الحلقـــــــة السادســـــــة عشر من خبـــــيني

الحلقــــــــة السادســـــــة عشــــــر

دارين تكمل وهي جسمها كله بيتنفض في مكانه وتقول:

-         ه هه هو وو هو ا اقن اقننعني اا انه ي يقدر يي ينقذ مامي من عذاب ب ببابي بب ببس

والله والله والله العظيم والله كم كمان مرة م ممكنتش ا ااعرف ا انه هيعمل كده!!

ياسين بكل صدمة :

-         انتي عارفة ان هشام قتل باباكي وساكتة!!!!!!!

تصعق دارين ويقف الكلام فجأة وتقول بعيون مليانة دموع:

-         امـ ــ ا ل ا انـ ـ ت قـ صـ دك ايه!! كـ ـ ك لام ايه اللي كـ ـن ت تقصده!!

ياسين يكون واقف مصعوق من الحقيقة اللي صدمته ‘ يبص جامد لدارين ويقولها بكل

استنفار:

-         انتي عارفة انه قاتل وراضية بكده!؟

-         يـ ي ياسين  اا افهمني

-         افهم ايه؟! قووووولي افهم ايه؟؟ انك بتشاااركيه في جريمة قتل وممكن تدخلي السجن؟!

ان الانسان الووووسخ اللي برررة ده بياخدك وراه لسكة قذرررة وانتي رااااضية وساكتة!

-         دد و ووالله اا اانا م ممكنتش فاهمة ان الموضوع كده ب بس هو ...

قاطعها ياسين بعصبية:

-         هووووو ايييييه يااااا شيييييخة فوووووووووقي!!

ويروح بكل نرفزة ناحيتها ويمسكها من دراعها ويسحبها على المراية ويقولها بحُرقة:

-         بصـــــــــــي بصــــــــــــي لششششكلك شاااايفة بقيتي عاملة ازااي؟!!!

تبص ليه دارين بضعف ودموع وتقول:

-         انت مصدقني يا ياسين اني عمري ما اعمل حاجة وحشة صح؟

يسكت ياسين شوية ويقولها:

-         يبقى نبلغ عنه

تترعب دارين وتبعد خطوة لورا بسرعة من الخوف وتقول:

-         لالالالالاااااا لااااا مقدرررش ابلغغ مقدددرششش

يتنرفز ياسين جامد ويقولها:

-         لعاااااشر مررررة بتخذذذليني!! لعااااشر مرررة امدلك ايييدي وترفضيييهاااا!! انتي اييييه!!

انتي مرررريضة!! انتي لااازم تعالجي نفسك ..

تعيط دارين بحرقة وتقول:

-         ايوووة مريضة وهشام ده قدري! عايزني اروح اعمل ايه؟ اقول للبوليس اني كنت متفقة

مع هشام انه يعمل خناقة بين مامي وبابي ويجي يدخل بابي مستشفى المجانين عشان

اعرف اهرب من وحش كان بياكل في امي!!! عااااايزني اقوووله ايييييه؟! ايوووة

انااا مينفعش اكون غير لهشااام عشان هو الوووحيد اللي بيعرف يحسسني باللي انا

عايزاااه!!

-         انا مينفعش اسيبك كده!!

-         ملكككش دعوووة بيااا اصلااا!! انننت عمرررك ما هتحسس بيا!!

-         انا؟! انا عمري ما هحس بيكي؟ انا طول عمري حااسس بيكي وعايز انقذذك من نفسك

بس انتي غبية بتلفي دايما ضهرك ليا وتروحي للألم! انتي بتحبي تعيشي الألم يا دارين

وده مررض ولازم تتعالجي منه..

تبص دارين بسخرية واستهزاء لياسين وتقول:

-         هه واتعالج ليه؟! عشان ايه؟؟

يمسك ياسين ايدها برقة وياخدها يقعدها على حافة السرير ويقولها:

-         فكري معايا براحة ‘ انتي دلوقتي لو خليتي هشام يتحكم في خوفك منه هيخليكي نسخة

تانية من خالتو الله يرحمها!! انتي اكترررر واحدة شوفتي حياتها كانت ازاي!! يبقى

ليه عايزة تكرري التجربة؟

تسكت دارين وتبص للأرض شوية وبعدين تبص لياسين بنظرة خالية من اي مشاعر

وتقول:

-         لاني حابة ده ..

-         هددك بايه؟

بعصبية ترد:

-         ملكشششش دعوووووة

-         لاااا ليااااا قوووولي هددك باااايه!!

-         اطلع برة ومن حياااتي يا ياسييين للابد!! للابـــــــــــــــــــد! فااااهمني

-         للابد؟!!!

-         ايوووة

-         خايفة مني صح؟ خايفة اكشفك قدام نفسك ! اعريييكي !! ابرزلك صوورة مريضة

ليكي!

تروح دارين ناحية الباب وتفتحه لياسين وتقول:

-         انزل وخد شروق معاك وسبوني لوحدي!!

ياسين يحس بغصة في قلبه ‘ فيقول بحرقة وألم:

-         انا لحد الاخر بمدلك ايدي يا دارين... بس انتي اللي مش عايزة تفهمي ... انا همشي

بس صدقيني مش هقعد ساكت واتفرررج!

دارين برعب:

-         ايااااك تقول حاجة للبوليس يااا ياسين!! هشااام هيقتلني !!

يخاف ياسين من جملة دارين فيبص ليها بألم ويسيبها وينزل .. لما ينزل يلاقي

هشام وشروق قاعدين قلقانين..

شروق بلهفة:

-         فاقت؟

-         اه

-         هطلعلها

-         لا يا شروق يلا بينا

شروق وهشام يبصوا لياسين بكل تعجب وهشام يبتسم ابتسامة مليانة غرور وشروق

تقول بصدمة:

-         يلا بينا فين؟!

-         هنمشي

-         ودارين؟

بنبرة مليانة جفاء:

-         هي اختارت.. يلااااااا

******************************************

تخرج شروق جري ورا ياسين وتقوله:

-         استنى يا ياسين في ايه؟

-         صاحبتك حابة تعيش في القذارة

-         صاحبتي اكييد مرعوووبة من حاجة! هشاااام اكيييد مهددها بحاجة يا ياسين!

احنا ازاي نسيبها ونمشي كده!

-         اسمعيني يا شروق دارين مريضة نفسيا وطول ما هي كده هتفضل رفضانا احنا وحابة

هشام ..

-         مريضة؟! بايه؟ اكتئاب يعني؟

-         لااا مرض كده اسمه " Masochism" يعني بتحب تحس بالاضطهاد وتعيش الألم

-         ايه!! و ووده ليه؟

-         عشان اللي شفته من وهي صغيرة ! كل ده خلاها عرضة للمرض .. العذاب القهري

اللي شافته من باباها لمامتها ولد عندها الرغبة في انها تحس بالاستمتاع لما تحس بالاهانة

والألم النفسي..

-         طب وبعدين؟

-         اهم حاجة انا طالبها منك انك من فترة لفترة تتطمني عليها لان اللي زيها ممكن يأذوا

نفسهم ..

-         انت متأكد يا ياسين من اللي بتقوله

-         ايوة انا كنت شاكك بس بدأت مؤخرا افهم اعراضها وتصرفاتها ..

-         ط ططيب و وسبناهااا ليييه!

-         في فكرة في دماغي لازم عشان انفذها اكون انا بالذات بعيد عنها .. زي ما قلتلك

يا شروق خليكي جمبها ..

شروق بقلق وتوتر:

-         حح حاضر ..ط ططيب مش هتفهمني ايه بيدور في دماغك

-         مينفعش دلوقتي .. يلا خدي بالك من نفسك ولو حصل اي حاجة قوليلي

-         حاضر ..

****************************************************

يركب ياسين عربيته ويطلع تلفونه ويتصل بصاحبه.. بعد دقايق:

-         ايوة يا وليد عامل ايه يا حبيبي .. بقلك يا صاحبي انا كنت طالب ابن عمك في خدمة

-         .....

-         مفيش مساعدة شخصية هتفيد بنت خالتي

-         ....

-         تمام الساعة 6 بكرة .. خلاص هجيلك عنده في المديرية .. تسلم حبيبي

************************************************

بعد اسبوع دارين قاعدة في اوضتها مشغلة اغاني حزينة ولابسة اسود ومضلمة الدنيا

حواليها رغم ان الدنيا لسه نهار وقاعدة بترسم .. يدخل فجأة هشام عليها ويقول:

-         اييييه السواااد ده يا بوومة!!

تبص ليه ببرود وتكمل رسم في اللوحة اللي بترسم فيها .. يروح هشام بكل نرفزة رامي

اللوحة على الارض بكل قوة ويشدها من شعرها ويقول:

-         لما اكلمك تردي عليا فورااا!! مفهوووم!! مش كلب بيهوهو قدامك

-         سيييب شعررري

يشد شعرها اكتر ويقول:

-         انااا اللي اقرر اسيب ولا لااااا

بعدين يقربها ليه ويحاول يحضنها فتبعد عنه فيقربها بعنف ليه ويقول:

-         متبقيش عنيفة عشان متصحيش الوحش اللي نايم جوايا .. خليكي حلوووة

تبص ليه باشمئزاز وتقول:

-         انت عايز ايه!

-         عايز نحتفل! مش كفاية نكد بقى ! القضية والحمد الله اتقفلت وبقت زززي الفل الاب

قتل مراته عشان مجنون وانتحر هاهاهاهاهاهاااااا.. نخرج بقى نحتفل انا وانتي!

ولا اقلك ما تيجي نتكب ونعلي الجواب ونسافر نقضي يومين حلوين في  اي حتة

ونرجع بقى تكتبيلي توكيل يا روحي اني  ادير مملكة يووسف بيه اللي زمانه بيتجحم

تحت في القبررر..

دارين فجأة تحس بشعور غثيان فتجري على الحمام وترجع ويكون هشام واقف برة الحمام

عمال يدندن وولا في باله واول ما تخرج يبصلها ببرود ويقول:

-         هو انتي مش ناوية تبطلي القرف ده بقى! مش فاهم عمال على بطال ترجعي ترجعي

-         ششششش بقىىىى انت ايييييه

يبص ليها هشام بنظرة جامدة ويقول:

-         لااااااااا انااا قلت مليووون مرررة مبحبش الصوت العالي

فجأة يسمعوا صوت جرس فيقولها:

-         يلا روحي افتحي لحماتك

تبص ليه بغيظ وتقوله:

-         ليه جاية

فيقوم هشام ماسك شعرها بعنف وماشي بيها وهي تصرخ من الوجع لناحية الباب ويفتح

يلاقي ماهيناروشاهيناز وريم ويقولهم:

-         تخيلوااا اقولهااا بكل هدوء اجررري افتحي الباب لحماتك تقولي ايه اللي جابها

يبقى دي تستاهل ايه؟!

ريم بكل حقد وغيظ:

-         حد يكلم جوزه كده

يبص هشام ليها ويقول:

-         قوليلها يا ريمو يا قلبي!! علميييها

دارين بكل اشمئزاز:

-         اناااا بكرهككككم اووووووووي

يزقها هشام جامد فتتخبط في الحيطة ويقول:

-         شايفة يا مامي اسلوبها القذر

تقول ماهينار باستعلاء:

-         وهي هتجيبه من بره!! زي امها الفاجرة

دارين بعصبية:

-         ملكيييش دعوووة بماااامي .. مااامي احسن منككككم

شاهيناز بغل:

-         لالالاااا يا هشااام انت فعلااا لازم تربيها اكتررر من كده!! البنت اخلاقها منفلتة

خاااالص

-         شفتي بقى يا خالتوو وانااا كل ده رقيق !! بس واضح انها مش عايزة تتربى!! فهعمل ايه

ريم بكل لذة:

-         هتعمل ايه يا اتش؟!

-         هـــربــــيـــــــــهااااا

ويقوم بكل قوة وعزم ضاربها وهي تجري تصرخ منه ويجري يمسكها ويدخلها

الاوضة وقافل عليها من برة وينزل ويقول بصوت عالي:

-         خليكي بقى محبوووسة يوم بحاله زي الكلبـــــــــــــــــة محدش يسأل فييكي

عشان تعرفي الادب!!

وينزل تاني لمامته وشاهيناز وريم ..

ماهينار تبص ليه بلهفة وتقول:

-         هااا مضت على الورق؟

-         لسه بنت الكلب مش عايزة ومنشفة دماغها

-         يعنييي اييييه!! كل الضرررب ده ومبتتووووبشششش

شاهيناز باستفزاز:

-         طالعة راسها ناشفة زي امها الحيوانة

ريم بقلق:

-         طب وياسين ؟

-         ماله الزفت؟

-         مبيجيش يشوفها؟!

-         لا اصل انا ربيتها بخصوص ياسين واتخانقوا وسابلي الجمل بما حمل

*********************************************

في المديرية ياسين قاعد مع وليد ومع ابن عمه وبيقروا تقرير الطب الشرعي ..

-         تحس فعلا زي ما صاحبك بيقول الكلام اللي في التقرير مش منطقي اوي!

-         طب عدت عليهم ازاي ؟!

-         لا هي معدتش عليهم ! هي اتبستفت معاهم

يبص ياسين بتعجب ويقول:

-         معقول ؟! فيه حد يقدر يلعب بالتقارير كده؟

ابن عم وليد:

-         الفساد في كل حاجة يا ياسين وواحد زي هشام واللي حكتلي عنه ممكن يكون واصل مع

حد جوة مصلحة الطب الشرعي

يبص وليد ليهم باندهاش:

-         طب ايه اللي خلاك تشك فعلا في التقرير؟

-         اولا هي محكومة انها تبان انتحار واتقال ان الطلقة جت من مسافة قريبة بس الغبي

اللي كتب التقرير ربنا وقعه في شر اعماله ونسي انه قال في الوصف المبدئي لتشريح

الجثة ان مفاصل الايد اللي كان فيها المسدس مكنتش ناشفة على المسدس وده بيأكد

ان حد بعد ما قتل بالمسدس قام حاطط المسدس في ايد المجني عليه والحاجة التانية ان

الطلقة لما بتضرب من قريب جدا يعني لما يكون المنتحر ضارب نفسه الطلقة لما بتطلع

مبتكتفيش انها تدخل جوة الجسم بس لا وبتعمل مكان حرق صغير نتيجة قرب المسدس

من المكان اللي انطلق جواه الرصاصة! ومفيش اي حرق عند المجني عليه مكان الرصاصة

ومتذكرش  ده في التقرير وده يأكد ان التقرير مضروب

ياسين بغيظ:

-         يااااا ابن .......... يا هشااااام!!

يبص ليه وليد بخضة:

-         طب وبعدين يا صاحبي؟ ناوي تعمل ايه؟

-         ناوي ان القضية دي تتفتح تاني ومش هسيب الحيوان اللي اسمه هشااام الا لمااا يتعدم!

بس كده احنا محتاجينك يا سامي تبقى شاهد على ان التقرير اتلعب فيه ..

وليد بلهفة:

-         طبعاااا سامي يحب الحق جدااا ده غير انه رائد برضو وليه صحابه في الطب

الشرعي وهيعرف يشوف مين اللي حبك القصة دي .. صح يا سامي؟

-         صح يا ابن عمي ..

******************************************************

شروق بتخبط على فيلا دارين فتلاقي ريم بتفتح الباب ..

ريم بكل استفزاز:

-         هو انتي!

-         ايه هو انتي دي!! فين دارين عايزة اشوفها

-         اففففف سووري بقى دارين مش فاضية

-         هوو ايه ده وووسعي

وتحاول شروق تدخل فتمنعها ريم وتقول:

-         قلتلك مش فاااضية!! انتي مبتفهميييش!!!

-         وانا بقلك هدخل اسمعها بنفسي مش انتي اللي تقوليلي

-         وانا مش هدخلك هنا البيت

-         انتي مين اصلااا عشان تدخليني ولا لا

-         يوووه يلا رووحي العبي بعيييد

وتقفل ريم الباب في وش شروق .. فتجري شروق تتصل بياسين وتحكيله اللي حصل وعلى

مخاوفها ..

وبعد ساعة يوصل ياسين ويروح مع شروق يخبطوا تاني وتفتح ليهم ريم ..

يبص ياسين لريم بكل قوة ويقولها:

-         ووووسعي من قدامي وهندخل يعني هندددخل

ريم ترتبك اول ما تسمع نبرة ياسين وتقلق وتقول بصوت عالي:

-         لا محدششش هيدخخخل !! الا لما هشااام يجي

ياسين يزقها جامد لدرجة انها تقع على الارض ويدخل مع شروق وينادي بصوت عالي:

-داااااااااااارين .....

ميسمعوش اي صوت لدارين خالص فيبص برعب لريم ويمسك ايدها بقوة ويقول:

-         هي فين!!

-         وووسع ايدي ياا ماااامي يااا مااااامي تعاااالي الحققققيني بسسسرعة

تجري شاهيناز من اوضتها على ريم وتقول:

-         في  ايه يا حبيبتي

-         الحقي الحيوااان ده متهجم هو والزفتة التانية علينا يا مااامي

ياسين بصوت عالي وبنبرة تهديد مخيفة:

-         فييييييين دااااااارين بدل ما اقلب المكااان عليكم

تتوتر شاهيناز هي وريم ويتعلثموا فتقول ريم:

-         هه ه  هي بر ببررة م مع هشام

يبص بشك ليها ويقول لشروق :

-         اطلعي يا شروق شوفيها فوق في اوضتها!

تطلع شروق بالفعل تلاقي باب الاوضة مقفول تفضل تخبط متسمعش رد ‘ تنزل جري

لياسين وهي مرعوبة وتقوله :

-         اوضتها باباها مقفول ومحدش بيرد عليا

ريم تبص برعب شديد لمامتها وتجري على اوضتها عشان تتصل بهشام من غير ما حد

يحس بيها ..

يطلع ياسين جررري لفوق ويفضل يزق الباب لحد ما يتكسر فيلاقي دارين على الارض

وجمبها موس وقاطعة شريانها ..

*********************************************