الحلقة الخامســــة عشـــر
تبص سها بصدمة لأحمد وتقول:
-
امال راح فين يا أحمد؟!
وتجري تدور عليه هي وأحمد وكل اللي في الجزيرة وبعد ربع ساعة يقول واحد من
الشباب:
-
فيه مركبة يا والدي متاخده
تبص سها بذعر لأحمد:
-
هيكون راح فييييين؟!!
-
اهدي بس يا حبيبتي اهدددي ‘ هنستنى شوية لو محصلش حاجة نرجع القاهرة
-
ربنااااا يستررررر يااااااارب
يبص عادل لهم ويفكر بحير وبعدين يقول لسها:
-
روحي ارتاحي يا بنتي وان شاء الله خير ‘ وكله هيبان
************************************************
عند مركز محافظة البحر الأحمر أيهم قاعد في مكتب لوحده مستني المحافظ لأن
عنده اجتماع
والسكرتيرة دخلته يقعد لوحده في مكتب للأنتظار .. كل شوية يبص في الساعة
وبعدين ينفخ وبعدين يبص على التلفزيون اللي مفتوح على القناة الأولى فيقول بصوت
عالي:
-
هو فيه حد لسه بيتفرج ع القناة الأولى! دي موضتها بطلت من زمان
وفجأة يتفتح الباب ويدخل طفل صغير شعره مجعد ولونه أشقر وعيونه خضرا وعامل
دوشة
وإزعاج ..
يبص لأيهم باستغراب وأيهم يبص ليه بتعجب اكتر ..
الطفل يقرب من أيهم وهو مبحلق فيه اوي ويقول:
-
انت بتعمل ايه هنا في مكتب جدو
-
جدو!!
-
ايووة! جدو ! انت حرامي؟!
-
لا حرامي ايه الله يخربيتك هتوديني في داهية ولا ايه
-
انا جدو المحافظ انت مين
-
أيهم ان شاء الله بس متقاطعش
-
وانا رامز
يقول أيهم باستهزاء:
-
رامز! هه طبيعي واحد بيتفرج على القناة الأولى يسمي حفيده رامز
-
انت عايز جدو في ايه ؟!
-
موضوع كده ‘ انت اصلا مروحتش مدرسة ليه؟!
-
لا انا اجازة ومامي جاية لجدو تاخد منه حاجة وبعدين انا قلتلها مش همشي
معاكي وهقعد مع جدو
-
تقعد مع جدو!! ليه هي جنينة
وبعدين يقرب رامز من أيهم ويبصله جامد ببراءة الاطفال ويقوله:
-
تيجي تلعب معايا؟!
فيتصدم أيهم:
-
نلعب! هنا! ويدخل علينا المحافظ بقى يلاقينا بنلعب!!
-
اه عادي ..
-
لا يا حبيبي .. اقعد بقى الله يرضى عليك خليني افكر هقول لجدك ايه
-
انت عندك مشكلة يا عمو
-
هي مشكلة بعقل ! دي مشكلة عوويصة اووي
-
تيجي نبقى صحاب!
يسكت أيهم لثواني وبعدين يتعجب من براءة رامز وتلقائيته ويسأله:
-
واشمعنى عايزنا نبقى صحاب؟
-
عشان انا وانت قاعدين في المكتب سوا ‘ فانا العب معاك وانت تلعب معايا ‘ بص
هوريك سحر
حلو ..
-
سحر!!
-
اااه استنى
ويروح رامز لشنطته اللي كان شايلها ويقول:
-
دي شنطتي المفضلة ‘ اي مكان اروحه بحب انها تكون معايا ‘ فيها كل صحابي
-
صحابك؟!
-
ايوة فيها الاي باد بتاعي واللاب توب والكوتشينة والكرة بتاعتي
-
حفيد محافظ بقى
يطلع رامز الكوتشينة ويلعب بيها ويحاول يعمل خدع لأيهم وأيهم ينسى توتره
شوية ويضحك على سذاجة رامز اللي بيحاول بحركات صبيانية صغيرة شقية يضحك بيها على
أيهم ..
بعدين يبص أيهم على الساعة ويبدأ يتوتر اكتر ويتعصب ويقول بنرفزة:
-
لااااا كده كتيييير اففففف ‘ الاجتماع بتاع جدك طوّل اوووي
-
يوووه انت لسه شفت حاجة !! انا ساعات بقعد لحد بليل هنا وجدو بيكون لسه
مخلصش
-
لاااا مش هينفع الكلام ده معايا !! انا الموضوع اللي جاي اتكلم فيه خطير
وكل دقيقة بتعدي عليه
ممكن يحصل فيها مصيبة!!
يبص ليه رامز ببراءة شديدة وبعدين يقول بحماس:
-
انا هقول لجدو يساعدك
فيبتسم أيهم ليه بقلق وتوتر فيأكد رامز:
-
انت مش مصدقني؟! لااا انا بجد هخليه يساعدك
-
ياريت الموضوع يطلع سهل زي ما انت فاكر ويعرف يساعدني
-
مش انت بقيت صاحبي وانا بقيت صاحبك
يبص ليه أيهم لثواني ويقول:
-
اه؟؟
-
يبقى انا هساعدك ..
وفجأة صوت تتر الأخبار يخلي أيهم يركز مع التلفزيون ويسمع المذيع بيقول
"جزيرة اللالا "
وبعدين يجي تقرير إخباري وتظهر فيه لارا ووراها محسن واقفين على منصة
وبيتكلموا
**************************************
يجري أيهم بكل فضول اكتر على التلفزيون ويعلي الصوت ويقف جمبه رامز وهو
متعجب من
ردة فعل أيهم ويلاقي لارا واقفة في صالة للمؤتمرات وواقفة على المنصة
وصحفيين كتير في
المكان قاعدين ومايكات كتيرة من قنوات كتيرة قدامها وبتقول بابتسامة رقيقة
جدا وباين عليها التوتر:
"أولا السلام عليكم ورحمة الله وبركاته ‘ أحب أعرفكوا على نفسي لارا
.. طبعا الكل مؤخرا بدأ يسمع عن جزيرة اللالا .. الجزيرة دي مش حلم قد ما هي واقع
.. بس واقع يخص عشيرة كل اللي كانت بتطلبه هي انها تعيش في سلام داخلي مع نفسها ..
الجزيرة دي كانت فكرتها لجد من جدودي لما عاش وسطكم وعانى كتير.. لما الزمن الحلو
بدأت ملامحه تختفي .. لما لقى الظلم
بيقوى والمظلوم مبقاش له مكان .. لما العدل اختفى وجه الغش والمحسوبية
والقهر.. لما لقى
اليتيم بيتقهر رغم ان الله سبحانه وتعالى أمرنا بمراعاته .. لما لقى ان
المسكين بيزيد فقر والغني
بيزيد غنى من غير ما يعمل حساب لاي حد فقير حواليه .. جدي كان كل اللي
طالبه مكان ينعم
فيه بالسلام وسط زمن قامت فيه حروب كتيرة.. زمن بقى القتل فيه عادي.. زمن انعدمت
فيه الضماير .. خد مراته وولاده وقرايبه وصحابه اللي زيه وراح على أرض
فاضية .. جايز
ناس كتيرة هتقول ان مش من حقه الأرض دي!! بس الأرض دي كانت صحرا ومهملة
ومكنش
فيها اي حاجة ولا فيها حتة روح واحدة ساكنة!! كانت مهجورة والدولة هملاها
.. اتفق مع المحافظ انه ياخدها ويبنيها ويعمرها بس بشرط محدش يقرب للأرض دي وتفضل
سر عشان
متستعمرش من الناس اصحاب النفوذ العالية ولا من الناس اللي قلوبهم عاث فيها
الفساد ..
وبقى يدفع مبلغ كل سنة عشان يحافظ على كيانا ده اللي تعبنا فيه وشقينا
عقبال ما لقيناه ..
ويوم بعد يوم الجزيرة دي سكانها بقت بتكتر وقوانينا مش قوانين من صنعنا لا!
قوانينا
هي من صنع ربنا وحده وتعالى ‘ لأننا كلنا عبيده وخليفته في الكون ده ..
احنا مجرد
جوة رحلة وبعدها هنرحل لملكوت تاني وعقبال ما يحصل ده ربنا مدينا أمانة
واحنا بنحاول
على اد ما نقدر نحافظ عليها .. مش هنقول اننا كاملين لأن الكمال لله وحده
.. احنا أكيد لينا
أخطاءنا ..ولينا عيوبنا بس اهو بنحاول على اد ما نقدر كويسين .. احنا عشيرة
قررت من
أول يوم تنقي قلوبها من كل ضغينة وحقد وفساد وشر .. تبقى قلوبنا زي زبد
البحر .. نعيش
في هدوء وصفاء نفسي مع نفسنا قبل ما نعيشه مع أي حد .. ومؤمنين جدا بكياننا
اللي مش
هنقبل ابدا ان حد يفككه او يجزئه ! لانه قبل ما يكون كيان مادي وملموس فهو
كيان موجود هنا
(وبتشاور على قلبها ) بعدين بتكمل وتقول:
" ومن فترة تاه واحد من الدنيا بتاعتكم واستقبلناه (وتبدأ ملامحها
تتوتر اكتر ) ضيفناه عندنا على
الجزيرة وقلناله ان الجزيرة دي سر ومينفعش يطلع لبرة ‘ عشان مش عايزين نحط
نفسنا في
دايرة الخطر والناس تيجي وتهدد عرش الامان اللي عايشين جواه بقالنا سنين ..
بس معرفش
ايه اللي حصل وخلى السر ده يطلع ! هو بيقول انه مش هو وانه غصبن عنه اتعرف
جايز اه
وجايز لا ‘ انا مش عايزة اظلمه لاننا متعودناش على اننا نظلم حد .. بس كل
اللي بطلبه من مدينتكم انكم تسبونا نعيش في هدوء وسلام نفسي ومحدش يهدد استقرارنا
ككيان .. انا مستعدة لأي سؤال منكم حاليا .. اتفضلوا .."
رفع صحفي ايده وسأل:
-
ازاي بتاخدوا القرارات جوة الجزيرة دي؟ يعني هل عندكم رئيس قبيلة زي ما
بيكون فيه كده في سينا؟
-
ايوة عندنا والدي الكبير وده اللي بيكون المسؤول الأول والأخير عن كل
قرارات الجزيرة واللي لو حصلت اي مشكلة بنلجأ ليه
بتقوم صحفية وتسألها:
-
ليه بتسموه والدكم الكبير؟
-
عشان احنا مش بنتعامل كرئيس ومرؤوس ‘ احنا بنتعامل كعيلة واحدة متماسكة
مترابطة .. ده غير انه .....
تسكت شوية وبعدين تقول:
-
ولانه اتكفل أطفال كتيرة يتيمة كانت مشردة جوة مدينتكم ومحدش عايز يحميها
من غدر الزمان
-
هل الجزيرة كلكم تعرفوا بعض
-
طبعا ! احنا يوميا عندنا اجتماعات لأهل الجزيرة كلها عشان نعرض فيها مشاكلنا
‘ همومنا ‘
نشارك بعض في أفراحنا وإيمانا بربنا وكل حاجة ..
يتصدم أيهم من اللي كان بيسمعه وبعدين يقول بصوت عالي بكل تعجب :
-
معقول! ازا ازاااي هي تخبي عليا حاجة زي دي!
يبص رامز ليه بكل استغراب ويقول:
-
فيه ايه يا أيهم؟
وبعدين يرجع أيهم يبص للتلفزيون ويلاقي صفي تالت بيسأل لارا:
-
دلوقتي احنا مقدرين انكم تعبتم في انكم تكونوا دولة جوة الدولة دي بس يا
ترى انتمائكم لايه
لارا بكل هدوء وثقة:
-
انتمائنا للوطن الكبير وهي مصر !
-
طيب ولو حد حب يزور الجزيرة دي عشان يشوف القلوب الطيبة اللي حكيتي عنها
ويرفه شويه
عن نفسه هتمنعوه؟! طب وتمنعوه ليه!!
-
احنا بعد ما السر اتعرف قررنا احنا أهل الجزيرة مع والدي الكبير ان ممكن
نستقبل الناس بس
اللي هيدخل ويقعد فيها لازم يراعي قواعدنا واللي مش هيراعيها هنطبق عليه
الأحكام اللي بنطبقها لما بنعاقب الغلطان من أهل الجزيرة..
***********************************************
وفجأة تدخل السكرتيرة على أيهم وتقوله:
-
المحافظ منتظرك في مكتبه
يبص ليها باندهاش وصدمة ويمشي بهدوء ووراه رامز .. يدخل أيهم ومعاه رامز
اللي اول ما بيشوف جده بيحضنه ويقوله:
-
جدووو اخيرااا خلصت الاجتماع
-
ايه اللي جابك هنا يا رامز؟!
-
جيت مع مامي وبعدين قلتلها تسبني هنا معاك واتعرفت على أيهم ‘ ممكن يا جدو
تساعده
يبص المحافظ لأيهم ويقوله:
-
خير؟
-
انا كنت جاي ليك بخصوص جزيرة اللالا
-
الجزيرة دي عاملة قلبان للكل ومحدش راضي يسكت !
-
انا كنت عايز اصلح غلط تسببت فيه بعدم قصد
-
اااه هو انت اللي تهت وعرفتهم
-
ايوة
يبتسم المحافظ ويقول:
-
على العموم يا بني احنا بنحاول نحل المشكلة دي وهنشوف هيحصل ايه
-
بس مينفعش تاخدوا منهم الجزيرة !
-
ربنا يسهل
يحس أيهم ان الكلام انتهى فيرجع ويقول:
-
يا فندم انا مش عايز اكون سبب في ان الجزيرة دي تضيع منهم! صدقني انا مش
هعرف اعيش
حياتي بعدها ..
-
اطمن يا بني خلاص ‘ قلنا بنشوف حل ليها
يقوم أيهم لما يحس انه معدش فيه كلام تاني يتقال ويستأذن وهو جاي ماشي يجري
وراه رامز
ويقول لجده:
-
جدو جدو ممكن اروح مع أيهم
فيبص أيهم بتعجب شديد لرامز ويبص الجد بتعجب اكتر ويقول:
-
لا طبعا مينفعش ! هتروح فين معاه
فيسأل رامز أيهم:
-
انت هتروح فين؟
-
هرجع تاني جزيرة اللالا
-
جدو جدو انا عايز اروح معاه جزيرة البطاطاااا دي
فيهمس أيهم بصوت واطي ويقول:
-
بطاطا ايه بس احنا طالعين ع النيل انت راخر
وبعدين يبتسم ويقول:
-
بص يا رامز انا هبقى اجي ازورك في وقت تاني
-
لاااااا مليييش دعوة يا جدووو انا عايز اروح جزيرة البطاطاااا
-
يا حبيبي مفهاش بطاطا اساساااا
فيسكت المحافظ شوية ويقوله:
-
خلاص خد السواق معاك وخليه يرجعك
-
هييييييييييييييه
يتنح أيهم ويقول بخوف وذغر:
-
معلش يا فندم بس سؤال وجيه شوية ! ياخد السواق ويروح فين؟!
-
معاك لجزيرة اللالا خليه يتفسح شوية
-
يرووووح فييييين! هو انا طالع بيه على الملاهي! احنا رايحين لجزيرة ! هو
انتم بايعين الواد
ولا ده مش حفيدكم ولا ايه!
-
ايه الكلام اللي بتقوله ده! لا طبعا حفيدي ! وبعدين انا باعت معاه السواق
والبودي جارد!!
-
يا فندم دي مسؤولية حضرتك يعني! اخد العيل ده ويبقى شبطان فيا وبعدين اصلك
مش عارف
الاطفال هناك مش عاديين وكده! ده لما يشوفوا رامز هيشوفوه كأنه نازل من
الفضاء
يمسك رامز تي شيرت أيهم ويقوله:
-
يلاااااا بقى يا صديييييقي نطلع الرحلة الحلوة دي
فيبص باستسلام أيهم ليه ويقول:
-
اااااه لا من ناحية حلوة فهي هتعك بأذن الله
*********************************************
في الجزيرة تكون ريم قاعدة مع الأطفال وتقولهم:
-
صباح الخير والأمل عليكم يارب
-
صباااح النور
-
هااا مين هيبتدي يقولي الواجب بتاعه كان ايه ؟
يرفع يحي ايده ويقول:
-
اناااا انااا اناااا
-
اتفضل يا يحي قولي بقى واحكيلنا كده عملت ايه حلو ؟
-
بصي يا ريم انا كنت بخاف من ست ام حسن
-
ام حسن ؟ ليه؟
-
عشان هي عجوزة وانا بخاف اوي
-
وبعدين ؟ عملت ايه؟
-
فبقيت اديها بونبوني الصبح كل ما انا جي اروح للدروس
-
وبعدين؟
-
واقلها صباح الخير يا ام حسن انتي
-
ها؟
-
في الاول مكنتش بترد عليا وكنت بحطلها البونبوني جمبها وامشي
-
طيب وبعدين لقيت ايه؟
-
تاني يوم احط برضو واقلها صباح النور يا ست ام حسن تاني انتي
-
هههه وردت؟
-
ايوة هزت راسها
-
كمل؟
-
بعدين تالت يوم بقيت احطلها اتنين بونبوني واقلها برضو صباح الخير يا ست ام
حسن تالت انتي
-
وبدأت تسلم؟
يحي بكل حماس:
-
ايووووووووة سلمت علياااااا وبقت كل ما تشوفني تبتسملي ومبقتش مخيفة
-
يعني بقيت تحبها صح؟
-
ايووة
-
برافووو عليك .. اقعد بقى عشان في الاخر هسألك سؤال مهم
-
ماشي
وبعدين شاورت لبنتين يخرجوا وقالت:
-
لي لي و نادين قولولي عملتوا ايه؟
تتكلم لي لي وتقول:
-
انتي كنتي طلبتي مننا نمثل اننا مبنحبش بعض ومش طايقين بعض صح لمدة تلت
ايام صح؟
-
ايوة صح؟ احكولي بقى حصل ايه ؟
لي لي تبص بابتسامة لنادين وتسألها:
-
احكي انا ولا انتي؟
فنادين تقولها:
-
احكي انتي
-
بصي يا ريم احنا مثلنا ان نادين مش بتحبني وكمان مش بتطقني
-
حلو وبعدين؟
-
بعدين وانا ماشية في مرة لقيتها بتعيط فروحت قعدت جمبها واتكلمت معاها بس
هي مردتش عليا
-
عشان المفروض هي مش بتحبك صح؟
-
ااه
-
وبعدين
-
بعدين انا ساعدتها برضو رغم ان المفروض عارفة انها مش بتحبني وكده
-
ها وبعدين؟
فتبص لي لي بكل حب لنادين وتقولها:
-
كملي انتي يا نينو
-
بعدين يا ريم هي بقت تجبلي حجات حلوة وتقولي حجات تضحك وتغني ليا اغاني
جميلة
ومتسبنيش الا وانا فرحانة ..
-
طيب جمييل؟ وبعدين؟
-
بعدين انا نسيت اني بمثل اني بكرهها ولقيت ان مينفعش حتى اكمل التمثيل كده
لأن لي لي بقت
صحبتي اوووي وبقيت بحبها اوووي اووووي
فتفتح ريم حضنها ليهم هما الاتنين وتحضنهم ويضحكوا كلهم وبعدين تبص للأطفال
اللي قاعدين
وتقولهم:
-
حد فيكم فهم الدرس؟
ترفع تالا ايدها بسرعة ‘ فتسمح ليها ريم بالكلام:
-
لارا كانت قالتلنا ان الحاجة الحلوة لو عايزنها تكون حلوة ‘ لازم نتعامل
حلو معاها عشان تبقى حلوة وحتى لو هي وحشة مع الوقت عشان معاملتنا خلت الحلو
ده حلو فهتبقى كويسة..
فيكمل يحي:
-
ايوة زي انا كنت بخاف من ست ام حسن بس لما بدأت اعاملها حلو هي كمان بقت
حلوة معايا
وتكمل نادين:
-
وانا كمان لما كنت بمثل اني بكره لي لي ‘ هي لما قدمتلي حجات حلوة خلتني
انسى اني المفروض اكمل تمثيل واحبها اكتر واتقرب اكتر ليها وبقت صحبتي المفضلة..
تبتسم ريم ليهم وتقول:
-
ربنا مخلقش حوالينا اي حاجة وحشة ‘ احنا اللي بس اللي بنستسلم بسهولة ! او
احنا اللي
محاولناش نشوف الحاجة دي من زاوية حلوة .. احنا لو اتعاملنا بقلوب نقية
وقدمنا الاحسان
هنلاقي الاحسان ولو حتى اتأخر .. احنا لو بس ابتسمنا الصبح لكل اللي
حوالينا ده هينعكس
علينا وهيخلينا شايفين الكون من حولينا حلو ..
النهاردة بقى هطلب منكم طلب صعب شوية بس عارفة ومتأكدة ان انتم شاطرين
وهتعملوا
كل حاجة حلوة .. عايزة كل واحد فيكم يشوف جزء جوة الجزيرة فيه عيب او غلط
ويصلحه
..ماشي؟
الكل وهو مبتسم وبأمل:
-
مااااااااااااشي
.................................................
