بيها عليا دشي متاكُلش معايا وبعدين يا خويا اتكلم كلام
كدشه افهمه مش كلام
بتاع ناس عليوي!! قالك سلعة وبيع وشرى وحجات غريبة!!
جازم:طيب انتي عايزة
ايه
زيزيتا تلعب حواجبها
وتبوسه في خده وبعدين تمسك ايده وتزقه على جوة وتضحك ضحكتها
المعتادة:هيهيهيهيهيهيهيهي
******************************************
يصحى تاني يوم جازم
يلاقي نفسه في السرير وهدومه مرمية على الارض ‘ يبص جمبه
ميلاقيش حد فينادي
على زيزيتا لكن ميلاقيش رد..
جازم لنفسه وهو
بيتمطع:اااخ انا ازاي محستش بنفسي كده؟ هو ايه اللي حصل؟ بس شكلها
كانت ليلة عنب على
رأيها ههههههه بنت المجنونة!!
يبص في موبايله
فيلاقي اتصالات كتيرة من مامته وانور..يتصل بسرعة جازم بمامته..
جازم:ايوة يا ست
الكل ‘ معلش حبيبتي ‘ مش انا بعتلك مسج امبارح اني بايت برة البيت؟
......
جازم:مفيش يا ماما
يعني صاحبي كان مخنوق وخفت اسيبه لوحده
.....
جازم:حاضر جاي اهو
في السكة.. هي الساعة كام؟ يااااه 5 العصر؟ معلش اصل كنت سهران
طول الليل امبارح
معاه يحكي وانا اسمعه..
.....
جازم:اه هكلمه
اهو..سلااااام
يقفل جازم مع حكمت
ويتصل بأنور..
انور بعصبية:انت فين
جازم:مفيش صباح
الخير؟
انور بعصبية:بقلك
انت فين
جازم:ايه شغل
المباحث ده
انور بعصبية:رررررد
عليااااااااا
جازم بنرفزه:في شقة
واحد صاحبي!! ايييه كل التحقيقاااات دي يا انور
انور:شقة مين دي
بقى؟؟
جازم:قلتلك واحد
صاحبي
انور:ايوة مين هو؟
جازم:تؤ بقلك ايه يا
انور انت متصل بيا كل ده عشان كده؟؟
انور:روحتلها الصالة
امبارح
جازم بتحدي:ايووووة
انور بحذر:اوعى يكون
اللي في بالي حصل؟؟؟
جازم بارتباك:اا يي
هو ايه ده؟
انووور بعصبية وغضب:روحت
معاها شقة يا جااااااازم!!!
جازم بارتباك:اا ل
لاااا
انوووور:جااااااااازم؟
جازم بسرعة:بقلك ايه
موبايلي هيفصل شحن
ويقفل بسرعة التلفون
خالص ويلبس تلفونه وينزل..
***********************************************
رمانة في السرير
قاعدة وتدخل زيزيتا بصينية فيها طبق شوربة وطبق فيه فرخة مسلوقة وطبق
فيه سلطة خضرا..
زيزيتا بحنان:شوووفي
بقى الاكل ده كله يتاااكل ويخلص ااه ‘ انا مبحبش العيانين يختشي
رمانة ببراءة:انا
زعلانة منك
زيزيتا بدلع:ليييه
بس
رمانة:انا امباارح
معرفتش انااام عشان متشعودة تحكيلي كصص وابلة بدور معرفتش تحكي زيك
زيزيتا تحضن
رمانة:معلش كان ورايا شغل يا حبيبتشي ‘ عشان اجيب فلووس كتشيرة واما
تخفي هننزل نجيب
فستان جديد..
بدور وهي واقفة على
الباب بضيق:ما تلمي ايدك يا زيزيتا من بعزقة الفلوووس دهي؟! هي
البتش دي هتلحسلك
مخك ولا ايييه!!
زيزيتا:وفيها ايه
يعني؟ الله ايش حال انتشي اللي جيباها وعارفة انها منكسرة وملهاش ضهر؟
وعارفة اد ايه
الواحد بيبقى عاوز ضهر يحميه ..
بدور:ماشي يختشي
مبقلكيش متبقيش ضهر بس انتشي كده هتعوديها على الدلع!!
رمانة ببراءة:هو
انتشي يا ابلة بتشتغلي ايه؟
زيزيتا بارتباك:اا
اانا؟
بدور:جاوبي بقى
يختشي
زيزيتا:ا اانا بشتغل
في مستوصف وكدهون يعني
رمانة:ايه؟
زيزيتا:يعني باخد
بالي من العيانين واديهم الابرة
رمانة بتحضن زيزيتا
وتقولها:انا بحبك اووي يا ابلة
بدور:وانا وقعت من
قعر الاوفة ولا هو عشااان هي اللي بتجيب
رمانة ببراءة:وانتي
بردو يا ابلة بدووور ‘ انا بحبكم اووووي ‘ ربنا يخليكم ليا
زيزيتا:طب يلااا كلي
بقى يا بتش
********************************************
انور بيضرب
جازم:فرررررقت ايه عن اي كلب من اللي هي قضت معاهم اي ليلة
جازم بضيق
وعصبية:وانت ماااااالك!! بعدين تعالى هناااا بقااالك كام يوم مركز معاها
ومضايق ومتنرفز
اوووي كده ليه؟ هااا مش هي دي بنت الشوارع اللي لو تطول تحبسها
هتحبسهاااا!! مش هي
دي اللي جسمها رخيص ومقرفة وعايز تبعدني عنهااا؟!! هي حليت
في عنيييك ولا ايه ؟؟؟
انور
بعصبية:ايوووووة حليت في عنيا ومتقلش انك مكنتش عارف ولا واخد بالك اني كنت
بعمل كل ده عشان
اغطي على اعجابي بيها..
جازم بحزن وضيق:اا
انا مكنتش عاوز اعمل حاجه بس هي اللي جرجرتني
انور بيكسر كل حاجه
قدامه:وانت عييييييييييييييييييييل عشااااان تجرجرررررررك!!!!
جازم بنرفزة:انت
نفسك يا حضرة الظاااااابط رغم انك عارف ان فيها البلاوي لكن حبيتها
انور بيضرب في جازم
وجازم ساكت عشان عارف ان انور مقهور وفي نفس الوقت ندمان
اوي على اللي عمله..
انور ودمعه في
عينه:انت كده صعبتها اكتر ما هي صعبة
جازم:حتى لو كنت انا
ملمستهاش انت كنت هتصعبها عااارف ليه!!
انور:.....
جازم
بزعيق:عشاااااااان انت جبااااااااااااااااااااااااااااااان ‘ مش هتغفر ليها ماضيها
الوسخ زي
المجتمع اللي احنا
فيه!!
انور:وانت بقى
بتحبها؟
جازم:للاسف لا !!
ومع ذلك بقول ياريت احبهاااا ‘ انا كنت بعمل كل ده عشان بسجل ليها يا حمار
بس لقتني مضطر اني
اعمل اللي هي بتجرني ليها عشان متشكش فياااا!! البنت اللي مش عجباك
انضف مخلوقة شفتها
في حياتي ..
طلع جازم شريط كاسيت
ورماه لانور وقاله:اسمع الكلام كله اللي حصل
انور والشرار بيطق
من عينه:
انت طلعت
حقيييييييير اوووي يا جازم!!
جازم:اتسوينااا ..
محدش احسن من حد !!
*******************************************
في تل العقارب
وتحديدا عند حسنية ..
يدخل المعلم مؤه وهو
مكشر فتستقبله حسنية وتقول:مالك يا معلم؟
مؤه:بقلك ايه يا
ولية غووري من وشي السعادي
حسنية باندهاش:فيه
ايه يا معلم؟؟
مؤه:بقلك غوووري يا
ولية من وشي السعااادي ‘ عشان مش طايق نفسي وخسران فلووس اد كده
وانتي ملكيش لزمة ..
حسنية:منا يا معلم
لو معايا كت اديشتك بس البت راسها ناشفة وزي الحجر ‘ قفلت الدكان ومحل
الحلاقة بعد ما
اكتشفت ان عنتر بت مش واد وعايشة في شقة سوسن منها لله ومش راضية
تفتح المحلات ولا
تدهاني اتصرف انا
مؤه:وانتي فكرك انه
ياكل معايا يا ولية!! ده انا المعلم مؤه يعني افهمها وهي طايرة يختي
حسنية بضعف:والنبي
زي ما بقلك كده يا معلم
مؤه:اعملي حسابك لو
متصرفتيش في فلوس لاني خسران بسبب ولاد الكلب ديزل وجربة
يبقى هدخل عليكي
بضرة..
حسنية:يالهوووووووووووووووووووووووووووووووووووي
********************************************
جازم قاعد في اوضته
مضايق وعمال يسمع اللي سجله لزيزيتا ورجع بذكرياته لورا...
زيزيتا بتجر جازم
لجوه وبعدين تقوله بدلع : عندك عصير؟
جازم يقول:اه
بعدين لسه هيروح المطبخ
‘ زيزيتا قالتله:خليني انا اعملهولك ‘ نفسي احس انك مسؤول مني ولو
لمرة واحدة..
جازم:انتي بتعملي
كده مع كل الزباين؟
زيزيتا:تؤ ‘ انت بس
جازم:اشمعنى؟
زيزيتا:ما قلتشلك يا
خويا بتحسسني اني حاجة ليها قيمة ‘ الباقي كله بشوف في عنيه بس الطمع
والقذارة والنجاسة.
جازم:ماشي
بعد دقيقة ترجع
زيزيتا بالعصير ليها وليه وتشرب هي وجازم يقعد يتفرج عليها..
زيزيتا باندهاش:مالك
يا خويا ؟ اول مرة تشوف واحدة بتشرب؟
جازم:حد قالك انك
جميلة قبل كده؟
زيزيتا:هيهيهيهيهي
كتشيير وهو انا يا خويا لولا جمالي دهك ت عرفت اشتغل الشغلانة المهببة دي
جازم:كملي بقى بعد
ما اشتغلتي طبالة؟
زيزيتا:في الاول
مكنش حد قادر يستوعب ازاي بت صغيرة تشتغل طبالة! وهتعرف تطبل منين
بس انا بقى كت واعية
ولهلوووبة وكت بتعلم قواام قوااام ‘ كت اقعد اتفرج على عم عبده
الطبال واقلده لحد
ما شوية شوية بقيت زيزي الطباااالة واجدعها طبالة فيكي يا كباريه الحياة
جازم:بعدين؟
زيزيتا:بعدين بقى
انا كبرت وشوية وشوية جسمي ادور وبقى مهلبية زي ما كان الواد
كرنك يقولي..
جازم:مين كرنك؟
زيزيتا:ده الصبي
بتاع المعلم مؤه الهي يجحمه
جازم:ليه يجحمه؟
زيزيتا:ماهو اللي
طلع زاقق الواد جربة عليا وانا صغيرة عشان يسحبوا رجل ابويا وحمادة للعركة
اياها اللي ماتوا
فيها..
جازم:وبعدين؟
زيزيتا:بعدين بقى
انا كل يوم كات الزباين عينها هتطق عليا بس كت صغيرة لسه ‘ بعدها المعلمة
سوسن عيت ونزلت انا
بقى ارقص مكانها ‘ كت احب الرقص زي عنيا .. تحب ارقصلك؟
جازم:هههههه كملي
الاول بس
زيزيتا:يا خويا انت
عايزنا نقضيها كلام بس؟
جازم:مشدود اووي
لقصتك
زيزيتا:المهم بعدها
بدأت ارقص والزباين كترت اكترر واكتررر وبقى الطلب عليا اد كدشه
المعلمة سوسن بقى
قالت تستفيد مني وبدأت تخليني اقعد مع الزباين وشوية شوية عرفتني
ع الشقة اللي
مأجراها عشان الكلام ده يعني ‘ بقيت اخلص الرقص واستناها في الصالة
مع اي زبووون وبعدين
على بليل نروح الشقة وتأجرني بالساعة..
جازم:طيب وانتي ليه
مرفضتيش؟
زيزيتا:عشان اللي زي
محلتهوش الا جسمي اللي يجيب رزق ليه! يعني هو انا لقيت علام ولا
لقيت شغل نضيف وقلت
لا!! ده احنا عايشين متر في متر ولا عيشة الكلااااب!! وحتى محل
ابويا لما كبرت
اكتشفت انه كان دولاب من دولايب المخدرااات وقلتلهم نبطل وطبعا لما
بطلنا مبقاش يدخل
غير خمسة جني في الشهر! هتأكلني ولا تعيشني ولا تعمل ايييه!!
واللي اكتشفته بقى
بعدين ان سوسن طلعت مزقوقه من مؤه الكلب عشان يتجوز امي وانه
كان قاصد يكشحني
بعيد عن طريق امي ويدخلني سكة اللبش دي ..
جازم:طب وبدور اللي
حكتيلي عنها؟ دي ايه؟
زيزيتا:بدور دي بقى
عنتر اللي حكتلك عنه
جازم:وليه كانت
عاملة نفسها ولد؟
زيزيتا:عشان ولاد
الشوارع كانوا ليل نهار يتحرشوا بيها وجوز الولية اللي لقاها وهي لحمة حمرا
كان هيتحرش بيها
جازم باهتمام:ايه؟
لقاها؟؟ هي ملهاش اهل
زيزيتا:يوووه هو انا
مقلتلكش انهم لقوها مرمية!!
جازم:ايه؟ مرمية؟
امتى؟ هي عندها اد ايه؟
زيزيتا:البت
قالتلي!! لقوها من 22 سنة عمرها يعني
جازم بفزع:22!!!
زيزيتا:ااه
جازم:فييين يا
زيزيتا فيييين؟؟
زيزيتا:يا خويا انت
مالك ملهوف اوي كده ليه؟
جازم:هقلك بعدين بس
قوولي فين
زيزيتا:والله ما
فاكرة هبقى اقلك بعدين ‘ هسألها واتأكد يا خويا
جازم:مهم مهم اوووي
تتأكدي ‘ هعدي عليكي بكرة تكوني عرفتي
زيزيتا بدلع وبتقرب
من جازم اكتر وتوشوشه:كفاية كلام بقى
جازم يرجع للذاكرة
ويقول:اااخ انا ازاي نسيت حكاية بدور دي !! اما اروح ليها الكباريه
لااازم لااااااازم
اشووووف بدووور دي!!
***************************************************
زيزيتا خارجة من
الكباريه تلاقي عربية بوليس وانور نازل منها بيقول:المرادي مش هتعرفي
تخرجي منها يا
زيزيتا
............................
استنوني الحلقة اللي
جايـــــــــــة
