الحلقــــــة الثالثــــــة عشـــــر جزيرة اللالا

الحلقـــــــة الثالثة عشــــــر

بعد يومين كان أيهم نايم في الاوضة العصر وفجأة لقى محسن بيجري ليه وبكل عصبية بيصحيه ويقوله بزعيق:

الوااااااحد اتصدممممم فييييييييييييك!! مكنااااااش فاكرينك مش رااااااااجل كده!!

يصحى أيهم مفزوع من النوم وهو بنص عين وشعره منكوش ويقول:

-         ايه دخلة التتار اللي على الصبح دي! في ايه!!

محسن بغضب شديد:

-         انت اكتر وااااااحد عاااااارف ان المفروووووض محدددددش يعرف عن الجزييييييرة!!

 يتعدل أيهم فورا من مكانه ويقول بجدية شديدة:

-         ايوة عارف ده طبعا!! ليه ايه اللي حصل؟!

يرمي محسن الجريدة لأيهم ويقول بصوت عالي وزعيق وعصبية:

-         تقدر تفسرلي اييييييييييييييييييييييييه دددددددده!!! مييييين اللي قالهم عناااا؟؟؟ ميييين اللي حكى

التفاااااصيل دي!!

يقرأ أيهم اللي مكتوب في الجزيرة ويلاقي خبر كبير في الصفحة التانية من الجريدة والصورة

اللي كان منزلها في الانستجرام واخدة مساحة كبيرة ومكتوب تحتها :

" جزيرة خيال أو واقع داخل مصر "

ويقرأ الكلام المكتوب تحته واللي يكون بيتكلم عن ان الجزيرة دي بتقع في محافظة البحر الأحمر وانه تم اكتشافها عن طريق واحد لما تاه باليخت بتاعه ولقى نفسه هناك بالصدفة

وبعدين يلاقي مكتوب كمان ان البشر هناك بيتعاملوا بمثاليات مبقتش موجودة وانهم عايشين

كأنهم في ملكوت آخر ..

ومع كل كلمة كان بيقراها كان بيتصدم والدم بيغلي في عروقه وبعدين قرأ أخر سطر كان

في الخبر انه ازاي فيه أرض زي دي وعليها جزيرة بالشكل دي مختفية عن عيون الناس

وايه سر الجزيرة دي عشان تفضل مختفية كده ..

يرمي أيهم الجريدة بكل عصبية ويقول:

-         مييييييييين اللي قاااااااال كل الكلاااااام ده وازاااااي

-         بتسألننننني انااااااااا!! عاااااايز تفهمني انككك محكتش لصاااااحبك اللي جه هناااا وبس كنت بتمثل علينااااا!! انت خدعتناااااا عااااارف يعني ايه خدعتناااااا!! انا مش عارف الدنيا دلوقتي

هناك عاملة ازاي!! مش عاااارف .. اخر حاجة بجد كنت اتوقعها انك تطلع مناااااافق زيهم!!

انت فعلا مينفعش تعييييش في وسطنااااا لانك ببساطة زززززيهم..

أيهم وشه يحمر من الغضب ويقول بغضب شديد جداا:

-         اناااااااا عمرررري ما هعمل حررررركة غبية زي دي!! وبعدين الصورة دي انا اللي واخدها

اه بس حتى يوم ما نزلتها على الانستجرام مكتبتش حااااجة عن ام الجزيرة!! مفيييييش  غير الحيوان اللي اسمه سااااامح هو اللي عمل كده..

-         انستجرام ايه انا مش فاهم!! يعني ايه اصلااا!! اسمعني يا أيهم انت بسببك عملت مصيبة

وزمان الدنيا مقلوبة هناك في الجزيرة.. انا همشي

-         استنى هنا ‘ هتمشي تروح فين

-         هررررجع هناااااك!! كفااااية كده!! والدي الكبير كان عنده حق اننا ملناش مكان هناااا!! انتم

عايشين في غابة واللي زيك عمره ما هيقتنع بالجنة! اللي زيك لازم يعيش في النار ويتحرق

ويتلسع بيها عشان يعرف ان الحق حق..

-         مشششش هتمششششي الا لما اصلح كل حااااجة

يبص محسن لأول مرة بغضب شديد واحتقار لأيهم ويقول:

-         انت مبتصلحش!! انت للأسف بتفسد كل حاجة !! اسكتتتتت بقى وانسى انك شفتنا في يوم من الايام..

-         مشششش بمزاااااجك تصدر عليا الحُكم ده!!

يمشي محسن ويسيب أيهم في الاوضة حيران وزي المجنون ويدخل اوضته ياخد شنطته وهدومه وكتبه ويروح عند باب الشقة عشان يمشي ‘ فيجري عليه أيهم ويقوله:

-         استنـــــــــــــــى هاجي معاك

محسن بنظرات مليانة شرر وغضب:

-         ابعـــــــــــــــــــــــــد وكفاية كده!! وعلى فكرة انا جيت هنا لسببين ! السبب الاول عشان أثبت

لنفسي اني عايش في نعمة واحمد ربنا عليها بكل يقين والسبب التاني عشان كنت فاكر اني ممكن اقدر اقنعك ترجع معايا للارا!!

ويخرج بسرعة ويقفل الباب في وش أيهم اللي يفضل واقف متنح مش عارف يتصرف ازاي

ولا مستوعب حجم اللي حصل ..

********************************************

في الجزيرة يكون الكل مجتمع مع عادل اللي يكون في قمة غضبه ومش عارف يتصرف ازاي

ويقول للكل :

-         احنا لأول مرة بنواجه مشكله عصيبة جدااا ومحتاجين نفكر بسرعة وفي نفس الوقت بهدووء

شديد..

 يرد عليه واحد من الرجالة اللي في الجزيرة:

-         والعمل  ايه؟

-         ارجو من البنات ياخدوا الأطفال ويقعدوا بيهم في كوخ الطوارىء لحد إشعار آخر

وبعدين يبص عادل على لارا اللي بتكون قاعدة حزينة وتايهة في عالم تاني ويقولها:

-         لارا

-         ايوة يا والدي

-         روحي معاهم يا بنتي

-         حاضر

ويبص على سالي ويقولها:

-         الدور عليكي يا بنتي المرة دي تقودي الوضع لحد ما نشوف هنعمل ايه

-         اطمن يا والدي

-         عينك على كل حاجة

-         حاضر

وبعدين يقول لراجل تاني :

-         نبيل لازم تشوف المحافظ فورا وتفكره بالاتفاقية اللي بينا وتشوف الموضوع وصل لايه وتخليه

يوافينا دايما بالجديد في مراسيل..

-         ماشي

وبعدين يمسك في دقنه ويفضل يفكر كتيير وبعدها يقول قراره ..

************************************************

ينزل أيهم على البنك واول ما يدخل تشوفه سها ماشي بكل عصبية ونرفزة ومسلمش عليها فتجري

عليه تمسكه وتقوله:

-         مالك فيه ايييييه؟!!!

أيهم بصوت عالي:

-         فيييييين الحيوااااااان اللي اسمه ساااامح

-         اييييه اللي حصل يا أيهم فهمني ماااالك؟!!

-         اقسم بالله ما هرررررحمه المرااااادي وعليا وعلى اعدائي

-         فهمنننني بس حصصصصل اييييييه؟!!

يطلع الجريدة ويدهالها ويقولها:

-         محدشششش غييررررره الحيواااان اللي عمل كددددده

ويجري على مكتب سامح واول ما يشوفه يمسكه من رقبته ويفضل يضرب فيه ويقول بعصبية:

-         طوووول عمررررك واااااطي وندددددل وحشرررري فضوووولي

يدافع سامح عن نفسه ويزق أيهم بعيد عنه بالشلوت ويقول بحرقة دم:

-         وانت محمووووق اوووي كده لييييه!! ايه يعني ! جزيرة والناس عرفت عنها ها؟! اييييه اللي

شقلب حيااااتك كده!!

يجوا الأمن بتوع البنك يفضوا ما بينهم وسامح يقول بحرقة دم أكتر:

-         مش هسكتتتتت ‘ هقول في كل حتة في الدنيا عن الجزيرة دي ! انا هعلمك ازاي تيجي تمد

ايدك عليااااا

-         وانااااا هربييييك يا واااااطي !! والله مبقاش أيهم اما علمتك الرجولة يا واااطي

يدخل المدير ويقول بكل عصبية:

-         ايه اللي بيحصل هنا ده!! تعالوا فورا على التحقيق في مكتبي .. فوراااااااا ويلاااااا كل

واحد على شغله..

*******************************************

بعد ما يتحقق مع أيهم وسامح والمدير يفصل أيهم عن العمل ويدي جزا لسامح وده لأن أيهم

اتهجم الاول على سامح بالضرب في وقت العمل وفي الشغل ‘ يخرج أيهم وهو في قمة غيظه

فتجري وراه سها وتقوله:

-         استنى بس يا أيهم

-         اقسسسسسم بالله لهدفعه التمننن غاااااااالي!!

-         يا أيهم كفااااية بقى !! كفااااااية!! الأمور مبتتخدش بالقفش كده الله!!

-         اماااال عايزااااني اعمل ايييه!! انتي عارفة انا قدامهم ايه دلوقتي؟! اناااا مش راجل ولا حافظت ع السررر!!

-         روح فهمهم ان ملكش دعوة باللي حصل

-         انا مش عارف دلوقتي ايه اللي حصل ليهم

-         سافر يا أيهم ليهم وفهمهم بجد ان ملكش اي ذنب في اللي حصل

يقعد أيهم على الرصيف اللي في الشارع قدام البنك ويمسك راسه جامد بايده الاتنين ويبص ليها

بحزن ويقول:

-         مش هيصدقوووني

-         لا هيصدقوك ! لو هما زي ما حكتلي عنهم كده هيصدقووك!!

-         مش عارف

-         قوووم يلا انا وانت واحمد نسافر ليهم

-         ......

-         قووووم يا أيهم يا حبيبي

-         تفتكري هما هيعملوا ايه لو شافوني ؟؟ تفتكري هما اصلااا بيعملوا ايه دلوقتي؟

-         قووم بس يا حبيبي قووم بينا يلا

****************************************

وفي نفس اليوم يحجز أيهم ومعاه سها وأحمد تلت اماكن على اول طيارة رايحة الغردقة ومن هناك ياخدوا يخت ويطلع بيهم أيهم على الجزيرة.. وبعد يوم يكونوا وصلوا .. اول ما ينزل

محمود من اليخت يشوفه محمود اللي كان بيلعب مع يحي ‘ فيدعك عنيه جامد وبعدين يرجع

يبص على أيهم ويدعك عنيه تالت ويبص ويبدأ يبتسم بشويش لحد ما يبتسم جامد اوووي ويجري في كل مكان يقول بصوت عالي وفرحان:

-         أيهـــــــــــــــــــــــــــــــــــــــم رررررررجع أيهـــــــــــــــــــــم ررررررجع يا لاراااااا

أيهـــــــــــــــم رجع يا باباااااا أيهــــــــــــــم ررررجع

تكون لارا قاعدة بتسرح في شعر تالا وبتحط ليها الياسمين من على جمب الضفيرة اللي بتعملها ليه واول ما تسمع صوت محمود اللي بيجري مبسوط ويقول ان أيهم رجع ‘ مليون شعور

متناقض يكون جواها .. فرحة مع خوف مع حزن مع غضب مع دموع مع شوق مع حب

وغيظ في نفس الوقت ..

تالا اول ما تسمع اسم أيهم تقول بحماس:

-         لارااا خلصي شعري لو سمحتي بسسسرعة عاااايزة اجررري اسلم على أيهم

-         حـ ح ا ــضـ ر

وتبدأ تالا تدندن وفي نفس الوقت دموع لارا نازلة على خدودها بهدوء:

-أيهم رجععع لالالااااا أيهم رررجع ترارارا لالالاااااا أيهم ررررجع

وبعدين تلتفت على لارا فجأة ولسه هتتكلم فتشوف دموع لارا فتقول بضيق شديد:

-         انتي بتعيطي ليه يا لارا؟

-         م ممفيـ مفيش حبيبتي

-         هو انتي قلبك لسه موجوع؟

-         حبيبتي متقلقييش

-         أيهم طيب اوي يا لارا صدقيني..

-         ليه بتقولي كده؟

-         مش عارفة بس حاسة انك زعلانة من أيهم

-         مين  قالك كده

-         انا لسه صغيرة بس انا بحس

تبتسم ابتسامة مليانة وهن وتقول:

-         يلا حبيبتي خلصتلك شعرك .. رووحي سلمي عليه

*********************************************

تجري تالا على أيهم اللي بيكون حاضن محمود وبيسلم عليه بشوق شديد وتناديه بحماس:

-         وحشتنيييييي يا أيهم

فتبص ليها سها بكل حب وتقول:

-         يا عسسسل مين الكيوووت دي؟

-         دي تالا

-         كميييلة اوووي

فيبص أحمد بحب لسها ويقولها:

-         ايوة ماشاء الله ‘ عقبالنا ما نجيب واحدة شبهها كده

-         يارب يا حبيبي

يحضن أيهم تالا ويقولها بشوق:

-         وحشتييييني اووووي يا نجمة انتي

-         وانت كمان ‘ بس انت اتأخرت اووي .. ولارا كانت كل يوم تعيط ‘ بس انا كنت عارفة انك

هتيجي عشان انت وعدتني وانا عارفة ان انت قد كلمتك ‘ والنجمة انا لسه محتفظة بيها عشان

تاخدها ..

يضحك أيهم على عفوية وتلقائية تالا ويقولها:

-         امال فين بابا؟ وفين لارا؟ محسن جه ؟

-         ايوة محسن رجع امبارح

ولسه هتكمل كلام فيجي نبيل ويقول لأيهم:

-         نورت من تاني الجزيرة يا أيهم

يبلع أيهم ريقه بصعوبة ويقول:

-         متشكر

-         اتفضل معايا انت وضيوفك

-         فين عادل؟

-         هتقابله دلوقتي ..

-         ينفع اقابل لارا

-         انا متأسف مش مسموح ليك تعمل حاجة دلوقتي غير لما تقابل مع عادل

تهمس سها لأيهم:

-         هو ماله بيتكلم برسمية اوي كده

-         اكيد يا سها مضايقين وفاهمين ان انا اللي فشيت عنهم

-         طب انا واحمد هنيجي معاك؟

-         اه

أحمد يقول لسها:

-         في ايه حبيبتي؟

-         مش عارفة تقريبا كده هنقابل الريس بتاع المنطقة هنا

-         ريس ايه ومنطقة ايه! دي جزيرة يا روحي !!

-         ايوة يعني الكبير بتاع الليلة هنا

-         ربنا يستر لحسن أيهم باين عليه متوتر جدااااا

-         انت مش متخيل يا أحمد هو حالته فعلا عاملة ازاي ! ده هيتجنن لو محدش هنا صدقه

-         احنا نقول انه فعلا بريء

-         تفتكر هيصدقونا خصوصا اننا من طرفه

-         ممم مش عارف

-         هنشوووف

******************************************

يقابل أيهم عادل ويسلم عادل على سها واحمد بصدر رحب وبعدين يبص بعتاب على أيهم ويقول:

-         انا يا بني لما جيت لينا تايه مقصرتش معاك

أيهم يقاطعه فورا:

-         عادل قبل ما تتكلم !! أقسملك بايه اني مجبتش سيرة الجزيرة دي!

-         والصورة اللي في الجرنان؟

-         ايوة انا اللي صورتها بس حتى لما نزلتها مقلتش هي دي فين ولا ايه ولا اتكلمت عنها !

فتتدخل سها وتقول:

-         وريله الانستجرام بتاعك يا أيهم عشان يصدقك

فيبص ليها أيهم ويقول:

-         صلي على النبي ! انستجرام ايه دول ميعرفوش البلاي ستيشن

سها بصدمة:

-         ايييييه بتهززززر!! واااااو

-         لا مش وقت صدمااات خالص

فيقول عادل:

-         كمل ؟

-         انا لما محسن جه قعد عندي واساله حتى

فقاطعه عادل:

-         محسن حكالي كل اللي حصل عندك

-         طيب !! يبقى ازاي بقى بعد ما كنت مش عايز الززززفت سامح يعرف عنه هروح انا اقله بنفسي

فيقول أحمد:

-         بس الغريب بجد سامح عرف منين عن المعلومات دي؟!

أيهم بعدم فهم وعصبية:

-         ده اللي هيجنننيييييييي هموووووت واعرررف هو عرررف منييييين!!

فجأة تنط سها وتقول:

-         أيهـــــــــــــــــــم

يتخض الكل بما فيهم عادل فيقول أيهم:

-         ايه يابنتي سرعتيييني!

-         أيهم انا افتكرت حاجة مهمة اوووي

-         ايه؟

-         رسالة لارا ! انت كنت بتاخدها معاك الشغل !! اكيد سبتها على المكتب وروحت تعمل حاجة

وانت عارف سامح !!

-         ماشي حتى لو شاف الرسالة برضوو عرف انها سر وعرف عن تعاملهم معايا ازاي؟

قام عادل قال فجأة

-         متكلمتش عن الجزيرة لحد قريب منك قدام حد

أيهم وهو بيفكر:

-         انا حكيت لسها وكنا وقتها في البيت.. صح يا سها؟

-         ايوة كنا في البيت فعلا لالا كنا في المطعم ! مش فاكرة كنا في البيت ولا المطعم؟!

-         حتى لو المطعم مين هيسمعنا هناك

تسرح شوية سها مع نفسها فيبص أيهم باستغراب ليها ويقولها:

-         بتفكري في ايه يا سها

-         شششش دلوقتي

-         ششش ايه انتي بتهشي دبانة!!

-         استنى انا بفتكر حاجة مهمة دلوقتي

فيبص عادل ليها باهتمام ويقول:

-         ايه يا بنتي؟

-         بص يا عمو هو تقريبا الغلط مني

-         ازاي يا بنتي؟

-         يعني انا ا ااف افتكرت دلوقتي اني حكيت لاحمد وانا كنت في الشغل ‘ فأكيد سامح سمعني

يبص أيهم بعصبية ليها:

-         اناااااا مش قلتلكككك الموضوووووع ده متتكلميييش فيه في اي مكاااان!!

تدخل فجأة لارا بعد ما تخبط وتقول لعادل:

-         والدي انا هروح مع محسن

-         متأكدة يا بنتي ؟

-         لو سمحت ‘ اديني الفرصة دي

فيبص أيهم بعدم فهم ليهم ويتدخل سريعا:

-         لارا ! انتي مسلمتيش عليا ليه؟! وهتروحي فين مع محسن؟!!

متردش عليه لارا وتسلم على سها واحمد بكل رقة وبعدين تستأذن وتخرج ‘ فيبص أيهم بهستيريا لعادل ويقوله:

-         بعد اذنك انا لاااازم اكلمهاااا فوراااااا

*********************************************

يخرج أيهم ورا لارا بسرعة ويلحقها ويمسك ايدها بسرعة ويقول:

-         انتي مبتكلمنيش ليه

-         خير يا أيهم؟

-         انتي مصدقة اللي اتقال عني ده واني ممكن اقول للناس عن الجزيرة؟!

-         أيهم سبني لو سمحت

-         هتروحي فين مع محسن

-         هاخد يومين اجازة بعيد عن الجزيرة

-         هتسافري؟ فيييين؟ وامتى؟ هتسيبي الجززززيرة!! انتي يا لااااارا؟؟

-         انا مقلتش هرحل ! قلت هاخد اجازة

-         ليييييه

-         على الاقل لحد ما تمشي

-         للدرجة دي مش عايزة تقعدي معايا؟

لارا بعيون مليانة دموع:

-         انت كسرتني

-         لاااا انا بحبك والله ! والله بحبك .. اا اانا بس ك ككنت متلخبط ب ببس عمري ما كدبت عليكي

...........................................................