الحلقـــــــــــة الأولــــــــى من "خبـــــــينــــــــي"

خبيـــــــني

لفاطمــة طـــلال

الحلقـــــــة الأولـــــى

فيلا في الزمالك والخدم شغالين يستعدوا لحفلة عيد ميلاد .. فيه اللي بيعلق بلالين حمرا على شكل

قلوب وفيه اللي بيحط الورود الحمرا في كل فازات الفيلا.. وفيه اللي عمال ينضف المكان..

اما في المطبخ فواقف فيه الشيف عماد بيعمل تورتات وحلويات كتيرة .. بتدخل عليه هانم في

التلاتينات  لابسة فستان أسود انيق جدا وعقدة شعرها لورا وبتقول بمنتهى الرقة:

-         كل حاجة تمام يا شيف؟

-         اه يا فندم الكيكة اللي طلبتيها على شكل قلب حطيتها خلاص في التلاجة ودلوقتي بعمل تورتة

بالفواكه وفيه تورتة تانية هعملها بالنوتيلا زي طلب حضرتك وفيه كب كيك للأطفال على

أشكال قلوب برضو..

-         كوويس اووي انت عارف ان دارين هي اللي مختارة كل الطلبات دي وده عيد ميلادها

ههه فأحب اعملها اللي نفسها فيه ..

-         كل سنة وهي طيبة يااارب سبحان الله يا هانم !! الأيام بتجري بسرعة اووي!! مين يصدق

البنوتة اللي لسه مولودة بنت امبارح تكبر ويبقى عندها عشر سنين!!

-         ههههه فعلا الايام بتجري اووي..

-         ربنا يخليهلنا ياارب وعقبال ما اعملها كيكة الفرح بنفسي

-         يااارب يا عماد ياارب ...

وفجأة تسمع أمل صوت شخط يوسف من برة وهو بيقول:

-         يـااااااااااا أمـــــــــــــــــــــل!!

تتفزع أمل وتبص بارتباك لشيف عماد وتخرج بسرعة واول ما تخرج يقول بصوت واطي:

-         ربنا يكون في عونك والله!!

****************************************************

في اوضة حيطانها باللون الوردي والبنفسجي وفيه سرير صغير في النص عليه لحاف باربي

وتسريحة باللون الوردي الفاتح ومليانة اكسسوارات بناتي صغيرة وعلب توك باللون الاحمر

والوردي ودولاب لونه ابيض كبير مرسوم عليه باربي قدام السرير على اليمين .. وعلى

شمال السرير كرسي صغير مطاطي لونه بنفسجي.. والاوضة مليانة عرايس باربي

من كل شكل ولون .. دارين قعدة على التسريحة بتسرح شعرها بكل رقة وفجأة تسمع

صوت زعيق باباها فتتوتر وترتبك وملامح وشها تتغير من فرحة لحزن وخوف..

تبص  وراها للدادة اللي كانت قاعدة معاها وبعدين تقول بخوف:

-         هه هو بابي جه؟!

تحاول الدادة تغيير الموضوع بسرعة وتقوم تمسك فرشة الشعر وتبدأ تسرح في شعر دارين وتقولها:

-         هتلبسي ايه بقى النهاردة يا دودو؟

-         هــ هلبس فستان سندريلا ‘ عشان مامي دايما تقولي اني شبهها..

بعدين تبص للدادة بكل براءة وسذاجة وتقول:

-         ه هو انا شبهها يا دادة؟ ولا أحلى منها؟

-         طبعا أحلى منها يا ست الكل

وبمجرد ما تربطلها الفيونكة في شعرها يدخل يوسف أوضته ووراه أمل وتبدأ تسمع صوت

عياط مامتها وصوت حزام يوسف وهو بيضرب مامتها..

تجري دارين عشان تفتح الاوضة بس الدادة تمسكها من ايدها وتقولها:

-         بلاش يا ضنايا بلاااش .. سبيهم هما دلوقتي يتصالحوا

دارين بعياط وخوف:

-         بس بابي بيضرب مامي جامد اووي يا دادة

-         بس مش انتي عارفة انه بعد ما بيضربها بيصالحها كوويس اووي ومبيخلهاش تنام ابدا وهي

زعلانة منه.. صح؟؟

-         بس هو ازاي بيحبها وبيضربها كده؟

-         ت تت تعالي نروح نشوف الفستان بتاعك يلا وتووضبي نفسك .. ده النهاردة هننبسط

اووي ان شااء الله .. يلاا .. يلاا حبيبتي .. يلا يا ضنايا..

********************************************************

في الأوضة عند أمل بعد ما اتضربت نايمة على سريرها بتعيط بيقرب عليها يوسف ويبدأ

يتودد ليها ويهمس في ودانها:

-         انا اسف حبيبتي .. بس انتي عارفة انا بحبك ازاي

-         بس انا تعبت يا يوسف!!

يقرب أكتر ليها ويشدها بعنف ناحيته ويمسك ايدها بقوة اووي فتتأوه أمل من الوجع:

-         حااااسب يا يوووسف بتوووجعني اااي حاااسب

يوسف وهو لسه ماسك ايدها بقوة وبيحضنها جامد اوي:

-         بحبك اوووي اووووي يا أمل

-         مبقتش فاهماك يا يوسف!! منين بتحبني ومنين بحس انك بتتفنن في عذابي

يبص ليها بابتسامة باردة ويقول:

-         هو الحب كده! قرينه العذاب.. ولو متعذبتش بيكي ولا اتعذبتي بيا يبقى مسمناش بنحب بعض

تبص ليه أمل بحيرة وتقول:

-         مين فهمك كده؟! الحب عمره ما كان عذاب!! ولو فيه عذاب فعذابه بيبقى حلو مش ممييت

زي عذااابك..

يقرب ليها تاني ويشدها بعنف جوة حضنه ويمسك شعرها بقووة ويتنفس ريحته بعنف شديد ويقول:

-         بس عذااابي انااا ممتع جداااا

***********************************************

بعد ساعات تكون دارين لبست فستان ازرق فاتح شبه فستان سندريلا اللي شافته في الكرتون

وصممت ان تعمل واحد شبه عند الخياط  وكان معقود بفيونكة من ضهرها ولبست تاج صغير

وشعرها كان ناعم سايح على ضهرها .. جريت بكل رقة خبطت على باب اوضة مامتها وباباها

فتح ليها يوسف واول ما شافها شالها بحب وقعد يزغزغ فيها وهي تضحك بصوت عالي اوي

-         كل سنة وانتي طيبة يا روووح باااابي

-         هههههه وانت طيب يا بابي

-         براحة يا يوسف عليها البنت بتضحك جامد وانت مشقلبها كده ‘ انا خايفة عليها تشرق

يوسف نزل دارين على الأرض وراح ناحية أمل اللي كانت لابسة فستان احمر ضيق جدا

عليها وبيبرز مفاتنها بشكل جريء وشدها بعنف في حضنه وهمس ليها:

-         اسيبك ازاي تنزلي قدام الناس كده وانتي قمرررر

-         بس يا يوسف ايه اللي انت بتعمله ده! البنت واقفة ميصحششش

حاولت أمل تفلت منه بس قبضة يوسف بايده على ضهرها كانت أقوى من انها تقدر تفلت منه..

حست دارين بالتوتر وهي شايفة طريقة تعامل باباها مع مامتها .. كانت بتحس بالحيرة وعدم

الفهم .. هي بتشوف باباها بيحب مامتها بس في نفس الوقت حركاته العنيفة بتسبب ليها

ألف استفسار وحيرة..

-         مامي مش هننزل بقى صحابي زمنهم تحت بيلعبوا لوحدهم

لف يوسف ايده حوالين أمل وقال لدارين:

-         لا يا دودو سيبي مامي مع بابي شوية لسه مشبعش منها وانزلي انتي يا روحي العبي تحت..

بصت دارين بحيرة وحزن ليهم هما الاتنين وبعدين جريت تنزل تحت..

*****************************************************

اول ما نزلت شافت عماتها الاتنين وخالتها الوحيدة قاعدين وعيالهم بيلعبوا مع صحابها

راحت تلعب مع صاحبها فقابلتها ريم بنت عمتها شاهيناز واللي كانت قدها في السن..

-         الله انتي حلوة اوي يا دودو ‘ انتي جبتي الفستان ده منين؟

-         لا ده مشترتهوش ده مامي عملته عند الخياط

-         ممكن ابقى اخده منك؟

-         لا ده بتاعي انا بس

في اللحظة دي جت عمتها شاهيناز تسلم عليها:

-         كل سنة وانتي طيبة يا دودو يا حبيبتي

بعدين القت نظرة لفوق وقالت بسخرية:

-         امال مامي منزلتش ليه؟!

-         مامي مع بابي فوق

-         اه هي مامتك كده تحب تعيش الدور شوية على الناس وتعمل فيها برنسيسة وتنزل متأخر

بصت ليها دارين بحيرة وببراءة..

في نفس اللحظة جت عمتها التانية ماهينار وقالت:

-         امال فين أمل؟

-         البرنسيسة امل لسه فوق كالعادة

-         هي مش هتبطل بقى الحركات دي وتعيش عيشتها!!

حست دارين بالضيق الشديد من كلام عماتها وقالت:

-         مامي كانت نازلة وبابي هو اللي اخرها

تتدخل الخالة وتقول:

-         انا مش عارفة يوسف بحب يستقصد دايما ويأخرها ليه!

بصت ليها شاهيناز وقالت:

-         يوسف حبيبي اكيد عايز يعملها قيمة بدل ما هي بتكسفنا دايما ومش راضية تنسى بقى أمور

الحارة اللي كانت عايشة فيها!!

-         احنا عمرنا ما سكنا في حارة! هي عابدين دي تبقى حارة!!

-         بالنسبة للي طول حياتهم عايشين في الزمالك والمهندسين عابدين بتاعتكم دي حتة متسواش..

-         الله يسامحك يا شاهيناز .. لولا ان ده عيد ميلاد دارين ومش عايزة ازعل أمل مني كان

بقى ليا تصرف تاني..

تبص شاهيناز بقرف وتقول بسخرية:

-         كنتي هتعملي ايه يعني يا أماني!

بصت أماني لدارين وقالتلها:

-         تعالي يا حبيبتي اما اديكي هدية عيد ميلادك

جريت معاها دارين لانها كانت بتكره عماتها شاهيناز وماهينار جدا.. وكانت بتشوف معاملتهم

القاسية لمامتها وتعمدهم لإهانتها..

تروح أماني عند ولد عمره 15 سنة قاعد جمبها شعره بني كيرلي ورفيع وطويل بالنسبة لسنه

ولون عينه بني غامق وأسمر شوية وتقوله:

-         سلم يا ياسين على دودو

يبص ياسين بكل قرف على دارين ويسلم بكل اشمئزاز وكذلك نفس الشيء دارين تبصله بقرف

وتكشر في وشه..

-         ووولد!! سلم كووويس على بنت خالتك!

-         ما سلمنا خلاص ولا هو شغلانة.. هقضي اليوم كله سلام يعني

بعدين تاخد كيس وتديه لدارين اللي اول ما بتشوفه بتفرح بكل براءة وتبوس أماني وتقولها:

-         شكرااا اوووي يا خالتوو

تسمع صوت من وراها يقول فجأة:

-         ايه خالتو  دي يا بنت اسمها طنط!

لسه كانت هترد لقت ياسين بيرد بانفعال:

-         هي حرة! تقول اللي هي عايزاه ولا الكلمة دي ممنوعة من القامووس

-         انت ولد قليييل الأدب!!

فجأة تقول أمل:

-         عيب يا ماهينار لما تهزأي اختي وابنها في بيتي!

تلف ماهينار وتمثل دور البراءة اول ما تشوف أمل وجمبها يوسف وتقول:

-         تخيل يا يوسف تخيل الولد القليل الادب ده  بيكلمني بطريقة بشعة ياااي سوووفاج اوووي

تتعصب أمل ولسه هتتكلم فيمسك يوسف ايدها بقووة ويبتسم ليها ابتسامة باردة ويقول:

-         خلاص حبيبتي .. يلا عشان نطفي الشمع

بصت أماني بخوف على أمل وحست بالقهر على اختها وعلى نفسها وقررت انها بعد ما تطفي

الشمع هتاخد ياسين وتمشي على طول..

*************************************************

بعد ما العيد ميلاد خلص وبعد ما الكل مشي كانت دارين نايمة على الكنبة .. نادت أمل

الدادة عشان تشيل دارين لاوضتها ولفت على يوسف بغضب وقالت:

-         انا مش فاااهمة ازاااي اخوااتك يهزوأ اختي في بيتي انااااا ويخلوها تمشي مضايقة!!

برق يوسف جامد لأمل وقرب منها وقال:

-         وهو مش ابنها قليل الأدب واللي معرفتش تربيه قل أدبه على اللي أكبر منه!!

-         لااااااا أمااااني حكتلي الموقف و .....

-         أمـــــــــــــــل خلااااااااص

صوته في الجملة الأخيرة خلت دارين تصحى مفزوعة من نومها بعد ما الدادة حطتها في

سريرها وفتحت الباب بشويش واتسحبت تشوف خناقتهم .. كانت خايفة ومرعوووبة

ومكنتش فاهمة تصرفات باباها ..

بعد ما يوسف زعق جامد ولقى أمل بتترعش منه قرب ليها وضمها بعنف وفضل يمسح

على شعرها وقال:

-         احنااا هنطلع دلوقتي نناااام وننسى التفاهااات دي يا روووحي ومش عايزين نتناااقش

فيها تاني..عشااان انتي وحشاني ومتلهف لحضنك..

-         انت اييييييييه!! انااااا مش هطللللع معااااك

زقها يووووسف جاامد ومسك وشها عند فكها جامد وجزز على اسنانه وقال بكل برود وعنف

في نفس الوقت:

-         مبحبشششش الصوووت العالي وانتي عارفة ده كوويس

-         وانااا مبقتش طايقة العيشششة دي اففففف كفاااااية بقى

-         عيشة ايه اللي مش طايقاها!! انتي مش شايفة فرق المستوى ولا ايه!!

-         مستوووى ايه اللي بتكلمني فيه ده وانت ليل نهار معيشني في عذاب!!

يدوس يوسف بايده بقوة على فكها اكتر لدرجة تخليها تصرخ ويقولها ببرود:

-         قلتلك ميييييت مررررررة من غير العذاب في الحب حياتنا مش هتبقى ليها طعم..

ويبدأ يبوسها بقوة وهي تحاول تبعد عنه باشمئزاز .. في نفس اللحظة دارين تكون

بتتفرج على المشهد ده وتجري على الحمام تفضل ترجع وهي بتترعش وبعد ما تخلص ترجيع

تجري على سريرها تتغطى وتغمض عينها جامد وجملة واحدة بس بتكرر جواها ..

" قلتلك ميييييت مررررررة من غير العذاب في الحب حياتنا مش هتبقى ليها طعم"

********************************************