الحلقــــــــة السادســــــــة من جزيــــــــرة الـــــــلالا

الحلقـــــــة السادســـــة

وفجأة يسمعوا الاتنين صرخة عالية اووووي ‘ تتخض لارا وتبص لناحية مصدر الصوت وتقول بخضة شديدة:

-         الصوت ده جاي منين؟!

يبص أيهم حواليه وميكنش عارف جاي منين ويقولها:

-         مش عارف

تجري فورا لارااا وتروح تشوف مصدر الصرخة جاي منين وتلاقي تجمع لصحباتها البنات

عند البحر وعمالين يعيطوا وواحدة جريت تنادي على حد من الشباب او الرجالة.. فورا راحت

لارا عندهم وأيهم كان بيحاول ينط عشان يلحقها لانه مكنش قادر اوي يجري برجله وبيتسند

ع العكاز ..

اول ما توصل لارا للبنات تبص ع البحر تلاقي محمود في وسط الموج بيحاول يعافر وتالا بعيد

عمالة تغرق فتقول بتوتر وخضة:

-         محمموووووود مبيعررررفش يعووووم في الغميق ايييييه اللي نززززله هو وتالااااااا

تجاوبها سالي في قلق وارتباك شديد:

-         معرررررفش انا فجأة لقيت محمود بيصرخ عليها وبينزل جرررري!!

يوصل أيهم ويلاقي المنظر ده ‘ فيقلع قميصه فورا من غير تفكير فتجري لارا عليه وتقوله:

-         انت هتعمل ايه؟؟!

-         هنزل طبعاااا!! انتي مش شايفاهم بيغرقوا ؟!

-         بس انت رجلك مكسورة!

أيهم بارتباك شديد بيقولها وهو نازل ناحية البحر:

-         مش هقف استنى عقبال ما حد يجي من الرجالة ! الموج شكله عالي وممكن ياخدهم

وبالفعل ينزل على طول اول ما يخلص كلامه مع لارا ‘ طبعا كان بيواجه صعوبة شديدة لانه مكنش

عارف يحرك رجله المكسورة بسهولة بس فضل ينط في المية زي البطريق ويقول بصوت عالي:

-         ااادي اللي بناخده من جزززيرة اللالاااا !! الله يخربيت دي فكرة الغردقة !! اديني اتشليت

وبنط زي البطاريق ! وشكلي هموت غرررريق!! مكنش يووومك يا أيهم !

وفجأة يسمع صوت لارا من بعيد:

-         أيهــــــــــــــــم خلي باااالك ع نفسك يا أيهم وبسسسرعة تالااااا بتغرررق يا أيهـــــــــم

فيرد عليها بصوت واطي:

-         الله يخربيت أيهم وسنييينه!! بغررررق اهووو بغرررق

ومفيش ثواني يكون أيهم وصل لمحمود ويشيله من وسط الموج اللي كان بيعافر فيه ويخليه

يطفو على وش المية بحيث يكون زي الصنارة اللي تمسك تالا وبالفعل يقدر محمود يشد

ايد تالا وبعدها أيهم يشدهم هما الاتنين ..

محمود بصريخ:

-         الحق يا أيهم تالاااا مبتنطقششش

-         هنطلع يا حبيبي دلوقتي ويعملولها اسعافات اولية

-         طب بسرررعة يا أيهم بسررررعة ‘ انا حاولت انقذها بس معرفتش ! الموج كان عالي اوي

-         حاضر منا شغال زي البطريق اهو ! انا مش قادر لولا الزفتة رجلي دي كنت شفتني ولا اجدع

سمكة في زمانها !

محمود يبص ليه ببرائه ويقول باندهاش:

-         سمكة! سمكة ازاي ! احنا بشر!!

-         متركزش يا محمود في الكلام واحنا في نص المية يا حبيبي ‘ انا لو طلعت بيكم لحد الشط

ابقى احمد ربنا..

فجأة يحس أيهم بوجع شديد في رجله وميكنش قادر يتحرك تماما وتبدأ اعصابه تتعب جامد فيقول بانهاك شديد :

-         محموود اسمعني كويس

-         ايوة يا صاحبي

-         انا هخلي تالا نايمة على ضهرها وجسمها هيكون بيطفو على المية وانت حط ايدك من تحت ضهرها كده

ويبدأ فعلا يخلي تالا اللي مغمى عليها ومش حاسة باي حاجة تطفو على وش المية وياخد ايد

محمود ويخليها من تحت جسم تالا عشان يبقى ساندها على انها تطفو وينزل هو ايده تحت

محمود ويدفعهم قدامه ..

-         وبعدين ؟

-         ساعدني عشان اخرجكم لاني مش قادر اتحرك يا محمود

محمود يبص بقلق وخوف وذعر ويقوله:

-         مش قادر تتحرك ازاي ؟ ليه ؟ هو انت تعبااان؟

-         اسمعني يا حبيبي انا هحاول على اد ما اقدر اساعدك توصل لأقرب حتة

الموج العالي وشد الاعصاب كان بيوجع أيهم ورجله اللي مبقاش قادر يحركها نهائي وبقى بيحاول يتحرك زي ما يكون واحد مشلول يزق نفسه وسط الموج بأكبر شكل ممكن عشان بس

يوصل محمود وتالا لأقرب حتة ممكن يقدر بعدها محمود يكمل بيها لوحده ..

وقدر محمود فعلا ياخد تالا ويوصل بيها لمنطقة بعدوا فيها عن أيهم وقدروا الشباب اللي جم

عشان ينقذوهم ياخدوهم منها ..

محمود اول ما شافهم قال:

-         الحقوا أيهم تعبان اوي لسه هناك

***********************************************************

بعد نص ساعة تكون عدت تكون لارا عملت الاسعافات الاولانية لتالا وتكون خرجت من جواها كل المية اللي شربتها من البحر ‘ ويكونوا الرجالة انقذوا أيهم من وسط المية وودوه يرتاح في الكوخ بتاعه ..

عادل بيروح يزور أيهم ويقوله:

-         احنا مش عارفين نشكرك ازاي يا بني ! انت فعلا النهاردة بيّنت لينا معدنك الاصيل

-         انا معلمتش حاجة تُذكر يعني ! ده طبيعي

-         يا بني الشهامة دي كنز وانت فديت بنفسك وعرضت نفسك للموت رغم ان رجلك كانت تعبانة

-         برضو مش شايف اني عملت حاجة تُذكر !

-         وده المعدن الاصيل اللي جواك اللي بيخليك شايف عمل بطولي وشهم وشجاع زي ده انك معملتش حاجة .. بس انت عملت كتييير لينا ..

-         ربنا يخليك

-         احنا هنحتفل بعد شوية بمناسبتين بمناسبة ان الحمد الله تالا ومحمود تم نجاتهم من ربنا وبعده انت وبعملك البطولي..

-         هتحتفلوا بيا انا!!

-         طبعا انت عملت عمل تستحق عليه المكافأة!

-         والله ده لو حصل هناك عندنا كنت يا دوب سمعت كلمة شكرا اول ما اخرج من الشط والمولد

ينفض ومحدش حتى يفتكر يعبرني بفوطة امسح المية بيها !

يبتسم عادل على خفة دم أيهم ويقوله:

-         هسيبك ترتاح شوية ‘ وهخلي لارا تشوف اخبارك ايه دلوقتي ومستنينك احنا والجزيرة كلها

على العشا اللي على شرف نجاتكم وانقاذك للؤلؤتين من الجزيرة..

-         هي فين الللألىء دي؟!

-         محمود وتالا !

-         اه اه اوك !

بعدين بصوت واطي يقول:

-         قول عفرتين مش لؤلؤتين !

-         بتقول حاجة يا بني

-         بقول مش عارف ليه سامع زي رجلي تكون بتطأطأ ولا حاجة !

-         لارا هتجيلك دلوقتي ..

-         تمام يا عمي !

*******************************************

بعد ما يخرج عادل من عنده تدخل لارا بابتسامة رقيقة وتقوله:

-         حمد الله ع السلامة

-         الله يسلمك ‘ خفتي عليا ؟

تحس لارا بإحراج شديد فتبص في الارض وبعدين تقول بارتباك:

-         رجلك مربوطة كويس؟ ولا تحب اغيرلك الربط؟

يمسك ايدها برقة ويمرر أصابعه على ايدها برقة شديدة ويقول:

-         خفتي عليا؟

-         اكيد ! انت ضيف عندنا وعمري ما هتمنى ليك الا السلامة

يخترق بنظراته جوة عينها ويقولها بصوت هادي مليان حنان:

-         حاسس ان قلبي بدأ يدق

تتلعثم لارا وتحاول تشيل ايدها من ايد أيهم بس هو يفضل ماسك ايدها ويقول:

-         منكرش ان اول ما شفتك كنت هدخل في سكة تسلية يومين مش اكتر ! لكن كل حاجة فيكي

بتناديني بشكل غريب؟!

-         .......

-         عارفة ان عمري ما قلبي دق لواحدة ! رغم اني عرفت بنات اد كده!

تبدأ ملامح لارا تتغير وتضايق وتكشر شوية فيبتسم أيهم لان حس انها اضايقت فكمل:

-         انتي الوحيدة اللي معاها حسيت اني مش ع بعضي!

-         أأ ا يــ أيهم ا ااانــ ا لازم امشي

-         حاسس اني عايز اكمل معاكي حياتي كلها ! اسافر جوة قلبك ! اخده جزيرة ومش مهم قوانينها

شكلها ازاي !!

يدق قلب لارا بشكل سريع وتحس بارتباك فظيع ‘ فتبص في الارض من كتر الخجل ..

-         عارفة حاسس ان جوة حضنك هلاقي حضن اتحرمت منه زمان وفضلت طول عمري محروم

منه! هلاقي جواكِ نفس حنان أمي! احنا مهما كبرنا يا لارا الراجل فينا بيدور على حضن يكون

شبه حضن مامته! وانتي اللي لقيت فيكي ده!

تبص لارا ليه بخبث وتقول:

-         انت عارف عقوبة الكلام ده ايه هنا عندنا

-         هيبقى ليه عقوبة لو انتي مش حباه او مضايقة منه ! لكن انتي كمان اكيد بتحسي بنفس احساسي

ما هو مش معقول احس انا لوحدي بس بالحب ده كله ! ده انتي عينك كلها ينبوع حب!!

-         بس يا أيهم الموضوع مش سهل زي ما انت فاكر

يحط ايده على شفايفها برقة ويقول:

-         ششششششششششششششششششششششش مش عايز اسمع اي حاجة تعكر صفو ذهني دلوقتي

عايز بس تديني فرصة كواحد غرقان يرسو على شطك ! شط أمانك! ممكن ؟!

دقات قلب لارا تدق بسرعة اكبر وتخاف وتقلق وترتبك ارتباك شديد وتفضل فترة ساكتة وبعدين تقوله بتوتر:

-         وانت كمان اديني فرصة اخليك تعيش زي واحد مننا مش واحد من دنيا تانية

-         وانا موافق بس انتي وافقي

تسكت شوية وتقلق زيادة وتقول:

-         بــس ....

يقاطعها تاني وبسرعة ويقول:

-         من غير بس ! وااافقي ! وافقي يا لارا نكون كيان واحد ! مش كل واحد فينا يكون زي طير

شريد لوحده! امسكي ايدي ودليني على اي طريق عايزة تمشي فيه وانا همشي ..

-         مهما كان صعوبته؟

-         مهما كان ... مينفعش بعد ما الاقي الجنة جواكِ ارفصها برجلي!

تبص ليه بخجل شديد وتقول:

-         موافقة

فيقوم من السرير اللي كان نايم عليه ويحضنها بكل رقة لدرجة انه يتنفس عبير شعرها ويسرح

لبعيد ..

تبعد عنه بهدوء وخجل وارتباك شديد وتقول:

-         اا همشي دلوقتي ونستناك بقى في الوليمة

-         وليمة! انتوا عاملين كرنفال ولا ايه!

-         هههه ده اقل حاجة تقديرا على جهودك

-         جهود ايه يا لارا ! محسسني اني فحت في الارض طلعت بترول!

-         انت عارف يعني ايه تنقذ لؤلؤتين من عندنا ؟!

-         ايه حوار اللألىء اللي شغالين فيها دي ! انتوا بتبيعوا العيال اما تكبر يا لارا ولا ايه؟

-         احنا عندنا الاطفال هنا في الجزيرة حاجة مقدسة جدا بنقدرهم طبعا وبنعتبرهم كده

-         سبحان الله !! زي عندناااا بالظبطططط

-         اكيد طبعااا الاطفال دول في اي حتة في العالم حاجة مهمة ! هما زهور الحياة !

-         عندنا بقى بيداسو

-         ايـــــــــــــه!!

-         ايوووة احنا بنحب ندوس عليهم من صغرهم عشان يطلعوا رجالة

تحط لارا ايدها على بقها دليل على الصدمة وتقول:

-         انت بتقول ايه ! دي جرررريمة بششششعة!!

-         ههههه بشعة انتي مشفتيش البشاعة اللي بتحصل فيهم بجد

-         وانتوا ازاي تعملوا فيهم كده !! ازاي تسمحوا ليهم انهم يتعرضوا لكل الصدمات دي وهما صغيرين..

-         يا يارا مش عشان انتم عايشين في اللالا تبقي فاكرة كل الناس زيكم!

-         واحنا مش حاطين قوانين خارقة ! احنا مجرد بنطبق اللي ربنا بيقوله في القرآن !

يسكت أيهم لانه ميبقاش عارف يرد يقول ايه فتسكت لارا كمان وبعدين تقول:

-         المهم مش عايزة اضايقك دلوقتي بحديثي .. خلينا دلوقتي نفرح الحمد الله بنجاتكم ‘ بعدين

هحب اسمع كتير عن الدنيا بتاعتك ..

يبتسم ليها بهدوء ويقول:

-         ماشي

ولسه هتمشي لارا فيمسك ايدها تاني ويطبع قبلة رقيقة على ظهر ايدها بحنية ويقول:

-         بـــــــحــــــبك !

******************************************

في القاهرة تكون سها قاعدة مع خطيبها وسرحانة فيقولها :

-         مالك حبيبتي؟؟

-         لسه مفيش اي خبر عن أيهم ! تخيل!! ولا سامح كمان يعرف !! وموبايله بعد ما كان غير

متاح بقى مقفووول!! انا مش عارفة الولد ده ايه اللي ممكن يكون حصله !!

-         ان شاء الله خير حبيبتي

-         مينفعش نسكت يا أحمد! الولد ممكن يكون جراله حاجة بعد الشر!!

-         طب بتفكري في ايه؟

-         نبلغ عن اختفائه!!

-         هنقلهم طالع رحلة وقافل موبايله؟!

-         اااه!! نطمن عايش ولا ميت ولا جراله اييييه!! مينفعش اسكتتتتت!! ده بالذات مينفعش اسكت ع اختفائه

-         ماشي .. بس ممكن بقى تفكي التكشيرة دي ونفرح شوية !

-         ده اخويا يا أحمد ! ودي الحقيقة اللي محدش يعرفها غيرك !

-         عارف والله وعارف انك بتحبيه  رغم انه شقيقك  !

-         انت عارف انه حتى مخبي ع سامح السر ده ! وبيتعامل معايا برة البيت على اننا اتنين اغراب وبيطلب مني كده اعامله على انه صاحبي مش اخويا ! عشان محدش يشك فينا لحد ما جت علينا اوقات بقينا ننسى اننا فعلا اخوات ونصدق الكدبة اللي كدبناها !!

-         وده اللي مش فاهم سببه

-         أيهم مبيحبش بابا من واحنا صغيرين ولولا اني حاربت سنين عشان اتقرب منه كنت هبقى مكروهة منه كمان! وبيعتبر للاسف بابا مات من زمان بالنسباله ! عشان كده اول ما جه

الشغل عندنا وحسيت انه هيتحرج لما يحكي قصتنا قدام زمايلنا فقلت اعفيه من الاحراج

ده واقله اننا نخبي عليهم موضوع اننا اخوات!

-         بس اللي مستغربه يا سها ان معقول طول السنين دي محدش اكتشف اساميكم!

-         لان ببساطة أيهم مبيقلش اسم بابا في اسمه! بيقول اسم جدو بعد اسمه وانت عارف المصريين اخر حاجة بيركزوا فيها الاسامي !

-         للدرجة دي بيكره والدك!

-         بابا للاسف مكنش عادل بالشكل الصح معاه! مدلوش الاهتمام والرعاية الصح ! انا لولا اني

بنت وبتدلع على بابا ممكن كنت اكبر ويبقى جوة قلبي كمية الحقد تجاهه اللي عند أيهم!

عارف يا أحمد ! انا نفسي أيهم يحب اوووي! لانه اول ما يحب هحس ان قلبه رجع تاني

يعيش للحياة!!

-         طب وانا ما تحبيني شوية ..

-         ههههه انت روح قلبي اللي بموت فيه

.....................................................