الحلقــــــــة السابعــــــــة
-
بابا للاسف مكنش عادل بالشكل الصح معاه! مدلوش الاهتمام والرعاية الصح !
انا لولا اني
بنت وبتدلع على بابا ممكن كنت اكبر ويبقى جوة قلبي كمية الحقد تجاهه اللي
عند أيهم!
عارف يا أحمد ! انا نفسي أيهم يحب اوووي! لانه اول ما يحب هحس ان قلبه رجع
تاني
يعيش للحياة!!
-
طب وانا ما تحبيني شوية ..
-
ههههه انت روح قلبي اللي بموت فيه
-
عارفة يا سها ايه اكتر حاجة شدتني ليكي ؟!
-
ايه حبيبي؟
-
قلبك الطيب وطريقة حبك لاخوكي رغم انه مش نفس الام ! ده انا متهيألي لوكان
ليكي
اخ غيره من مامتك مكنتيش هتحبيه كده!!
-
أيهم طيب اوووي وحنين جداااا فوووق ما تتصور ! ميغركش انه بيبان انه لعبي
وانه
مستهتر وانه واد مقضيها بالطول والعرض ! كل ده قناع هو بيستخبى وراه عشان
بس
محدش يقرب ناحية قلبه الطيب ويكسره ! أيهم ده قلبه أرق من البسكوتة نفسها
..
-
وانتي ملاك والله يا سها ..
-
عارف واحنا صغيرين اما كنت بروح لتيتة وأيهم كان لسه مش متقبل فكرة وجودي !
كان
مبيحبش يحتك بيا خاااالص ! كان أول ما يلاقيني جيت يدخل الاوضة بتاعته
ويقفل
ع نفسه الباب لحد ما انا امشي !
-
وايه اللي حصل وغيره
-
في يوم .....
وترجع سها بذكرياتها لورا وتفتكر أيام ما كانت صغيرة وراحت مع باباها
لجدتها عشان تزورها وفي نفس الوقت الجدة كانت محتاجة تروح المستشفى .. اول ما
دخلوا الشقة
شافت سها أيهم وهو مكشر وبيدخل اوضته وبيرزع الباب بصوت عالي فقال باباها
لجدتها:
-
انا سكت اوووي ع الولد القليل الادب ده!
-
حرام عليك يا بني سيبه في حاله ! ده يا حبة عيني مكسووور الجناح
-
يا أمي مش معقول كل ما اجي انا وسها يتصرف التصرفات الصبيانية الغبية دي!
-
هتعمل عقلك بعقل طفل صغير واخد ع خاطره منك!
-
وهو هيحاسبني بأمارة ايه!! اما صحيح مهزلة ! عيل مطلعش من البيضة ناوي
يحاسبني!!
-
يا بني هو معرفش يستوعب انك بعد موت والدته الله يرحمها قمت بنيت حياتك من
جديد
بسرعة وكأن شيء مجراش؟!
-
وهو كان مستني مني افضل طول عمري حاطط ايدي ع خدي اعيط على فراقها!! انا
راجل
عملي!!
-
هييييه هقول ايييه ربنا يهديييكم
-
يلا يا أمي عشان نلحق معادك في المستشفى
-
طيب حرام ناخد سها معانا هتتعب في المستشفى !
-
امال هنعمل ايه !؟ مامتها راحت لاهلها وهي شبطت فيا
-
تقعد مع أيهم
-
ايه! تقعد مع العيل المستهتر ده!! ده ممكن يعمل فيها حاجة
-
ميين أيهم! حرام عليك ده قلبه بفتة بيضا
تبص الجدة بحنان لسها وتقولها:
-
سها حبيبتي اقعدي العبي مع أيهم بهدوء لحد ما نرجع انا وبابا ماشي؟
-
ماسي تيتا
-
اما ادخل اقوله
*****************************************
بعد ما تقول الجدة لأيهم انها هتسيب سها أمانة معاه ورغم انه كان رافض رفض
شديد الا انه
تقبل الامر في النهاية .. فضل يلعب مع نفسه جوة الاوضة وساب الباب مفتوح ‘
وسها كانت
قاعدة بتتفرج ع التلفزيون برة .. وبعد ما مشيوا بعشر دقايق جت سها ليه
وفضلت تبص ليه
بكل براءة وبعدين اتقدمت شوية وقعدت على ركبها قدامه ع الارض وفضلت تتفرج
عليه
وهو بيلعب بهدوء تام .. وبعد دقايق قالت بصوت مليان براءة:
-
ممكن العب معاك
أيهم بجفاء شديد:
-
لا !
-
ليه؟
-
قلت لا
سكتت سها وفضلت تتفرج وبعد دقايق تانية قالت:
-
انا عطسانة
أيهم بعدم اهتمام:
-
روحي المطبخ اشربي
-
مس بعرف اطول الكوباية
-
اقفي ع الكرسي وانتي هتبقي طويلة !
-
ممكن تساعدني
-
لا !
قامت سها بهدوء وحاولت تروح المطبخ وجابت كرسي وحاولت تقف فوقه وتشب على
اطراف
اصابعها وتجيب الكوباية من النيش بس لانها مش متمالكة نفسها ‘ الكوباية
اتزحلقت منها
ووقعت ع الارض واتكسرت وعملت صوت مزعج جدااا فخافت وعيطت .. جري عليها أيهم
بسرعة شديد وبقلق وبارتباك سألها:
-
انتي كويسة؟
هزت سها راسها وهي بتعيط انها كويسة وفضلت تعيط جامد ‘ قرب منها أيهم
وشالها من على
الكرسي وراح خرجها في الصالة وطبطب عليها بحنان شديد وقالها:
-
خلاص متعيطيش
وبعدين راح يكنس اللي اتكسر وقام جبلها مية واداها .. ابتسمت ليه بكل براءة
وحب وشربت
المية وادتله الكوباية .. وبعدها قالتله بابتسامة:
-
ممكن العب معاك
وقف بصلها شوية وبعدين بابتسامة حب قالها:
-
تعالي
فاقت سها من الذكريات وكملت :
-
من ساعتها وهو ع الرغم من انه يحاول يبينلي انه ناشف الا اني لمست في قلبه
حنية الدنيا دي
كلها ..
-
ربنا يطمنا عليه ويخليكم لبعض !
-
ياااارب يا حبيبي
********************************************
في الجزيرة الكل كان بيستعد لتحضير الوليمة اللي ع شرف نجاة محمود وتالا
وأيهم .. وبعد ما الكل جهز كان الكل قعد قرب البحر .. خرج أيهم وهو لابس قميص كحلي
وبنطلون بيج ..
أما لارا فكانت لابسة فستان لونه أسود وشعرها سيباه على حريته ومن الجمب
اليمين عاملة
ضفيرة على الجمب .. أول ما شافها أيهم قلبه دق واتخطف وراح جمبها وهمس
بهدوء:
-
اقدر اجزم ان القمر فوق في السما غيران !
بصت ليه لارا بكل كسوف ومشيت راحت تقعد مع صحابها البنات .. في اللحظة دي
شافت
ريم اللي حصل واتصدمت وكشرت جامد ..
قعد عادل كالعادة في النص وشكر أيهم على انه انقذ الأطفال من الموت رغم
ظروفه الصحية ..
بعدين راحت تالا ناحية أيهم وابتسمت ليه بكسوف وانحنت ليه زي انحناءة
البلارينة وقالتله
برقة ودلع الأطفال:
-
سكرا ليك اوك
-
سكرا ! والله انتي اللي سكرا خالص
-
واسفة لو كنت علضتك لموقف زي ده
-
انتي حروفك راحت فين يا تالا ! البحر كلها ولا ايه !؟
فضحكت تالا بصوت عالي بكل براءة فكمل وقالها:
-
بس قوليلي انتي ايه اللي نزلك وسط البحر وموجه كان عالي كده؟!
-
مس انا نجمة الجزيرة هنا ؟!
-
اه؟؟
-
انا لقيت نجمة البحر الموجة جبتها ليا فقلت احاول اخدها بس هي كانت بتلوح
بعيد وانا الموج
بلضو خدني بعيد معاها
-
وكنتي هتعملي ايه بنجمة البحر!
-
اكيد كنت هحطها في سعري! عسان النجمة بتلبس نجمة!
-
ولما تلبسيها هيحصل ايه؟!
-
هبقى نجمة بجد بحق وحقيقي
ابتسم أيهم ليها بحنان وبعدين قالها:
-
طب خليكي هنا ثواني
واتجه للبحر وقعد يدور على اي نجمة وبعدين اول ما لقى نجمة صغيرة خدها
بفرحة ورجع
بيها لتالا وقالها:
-
وادي احلى نجمة فيكي يا جزيرة اللالا للحلوة النجمة تالا!
تالا فرحت اوووي وفضلت تتنطط من الفرحة وجريت تحضن أيهم بكفوف ايدها
الصغيرة
وقالتله:
-
انا بحبك اووووووووووي!
ضحك أيهم من قلبه وقال:
-
ههههههههه وانا بموووت فيكي
بصت تالا بإحراج وقالت:
-
هو انا ينفع اما اكبر سوية نحب بعض؟!
ضحك أيهم بصوت عالي لفت لارا ليهم فوقفت تتفرج من بعيد وتسمعهم بيقولوا ايه
لبعض فتنى نفسه بصعوبة ومسك ايد تالا برقة خالص وقالها:
-
وانا ملكك يا أحلى نجمة هنا !
ابتسمت لارا على الموقف واللي خد باله من ابتسامتها كانت ريم !
********************************************
فضلوا الكل يغنوا والاطفال ترقص ويمثلوا شوية وبعدين اتعشوا وبعدين كل واحد
بدأ يروح
يشوف حاله .. فطلب أيهم من لارا يتمشوا شوية ع البحر ..
-
عارفة ! الجزيرة دي رغم انها تبان انها شي جميل الا ان برضو فيها تنقاضات !
-
زي؟
-
زي انكم رغم المثاليات الزيادة اللي عندكم الا برضو فيه حرية منطقها مريب !
-
احنا عندنا مثاليات زي ما بتقول بس عمرنا ما هنبقى كاملين يا أيهم لان
ببساطة الكمال لله وحده ..
-
اه؟
-
احنا هنا في الجزيرة عندنا قوانين وحدود عشان بس العبث مينتشرش بينا ونبقى
فوضى ونبقى
شبهكم ! بس في الاخر فيه حرية طالما مبتأذيش بيها حد
-
هي الجزيرة دي اتعملت ازاي؟!
سكتت لارا شوية وقلبها اتوتر وبعدين قالت:
-
اجدادنا لما ملقوش مكان في الدنيا بتاعتكم وتعبوا من الفساد اللي فيها
قرروا انهم يبحثوا عن مكان بعيد جدااا تكون أرض للسلام النفسي!
-
اه وبعدين؟
-
وفضلوا يدوروا كتير! لحد ما لقوا الأرض دي وكانت مهجورة!
-
وبعدين؟
-
وبنوا عليها جزيرة اللالا
-
عادي كده! خدوا الارض بوضع الايد يعني! ولا الحكومة سألت في الارض ولا سألت
فيهم !
-
بص الاسئلة دي فيها جزء من أسرار الجزيرة وانا لحد دلوقتي مش مسموحلي ابوح
بالجزء
ده..
-
يعني عايزة تنقعيني انهم لقوا حتت ارض قام واحد من اجدادك قال للتاني: ايه
رأيك يا عب
السلام يا خويا في الارض دي! التاني قاله:والله مش هنلاقي احلى منها يا عب
مجيد نعمل الخرف بتاعنا عليها وقمتوا واخدينها بقى وعايشين فيها وعملتم قوانين من
نفسكم واتجوزتوا
من بعضكم وخلفتم وبنيتوا دولة جوة الدولة! ولا الحكومة بتسأل فيكم ولا في
الارض اللي انتم
احتلتوها دي ولا حتى حد بيجيلكم !! ولولا اني تهت مكنتش عمري سمعت عنكم!
تبص ليه لارا وتقول:
-
فيه حجات مش هتفهما دلوقتي يا أيهم جايز في يوم نقدر نشرحلك ده! جايز وجايز
لا !
-
ليه؟! ليه بحس ان سر من عندكم لو اتقال كانكم هتخونوا مصر!!
-
لاننا بنحترم أقل حاجة هنا عندنا يا أيهم!
-
ما انا فاااهم ده ! اقسم بالله فاهم!! بس انا مش مستوووعب اوووي!! ناس
عايشة في الترلالي!
وواحد بتقولولوا دايما والدي الكبير والدي الكبير!! وانا اصلا عمري ما
شفتلك اهل!!
تبص لارا بحزن شديد في الارض وتقول:
-
اهلي اتوفوا ويعتبر والدي الكبير اللي اتولى رعايتي!
يبلع أيهم ريقه بندم وحزن ويقول:
-
احم اا اانا ا ااسف يا لارا
-
انت معذور
-
لارا انا عايز اكون قريب منك اوي! انا رغم ان حاسس بدقات قلبك الا ان في
نفس الوقت حاسس بسور منك عالي ‘ نفسي انطه بس مش عارف ازاي!! عاجز انطه !!
-
انا عمري ما قربت من حد زيك يا أيهم رغم ان في قربي ليك نار ممكن تحرقنا
سوا
يبص ليها أيهم باندهاش ويقول:
-
نار؟! ليه؟!!
ترتبك لارا وتتلعثم جامد ومتبقاش عارفة ترد فيقولها أيهم:
-
لارا انا مش فاهم! ليه نار؟! انا بحبك وانتي بتحبيني؟ صح؟
تسكت لارا ومتجاوبش فيرجع ويقول ليها وهو بيبص جوة عينها اللي بتهرب من
عينه:
-
بتحبيني يا لارا صح؟
-
......
يحاول يمسك ايدها ويقول:
-
قلبك بيدق دلوقتي بسرعة! حاسة بكل ذرة بتتحرك جوايا ؟!
ترتبك لارا بزيادة وتقول:
-
أيهم أرجوووك !
-
مالك؟
-
اا ......
فجأة تظهر ريم وبكل تكشيرة وجمود تقول:
-
ايه اللي بيحصل هنا يا لارا !!
**************************************
ترتبك لارا وتتوتر ووملامحها تتغير وقلبها يدق بخوف وذعر ولما يبص عليها
أيهم ويلاقيها
كده يستغرب فيقول:
-
ايه يا عروسة مالك!
تبص ليه ريم بشذر:
-
اولا انا موجهتش ليك كلام وتخلي بالك كويس وانت بتكلمني وتحاسب على كلامك
معايا !
أيهم بعصبية:
-
ايييييه يا ست الحجة!! حد داسلها ع طرف !!
-
لتاني مرة بحذرك من اسلوبك!!
فتتدخل لارا وتقول بارتباك:
-
خلاااص لو سمحتم!!
يقول أيهم بصوت واطي:
-
كتك القرف وانتي شبه الضفدعة!
تقول لارا بسرعة:
-
عن اذنك يا أيهم .. تعالي يا ريم !
-
استني هنا ! انتي مش هتمشي !! هي اللي تمشي! انا لسه مخلصتش كلام معاكي
-
معلش يا أيهم بعدين .. من فضلك ..
فتقول ريم بضيق شديد:
-
انتي كمان هتتترجيه!!
فيزعق أيهم:
-
انتـــــــــــي ماااااالك يا حشررررية!!
تبص ليه لارا بنظرة مليان جواها كلام كتير وتقول:
-
خلاص يا أيهم!
وبحزم تاخد ريم ويمشوا وتسيب أيهم في حيرة شديدة!!
*************************
واول ما يبعدوا عن أيهم تلف ريم وتقول بضيق:
-
انتي ازاي تنسي نفسك يا لارا!!
-
مين قالك اني نسيت ! وبعدين انتي
ازاي يا ريم تتكلمي بالطريقة دي معايا قدامه!
-
لاني خايفة انك تنسي القوانين!!
-
انا لسه متعدتهاش يا ريم!
-
امال بتجازفي معاه ليه! وانتي عارفة انه ممكن لما يعرف يختفي فورا !
-
وليه نجزم بشي لسه محصلش!!
-
واسيبك تحطي قلبك على كفة الضياع!! واخليكي تكرري اللي حصل مع اختي!!
-
واحنا من امتى بناخد حد بذنب حد؟!
-
انتي عارفة دنيتهم ازاي!! كلهم هناك شبه بعض!!
-
بس احنا اتعلمنا الامل!
-
الامل بس مع اللي هنا! مع اللي قلوبهم صافية !! لكن هما قلوبهم اتشووهت!!
السواد جواهم
عشش !! خرب عقولهم!! نفوسهم المريضة بقت بتتنفس عفن!! وكيانهم اتجزء لميت
حتة
وكل حتة بتحرق اقرب حد ليهم!!
لارا بعيون مليانة دموع:
-
ووالدي الكبير علمنا ان السلام والحب يقدر يخلق من وحش أمير!
-
هرجع واقلك ده معانا مش معاهم!
-
يبقى كل الدروس اللي بنتعلمها بقى هنا مجرد اوهام مش حقيقة!
-
لا حقيقة مع بشر اختلطت قلوبهم بصفاء الطبيعة ! مش مع بشر اختلطت قلوبهم
بزحمة المدينة!
-
ووالدي الكبير علمني ان طالما لسه فيا نفس يبقى لسه فيه أمل !
-
هتجري ورا سراب كداب زي اختي! وبعدين تتصدمي!!
-
مش هحكم بالشؤم !
-
وانا مش هسيبك تضيعي الجزيرة معاكي!
تبص ليها لارا بصدمة وتقول:
-
وتفتكري انا ممكن أذي الجزيرة معايا؟
-
السراب اللي بتجري وراه هيضيعنا كلنا! الموج المرادي شرس!!
ولسه هترد لارا تلاقي عادل واقف وبيقول:
.........................
