الحلقـــــــة الخامســـــــة
يبتسم أيهم ابتسامة فيها حزن ويقول بصوت واطي:
"يا بختك ! بتلاقي اللي يحسسك انك راجل من صغرك! مش صحيت فجأة لقيت
نفسك مرمي وسط
الدنيا من غير اي توجيه ويا تخوض المعركة يا تموت! "
فجأة يصحى من شروده على سؤال محمود ليه:
-
ليه متعش معانا هنا على طول يا أيهم؟!
يسكت أيهم ويبص ليه بعمق شديد ويحتار في الرد لان السؤال رعبه وعمره ما جه
على باله ..
اكتفى بالابتسامة ولعب في شعر محمود بحنان شديد .. فجأة الاتنين سمعوا صوت
آذان فقال محمود
بسرعة شديدة:
-
الصلااااة!! لازم اجررري اتوضى بسررعة ‘ يلا تعالى معايا نتوضى ونروح نصلي
زمانهم
كلهم اتوضوا وسبقووونااا!!
يحس أيهم بالاحراج الشديد لانه كان بقاله كتير اوي مبيصليش ومش منتظم في
صلاته فحاول
يتهرب من محمود وقاله:
-
ماشي اجري انت الحقهم وانا هبقى اجي وراك ‘ عع ع عشان رجلي تعبانة وبمشي
بطيء
محمود يبص ليه شوية باستغراب ويقول:
-
طيب وفيها ايه لو رجلك تعبانة؟! ما عمو سعد راجل كبير في السن اووي وبيعرف
يصلي؟!
وانت اصغر منه؟؟
أيهم ملامحه تتقلب ووشه يحمر من
الاحراج اكتر ويقول:
-
احم مـ مم ما هو رجله مش عيانة زيّ
محمود وهو بيجري بعيد عنه:
-
سلااام دلوقتي هشووفك بعدين
**********************************************
لارا تكون قاعدة مع صحابها البنات وفجأة يعدوا اتنين من الشباب فواحد منهم
يبص على واحدة
من صحاب لارا ويحاول يشاور ليها عشان تروح تكلمه ..
لارا تقولها بضيق:
-
ايه ده يا سالي ؟؟ هو ليه بيشاورلك كتير كده
سالي بعصبية:
-
بصراحة بقى يا لارا الموضوع ده زاد عن حده ! بيحاول يكلمني وزي ما شوفتي كل
مكان
اروحه يضايقني كده وكنت بفكر اشتكي لوالدنا الكبير بس خفت عليه من العقاب
اللي هيجيله !!
انتي عارفة عقاب واحد يضايق بنت هنا !
ترد صاحبتهم التالتة ريم:
-
بس ده زودها يا سالي ‘ فاكرة من يومين برضو اما كنا قاعدين وحاول يكلمك
-
طب قولولي اعمل ايه؟!
-
انتي لسه بتسألي طبعا تشتكي لوالدنا الكبير وهو يتصرف
-
اعمل كده يا لارا؟
لارا بتفكر شوية وبتقولها :
-
اعملي اللي قلبك يمليه عليكي .. طالما بيضايقك وانتي مش مرتاحة يبقى قوليله
وهو هيعرف
يتصرف كويس..
-
طب قومي معايا نروح نشتكي ليه ..
******************************************
بعد دقايق يكونوا راحوا عند عادل وسالي تحكي مضايقة الولد ليها في كل مكان
وانه بيحاول يكلمها
وبعد ما بتخلص كلام يكون عادل قاعد بيفكر وبعد فترة صمت طويلة يقول:
-
تمام يا بنتي ‘ تقدروا تروحوا تكملوا اللي وراكم عقبال ما ابت في الامر
تخرج البنات وكل واحدة فيها تروح تشوف اللي وراها فتشوف لارا محسن قاعد مع
أيهم
والاتنين بيتكلموا ويضحكوا وأيهم بيشرب سجاير عادي قدام الكل .. فتتعصب
وتروح ليهم
وتزعق :
-
المفروض اننا اتفقنا معاك انك تلتزم بقوانين المكان هنا!! واكيد محسن قالك
ان السجاير
ممنوعة ولا مقلتش يا محسن!
وبصت ليه بنظرات مليانة شزر فقال أيهم بسرعة:
-
لا هو قالي بس انا اللي مبسمعش الكلام ! لاني ببساطة انا حر!!
-
حريتك لما تيجي عند حدود الآخرين متبقاش حرية !
يحاول يتدخل محسن ويقول:
-
لارا ! انتي مالك النهاردة ؟! انتي من امتى بتكلمي اي ضيف عندنا في الجزيرة
كده!
-
لان مفيش ضيف حاول يكسر كل حاجة هنا في الجزيرة زيه يا محسن ! ولانه واضح
انك
عشان مشدود للعالم بتاعه فأنت بتخليه يكسر كل القواعد وساكت!
يتلعثم محسن في الاجابة فيقول أيهم بسرعة:
-
ادي السيجارة طفتها اهو! بس محبش اعمل مشكلة لحد وزي ما قلتلك محسن قالي
وحذرني
وفجأة يسمعوا صوت زمارة عالي لتلت مرات فيبص أيهم باستغراب واندهاش ليهم
ويقول:
-
ايه الصوت ده؟!
محسن يبص بخوف وذعر لـلارا ويقول:
-
دي جلسة محاكمة
تبص لارا بهدوء للاتنين وتقول لمحسن:
-
لازم نروّح فورا
أيهم يتكلم بسرعة:
-
في ايه ؟ انتوا رايحين فين؟ ومحاكمة ايه؟؟!! انا مش فاهم
يجاوبه محسن وهو سرحان وقلقان:
-
لما بنسمع صوت الزمارة ده تلت مرات ده يعني معناته نداء من والدنا الكبير
للاهل الجزيرة
كلهم انهم يجتمعوا عشان اكيد فيه حد من اهل الجزيرة غلط غلطة كبيرة وفيه
جلسة لازم تحصل..
-
طب وانت مالك خايف كده ليه!
-
اصلها محصلتش من فترة طويلة!
-
ليه يعني هو انتم ملايكة ! انتم بشر وبتغلطوا طبيعي
-
غلط عن غلط عندنا بيفرق يا أيهم ! الاغلاط البسيطة بيبقى الحساب ما بين
والدنا الكبير والمخطىء بس لما يبقى الغلط كبير بيبقى فيه جلسة قدام أهل الجزيرة
كلهم..
-
اشمعنى؟!
-
عشان الكل يعتبر ! عن اذنك لازم اروح الحقهم
-
لازم كلكم تحضروا
-
ايوة لازم ده شيء اساسي
-
ينفع احضر ؟
-
اه تعالى
****************************************
بعد دقايق يوصل محسن وأيهم للمكان المخصص لاجتماع أهل الجزيرة كلهم
وبيقعدوا وسط دايرة كبيرة وبيبقى فيه دايرة للاطفال الصغيرين قاعدين على جمب
وبيبقى عادل قاعد في
اول الدايرة الكبيرة ..
وبعد ما الكل يجتمع يقول عادل:
-
سبق وحذرنا من تعدي حد من أهل الجزيرة على اي قانون احنا عايشين بيه هنا صح
ولا لا!
يجاوب الكل:
-
صح
-
ولما حد بيتعدى تفتكروا بيكون ايه الجزاء!
-
العقاب الحاد فورا
-
وقانون اللي يضايق بنت هنا في الجزيرة ايه؟
فيميل أيهم ناحية محسن ويقوله:
-
يضايقها ازاي يعني؟
-
يعني يبصلها نظرة مش حلوة او يحاول يتعدى الحدود معاها او يكلمها وتكون هي
مش حابة
الكلام ده
-
يا رااااجل!!
-
استنى بس نسمع دلوقتي وبعدين اسأل اللي انت عايزه
فيهمس أيهم بصوت واطي ويقول:
-
الناس دي لو جت وشافت المتحرشيين اللي عندنا هيعملوا ايه!! دول مش بعيد
يطبوا ساكتين!!
يكمل عادل ويقول:
-
وأحمد ابن سيد اتعدى حدوده مع سالي بنت عماد وحاول اكتر من مرة يكلمها
وضايقها وهي
كانت رافضة يبقى العقاب ايه معاه!!
سكت الجميع واتكلم أحمد وقال:
-
قبل العقاب يا والدي انا معملتش كده الا اني كانت عايز اقلها اني بحبها
-
ولما انت بتحبها مروحتش ليه لاهلها او ليا؟!
-
عشان حبيت اعرف هي ايه شعورها قبل ما اروح وتكون مش حابة
-
ده مش مبرر للغلط يا احمد حتى لو كان القصد خير !! هتتعاقب وبعدها هنترك
لسالي
حرية القرار تسامحك او ترفض التحدث معاك نهائي ..
-
بس انا والله بحبها
-
العقااااب اولااااا يا أحمد لانك اتعديت حدود سالي ومحترمتش رغبتها! وبعدين
القرار هيبقى
ليها ..
ينزل أحمد راسه بحزن ويقول:
-
حاضر يا والدي وانا قابل العقاب في سبيل حبها ..
أيهم يكون قاعد سامع وشايف كل حاجة ويكون في قمة اندهاشه من اللي بيحصل
حواليه ..
عادل يكمل ويقول:
-
هتتجلد 50 جلدة
-
موافق يا والدي
-
الحكم بكرة هيتنفذ بعد الفجر ‘ استعدي يا سالي
سالي وهي باصة في الارض ومتوترة:
-
حاضر يا والدنا
*****************************************************
بعد ما الكل يمشي يروح أيهم لعادل ويسأله:
-
انت ليه عاقبته وهو نيته كويسة؟! الولد بيحبها وحاول يفهمها ده بس هي اللي
غبية ومفهمتش!
-
عندنا يا بني الحب مش عيب وبالعكس بنفرح جداااا لما حد يحب حد ومبنقيدش حد
ابدا
بس الفكرة انه ملتزمش بالقانون ! العدل هنا في المكان هو اللي سايد ولو حد
كسره مرة
غيره هيتفرعن ويكسره ميت مرة!!
-
طيب وليه قلت لسالي دي بعد الفجر وحضري نفسك؟!
-
عشان عندنا البنت بتجلد الولد اللي ضايقها وطبعا لان مضايقته كانت بسيطة
فخد بس 50 جلدة
-
معقووول!!
-
طبعا هي المتضررة فبنديها الفرصة انها تاخد حقها وتسترد كرامتها !
-
عارف يا عادل رغم ان جزيرتكم دي حاجة كده عمرها ما كانت في خيالي اصلاااا
!! الا
ان القانووون ده بالذات عاجبني
-
عارف لان في دنيتكم الموضوع ده كارثة كبيرة!
-
احنا عندنا التحرش ده اسلوب حياة !! اه والله زيمبؤلك كده
-
يا بني ده طبيعي لانعدام الاخلاق عندكم والضمائر اللي نامت سنييين والعدل
اللي غاب!
-
حصل عندكم تحرش كامل ولا ده طبعا كابوس مبيحصلش هنا ؟!
-
من 50 سنة حصلت اسووووء حادثة مرت على الجزيرة وهو واحد اتعدى للاسف على
بنت
كانت عجباه وللاسف اغتصبها ..
أيهم بكل فضول:
-
هاااا وبعدين حصل ايه؟ عملتوا معاه ايه؟
-
اتعدم فورااا وبأسرع وقت والبنت هي اللي عدمته
-
ده اكيد الجزيرة اتقلبت وقتها حزن !
-
بالعكس اقمنا الافراح
-
واهله؟!!
-
اهله كانوا حاسين بالعار من ناحيته وفضلوا يتأسفوا للبنت وكانوا من اوائل
الناس اللي حضروا
الفرح اللي عملناه !
-
ياراااجل اهله عادي كده ! حضروا الفرح اللي عملتوه !! يالهووووي ده انتم
طلعتم في اللالا خاالص!!
-
هو غلط غلطة شنيعة ولو كنا رأفنا بيه الحدث ده كان هيستمر ومكنش هيبقى فيه
رادع قوي
والعدل هيغيب زي ما حصل في بلادكم ..
يبص أيهم ع البحر ويقول:
-
على رأيك .. هقوم انا بقى شوية اعمل اي حاجة لحسن اللي شفته النهاردة كتير
ولسه
مش مستوعبه ..
-
ابقى زيد قربك من ربنا يا بني وخلينا نشوفك معانا بتصلي
-
ااه اهلااا هو محمود فتن كده ع طول
ابتسم عادل وقال:
-
ربنا يرضى عليك
-
ادعيلي يا شيخ ربنا يقربني منه تاني
-
ربنا دايما قريب مننا ‘ احنا بس اللي بننسى وبنتلهي وبنبعد وبعدين نرجع
ندعي يقربنا
منه وبننسى انه دايما موجود جمبنا !!
يبتسم أيهم ابتسامة مكسورة ويقول:
-
صح .. عن اذنك
***********************************************
بعد ما ساب أيهم عادل يكون ماشي ع العكاز براحة ناحية كوخه فيعدي من جمب
شجرة الحياة اللي
بتعقد عندها لارا ويلاقيها قاعدة على الرملة مربعة وضهرها ليه ووشها ناحية
البحر ‘ يقرب منها بخطوات بطيئة وبراحة فيكتشف انها مغمضة عينها وفي عالم تاني ‘
فيحاول يعمل صوت
عشان تحس بيه .. وبالفعل بعد ثواني بتفتح عينها وتبص ليه بهدوء وتقول:
-
أيهم ؟
-
ممكن اقعد معاكي؟ ومتخافيش مش هعمل ازعاج
-
اتفضل
يقعد جمبها وترجع تاني تغمض عينها فيقعد ساكت للحظات وبعدين يقول:
-
انتي بتعملي ايه؟
-
بصفي الذهن
-
وبترتاحي بقى ؟!
-
جدااا
-
انتي بطلتي ليه تديني دروس؟
-
مبطلتش ولا حاجة
-
امال؟
ترتبك لارا وتقول:
-
اا اا مم .....
فجأة تيجي لحظة نسيم عليهم فيطير شعر لارا بهدوء وده يزيد من جمالها اكتر ‘
يتنفس أيهم ريحتها اللي وصلت ليه لما النسيم خلى شعرها يطير ...
-
عارفة حاسس بصراع جوايا
تبتسم ليه بهدوء وتقول:
-
ده مؤشر حلو
-
ليه؟
-
لانك بدأت تقتنع بينا كحقيقة ملموسة وبدأت تشوف الفرق
-
بس انا مش عايز اتعود على المكان هنا !
-
متفكرش فيها بالطريقة دي
-
امال افكر فيها ازاي؟
شاورت على قلبه وقالتله:
-
فكر فيها بده وهو هيدلك على الطريق ..
-
...
-
لو حابب نحاول مرة تانية الي اتعلمناه المرة اللي فاتت ؟
-
ماشي
-
يلا غمض عنيك واتنفس بهدوء
وبالفعل يعمل أيهم اللي بيتطلب منه وبعدين يقول:
-
غمضي انتي كمان عينك معايا
تسمع الكلام وتغمض عينها هي كمان وفجأة تحس بيه بيحضنها ‘ فيقولها بسرعة:
-
جربي معايا الطريقة دي جايز تنفع !
تحس لارا بخجل شديد وارتباك وتبعد ببطى عنه وتقول:
-
انتي بتخدعني؟! انا مبحبش الطريقة دي
-
ده مش خداع ! انا حسيتك بتناديني وحبيت اجرب الطريقة دي جايز جوة حضنك اقدر
الاقي
نفسي اللي تايهة مني !
لارا بارتباك شديد:
-
ا ا مم مكنش ينفع تكدب ! الكدب كدب يا أيهم !
-
انا اسف مقصدتش اكدب فعلا عليكي
-
ولو سمحت ارجوك تلتزم بالحدود
-
لارا
-
وتلتزم كمان انك هنا في الجزيرة
-
لارااا
-
وانك مم مم مينفعش
-
لاااارااا سبيني جوة حضنك وبس!
وفجأة يسمعوا الاتنين صرخة عالية اووووي
.....................................................
