الحلقة الثالثة من ليلك

الحلقة الثالثــــــــة

تركي والعنود قاعدين في مطعم شيك وفيه عزف موسيقى هادي وبيتكلموا مع بعض ويضحكوا..

-          عارف بقى في الجامعة صحابي لما يحبوا يعملوا حاجة مجنونة وطقة كده يقولولي افكرلهم –

-         عشان عارفين انهم مصاحبين واحدة هبلة –

-         هبلة ايه ‘ طب ده حتى امبارح شفت خدي.....

يوقف تركي فجأة تقطيع الأكل ويبص بنظرات كلها شك وريبة ويقولها وهو عيونه مليانة شرار: -

-         كملي؟! وقفتي ليه!! شفتي ميييين!!

تتوتر العنود وقلبها يدق بسرعة من الخوف وتحاول تداري على اللي قالته وتقول بسرعة وبارتباك: -

-         يعني هما مم هه ههما لما بيحبوا يعملوا حاجة طقة بقى فيقولولي تعالي يا العنو د وروحي وكده بقى ...

يحمر وش تركي من الغضب ويقول بصوت واطي وهو بيبص على الناس حواليه ويجز على سنانه ويقولها: -

-         كملي يا العنووود ولا تلقين مني وجه ثاني

-         ااه ش شفت خديجة

صمت رهيب يكون بين الاتنين ‘ العنود بتحاول تعمل نفسها مشغولة بالاكل وتركي يسرح ويروح لعالم تاني بعيد بعدين تقطع السكوت العنود وتقول بقلق: -

-         مبتاكلش ليه يا تركي؟

-         ها؟

-         ا انا .. م مش عارفة اقلك ايه بس انا غبية ونسيت

 يتكلم تركي بسرعة عشان يغير الموضوع وهو بيجز على سنانه: -

-         مفيش مشكلة حبيبتي .. خلصتي؟

-         اه - طيب يلا نمشي عندي شغل بكرة بدري –

-         بس انت مكلتش –

-         شبعت .. يلا

*****************************

بيرجع تركي الفيلا وبيطمن على العنود لما بتنام زي عادته ويدخل اوضته يحاول ينام بس

ميعرفش .. لسه اسمها اول ما اخته بتقوله بيصحي نيران الغضب جواه .. لسه مش عارف

يتأقلم على غدرها ليه .. ذكريات كتيرة بتجتاحه وبيحاول يطرد الذكريات دي بس النهاردة

واول ما اسمها اتذكر كل ده ضاع وراح .. فتح التلفون وشغل الاغاني من على موقع ساوند

كلاود  وقعد يلعب شوية وبعدين فتح الانستجرام وفضل يتفرج على الصور ووهو بيتفرج لقى

صورة لاخته مع شلة بنات في الجامعة وكانت خديجة منهم في نفس اللحظة اللي كانت اغنية

خليجية حزينة بتشتغل وكلماتها بتقول:

"لقى غيري ولا همه من وراه شيصير فيني

ماني قادر انا القى حب غيره ينسيني

شلي فيني عشان تبعد انا انسان حالي من حالك

ولا اللي مثلي ماعاد يبقى بقلبك اللي ناسيني

لقى غيري ولا همه

تخليني ليش معا اجروحي

تخليني ليش معا الاحزان

وانا اللي كنت احسبك بيوم عمرك ماتخليني"

نزلت دمعة من تركي مسحها بسرعة وبعنف وقال بصوت عالي:

"اتخسي ما في رجال يصيح على واحدة خاينة العشرة ‘ ما تستاهلك يا تركي " 

*اتخسي: ما عاش ولا كان

*************************

يصحى بندر تاني يوم على المنبة وميلاقيش رينا جمبه فيفتكر انها اتخانقت معاه ‘ يبص

للساعة ويلاقيها 7 ونص فينط فجأة لما يفتكر ان عياله باصهم بيجي 7 ونص على اول

الكمباوند ومبيستناش اكتر من خمس دقايق.. بيجري يصحيهم وبيحاول يخليهم يلبسوا

بسرعة ويجري يحضر الفطار ليهم بس ترجع ريما تقوله بعياط:

-         مب عارفة البس الشوز

-         اتكلمي مصري يا بنت !!

-         مش عارفة يا بابي البس الجزمة

-         يعني ايه مش عارفة !! عبد الرحمن اخلص يلا ولبسها الجزمة بسرعة

يأفف عبد الرحمن ويقول بعصبية:

-         مامي اشطر منك يا بابي!! مامي بتعملنا كل حاجة ومش بتخلي الباص يفوتنا

يبص ليهم بندر بعصبية ويبص للساعة ويلاقيها بقت تمانية الا ربع ويقول بزعيق:

-         بااااص ايه بقى ما اتزززززفت ومششششي!! اخلص من غير دلع البس عدل ولبس

اختك ‘ عقبال ما ادخل اخد شاور بسرعة والبس انا كمان..

تبص ليه ريما بكل براءة وتقول:

-         مش هنفطر يا بابي؟

-         ما انا اتنيلت عملت ليكم سندويتشات

يكمل عبد الرحمن:

-         بس ماما بتفطرنا برضو كورن فلكس

يبص ليهم بندر بعجز وزهق:

-         يوووووووه انتم مش صغيررررين اخلصوا واعملوا لنفسكم ‘ ارجع الاقيكم فطرتوااااا

وبعد عشر دقايق يرجع بندر المطبخ يلاقي الحليب واقع على الارض والكورن فلكس

متنطور في كل مكان وريما هدومها كلها نوتيلا ومتوسخة .. ميتمالكش بندر اعصابه

ويقول:

-         ايييييييييه القررررررف ده!!! فيه حد يعمل كده؟!

تعيط ريما وتقول:

-         انا ما ابيك انت اللي تسويلنا انا ابي امي

-         عقابا ليكي هتروحي المدرسة كده بالمريول بتاعك وهو متوسخ !! يلاااا معنديش وقت للدلع

*****************************

مهرة بتصحى كعادتها وبتفطر وكمان ياسمين بتفطر معاها والاتنين بيلبسوا وبعدين بيستنوا

الباص اللي بيوصلهم لمدارسهم ..

بتدخل مهرة كالعادة مكشرة على الطالبات على العكس من ياسمين اللي بتدخل بابتسامة واللي

بيخلي البنات يجروا ليها بحب ويستقبلوها بكل حب .. وبعد ما بيضرب اول جرس

وتبتدي الحصة الأولى تدخل مهرة بكل جدية الصف .. واول ما تدخل بنت من البنات

تضحك وتقول بصوت همس لكن مسموع:

-         ووويه اكووو المصرية الخايسة دشت لنا

بتبص ليها مهرة وتقولها:

-         ارفعي صوتك بقى كده وقوليلنا كنتي بتقولي ايه؟!

-         ما كنت اقول شي!!

-         عارفة لو منطقتيييش وقلتي كنتي بتقووولي ايه؟! مش هيحصل طيب؟!

-         اشفيييج انتي خداااي!!

-         ايه؟!

تقف بنت مصرية وتقول:

-         معلمة مهرة انا هقلك هي كانت بتقولك ايه

تبص ليها مهرة بنجدة وتقولها:

-         ايوة لو ترجمتيلي كلامها صح هحطلك خمس درجات

تقول البنت الأولى:

-         عنبووو كل هاي عشان مصرية !!

تزعق ليها مهرة بكل عصبية:

-         اخرررررسي خااااالص مسمعش صوووتك!! يلا قولي يا نداء كانت بتقول ايه؟

نداء تبص للبنت بكل حذر وبعدين تبص لمهرة وتقولها:

-         كانت بتقول على حضرتك يعني انا اسفة في اللي هقوله بس كانت بتقول يع اهي المصرية

المقرفة دخلت لينا وبعدين رجعت وقالت انتي مالك انتي  هبلة ولا ايه .. انا اسفة والله

بس ده كلامها هي وبعدين اخر حاجة قالت انه انتي هتديني درجات عشان انا مصرية زيك..

تتعصب مهرة لدرجة انها تفقد السيطرة على نفسها وتمسكها من ايدها بكل عنف ونرفزة

وتزقها لبرة الصف وهي بتصرخ جامد:

-         اطلعععععععععععععي بررررررررة يا حيووووووانة يا قليييييلة الادب برررررررررة

تطلع البنت بكل برود واستفزاز وتقول بصوت عالي:

-         والله لارويج يا الحقيرة! انا مصرية تسوووي فيني جذي!! ما عليه الشره مب عليج على الخمة

اللي يبون امثالكم اهني في ديرتنااااا!!

تبص مهرة لنداء وتقولها:

-         الزززززفتة دي بتقووول ايه؟!

-         بتت بتقول ا انها هتفرج حضرتك و اووا ان ازاي مصرية تعمل فيها كده وان الغلط مش عليكي

الغلط على اللي بيجيب امثالنا هنا البلد..

-         بعد الحصة ما تخلص استعدي عشان انا وانتي هنروح للمديرة ووالله ما انا مرتاحة الا

لما اديها انذار الحيوانة دي..

-         خلاص اهدي يا مُعلمة ..

***********************************

بعد ما الحصة خلصت راحت مهرة ومعاها الطالبة نداء للمديرة واللي اول ما دخلت اوضتها

لقت الطالبة التانية قاعدة وعمالة تمثل انها بتعيط.. المديرة بتطلب من البنات يخرجوا

واول ما بيخرجوا بتسأل مهرة هي ليه عملت كده فتجاوب:

-         حضرتك بنت وقليلة الادب ولسانها طويل وسلوكها غير اخلاقي! انا منعت نفسي بالعافية

اني ملطشهاش قلم لاني عارفة هنا ان القوانين تمنع الضرب!

-         لكن البنية تقول انج طقتيها

-         لا حضرتك انا مضربتهاش!! ونداء تشهد بده!! انا مسكتها بعنف اه من ايدها لكن ممدتش

ايدي عليها وزقتها برة لانها كانت رافضة تخرج ..

-         الله يهداج كنتي طرشيها لي وانا اسويلها انذار؟!

-         افهم من كده انها مش هتاخد انذار؟!!

-         يا مهرة انتي عصبية وايد مع البنات وانا حذرتج الف مرة من عصبيتج هاي!!

-         لا معلش يعني ايه عصبية !! بنات وسفلة ولازم يتعلموا الادب!! ماهو الدلع بتاعكم ده هو

اللي بيخليهم يتمادوا؟! وبعدين هما بيستهتروا جدااا بينا اكمننا مصررريين!! وانا شايفة

بعد اذن حضرتك ان البنت دي لازم تاخد فصل ..

-         اعتقد انا المديرة وانا اللي اقول من ياخذ فصل ومن لا وبعتبر اني عطيتج لفت نظر واهي

بعطيها انذار..

يحمر وش مهرة من العصبية وتقول:

-         يعني اناااااا تديني لفت نظررررر وهي تديها بس انذاااااااار!! اناااا كده مش هعرف اسيطر

على البنات بعدين؟!

-         مهرة الوقت خلص ورايا شغل

تخرج مهرة ودموعها في عينها وتقول

-         حسبي الله ونعم الوكيل

وتروح على اوضة المعلمات وبعد ثواني بتجري عليها ياسمين وتقولها:

-         سمعت ان حصلك مشكلة !!

تبص مهرة ليها وهي بتعيط بقهرة:

-         هو احنا ليه مكتوب علينا الذل يا ياسمين والقهرة!! هو انا قلبي ده مستخسرين فيه الفرحة؟!

ما انا كنت عايشة بكرامتي ؟! ليه الايام تبهدل فينا كده يا ياسمين وتمرمطنا عشان لقمة العيش؟

تحضنها ياسمين بقوة وتقولها:

-         اهدددي بس يا حبيبتي اهدددي وفهميني ايه اللي حصل

********************************

محمود في الشركة بتاعته بيشتغل وبعدين بيشوف ابراهيم مش قاعد على بعضه فبيساله:

-         مالك؟

-         بعد شوية رايح اجيب بيري من المطار

-         ما انا فاهم بس انت مش على بعضك ليه؟

-         يعني مش عايز الموضوع يتعرف؟!

يرفع محمود حاجبه بضيق ويقول:

-         ليه وهو انت بتسرق ولا ايه؟!

-         مش بسرق يا عم مش بتزززفت

-         صاحبي بيري دي تتقال بكنوز الدنيا فوووق يا صاحبي من سكة الندم اوام اوام

-         خلاص يا محمود هو انت كل شوية هتسمعني كلام ينرفز اففففف

وبعدين يسيب المكان ويروح لمكتب تاني بعيد ويخبط الباب ويدخل..

******************************

تكون أشواق بنت شعرها قصير من جهة ومن جهة تانية اطول ويكون ناعم والبرفيوم بتاعها يكون

مالي المكتب ولابسة عباية سودة بس العباية تكون مفتوحة من النص وباين لبسها من تحت واللي

يكون عبارة عن بدي لونه احمر ضيق وجينز ضيق جدا وتكون ماسكة ورق قدامها بتشتغل فيه

لحظة ما ابراهيم يدخل ليها..

اول ما تشوف ابراهيم تبتسم ابتسامة مليانة خبث وتقول:

-         تأخرت يعني ! ما صبحت عليّ نفس كل يوم

-         معلش دماغي مش فيا

-         اشفيك حبيبي؟ عساك بخير؟

-         أشواق بليز الله يخليكي انا قلتلك بلاش حبيبي دي في الشغل

تتغير ملامح أشواق وتختفي الابتسامة وتقول:

-         ما تبي محمود رفيجك يعرف بقصة حبنا صح؟! اسمع يا ابراهيم انا عارفة زين انك عقب

شوي بتروح المطار حق خطيبتك بس انا اعرف اكثر انك ذكي وانك بتختار في الوقت الصح

من اللي ينفع تكمل معاها يا ولد الحلال وانا بكون متفاهمة جداااا معاك وبسمحلك تأمن لها

حياة زينة حق البنية لان من قصتها فهمت انها فقيرة مسكينة ... افهم زيين الحجي مالي

وفكررر في اللي قلته لك حبيبي ..

وغمزت له وابتسمت وشاورت له بايدها عشان يخرج .. وخرج ابراهيم من مكتبها وهو بيدور

كلامها تاني جوة مخه:

"انا عارفة انك مش عايز محمود صحبك يعرف بقصة حبنا ‘ اسمع يا ابراهيم انا عارفة كويس

انك بعد شوية هتروح المطار لخطيبتك بس انا عارفة انك ذكي وانك هتختار في الوقت الص ح مين اللي ينفع تكمل معاها يا ابن الحلال وانا هكون متفاهمة جدااا معاك وهسمحلك تأمن ليها

حياة كويسة عشان البنت لان من قصتها فهمت انها مسكينة .. افهم كلامي كويس وفكر في اللي قلته ليك يا حبيبي "

يقول بصوت عالي:

-         واضح يا ابراهيم انك فعلا هيجي عليك وقت ولازم تختار بس في كل الحالات الاختيار هيكون

صعب!!