جزيـــــــرة الـــــلالا
الحلقــــــة الأولـــــى
جرس المنبه يضرب اول ما عقاربه تشاور على الساعة 6 الصبح
.. يصحى أيهم ببطىء شديد
وكسل فظيع .. يشيل اللحاف من عليه ببطىء ويبص في المنبه
وبعدين يهرش في شعره البني
الناعم المنكوش .. يدخل الحمام يغسل وشه وسنانه ويبص
للمراية ويقول لنفسه:
-
صباح يوم جديد يا أيهم! النهاردة انت هتكسب فلوس وهتتبسط وبعدين هتخلص
الشغل
تروح تفرفش بقى شوية وتروّش .. يلا يا بطل يا هُمام صحصح كده وفوق.. هوبا
يلا..
ويبدأ ينط بحركات خفيفة في مكانه عشان يصحصح..
يخرج من الحمام ‘ يفتح دولابه وبكل ملل ورتابة يختار قميص أبيض وكرافته
سودة وبنطلون
اسود ويلبس بسرعة ويجري على المطبخ يعمل سندويتش سريع وياخد المفاتيح وينزل
جريّ..
************************************
بعد ساعة بيوصل أيهم البنك ويدخل بسرعة ويقعد في مكانه المخصص واول ما يقعد
على
كرسيه تيجي من وراه سها وتقول بدلع:
-
صباح الخير يا يويو
أيهم بابتسامة مالية وشه:
-
صباح الفل واللوز يا لوزة .. عاملة ايه؟
-
الحمد الله ‘ بيبي هتلاقي ورق عندك شوفوا بقى وخلصه بسرعة عشان المدير
عايزه
-
ماشي يا عسل ‘ احكيلي عاملة ايه مع أحمد
-
اهو كويس هيعدي عليا النهاردة عشان نشوف الشقق .. صحيح يا أيهم ريهام
مضايقة من
حركاتك ..
أيهم باندهاش:
-
ريهام مين؟
-
ريهام الموظفة الجديدة!
-
فعلا؟! مالها دي كمان
-
بتقول ان هزارك اوفر وانها مبتحبش طريقة تعاملك وكلام اللي هو بيبي وعسل
وقمر
-
هي فاكرة نفسها مين اصلا!
-
ماهو يا أيهم مش كل البنات بيبقى عندها عادي وبعدين انا لولا احمد فري بقى
ومخه مش
ضيق وغبي كان زمانه غار منك موووت ..
-
اوعى انت يا عسل
-
بس بقى يا أيهم اشتغل بقى
-
هو فين الواد سامح؟
-
لسه مجاش طبعا !
-
طيب هقوم بقى اظبط اللي ورايا
ولسه مخلصش الجملة ولقى ريهام معدية من جمبهم فقال بصوت عالي:
-
صباخ الخير يا ريهام يا عسسسل
بصت ليه سها بنظرة تأنيب وهمست بصوت واطي:
-
ايه اللي بتهببه ده!!
-
اصلها مستفززة فبحب استفزها
بضحكة خفيفة :
-
يخربيت عقلك يا أيهم! مش عارفة هتعقل امتى
-
واعقل ليه؟ انا كده حلووو اوووي!
-
اشتغل اشتغل
********************************************
في مكان تاني بعيد جدا عن أيهم عبارة عن جزيرة مليانة خضرة وشجر كتير لونه
أخضر زاهي
وحواليه بحر من كل مكان واتجاه ‘ لون المية صافي جدا ‘ ومتدرج باللون
الازرق بكل الدرجات
من الفاتح للغامق .. والواحد من كتر صفاء ونقاء المية يقدر يشوف الرملة
الناعمة والسمك الصغير
اللي بيجري تحت البحر ..في كوخ من الاكواخ مصنوع من الخشب القوي فوق البحر
كانت قاعدة
بنت رقيقة لون شعرها اسود زي الليل ناعم وبشرتها خمري ولون خدودها مصبوغ
دايما بحمرة الخجل وعندها غمازة وعيونها لونهم رمادي متحدد بأزرق وواسعة
بتقرأ رواية.. فجأة بيدخل عليها طفل صغير ويقول:
-
بابا الكبير عايزك عشان التأمل هيبتدي
-
قوله حاضر ‘ هاجي فورا
********************************************
أيهم لسه بيدخل باب شقته لقى تلفون البيت بيرن ‘ راح بكل تعب وإجهاد يرد:
-
الو
-
ايوة يا حبيبي يا أيهم .. اززيك وحشتني اوووي يا روح قلبي
-
تيتة اززيك وانتي وحشتيييني اوي والله
-
كده يا أيهم! كده متسألش عني ولا بشوفك بقالي شهر؟!
-
معلش يا حبيبتي غصبن عني شغل والله
-
لحد امتى يا بني هتفضل كده! ما تيجي تعيش معايا بقى
-
تيتة ! انا قلتلك مش هعيش عندك لكن لو انتي عايزة تبقي معايا بجد تعالي
انتي عيشي معايا
-
واسيب بعد العمر ده كله بيتي!
-
وهو بيتك فيه ايه يعني!
-
فيه عمري وذكرياتي مع جدك الله يرحمه
-
انتي عارفة كووويس اسبابي اللي تخليني مش هينفع اقعد معاكي
-
اااخ يااااني! انا مش عارفة قلبك القاسي والحجر ده بقى كده ازاي
-
مش قاسي يا تيتة مش قاسي!
-
وهو انت يا ضنايا اما تبقى مش طايق تشوف ابوك يبقى ايه؟؟
-
هو اللي عمل علاقتنا كده! هو اللي زوّد الشرخ .. المهم عشان مندخلش في
مواضيع ملهاش
لازمة .. واحشاني يا بطة ؟! كبرتي يا صغنن ولا لسه؟
-
اااخ منك بكاااش بس اعمل ايه بحبك! عدي عليا والنبي يا أيهم نفسي املي عيني
منك قبل
ما امووت ..
-
بعد الشررر عليكي .. حاضر يا روح قلبي
-
متسكتنيش بس .. تعالى يا بني في حضني شوية جايز الحب يذوب العصيان اللي
رفعته
على ابوك!
-
تيتا لو عايزاني اجيييلك متتكلميش عنه كتير!
قالت الجدة بحزن ويأس:
-
حاضر يا بني .. هتيجي امتى يا أيهم؟
-
وهو انا من امتى بقلك جاي امتى؟! انا بطب عليك يا عسل فجأة عشان اشوف
بتخونيني مع مين
يا بطوووط انت يا حلو..
-
هههههه يا ولد بس بقى بطل بكش
بعد هزار كتير وكلام جد شوية قفل أيهم مع جدته وبعد ما قفل فضل يبص حواليه
في الشقة
واللي كانت عبارة عن استديو صغير متواضع متكون من صالة ومطبخ امريكاني
مفتوح
على الصالة واوضة وحمام حس بوحدة فظيعة .. مجلات وصور مترمية في كل مكان
حواليه وازايز هنا وهناك وسجاير مطفية واقعة على الارض .. وهدوم متبعترة في
كل
مكان .. هرش بايده شوية في راسه وقال لنفسه بحيرة:
-
هااا يا أيهم هتقضي الليل ازاي النهاردة!
خد موبايله وعمل اتصالاته وبعد ما خلص قام ياخد شاور عشان يلبس وينزل ..
***************************************
في نفس الجزيرة وبعد ما البنت خرجت زي ما الطفل قالها ‘ دخلت في كوخ مبني
من زجاج
ومداري بقش .. كان قاعد في الكوخ ده راجل عجوز بيقرأ في كتب قدامه واول ما شافها
ابتسم ابتسامة واسعة وقالها:
-
شمس الحياة بتشرق بنورك يا بنتي
هي بخجل ورقة شديدة:
-
شكرا يا بابا
-
عاملة ايه؟
-
الحمد الله .. حضرتك عامل ايه؟
-
كنت مضايق ولما شفت وشك البشوش نسيت الوجع اللي في قلبي
-
سلامتك من الوجع ‘ مالك بس يا بابا؟
-
محسن ‘ دماغه اتقلبت لما راح عندهم
-
هو لسه مصمم يروح هناك
-
لو راح هناك يا بنتي مش هيعرف يعيش لحظة واحدة!
هي بحزن ويأس:
-
انا للاسف لما كلمته امبارح قالي انه شايف اننا زي اللي عايشين في قوقعة
بعيدة .. شايف
اننا في وهم !
-
مكنش مفروض ابعته في مشوار هناك ! كان لازم اخد بالي من ايمانه الضعيف بينا
-
وهتعمل ايه يا بابا؟
-
لو فضل مُصر هنفيه
هي بفزع وخوف:
-
ايــــــــــــه!! لاااا يا باباااا ارجوووك !! انت عارف قرار زي ده ممكن
يدمرنا كلنا ازاي
احنا عمر ما حد ما اتنفى من الجزيرة..
-
بصي حواليكي يا بنتي وشوووفي احنا عندنا اطفال كتير ممكن يتأثروا بيه لو مفيش
رادع
قوي محدش هيفضل هنا والحلم اللي بناه اجدادك هيتهدم فوقنا !
هي بهلع اكتر:
-
ارجوووك يا والدي حاول تشوف حل تاني ارجوووك!! اقلك اديله واجب الحب ؟!
-
تفتكري معملتش كده معاه! محسن يا بنتي اتمرد تماما والوحش اللي جواه عينه
زغللت
لما شافت الحياة هناك عاملة ازاي ..
-
بــ ــ س يا والدي ....
-
النهاردة هجتمع مع الكبار وهنبت في القرار
-
ارجوك يا والدي ناخده تحت جناحنا ارجوووك
-
يعز عليا يا بنتي ولد من أهل جزيرتي يطلب العصيان والفرار !!
-
حاسة بوجعك يا والدي ....
-
الوجع عمره ما بيتحس وبس الوجع بينزف جوانا فعل مش احساس ..
سكتت وبصت ليه بعيون حزينة وقامت وقفت والدموع بتحاول تخبيها وتقول:
-
بس الحب اللي بتزرعه جوانا قادر يخوض اشرس المعارك ويفوز
-
المعركة دي احتمال كبير نخسر فيها محسن
-
ليه؟ يا والدي؟ ليييه؟
-
لان قلبه اتمرد على الحب ‘ قلبه اتزغلل بوهم مش موجود ‘ وهم هيخدعه ويشوهه
من جوه وهو مش حاسس ويوم ما يصحى ويستوعب هيلاقي نفسه بيلفظ أنفاسه الاخيرة
..
تسكت وتمسح دمعة خانتها ونزلت على خدودها بسرعة وتقول برقة:
-
هروح مع الاطفال عشان التأمل
-
روحي يا بنتي ربنا يبارك ليكي
*********************************************
على البحر وبين الخضرة والطبيعة والشمس بأشعتها الذهبية بتتوسط السما قعدت
لارا وحواليها
الاطفال في هيئة دايرة كبيرة..
-
ازيكم يا حبايبي
-
كويسيين الحمد الله
-
تستاهلوا الحمد
-
شكرااا
-
احكولي بقى نفسكم في ايه النهاردة؟
طفل صغير شعره اشقر مجعد ولون عينه عسلي
عمره 5 سنوات وبكل براءة يقول:
-
لارااا هي الشمس لما بتغيب بتروح فين؟
-
محمود قلنا نعمل ايه لما نحب نتكلم؟
يرفع ايده بلهفة ويقول:
-
اسف لاراا
-
شطور ها دلوقتي تقدر تقول عايز ايه؟
-
هي هي الشمس لما بتغيب بتروح فين؟
-
بتروح لناس تانية!
-
هو فيه ناس تانية عايشة زيينا؟
-
طبعااا فيه ‘ الارض دي كبيرة اوووي وربنا سبحان وتعالى عملنا فيها حجات
حلووة محتاجين
نشكره عليها ..
-
طب هو احنا ليه مش بنشوفهم؟
-
محتاجين نسافر ليهم!!
-
طب وليه مبنسافرش؟!
-
عشان هما مختلفين عننا ‘ احنا الحياة هنا مختلفة خالص
ترفع بنت تانية عمرها 8 سنين ايدها وتقول :
-
كان مرة بابا الكبير قال ان هناك عندهم الناس أنانيين اوي صح يا لارا
-
هناك هما مفتقدين الاخلاق والحب اللي عندنا .. طب هسألكم سؤال .. انتوا
تقدروا تعيشوا
من غير حب؟
فكروا لمدة ثواني وكلهم قالوا:
-
لااااااااااا
-
هناك الحب بيتوه اووي عندهم
يرد محمود بكل حب:
-
احنا عندنا عايشين بالحب
-
عرفتوا الفرق؟؟
كلهم بصوت عالي:
-
ايووووة عرفناااا
-
طب يلا اتأملوا كل حاجة حواليكم ! اتأملوا الطير وهو حر في السما؟ السمك
وهو عاشق للميا
اتأملوا الهوا ونسماته والفراشات ازاي بتلعب معاه ! حسوا الحب جوة كل حاجة
حواليكم ..
اتأملوا الحب جوة امواج البحر الصافية الهادية واشعة الشمس منعكسة عليه ..
وغمضوا عنيكم
برااااحة وبشوووويش ‘ غمضوها
واحمدوا ربنا سبحانه وتعالى على نعمته ‘ غمضوهااا واسرحوااا لبعيييد ‘ اسرحواااا
جوة جزيرة اللالا جواكم جواكم بس ..
وبالفعل كل طفل فضل يتأمل حواليه وبعدها كله غمض عنيه والابتسامة اترسمت
بهدوء فوق
كل وش واحد فيهم والصمت كان هو سائد المكان..
************************************
عند أيهم كان قاعد في ديسكو مع بنت من البنات اللي اتعود يخرج معاهم ‘
فضلوا يرقصوا كتير
وبعدها اتعشوا سوا..
-
عايز اعمل حاجة جديدة يا انجي
-
طب بقلك ايه يا بيبي انا والشلة هنروح الويك اند اللي جاي الغردقة ما تدوس
معانا
-
اممم فكرة والله ! اهو اكسر الروتين والملل
-
بيقولوا هناك في ديسكوهات هبللللل وتجنن بقى
-
تمام خلاص ‘ انتوا هتسافروا ازاي؟
-
بالطيارة يا بيبي
-
اممم بفكر في فكرة مجنونة
-
ايه؟
-
يعني حازم صاحبي عنده يخت وبفكر اخده منه واجيلكم الغردقة بيه ! تطلعي
معايا
-
واااااو هيبقى تحفة ! بس لا طبعااا ووش هسافر بالطيارة ! انا بخاف موووت من
البحر
-
انتي مملة يا انجي ! ما تيجي بجد وهتبقى رحلة تجنن
بدلع:
-
سوووووري يا بيبي بجد انا فعلااا بخاف مووت من البحر ! بس قولي صحيح انت
هتسافر ازاي؟
-
هروح اسكندرية واطلع من هناك ع الغردقة!
-
اوووك ماشي بقى نبقى موبايلات ها
-
لا بجد مملة والله
بخبث ودلع اكتر:
-
تعال انت بس الغردقة وانا هخلييييك تنسى اسمك وتنسى الملل
يقرب منها بنظرات مليانة خبث ويقول:
-
ياااا جاااااامد انت
*********************************************
تاني يوم في البنك يكون أيهم قاعد وبيشوف في الحسابات على الكمبيوتر ويكون
مركز جدااا وبعد
نص ساعة يبتسم ويقول:
-
ايوووة بقى يا أيهوم يا شااااطر!! والله ولعبت معااااك هههههه
يدخل سامح عليه ويقوله:
-
انت بتكلم نفسك!
-
لاااا انا بلعب بالفلوس لعب
-
واد يا أيهم خلي بالك من السكة اللي بتعلب بيها دي انت كده بتلعب بالنار!!
-
والنبي يا سامح طالما انت مش فاهم حاجة تخليك في نفسك
-
انا مااالي ‘ انا بس خايف تتعك في مرة في البورصة فتتكشف
-
يا ابني وهو انا بعمل ايه! دي فلوس ناس مجمدنها باخدها العب بيها في البورصة
اكسب
فلوووس كتيييير ارجع اللي خدته قبل ما يحصل جرد واعيش بالباقي بقى وولا من
شاف
ولا من دري!
-
انا عشان صاحبك وخايف عليك بنصحك وانت كبير وعارف انت بتعمل ايه!
-
يا بني انا مش برجع الفلوس اللي خدتها
-
اه!
-
يبقى ايه بقى؟!
-
ايوة بس انت حتى الربح اللي بتكسبه مش من حقك!
-
لا ازاي بقى! وهو مين اللي كسب بيهم؟!
-
انت
-
شفت بقى ازاي! اناااا تبقى من حقي
-
عارف عمرك ما هتقتنع
-
فكك انا مقدم اجازة عشان هسافر الغردقة .. تحب تيجي؟
-
لا يا عم انا محوّش الاجازات عشان نسمة قلبي اما تيجي في الصيف
-
انت ناوي تكتب عليها امتى بقى مش كفاية خطوبة كده!!
-
اما ربك يعدلها
-
ما طول ما انت فقري كده البنت هتعنس جمبك
-
اعوووذ بالله يا اخي
******************************************
يوم الخميس سافر أيهم بالقطر لاسكندرية وهناك قابل حازم زي ما اتفق عشان
ياخد اليخت منه..
-
بقلك ايه تاخد بالك عليه !! اااه
-
ما تخافش يا جدع
-
انت عمرك سقت يخت اصلا؟
-
لا طبعااا
-
يالهووووي
-
ما انت هتفهمني دلوقتي هعمل ايه
-
انت عايز في خمس دقايق افهمك !! أيهم انت بتستعبط !! انت فاكر نفسك هتسوق
عربية!
-
فهمني بس سريعا وانا بلقط والله كل حاجة بسرعة
وبعد نص ساعة حاول حازم يشرح كل حاجة لأيهم وودعوا بعض.. وبعد ما أيهم بعد
باليخت
قال حازم بصوت عالي :
-
ربناااا يستر!! اليخت ده شكله كده راح في الباي باي
وبدأ أيهم يطلع الخرائط ويحاول
يمشي زي ما الخطوط مرسومة قدامه ..
اليخت عبارة عن طابقين وجوة الكابينة كان فيه سرير وقدامه تلفزيون وجمب
السرير تلاجة صغيرة مليانة كل حاجة .. كان أيهم كل شوية يعمل حاجة ويروح يبص على
عجلة القيادة ويوجهها للطريق اللي عايزة ويروح يعمل اي حاجة تانية..
بعد خمس ساعات طلع أيهم فوق تاني ووجه عجلة القيادة حسب ما الخطوط اللي في
الخريطة بتقول وبعدها نزل للكابينة وبدأ يشعر بأن عينه بتقفل ‘ حاول يفتحهم بس
النوم كان أقوى واستسلم للنوم
............................
