الحلقــــــة الثانيـــــــة من "ليلــــــك "

الحلقـــــــــة الثانيـــــــــــة

في سكن خاص للمدرسات المغتربات وفي شقة من الشقق "مهرة" قاعدة في اوضتها بتفتح

صندوق طلعته من الدولاب وقاعدة بتعيط بشكل هستيري .. كانت بتطلع البوم ورا البوم

وهي في قمة حزنها وانهيارها ‘ لدرجة انها كانت بتحط ايدها على بقها عشان محدش يسمع

صوت عياطها .. وفجأة الذكريات تاخدها لليوم اللي اتجوزت فيه كان حواليها كل الناس

مبسوطين بيها وبيحلفوا بجمالها وعريسها اللي كانت عيونه مليانة فرح وسعادة .. كلهم

كانت الفرحة مش سيعاهم الا ام العريس واخواته .. واحدة من اخواته راحت ليها وبكل غل

رغم الابتسامة اللي مرسومة على وشها:

-         ايه يا مهرة هنضيع يختي الوقت كله في الكوافير ولا ايه ! الواد اخويا برة واقف وملطووع!!

يختي كده هيستوي ع اخره..

تبص ليها مهرة بكل فرح وتقول بتلقائية:

-         لا والله ما اقصدي اتأخر بس اديكي شايفة الست حطتلي ميك اب رخم اوي وتقيل فقلتلها تخففه

شوية..

تيجي الاخت التانية وتقول:

-         معلش بقى يا مهرة انتي اللي مبيعجبكيش العجب ! ما كان حلو وكنتي زي القمر ! استعجلي

لحسن عبد القادر برة واقف مش ع بعضه ..

-         يا حبيبي حاضر حاضر اهو

وتبص مهرة للست بتاعت المكياج وتقولها بلهفة:

-         معلش بسرعة والنبي لحسن العريس شكله مستعجل ههههه

وتصحى مهرة فجأة من ذكرياتها على صوت خبط ع الباب ‘ تمسح دموعها بسرعة وتجري

تغسل وشها في الحمام الملحق باوضتها وتفتح الباب تلاقي بنت في عمر الـ 26 سنة ‘ جسمها

مليان شوية ولون بشرتها خمري وعيونها ضيقة ولابسة نضارة طبية وشعرها ناعم وعملاه

ضفيرة ومناخيرها لونها وردي من الزكام اللي عندها..

تبص ليها مهرة بحزن وتقول:

-         عايزة ايه يا ياسمين؟

-         اصل انا قلت هجيب عشا فقلت اسألك عايزة ولا لا؟! عشان انتي عارفة مبينفعش نطلب من برة

بعد الساعة 10 بليل ..

-         انا مش جعانة

-         ما انا كمان مش جعانة اوي بس قلت عقبال ما يجي وكده اكون جعت

-         هو انتي مبتعرفيش توفري فلوسك ابدا؟!

-         طب استني اطلب الاكل الاول وبعدين اجي احكي معاكي شوية لحسن زهقانة اوووي

-         طيب.. انا هروح اتفرج على التلفزيون ابقي تعالي على هناك

وبعد لحظات تروح ياسمين لمهرة اللي قاعدة سرحانة قدام التلفزيون وتسألها:

-         برنامج ايه ده؟

مهرة بكل جمود:

-         اهو برنامج زي اي برنامج

-         المهم صحيح مقلتلكيش اني بفكر اسافر في اجازة نص السنة مصر

-         على فكرة انا شايفة انك مبذرة اووي !! يختي حوشيلك قرشين!! كل يومين من مطعم

وهتسافري في نص السنة!! اللي يسمعك كده يفتكر انهم بيقبضونا ياما هنا وياما هناااك!!

-         يبااااي عليكي يا مهرة! ما انتي عارفة اللي فيها انا هنا حاسة اننا ولا اللي في السجن وما

بصدق اي اجازة تيجي عشان اهج على هناك اشوووف ناس وونس !! وانتي تقوليلي

حوشي ومش حوشي؟!

-         هه اللي هناك يا نور عيني مجرد ما بنسافر بيشطبونا من حياتهم ! مبيفتكروناش غير وقت

النزول ! عارفة ليه؟!

-         يا ترى ليه يا امينة رزق؟!

-         عشان بنبقى جايبين معانا الشنط اللي مليانة هدايا! وفي الاخر بيتنقعروا عليكي

-         مهرة حبيبتي يعني فهميني وجهة نظرك في جلسة النكد اللي انتي عملتيها ليا حالا دي! طب

بلاش ‘ ممكن تقوليلي انا هاكل ازاي دلوقتي بعد كمية الكأبة دي؟!

-         تاكلي !! لا هتاكلي يختي ده انتي مفجوعة مش بعيد تقومي تاكليني .. يا بت يا خايبة انا بوعيكي

اصل انا هنا من قبلك بتلت سنين يعني حافظة المرار اللي انتي عايشاه واكتر..

تتعدل مهرة في قعدتها وتوجه نفسها بجسمها كله لمهرة وترفع النضارة بايدها وتسأل باهتمام:

-         قوليلي صحيح انتي ازاي بقالك سنتييين بحالهم يا مفترررية منزلتييش مصر!!! انتي ملكيش

اهل يسألوا عليكي؟!

-         ليا يا اختي بس مشتاقين للهدايا اكتر مني .. ههه

-         حرام عليكي لا طبعا !!

-         اسكتي اسكتي ‘ خليكي انتي في الاكل اللي طلبتيه من برة ده ..

-         بووووومة والله بووومة

**************************************************

بيري قاعدة مع شيماء توضب الشنط بكل حماس وبيتكلموا وفجأة رن تلفونها ولقت اسم ابراهيم

فردت بفرحة:

-         ايوة حبيبي

-         ايه يا بيري اتصلت بيكي من شوية مردتيش؟

-         معلش يا روحي كنت مع شيمو برة بنشتري الحجات عشان السفر

فتقاطعها شيماء:

-         سلميلي عليه

-         بتسلم عليك شيمو يا هيما

فتقول شيماء بصوت واطي:

-         مع انه ميستاهلش السلام

تبص ليها بيري بنظرة عتاب وبعدين تكمل:

-         ايه؟ بتقول ايه؟ مدرسة فن!! الله ما انت عارف يا هيما انا مش خريجة فنون جميلة ولا فنون

تطبيقية حتى؟! انا مهندسة ديكور وتصميم داخلي!

-         يا حبيبتي هنا الفن اي كلام وبعدين انا لما لقيت الاعلان لقيت انه مناسب ليكي ما هو انتي

اكيد بتفهمي في الالوان وبتعرفي ترسمي يبقى خلصت!!

-         ايوة يا حبيبي بس مش مدرسة! انت عارف اكتر واحد اني مبعرفش اشرح..

-         ههههه شرح ايه يا بنتي اللي بتتكلمي عليه هو الفن ليه شرح!

-         امال ايه بقى؟!

-         لو مش مرتاحة يا روحي خلاص بلاش منها الشغلانة دي وتستني بقى لما الاقيلك حاجة مناسبة

-         لالالالالا خلاص مدرسة مدرسة وامري لله

-         وبعدين متخافيش مرتبات هنا لذيذة انتي هتشتغلي في الحكومة مش خاص يعني

-         ربنا يستر واعرف اسد يا هيما

-         هتعرفي بأذن الله .. المهم استعدي بقى عشان يدوب بعد يومين هتيجي ..

-         ماشي .. سلام

قفلت وهي حزينة فبصت شيماء ليها باستغراب وقالت:

-         على فكرة بقى مدرسة فن مش وحشة

-         انا مقلتش وحشة ! بس انا مبعرفش اكون مدرسة!!

-         المهم انك هتكوني معاه مش ده اللي احنا عايزينه

-         ايوة..

-         يبقى متكلضميش وفكي

-         حاضر .. يااااا مسهل

************************************************

تركي بيخلص شغله في الشركة وبيرجع لفيلته اللي في منطقة "الجفير" في البحرين .. والمنطقة

دي بتعتبر من المناطق الراقية اللي في البحرين واول ما بيدخل بيلاقي اخته "العنود" شعرها

طويل مدّرج وعيونها عسلي وبريئة وشكلها دلوعة  قاعدة في الصالة على كنبة طويلة قدام

شاشة تلفزيون بلازما كبيرة متعلق على الحيطة وماسكة موبايلها الايفون ومبتسمة وبتتكلم شات

مع صحابها فبيقعد جمبها ويبوس راسها ويقلها:

-         وشو اخبار القمر

-         الحمد الله حبيبي وشو اخبارك انت ؟

-         والله الحمد الله .. اقول وش رايك نطلع نتعشا برة؟

-         تتكلم جد يا تركي ولا تمزح معي؟

-         وليش امزح مع وجهك انتي!

-         ياربي الفاظك بذيئة

-         اه لو الوالد يسمعك بس ! وانتي تقولي كذا

-         اصلا قدام الوالد اتكلم مصري يا عيني .. المهم فكرتني هتعشينا فين

-         ما ادري بس قومي يلا البسي عشان نطلع

-         اتكلم مصري الاول

وبتطلع لسانها لاخوها فيضربها على راسها ضربة خفيفة بهزار ويقول:

-         من جدك انتي!

-         من جدي ومن عمي كمان اتكلم يا واد مصري ! بطل السعودي اللي انت عايش فيه ده وبعدين احنا اصلا هنا مش في السعودية عشان تتكلم سعودي احنا في البحرين..

-         وش اسوي اذا انا اتعودت على هذي اللهجة! خلاص فكينا يلا ! نقلب مصري عشان عيونك

هتخليني اعزمك ولا اطلع مع الشباب ..

-         لالالا بليززز انا ملانة وطفشانة مرررة ما صدقت قلتلي نتعشى برة وبعدين عايز تقنعني يعني

العشا مع بو فهود وبو حمود وبو مادري ايش ربعك احسن مني انااا!!

-         هههههههه ايه الاسامي العك اللي انتي قلتيها دي دلوقتي!

-         اسامي صحابك طبعا

-         قووومي يلا بسررررعة البسي ولا اروح فعلا اخرج مع صحابي اللي شوهتي اساميهم دول

-         حاضر .. استني بيقولوها ازاي بالمصري .... ااا .... فورررريرة ..

-         والله اختي مجنونة !!

*****************************************

رينا بتخرج من اوضة الاطفال بعد ما بتنيمهم وبتروح على اوضتها اللي يكون بندر قاعد فيها

على السرير وعمال يراجع الشغل .. فتبص ليه وبكل هدوء وعتاب تقول:

-         ممكن تسيب الشغل اللي في ايدك ده يا بندر وتتكلم معايا شوية ؟!

-         حبيبتي انا مشغول دلوقتي

-         فيه موضوع مهم يا بندر

من غير ما يبص يقول:

-         وبعدين يطلع تافه ! زي ازاي تعملي الغدا وتتعبي يا حرام وانا اكل في الشغل !!

-         لا يا بندر مش كده !!

-         اوك اوك ربعاية وافوقلك

تزعق رينا وتقول:

-         بقلك مهـــــــــــــم انت ايــــــــــــــــــــــه مبتفهمشششششش!!

يبص ليها بندر بكل صدمة ويقول:

-         وووطي صوووتك العيال نايمة!!

-         هو انت يا اخي حااااسس بأي حااااااجة كده!! حرااااام علييييييييييك!! بقلك مهم مهم مهم

وانت عمال في الشغل ده ليل نهااااار اييييييه انت مبتحسش؟! خلااااص بيتك كده رميه

ورا  ضهرك!!

-         انتي اتجننتي على المسا ولا ايه يا رينا؟! بيت ايه اللي رميه ورا  ضهري!! ما انا متنيل

بشتغل عشااانكم ولا هو ده عشان مين!

-         بنتك الصغيرة اللي لسه عمرها ست سنين تعبانة نفسياااا يا استااااذ وانت ولاااا هنا

-         وانتي دورك ايه كأم؟!

تبرق رينا وتقول:

-         وانت كأب؟ ايه دورك؟ ها؟ ضيف شرف في حياتنا لاسمح الله؟!

-         دوووري اللي انتي مش مقدراه اني بجيبلك الفلوس والمم اللي معيشك العيشة دي ! ولا انتي

ناسية العيشة في مصر كانت ازاي؟!

-         انت بتعايرني يا بندر؟!

-          ريناااا ريناااا الله يرضى عليكي اخلص الشغل وبعدين افتحي الكلام الاهبل بتاعك ده !!

-         ولا افتح ولا تفتح انا سيبالك الاوضة وخلي الشغل ينفعك .. عشان انت راجل مهزىء

ومبتحترمش مشاعر مراتك ولا عيالك .. واعمل حسابك بقى بكرة تصحى تصحي العيال

وتفطرهم وتتأكد من ركوبهم للباص وتجيب ليهم غدا وعشا عشان انا مش هتززززفت

اعمل اي حاجة بكرة ليكم ..

وتسيب الاوضة ليه وتروح اوضة تالتة معمولة للضيوف تنام فيها وتقفل ع نفسها بالمفتاح

يبص بندر في الفراغ وينفخ ويقول:

-         استغفر الله العظيم !! ستات نكدية !!

*************************************************

تركي والعنود قاعدين في مطعم شيك وفيه عزف موسيقى هادي وبيتكلموا مع بعض ويضحكوا..

-         عارف بقى في الجامعة صحابي لما يحبوا يعملوا حاجة مجنونة وطقة كده يقولولي افكرلهم

-         عشان عارفين انهم مصاحبين واحدة هبلة

-         هبلة ايه ‘ طب ده حتى امبارح شفت خدي.....

يوقف تركي فجأة تقطيع الأكل ويبص بنظرات كلها شك وريبة ويقولها وهو عيونه مليانة شرار:

-         كملي؟! وقفتي ليه!! شفتي ميييين!!

تتوتر العنود وقلبها يدق بسرعة من الخوف وتحاول تداري على اللي قالته وتقول بسرعة وبارتباك:

-         يعني هما مم هه ههما لما بيحبوا يعملوا حاجة طقة بقى فيقولولي تعالي يا العنو د وروحي وكده بقى

يحمر وش تركي من الغضب ويقول بصوت واطي وهو بيبص على الناس حواليه ويجز على

سنانه ويقولها:

-         كملي يا العنووود ولا تلقين مني وجه ثاني

-         ..........

*************************