الحلقــــــــة الثالثــــــة عشـــــــر من "خبــــيـــــني"

الحلقــــــة الثالثـــــــة عشــــــــر

دارين نايمة وملامح وشها كله توتر وقلق وجمبها أماني نايمة .. فجأة بتصحى من نومها مذعورة وتقعد تصرخ بهستيريا .. تصحى أماني هي كمان مذعورة وتاخد دارين في حضنها وتقرأ قرآن عليها ..

-         اهددي يا دااارين اهدددي يا حبيبتي

-         ماااامي مااااامي يااا طنط بــ ب م مكنتش عارفة تفتح البااااب ‘ كاااانت بتناااديني والله



-         بسم الله الرحمن الرحيم .. ده اكييد كااابوس

-         ما م مم مااامي يا طنط محبوووسة وخااايفة وانااا ا اا اناا م  مكنتش لاقيـ يـ ة المفتاح

-         مفتاح ايه يا بنتي! اهدي بس يا دارين وتعالي نامي

دارين تبص يمين وشمال بنظرات زايغة وجسمها كله بيترعش من الخوف وبعدين ترجع على السرير تاخد لحافها وتغطي نفسها بيه وتتكور على نفسها وتكون بتترعش جامد ..

أماني تبص عليها بقهر وتقول:

-         ربنا يكون في عونك ويصبرك

تطمن على دارين ولما تلاقي نفسها انتظم تقوم من جمبها براحة وتطلع برة الاوضة وتنزلتحت ‘ تلاقي ياسين ومحمود الاتنين قاعدين سرحانين وفي عالم آخر..

محمود اول ما يشوف اماني يقوم يمسك ايدها بكل رقة ويقعدها جمبه على الكنبة ويقولها:

-         عاملة ايه يا حبيبتي دلوقتي

-         بحاول اتماسك عشان دارين! حبة عيني صحيت مفزوعة وفضلت تصرخ

فقاطعها ياسين:

-         دارين عندها حالة انهيار عصبي يعني ممكن تاخد وقت عقبال ما تفوق

يقول محمود بحزن:

-         الحمد الله انها مشافتش شكل امها الله يرحمها والا كانت هتنهار اكتر!

تقول أماني بفزع اكتر:

-         دي كانت تروح فيها .. منه لله منه لله يوووسف ! حسبي الله ونعم الووووكيل حسبي الله!!

ياسين يشرد لبعيد بنظراته ويبص على أماني ومحمود بحزن ويفضل ساكت

********************************************

في النيابة العامة يكون الرائد صلاح شلبي قاعد وملف الطب الجنائي قدامه ويقراه:

"من خلال تشريحنا لجثة المجني عليها أمل حسام الدين وجدنا كدمات متفرقة في انحاء جسدها .. كما وجدنا حروق تشبه حروق السيجار عند عنقها وفي أسفل الضهر وفي يدها اليمنى .. نزيف داخلي نتيجة ارتجاج في المخ وهو الذي أدى على موتها على الفور .. آثار مبرحة من التعذيب وآثار حبل كان ملفوف حول جسدها ..اما المجني عليه يوسف محمود الكيلاني فمات نتيجة اصابته برصاصة في قلبه مابين الساعة الثامنة مساءا والتاسعة مساءا والعيار الذي قتل المجني عليه من طبنجة 9 مم وتم التحفظ عليها بعد وقوع الحادثة مباشرة .. وبعد معاينة البصمات عليها تم تطابقها مع بصمات المجني عليه يوسف محمود ..واستكمالا لتحقيق النيابة العامة في القضية سيتم سماع أقوال الشهود .."

بعد ما يخلص الرائد صلا القراية يقول لنفسه:

-         عملية انتحار يعني!

*********************************************

تاني يوم في الصبح تصحى أماني مفزوعة من صوت خبط على الباب جامد ‘ تبص حواليها تلاقي نفسها نايمة على الكنبة وجمبها محمود وياسين على الكرسي التاني لوحده..تبص لمحمود وتقوله:

-         محمود قوم افتح الباب !

يصحى محمود ويروح يفتح الباب يكون ياسين صحي كمان وفجأة تدخل ماهينار وريم ومعاهم شاهيناز .. اول ما شاهيناز تشوفهم تقول بصريخ وعجرفة :

-         انتووو بتعملووو اييييه هناااا!! هاااا؟؟ بتعملووو اييييه!! عاااايزين تقتلوااا مين تاني مش كفااااية اختتتتك مووووتت يوووووسف اخووونااا حبيبنااا!! هاااااا يتعصب محمود ويقول بأدب وهو بيحاول يكتم غيظه:

-         ايييه اللي انتي بتقووليه ده!

-         بقلك اييه يا راااجل انتتتت !! انت بالذاااات متنطقش ولا تتتكلم

يجي ياسين بسرعة وبكل غضب من ورا باباه ويقول:

-         قسما عظمااا لو متعلمتووش الادب لهطردكم دلوقتي من هنا

تبص ليه ريم بغيظ وقهر وتقول:

-         انت نسيييت نفسك !! انت بتتكلم كده ازاي

تقول ماهينار بحرقة دم:

-         فيييين هشااام حبيبي! كان زمان طرد الصراصييير دي برررة وعرفهممم قيمتتتهم ياسين وشه احمر وقال:

-         لتاني مررررة بقسم لو ما احترمتوااا نفسكم هطررردكم من هنا!! البيت مش بيتكم!

البيت دلووقتي بيت دااارين..

شاهيناز بصوت عااالي:

-         ايوووووة ايوووة طبعاااا ما انتوا تقتلوا القتيل وتمشوااا في جنااازته!! اكيييد انتم اللي دبرتم

قتل يووسف حبيبي عشان تاخدوا الفلووووس.. طوول عمركم كلاب جعااانة وسعرااانة

واول ما تخلص جملتها ياسين يكون جاب اخره فيمسكهم بكل قوة ويزقهم لبرة وهما يصرخوا

ويحاولوا يقاوموه بس هو ايده كانت اقوى منهم وقدرت تزقهم لبرة وقفل الباب جامد..

بعد ما قفل الباب زعقت ليه اماني وقالتله:

-         انت اتجنننت يا ياااااسييين!! لييييه بتعمل كده يا ابني

-         انتي مش شفتهمش يا ااااامي!! البنت فوووق مرمية محدش فيهم سأل عليها من امبااارح

وجااايين النهارده يرموا بلاهم ويقولوا ووورث ومش ووورث !! النااااس دي قلووبها

اييييييييه..

ولسه أماني هترد عليه تبص تلاقي دارين واقفة من فوق وشعرها منكوش وبتبص عليهم

بنظرات مريبة زي ما يكون فيها مزيج من الحقد والكره وبعدها تمشي بسرعة..

أماني وهي مصدومة:

-         د دد دارين شكلهااا فهمتنا غلط

محمود يطبطب على كتفها ويقولها:

-         روحي شوفيها يا اماني وبلاش تكلميها في اي حاجة دلوقتي .. واستحملي مزاجها .. ربنا

يكون في عونها من اللي بتشوفه .. فجأة لقت نفسها وحيدة والدنيا !!

******************************************

تدخل أماني على دارين فتلاقيها قاعدة والاوضة ضلمة في ركن الاوضة ومتكورة على

نفسها.. لسه أماني هتفتح النور فتلاقي دارين تقولها:

-         محدش يفتح النور

-         ا ايوة بـ بس ....

-         عايزة اقعد لوووحدي

-         يا حبيبتي القعدة لوحدك مش حلوة

-         Plzzzzz سبوووني لوووووحدي!! مشششش عاااااايزة حدددد

تخرج أماني وتقفل الباب وهي مقهورة على حال دارين

**************************************

هشام في اوضته في المستشفى قاعد بيتصل بدارين بس مبتردش عليه خالص وفجأة يلاقي

باب الاوضة اتفتح ودخلت ماهينار وهي في قمة غضبها ووراها شاهيناز وريم..

-         شششششفت اللي كنت خاااايفه منه حصصصل!!

-         في ايه!!

-         الكلاااااب السعرراننه استفاااادووو من قعدتك هنااا واستغلوا الزفتة اللي اسمها دارين

وطردوناااا!!

-         طب اهدي اهدي!

-         اهدددددى ايييييييه!! بقللللك اطررردناااا!! احناااا ننطرد من بييييت يوووسف!!

ريم تبص بكل حقد لهشام وتقوله بخبث:

-         لازززم يا اتششش متخليش دارين تضيع منك! والا احنا كلنا هنضيع من غيرها!

هشام وهو بيبص لبعيد ونظراته كلها مكر وخبث:

-         متخافيش اقوملها بس من هنااا .. بقلك يا ماما شووفي هتنيل اخرج من هنا امتى! لازم

بكرة اروح شركات يوسف وابتدي استلم كل حاجة ..

-         ايوووة برافووو عليك

تقول شاهيناز بسرعة:

-         وريم معاااك!! اووعى تفتكر انك هتاخد كـــــــــل حاجة بسهوووولة

يجز هشام على سنانه من الضيق ويبص بقرف ويقول:

-         خلووني دلوقتي اشووف ايه النظام واحط ايدي بعدين نبقى نقسم كل حاجة! لكن متنطوليش

في كل حاجة من اولها بدل ما تبوووظ!!

فتقول ريم بكل استعلاء:

-         لا يا اتش يا حبيبي متخفش! كل حاجة ممكن تطير وتبووظ لو كل واحد فكر في نفسه بس

هااا .. فاهمني انت طبعا يا اتش ..

يبتسم هشام ابتسامة باردة ومليانة غيظ لريم ويقول:

-         طبعا فاهمك

تقوم ريم وتاخد شنطتها وتقول:

-         طيب مامي كفاية بقى كده على الموضوع الكئيب ده انا هخرج بقى

هشام بحقارة:

-         ايه رايحة مع وائل ولا فادي؟ ولا طرقعولك من زمان؟ ريمو حبيبتي حاااولي تقفشي في

واحد بقى لحسن ريحتك بدأت تفووح ..

تبتسم ليه ريم بغيظ وعند:

-         متخفش يا بيبي عليا .. تشااااو

***********************************************

بعد يومين ينزل بالفعل هشام شركات يوسف ويبتدي يديرها بس المحامي جه وقاله:

-         لازم استاذة دارين هي اللي تدير كل حاجة

-         دارين تعبانة!

-         يبقى يا حضرتك تاخد توكيل منها بانك تدير يا كل الشغل هيضطر اسفا انه يقف ..

-         بقلك ايه ما تيجي نتكلم بهداوة احسن ومتدخلش حامي اوي كده معايا

-         انا بطبق وصية يوسف بيه يا استاذ هشام

-         لا استاذ اييه ده انت اللي استاذ

-         الموضوع ده معايا مفهوش نقاش .. بعد اذنك

يخرج المحامي بعد ما يفهم قصد هشام ‘ يتف هشام ورا المحامي ويخبط بايده على المكتب

ويقول:

-         الزفتة دي لو موقعتش على توكيل رسمي هقتلهااا !!

***************************************************

دارين في اوضتها كالعادة رافضة تاكل او تشرب ومبتقابلش حد وبترفض بانهيار اي حد

يحاول يكلمها .. سمعت خبط على الباب وكالعادة مردتش بعدها بثواني دخل ياسين ..

-         انا عارف يا دارين انك رافضة الحياة ومش عايزة تعشيها

-         .....

-         بس لو فضلتي قافلة على نفسك الاوضة والباب ورافضة حتى نور الشمس يدخل هتفضلي

رافضة الحياة دي ..

-         ........

-         جربي تشوفي الشمس ؟

ويحاول يروح الشباك فتقوم دارين وتمسك ايده وتقوله بكل كره:

-         اطلع بررررره

-         ليه؟ ليييه حابة تعيشي في الدور ده؟!

-         اططططططططلع بررررررره

-         انتي حابة نفسك كده صح؟ حابة تعيشي لذة الاكتئاب ؟؟ حابة تعيشي دور الحززن؟؟

-         ششششششش بــــــــقى اخرررررج اخررررج بررررررة انااااا بكرهكمممم كلكممم

تدخل اماني بسرعة عليهم بسبب صوت دارين العالي وتقول:

-         حرام عليك يا ياسين سيبها شووية لوحدها

-         ماما لووو سمحتي سبيني معاها واخرجي انتي

-         يا بني مش شايفها تعبااانة ازاي

-         يا امي لووو سمحتتتي اطلعي برررة ‘ انااا دكتوور وفاااهم حالتها دي ..

-         ب بب بس

قاطعها ياسين بحزم:

-         ماما لوو سمحتي سبيني

أماني بحزن تبص على دارين اللي قاعدة وكانها في دنيا تانية وبعدين تبص على ياسين اللي

بيقولها بعيونه سبيني انا هعرف اتصرف ..

اول ما تخرج أماني يروح ياسين قدام دارين ويقولها:

-         انتي ليه عايزة تفضلي محبوسة جوة؟ ليه مش عايزة تدي لنفسك الحرية؟

تبص ليه دارين بكره وتسكت ..

-         تفتكري سكوتك حل؟ ده عجز وضعف منك؟!! زي هشاام !! انتي حااابة ضعفك معاه صح؟!

-         اناااا بكرهكككمممم !! مامي كان عندها حق لما قالتي في يوم لازم نمشي بعييييد بس هي

كانت خايفة من باببي ليوصل لينا وساعتها ياخدني غصب عني ..

-         حلوو انك بتكرهينا ده كوويس!! بدأتي تخرجي كل المكبوت اللي جواكي! يعني بدأتي تتحرري

اهو من هشااام صح؟

-         لااااا وملكش دعوووة .. اخرررررج برررررررررة بقى اخررررررررج

-         ليه هشام لا؟ عشان بيذلك صح؟؟! بتحسي بمتعة؟ قوليلي؟ طيب اقلك انا .. بتحسي كانك

بلذة غريبة بس بعدها بثواني بتتقلب لخنقة؟ بتنكشي علييه دايما صح؟؟

تقف دارين وتبدأ تضرب ياسين بانهيار وتحاول تزقه لبرة جامد اوووي لحد ما تقع

على الارض وتنهار من العياط جامد اوووي ‘ فيبدأ ياسين يطبطب عليها براحة عشان

تهدى ‘ فجأة يلاقيها بتحضنه وبعد ثواني بدأت تحضنه اووي وكانها طفلة بتتعلق في

حضن باباها .. وكأنها لقت أمان عمرها ما حست بيه من قبل كده .. حس ياسين بكل

ذرة شعور جواها وكأن احساسها بيصرخ ليه ويقوله انقذني .. ياسين همس ليها:

-         متخافيش يا دارين انا جمبك ومش هسيبك حتى لو حاولتي تأذي نفسك

دارين كانت بتعيط بانهيار شديد وبعدين قالت بصوت كله تعب وارهاق:

-         خــ خ خــبـ ـي ني خــبيـــــني يا ياسين

يمسك ياسين راسها بحنان ويبص جوة عينها ويقول:

-         من ايه يا دارين؟ قوولي من ايه؟

تبص بخوف حواليها وتقول وجسمها كله بيترعش :

-         عا عايزة ا ابقى لو لوحدي .. سبني لو لوحدي بليز

يسكت ياسين شوية ويشوفها بتترعش جامد ‘ فيشيلها برقة وينيمها في سريرها ويغطيها

ويقولها :

-         هسيبك ترتاحي شوية جايز تعرفي ترتاحي !

*****************************************************