الحلقة الخامسة من "ليلـــــــــــك"

الحلقــــة الخامســــــــــة

تركي شاف خوفها صعبت عليه فبدأ يقرب ليها وهي بدأت تبعد لورا من سكات

- لا تخافين ! بس ابي اطمن انتي بخير؟

- اا اا نن انا مش فاهمة

- اوه انتي مصرية

- ه ههو انت مصري؟

رقتها في الكلام وبراءة عينيها مكنتش مخلياه مركز معاها وبدأ يتفحص جمالها وبعدين قال:

- ا ااه

- طب طط طب انا لاز لازم امشي

- طب اوصلك؟

بيري بخوف شديد ورعب:

- لالالالالالالا بعد اذنك

وتحاول تجري بعيد عنه بس تركي يجري وراها ويحاول يمسك ايدها بقوة ويبص مباشرة جوة عيونها اللي مليانة خوف واللي كانت في نفس الوقت مليانة ببراءة عمره ما شافها قبل كده

ويقولها بهمس:

-         متخافيش مش هأذيكي

بيري وهي بتبص يمين وشمال وتبص في الساعة وتقوله:

-         طب لو سمحت ممكن تسبني ع عع عشان انا كده هتأخر

-         على ايه؟

-         لو سمحت بليييز متعمليييش مشاكل ‘ ارجوك يا فندم ‘ انا اا اانا خلاص مش هعمل حاجة ولا

هحكي لاي مخلوق على اللي حصل بس سبني بلييييز ..

يبص تركي اكتر جوة عينها ويقول:

-         لما الخوف يبطل ينط من جوة عينك وقتها هسيبك!

تبص ليه برجاء شديد وتقوله:

-         من فضلك ارجوووك انا كده هتأخرررررر ووووسع بقى عشان خاطري

يسيب تركي ايده فجأة فتبص لثواني ليه وهي مش مصدقة وبعدين تطلع تجري بأقصى

سرعة عندها من غير ما تبص  وراها ودقات قلبها بتجري معاها من الخوف .. تركي يبتسم

ويقول بصوت عالي:

-         يا حلاها ! من وين طلعت  بس لك يا تركي !! لازم ادور عليها اكيييد اهي ساكنة قريب من

اهني ..

*******************************************

بعد دقيقتين توصل بيري تاني للسكن بتاعها وتبص  وراها قبل ما تطلع وتتأكد ان مفيش

حد وراها وتطلع فورا وهي بتلهث ‘ تخبط في مهرة وهي طالعة تجري على الحمام بأقصى

سرعة... مهرة بتعجب:

-         ايه مالك ع الصبح

-         ها لالالا مفيش ب ببس عايزة اخد دوش بسرعة قبل ما الباص يجي

-         طب بسرعة يختي حاكم الباص فضله خمس دقايق ويجي

-         اا اا ااه

-         اتأخرتي ليه كده ؟!

-         ها ؟ م ممش عارفة

وسابتها بيري واقفة مستغربة ودخلت بسرعة تاخد دش سريع وتلبس .. قعدت مهرة تشرب

القهوة وجت ياسمين تاكل بسرعة من الفطار اللي محطوط على السفرة بسرعة شديدة عشان

تلحق قبل ما الباص يجي فقالت ليها مهرة:

-         ما تقعدي تاكلي كويس بدل ما انتي هتموتي نفسك وانتي بتحشري الاكل بسرعة

ياسمين بخفة:

-         مش مهم الاكل كده كده هيتهضم مش فارق واقفة ولا قاعدة بقى

***************************************

الجملة اللي قالتها ياسمين كانت كفيلة بأن الذكريات تيجي لمهرة وتفتكر لما كانت بتحضر الاكل

لجوزها  ويكون متأخر وتحاول يخليه يقعد يفطر على السفرة ويحاول ياكل بسرعة وهو واقف

ولما  كانت بتقوله:

-         طيب اقعد كل يا عبد القادر كويس

-         مش مهم ‘ الاكل كده كده هيتهضم مش فارق واقف ولا قاعد

-         اااخ عليك دايما بتكسبني بالكلام ومبقدرش عليك

يبتسم عبد القادر بغرور ليها ويقول:

-         ولا عمرك هتقدري

ولسه هترد عليه يرن جرس باب شقتهم تروح تفتح تلاقي حماتها واخوات جوزها داخلين

بكل عنتظة واول ما شافوا عبد القادر بياكل وهو واقف تبص الام لمهرة وتقولها:

-         ايه يخواتي ده!! عشنا وشفنا الفطار اللي على الواقف ده

فتقول مهرة بسرعة بكل براءة:

-         قوليلوا يا ماما والله لسه كنت بقوله يقعد

-         واقوله ليه يختي وانتي مبتعمليش على انه يرتاح ليه وبعدين هو اكيد بياكل على الواقف اكمنه

مستعجل وانتي اتأخرتي في عمايل الفطار ..

يقول عبد القادر بعدم اهتمام لاتهمات الام:

-         يلا انا نازل بقى لحسن يدوووب الحق ..

وينزل بسرعة ويسيب مهرة لوحدها معاهم وبعد ما ينزل ‘ تبتسم مهرة وتقولهم:

-         تعالوا افطروااا يلا يا شادية يلا يا حنان وانتي ياماما يلا اتفضلي

تمصمص الام شفايفها وتقول:

-         اياك هتفطرينا بواقي اكلكم!!

-         لا طبعا لا سمح الله ‘ حاضر هعمل اهو الفطار

تقول شادية :

-         انا عايزة طبق فول بالزيت الحار

-         حاضر

تقول حنان بعدها:

-         وانا اقليلي البيض بس بقلك ايه خليه نص سِوا وزودي الفلفل الاسود

-         حاضر .. وانتي يا ماما ؟

-         عندك عسل اسود؟

-         اه يا ماما عندي

-         حطي عليه طحينة وهاتيلي جبن واعمليلي بيضتين مسلوقتين وشهلي يختي قوام قوام

-         حاضر دقايق وارجع ليكم..

***************************************

بعد ما تقف مهرة لوحدها في المطبخ وتعمل الفطار كله لوحدها من غير اي مساعدة منهم

وكانت بتعمله بكل حب وتقدير واحترام تخرج من المطبخ تلاقي حماتها قاعدة لوحدها ‘ تبص

باستغراب وتقول:

-         الفطار جهز ‘ امال فين شادية وحنان؟

-         قولي غدا ده انا كنت نسيت انك جوة من كتر التأخير

-         معلش يا ماما والله ‘ ده انا عملته بسرعة .. امال فين البنات

-         جوووة بيشوفوا فساتين من عندك عشان عايزين يروحوا فرح واحدة صحبتهم

بصت مهرة ليها باندهاش شديد وقالت:

-         جوة من فين؟!!!

-         يعني هيكون من فين ! من البوتيك مثلا اللي مفتوح في بيتكم؟! ما اهو اكيد من دولابك!

تبص بضيق شديد مهرة ليها وتقول بتعجب:

-         دولاااااااااااابي انااااا!!!

-         ااه دولابك

-         من غير ما يتقالي حتى يا ماما؟!

تصحى فجأة مهرة من الذكريات على صوت بيري وهي بتقول:

-         انا خلصت .. الباص جه؟

تبص مهرة ليها وعيونها مليانة حزن وكسرة وتقول:

-         يدوب ننزل

بيري باندهاش:

-         مالك يا مهرة؟

تبص ياسمين لمهرة وبعدين تبص لبيري وتشاور ليها انها تسكت .. مهرة تقول بوجوم:

-         مالي!! هه هو انا ليا مال ولا حال اصلا عشان اتسأل سؤال زي ده !! مليش .. انا تمااام

***************************

تخرج العنود من اوضتها عشان تروح الكلية بس تعدي على اوضة تركي تشوفه تلاقيه لسه

داخل ينام فتقوله بصوت رقيق:

-         صباح الخير يالحب

-         صباح النور

-         ايه حبيبي؟ انت مش هتروح الشغل؟

-         لا توني جاي من برة مالي خلق على الشغل اليوم!

-         ليه كده يا تُركي ! انت عمرك ما قصرت في شغلك ! وبعدين انت مكنتش هنا طول الليل  ليه !!

-         عادي سهرت مع صحابي ولسه جاي وعااااااايز اناااام عشان مصدع ‘ خدي بعضك وتوكلي

-         تُركي اسمعني زييييين

-         اووه اشوفج صرتي تتحجين بالبحريني

-         اسمعني كووويس يا تُركي انت اخويا بس هي بنت خالتي بس انت المهم عندي عارف يعني ايه

المهم! يعني مش هسمحلك تضيع نفسك عشانها ولا عشان اي واحدة متستهلش ! انا ياما حذرتك

زمان من حبك ليها وقلتلك ان خديجة بالذات معروف عنها انها لعبية وانها مش بتاعت حب

وكلام من ده !

تركي ملامحه بتتحول من ملامح هادية لملامح مليانة غضب وبيجز على سنانه وعروقه

بتبرز اكتر ويزعق:

-         قلتلك توووووكلي يا العنووود خلصنا! ما ابي اسمع ولاااااا حرف

-         لاااااا مش هسيبك كده تضيع نفسك ! وبعدين انت فاكرني صغيرة يا تُركي ! لا مش

صغيرة ! وبعدين فهمني انت ليه مش في وعيك؟! رجعت للشلة الزبالة اللي بابا ياما

حذرك منهم صح؟!

يقوم تركي بكل عصبية وياخد العنود من ايدها ويخرجها بالقوة من الاوضة ويقفل الاوضة

بالمفتاح فتزعق بعصبية :

-         والله العظيم هقووول لبابا لو لقيتك يا تُركي بتضيّع نفسك عشان واحدة مبتفكرش فيك ولا لحظة!

تركي بصوت مليان غضب :

-         قسم بالله لو ما رحتي احين الجامعة لتشوفين شي عمرج ما شفتيه يالعنود!

** قسما بالله لو مروحتيش الجامعة دلوقتي لتشوفي حاجة عمرك ما شفتيها يا العنود

وبعدين يقعد على السرير ويحاول يغمض عينه بس صورة بيري وعيونها كانت كل

شوية تنط ليه فنفخ وقال:

-         يا ترى انتي كمان زيها كده؟! يا ترى كل البنات كده؟! ولا انا اللي كان حظي كده؟!

محمود في المكتب بتاعه بيشتغل وبعدين يجي واحد كويتي عشان يخلص معاملة معاه فيقعد الكويتي

بكل غرور ويتكلم بعنتظة ويطلب منه يخلصله الشغل بس بطريقة يحسس محمود فيها بالاهانة

وده يخلي محمود ميستحملش الاهانة وطريقة المعاملة فيرفض يخلص المعاملة للكويتي واللي

طبعا ميعجبهوش ويروح يشتكي لاشواق المديرة على محمود ويطلب منها ترفد محمود نظرا لانه

زبون مهم جدااا للشركة اللي محمود شغال فيها ...