الحلقـــــــة
السادســــــة
محمود في المكتب بتاعه
بيشتغل وبعدين يجي واحد كويتي عشان يخلص معاملة معاه فيقعد الكويتي
بكل غرور ويتكلم بعنتظة
ويطلب منه يخلصله الشغل بس بطريقة يحسس محمود فيها بالاهانة
وده يخلي محمود ميستحملش
الاهانة وطريقة المعاملة فيرفض يخلص المعاملة للكويتي واللي
طبعا ميعجبهوش ويروح
يشتكي لاشواق المديرة على محمود ويطلب منها ترفد محمود نظرا لانه
زبون مهم جدااا للشركة
اللي محمود شغال فيها ...
بيجري عليه ابراهيم في
المكتب ويقوله:
-
ايه اللي حصل يا محمود؟!
محمود بغضب شديد:
-
بقلك ايه يا ابرااااهيم ابعد عني دلوقتي عشان مش طايق نفسي !! هي اييييه
الهانم جريت
عليك وحكتلك ولا ايه؟!
-
هانم ايه وبتنجان اييييه!! انا سمعت صوت الخناقة والشركة كلها بتتكلم عنك
!! وجيت اشوف
في ايه عشان خفت ....
يقاطعه محمود :
-
خفت لترفدني صح!!
-
مش بالظبط بس ....
-
لا هي دي الحقيقة !! عاااارف ليه؟ عشان اللي زي وزيك اللي رضيوا بالذل برة
البلد بتاعتهم
لازم الكل يدوس عليهم
بأعفن جزززمة وميتكلموووش !!
-
محمود روّح دلوقتي عشان انت شكلك على اخرك
-
واللي زي وزيك يوم ما يحبوا يعملوا ليهم كراااامة بيتداس عليهم اكترررر زي
ما نكون
حشرات ملهاش الحق في انها
تعيش حياة كويسة!
-
محموووود خلاااااص امشي دلوقتي وكفاية تلبييييخ
وفجأة تدخل عليهم اشواق
وتبص لابراهيم بدلع بعدين تكشر وتبص لمحمود وتقول:
-
شنو اللي سويته هاي يا محمود! اشفيك ينيت؟!
** ايه اللي عملته ده يا محمود انت اتجننت ولا ايه
-
بصي يا فندم انا اتعاملت معاه والتزمت بالهدوء لاقصى حد بس هو كان شايف
نفسه وبيعاملني
بطريقة مهينة واظن حضرتك
مكنتيش هترضي بده لاي حد فينا ولا ايه !
-
انت تعرف زين انك لازم تسيطر على تصرفاتك ! هاي انذار حقك اذا ما شفت شغلك
زين
انا بخصم منك ..
** انت عارف كويس انك
لازم تسيطر على تصرفاتك وده انذار ليك لو مشفتش شغلك كويس
انا هخصم منك ..
محمود يمسك غضبه للاخر
ويقول:
-
تمام يا فندم ممكن تسمحيلي استأذن
-
انزين
**************************
بعد ما يمشي محمود تلف اشواق برقة لابراهيم وتقوله:
-
ترى كل اللي سويته عشانك بس ‘ ابغى ااكدلك شكثر احبك
-
اشواق احنا في الشغل وممكن فأي لحظة اي حد يدخل علينا
-
خلاص احنا فيها زي ما بتقولي يا مصاروة ههههه اعزمني عندك
-
اشوااق انتي عارفة كويس انا حياتي متلخبطة ازاي وخصوصا بعد ما بيري جت وو
وانا ....
-
انت لي انا انزين افهمها عدل !
** انت ليا انا افهمها كويس
ابراهيم يمسح عرقه اللي
من التوتر والارتباك ويقول:
-
ماشي بس سبيني بس اظبط نفسي واقعد افكر كده هعمل ايه بالظبط
-
ان شاء الله حياتي .. يلا بعد جبدي بخليك واكمل شغل
** بعد جبدي (( كلمة بيستخدموها لوصف الحبيب بس
معناها شبه معنى روحي او عمري او حياتي عندنا في مصر ..شبه المعنى ولكن مش معناها
كده..))
*********************************
بيري قاعدة في الشقة مع
ياسمين ومهرة بيتغدوا وكل واحدة بتحكي يومها للتانية وايه اللي
حصل الا مهرة .. فتبص
ليها بيري باستغراب وتسألها:
-
هو انتي ليه يا مهرة مش بتفضفضي لينا ؟
-
عادي مفيش حاجة اقولها
-
ولا احنا بس احنا بنتكلم عادي في اي حاجة حصلت؟!
ياسمين تقاطع بيري وتقول:
-
هي كده مهرة انا اتعودت اني افضل احكي وهي تسمعني وبس
بيري باندهاش:
-
طب ليه؟! ليه بحس دايما انك حزينة؟
مهرة بتوتر وضيق:
-
اا اانا قايمة انام شوية ...
وتقوم بسرعة فتبص بيري
بحزن لياسمين وتقول:
-
انا مش قصدي اكون حشرية بس هي صعبانة عليا ! دايما منعزلة ومبتتكلمش
-
يووووه ده انا تعبت معاها والله يا بيري انها تتكلم !! ابدااا مفيييش
-
طب متعرفيش ده سببه ايه؟
-
غلبت اعرف وحياااتك مفيييش فااايدة
وفجأة يرن تلفون مهرة
الموبايل واللي تكون نسيته برة اوضتها .. ياسمين وبيري يبصوا
لبعض وتقول ياسمين:
-
ايه ده غريبة؟! مهرة مبتنساش تلفونها!!
-
شكلها لما مشيت بسرعة بسبب سؤالي فتلخمت ونسيته
-
طب هروح اخبط عليها واديها الموبايل
تروح ياسمين تخبط
وتناديها كتير بس مكنتش بترد فتبص لبيري بتعجب وتقول:
-
شكلها نايمة ومش سمعاني خااالص!! والموبايل مبطلش رن! كل ما يقفل يتصل تاني
-
يمكن حد عايزها ضروري؟!
-
مش عارفة؟!
-
طب ايه تردي؟؟
-
خايفة....
-
لا ردي يمكن بجد حد عايزها ضروري
-
الرقم مش متسجل بس الرقم من مصر
-
جايز اهلها!!حد لقدر الله حصله حاجه ‘ طالما مش راضيين يبطلوا اتصال كده
-
تفتكري؟
-
جايز .. ردي يا ياسو ردي ليكون فيه حاجة مهمة اووي
-
طيب .. الو ؟
-
ايوووة يا مهررررة ايووووة يا بنتي اخيراااا رديتي عليااااا كده يا بنتي
القسوة دي كلهاااا
كل مرة اتصل بيكي ابقى
قبلها بصلي بالدموع لربنا عشاااان تردي عليااااا ...
ياسمين تتلخبط وتتوتر
وتحاول تتكلم :
-
اا ....
-
كفياكي يا بنتي غيبة وغربة وقسوة قلب .. كفياااكي يا ضنايا تعذبي نفسك بسبب
غلطة والله
ما كنا قصدينهاااا وعزة
ربي ما كنا قصدينهاااا
بيري تبص لياسمين اللي
باين على ملامحها التوتر الشديد وتقولها:
-
مالك يا بنتي؟!
-
شكلي رديت على مامتها وعمالة عع عمالة تقول كلام غريب مش فهماه
-
طب فهميها انك مش مهرة
-
مش مدياني فرررصة!! زي ما تكون ما صدقت
ترجع تاني ياسمين
للموبايل وتسمع:
-
يا بنتي الله يرضى عليكي ابوووك حزنان من ساعة ما هملتينا وروحتي ‘ يا ضنايا
وانا عيني
رااااحت من كُتر البُكا
عليكي ..
-
يا يا طنط انا مش مهرة
-
....
-
الوو!
-
امال انتي مين يا بنتي؟!
-
انا ياسمين اللي معاها في السكن ومهرة نسيت موبايلها وهي نايمة و ووقافلة
الاوضة عليها
وانا لما لقيتكم بتتصلوا
كتير فخفت ورديت ..
-
نايمة!! وبتكدب كمان
-
لالالالاااا لا والله ابدااا بس حقيقي والله هي نايمة وناسية التلفووون برة
-
طب يا بنتي فهميها كفاية كده قسوة بقى وخليها ترد علينا
-
ح حح حاضر حاضر
***************************
تُركي بيخلص شغله ويروّح
لفيلته واول ما يدخل يلاقي مامته قاعدة مع خالته ومعاهم
العنود وخديجة .. اول ما
عينه تيجي على خديجة يتوتر وملامح وشه تتقلب فيسلم على مامته
-
وحشتيني يمه متى جيتي؟
-
احين يا بعد عمري ‘ سلم على خالتك وبنت خالتك
-
هلا خالتي شخبارك؟
-
الحمد الله يا تُركي من زمان ما شفناك! لازم نيجي لك البحرين؟ طولت الغيبة!
-
معلش خالتي شغل وكذا يلا في امان الله بطلع ارتاح
تقول خديجة فجأة :
-
اشفيك يا ولد خالتي ما شفتني
فتبص ليها العنود وتقول:
-
انتي ما تستحين ويا وجهك فيه احد يكلم ولد خالته كذا!
تركي بغضب يقول:
-
غطي وجهك لما اكون معك ولا نسيتي انك سعودية!
-
لا ما نسيت بس تعرف انا وحدة مالي خلق على كذا وما غطي وجهي وهذا ابوي ما
يقولي
نفسك! وهذي العنود ما
تغطي..
تقوم العنود بالمصري
بسرعة:
-
لا انا مصرية مليش دعوة بتقاليدكم انتم السعوديين متدخلنيش بينكم
تركي بقرف لخديجة يقول:
-
انتي حرة
وبعدين يقول بصوت واطي:
-
كتك القرف
بعدين بصوت عالي يقول:
-
عنووووووووود تعالي فوووق
**********************************
بعد ساعات تلبس بيري
وياسمين عشان ينزلوا فتشوفهم مهرة اللي بتكون لسه صاحية من النوم ..
-
انتوا رايحين فين؟!!
-
مفيش بيري عايزة تجيب كده ورد غريب عشان تقريبا مبتعرفش تنام الا بيه
-
ايه!!
-
ههههه فكك من ياسمين انتي عارفة هزارها البايخ دايما ‘ انا سألت ياسو على
مكان اجيب
منه ورد
""الليلك" وهي قالتلي تعالي نروح سوا ..
-
امم طيب المهم متتأخروش عشان مواعيد السكن
-
لا متخافيش
بعدين تتوتر ياسمين وهي
بتقول لمهرة:
-
اممم م ممهرة تلفونك ررن وا ااحنا خبطنا كتير عليكي بس بس انتي مسمعتيش
-
اه اصل نمت وانا حاطة السماعات في وداني ...
-
م معلش بس احنا قلقنا لما لقناه مبطلش رن فردينا
مهرة تتعصب وتقول:
-
انتواااا ازااااي تردوا على تلفوووون مش تلفووونكم!!!!
بيري تقول بسرعة:
-
لانه فعلا مبطلش رن وخفنا يكون فيه حاجة خطيرة ومكنش متسجل الاسم ورقم من
مصر
وانتي مش سمعانا فقلنا
نرد!!
مهرة بتوتر وعصبية اكتر:
-
محدش له انه يررررررررررررد على اااااااي تلفوووووون يجيني
ياسمين بضيق:
-
عمتن احنا مردناش على حد غريب دي كانت مامتك وسابت رسالة ليكي ...
مهرة بغضب شديد وعروقها
كلها بارزة:
-
مشششششششش عااااااااايزة اعررررررفها خليييييييييها ليها!
**************************
في محل الورد بيري كانت
واقفة بتشوف الورد اللي بتدور عنه وياسمين واقفة سرحانة ومضايقة..
-
خلاص بقى يا ياسوو فكيييها
-
انا فعلا عمري ما شفتها متعصبة كده ومكناش نقصد انه نتحشر!! بس هي ليه تعمل
كده
-
اكيد فيه سر خطييير ومصيرنا نفهمه
-
انا بقالي يمكن سنتين وشوووية معاها وهي بالطريقة دي
-
معلش حبيبتي ‘ فكي بقى وتعالي دوووري معايا على الورد
-
طيب ‘ ما انتي برضو طالبة ورد غريب !! بس اشمعنا الورد ده يا بيري؟!
-
عشان الورد ده بيدل على الحب والبراءة في نفس الوقت ودول اكتر حاجة بتعبر
عني وحقيقي
الورد ده اول مرة شفته
لمس قلبي بطريقة غريبة كده ومن وقتها وانا بحب احطه وازين البيت
عندي ..
في نفس الوقت تركي داخل
محل الورد وبيقول للراجل :
-
عندك ليلك
اسم الورد خلى بيري تلتفت
ليه ‘ في نفس اللحظة اللي الراجل بيشاور لتركي على الورد واللي
بيكون جمب بيري وياسمين
.. والعيون بتتلقي ووقتها بيري تترعب وتُركي يبتسم ابتسامة واحد
كان بيدور على حاجة
ولقاها من تاني ..
*********************
