الحلقـــــــــة
التاسعــــــــة
تاني
يوم بتزور شروق دارين واول ما تشوفها تقولها بعتاب:
-
كل الفترة دي يا ديرو متسأليش عليا؟
-
معلش يا شروق حبيبتي والله حصل حجات كتيرة اووي والدنيا
ملخبطة معايا
-
مممم هحاول اصدقك بس بجد المرة الجاية هزعل منك
-
خلاص بقى قلبك ميبقاش اسود
-
المهم احكيلي ايه جديدك؟
-
فيه مفاجأة لو عرفتيها هتتصدمي
بصت
شروق جامد على دارين وقالت:
-
ايـــــــــه؟؟
-
هشام خطبني من بابي وبابي وافق!
-
Whaaaaaat?!! انتي بتتكلمي جد؟
-
Yeah
-
OMG ! هو
ازاي يوافق ؟ طنط ازاي توافق؟! وانتتتتي؟؟؟
وبصت
بصة تحذير وترقب لدارين .. قامت دارين قالت:
-
بابي اصلا فرحان اوي وبيحب هشام ومامي مش موافقة بس
متقدرش تقول حاجة ..
-
ازاي طنط ممكن تقنع عمو بكل سهوولة!! عمو بيحب طنط اووي
وبينفذ ليها كل الطلبات
اتغيرت
ملامح دارين لما شروق قالت الجملة دي لانها كانت عارفة ان الظواهر خداعة
وان شروق عمرها ما هتصدق اللي
بيعمله يوسف في امل .. بس دارين كانت دايما تقنع
نفسها ان هو ده الحب .. لان يوسف
دايما يحكلها ويقنعها ان الحب بالشكل ده .. وان لولا
بيحب أمل بالطريقة دي مكنوش كملوا
مع بعض ابدا .. رمت دارين كل الافكار من مخها
بسرعة وقالت:
-
ايوة طبعا بابي بيحب مامي بس برضو شايف هشام كويس
-
وانتتتتي يا دارين؟؟ انتي ايه موقفك؟؟
-
بصراحة انا الفترة الاخيرة كنت بكرهه وحكتلك ليه ساعة
سفرية روما السنة اللي فاتت
بس
هو اتغير ‘ ده غير انه بيسعى بأي طريقة عشان ابقى ملكه..
-
لانك هبلة وعبيييطة!! هشااام ده طمعان فيكي والله ..
فوووقي بلييز يا ديرو..
-
لا يا شروق!! ايه اللي انتي بتقوليه ده!!
-
بقلك اللي انا شايفاه وانتي رافضة تشووفيه..
لسه
دارين هتتكلم دخل عليها حد من الخدامين وقال:
-
ست دارين المدرسة بتاعت تعليم الحصان في الجنينة تحت
ومستنية حضرتك ..
بتبص
شروق ليها بكل استغراب وتقول:
-
مدربة حصان!! من امتى ده؟
-
مفيش من اسبوع قلت لبابي اني عايزة اتعلم ركوب خيل واتش
سمعنا فبعتلي بقى
مدربة
واشترالي امبارح فرسة جمييلة اوووي سميتها فريسكا ..
بعدين
ابتسمت بانشكاح وقالت:
-
تعااالي اورهالك وتشووفيني بالمرة في اول كلاس ليا في
ركوب الخيل ..
**************************************************
تنزل
دارين وشروق للجنينة واللي اتضاف ليها اصطبل خيل عشان الفرسة الجديدة..
دارين
بتسلم :
-
هاي
-
هاي انتي دارين
-
Yeah ازيك
-
الحمد الله
-
دي شروق صاحبتي
-
هتتعلم معاكي بردو؟
-
لا هي بس هتتفرج عليا
-
حلو عمتن اول كلاس بيبقى اسهل حاجة .. بس الاول تعالي
نخرج الفرسة ‘ هي اسمها ايه؟
-
فريسكا
-
اسم حلو ...
بتخرج
المدربة الفرسة من الاصطبل وتلمسها بايدها بكل حنان وتقف قدامها وتفضل تمرر
ايدها
كتير وتناديها :
-
فريسكااا ازيك ..
وبعدين
تبص لدارين وشروق وتقول:
-
اهم واول درس لازم اللي بيركب خيل يعرفه الثقة واليقين
من طاقته وقدرته على التعامل
مع
الخيل .. ومهم كمان اووي انك تتصاحبي عليها .. فريسكا من هنا ورايح مش مجرد
فرسة
لا دي صحبتك الجديدة .. اللي لازم تتعرفي عليها كويس اووي وتحسسيها بيكي
وتحسي
بيها..
قامت
دارين قربت بكل ثقة من الفرسة ولمستها بايدها بكل حنان وحب وقالت:
-
هاااي فريسكااا .. انا ديرووو ..
جت
بعدها شروق بخوف شوية وتوتر ولمست فريسكا وايدها بتترعش فقامت فريسكا
عملت
صوت جامد خلى شروق تجري بعيد من الخوف ‘ فضحكت دارين جامد :
-
ههههههههه يا جبااااانة
بصت
ليها المدربة وقالت:
-
اوعي تحسسيها بالخوف ده معناه انك مش واثقة فيها وده
هترفضه جداا .. لازم تكوني
شجاعة
عشان هي كمان تطمن ليكي .. زي الانسان بالظبط بينفر ويبعد عن الانسان
اللي
مش واثق فيه ..
*********************************************
على
بليل كانت دارين بتتعشى هي ويوسف وأمل وفجأة لقوا هشام داخل عليهم بابتسامة
منشكحة:
-
ازيكم
يوسف
بابتسامة:
-
حماتك بتحبك يا هشام ‘ تعالى اتعشى معانا
هشام
بص بنظرة لئيمة لأمل وقال:
-
وانا بموت فيها ..
وراح
قعد جمب دارين وقرب من ودنها وهمس:
-
وحشتيييني
بصت
دارين لأمل ويوسف بتوتر وبعدها بصت على طول في الطبق اللي قدامها باحراج
قال
يوسف فجأة:
-
ها خير يا هشام فيه حاجة؟
-
اه يا خالو انا حجزت القاعة عشان يوم الخميس تبقى الحفلة
بتاعتنا انا ودودو
دارين
بصت بفزع وخوف وقالت:
-
ايه!! بس انا مكنتش اعرف يا بابي!
أمل
اتعصبت جامد وقالت بعصبية:
-
ازاي تتفقوا على حاجة زي دي من غير ما نعرف؟! وازاي تحجز
يا هشام من غير ما ترجع
لدارين..
يوسف
قال بشخط:
-
انا اللي امرته وحددت وأظن مفيش رأي بعد رأي انااا ولا
ايه يا أمل
كتمت
أمل غصتها وغيظها وقامت من على السفرة وبعدها جت دارين تقول قام يوسف قال:
-
داااارين! خطيبك لسه ممشيش وعيب تقومي قبل ما هو يقلك ..
متقلديش غلط مامي!
بصت
دارين ليه بخوف وبدأت ترتجف وبعدها قام يوسف وسابها مع هشام لوحدهم..
**************************************************
اول
ما يوسف طلع فوق ‘ هشام لف على دارين وقالها:
-
سمعتي باباكي قال ايه! عشان لما اقلك تسمعي الكلام
تسمعيه فورا!! واعملي حسابك
من
هنا ورايح الدلع بتاع مامتك ده اوووووعي تفكرررري تعمليه معاياااا .. انا مش
زي
خالو بسامح في الهبل ده ..
حست
فجأة دارين بالدنيا بتلف بيها وبخنقة شديدة ومبقتش عارفة تشم نفسها .. فجأة شافت
هشام
وكانه اتحول ليوسف وبعدها شافت مشاهد كتيرة قدامها وكأنها حية ليوسف لما
كان
بيضرب أمل وكان بيعذبها وجبروته معاها وفجأة جالها شعور بالغثيان وجريت على
الحمام..
****************************************************
في
المدرسة كانت دارين قاعدة سرحانة وجمبها شروق مستغربة من شرودها ده ..
-
مالك يا ديرو؟ حصل حاجة امبارح جديدة؟
دارين
بصت لشروق وقالت :
-
هو انا ممكن ابقى عيانة؟
-
ايه؟ ازاي؟
-
ق قق قصدي يعني ممكن ابقى مش مظبوطة؟
-
ليه بتقولي كده يا ديرو؟ مالك بس؟؟
-
ساعات بحس اني بكره هشام اووووي اوووي وساعات بحس بمتعة
وهو بيعذبني وهو بيتوعد
انه
لو مسمعتش كلامه هيوريني ايام سودة.. انا كده مش كويسة؟ صح يا شروق؟؟
بصت
شروق ليها بتعجب شديد وقالت:
-
بصراحة انا اول مرة اسمع حد بيتعذب لما حد يعامله بقسوة!
-
انا !! انا يا شروق بحس اوقات ان عايزة هشام يعاملني
بقسووة .. انتي عارفة انا اوقات
احيانا
بعند معاه عشان يعاملني بقسوووة؟!!! شعووور باللذة فظييييع بيجيلي!! وساعااات
ببقى
بكررهه اوووي اووووي يا شروق لدرجة اني برجع من كتر ما انا حاسة بخنقة!!
-
طب وساكتة ليه يا ديرو ما تروحي لدكتور نفسانني
-
انااا مش مجنوووونة!! عشان اروح لدكتور نفسي!!
-
انا مقلتش انك مجنونة ومش معنى دكتور نفسي انك تبقي
مجنونة؟!
-
لا طبعااا المجانين بس هما اللي بيروحوا هناك
-
ديرو كلنا نفوسنا ساعات بتبقى محتاجة حد افهم مننا
يفهمنا تعقيداتها ومش كون اننا بنلجأ
ليهم
يبقى ده يخلينا نفتكر اننا مجانين!!
تبص
دارين بخوف وفزع ليها وتقول بسرعة:
-
لالالاااا انااا اصلاااا بحب هشااام ‘ هو تلاقيه عشان
اوقات بيغظني بس فبحس بخنقة
عااادي
زي اي اتنين بيحبوا بعض بيتخانقوا! بس انا اصلااا بموووت فيه حتى بمووت
في قسوته ..
تبص شروق ليها بضيقة وشفقة وحزن
وتسكت..
*****************************************************
بعد اسبوع في اليوم اللي اتحدد فيه
حفلة الخطوبة كانت دارين حاسة بخوف ورهبة بشكل كبير
جدا .. جابت فستان لونه سيموني
طويل وضيق وعملت شعرها تسريحة بسيطة ورقيقة وفضلت
مستنية في اوضتها ..
تحت كانوا المعازيم كلهم وصلوا ‘
وكانت ماهينار وشاهيناز وريم بيستقبلوا المعازيم ‘ اما يوسف
فقاعد مع ناس معينة ليهم مصالح
معاه ومهمل الباقي .. أمل كانت فوق مع دارين وشروق بيحاولوا
يهدوا دارين المرعوبة..
وصلت أماني ومعاها محمود وياسين
واول ما دخلوا قالت ماهينار بلؤم:
-
ايه الشياكة دي يا أماني هاهاها بقالي كتير مشفتكيش شيك
كده
أماني
حست بالاحراج وده خلى ياسين يقول على طول:
-
اصل يا طنط الناس بتشوف الناس بعين طبعها J
احمر
وش ماهينار واضايقت جدااا وقام ياسين ماسك ايد مامته ومحمود معاهم ودخلوا جوة..
***************************************************
لما
جه الوقت عشان تنزل دارين اشتغلت اغنية عمرو دياب :
"
و الله و هتجمعنا الحياة دة الحلم غالى
افرح
يا قلبى و عيش معاه احلى الليالى
و
الليلة حبيبى الليلة ليلة عمرنا
الليلة
دى اجمل ليلة فى حياتى انا
و
الليلة حبيبى الليلة ليلة عمرنا
الليلة
دى اجمل ليلة فى حياتى انا"
ونزلت دارين من
على السلالم وهي ماسكة بوكيه ورد لونه روز خفيف وفي النص وردة
حمرا ..وبعدين
خدها يوسف من ايدها وسلمها لهشام اللي مشي بيها على الكوشة اللي كانت
محطوطة في النص
.. واول ما قعدوا مسك ايدها وباسها وغمز ليها وهي ابتسمت ليه بقلق
وتوتر ..
بدؤا المعازيم
يباركوا لدارين لحد ما راحت ليها اماني وهي سعيدة وفي عينها دموع وقالت:
-
مبروووك يا حبيبتي الف مبروووك زي القمر ماشاااء الله .. مبروك يا
هشااام .. مش
هوصيك بقى على
دارين ..
هشام بنظرات
قرف:
-
اممم خير ان شاء الله
سكتت اماني عشان
متزعلش دارين في يوم خطوبتها وبعدها جه ياسين من بعيد وابتسم
ابتسامة صافية
لدارين وقالها:
-
مبرووك ماشاء الله عسولة
فقال هشام بضيق:
-
حضرتك مش واخد بالك اني قاعد جمبها
ياسين حب يغيظ
هشام اكتر فقال لدارين برقة اكتر:
-
ربنا يبسطك دايما كده عشان تفضلي منورة زي ما كنتي النهاردة
دارين حست وقتها
بكسوف وقالت:
-
شكرا اوي يا ياسين عقبالك
-
ان شاء الله .. تصبحي على خير ولو احتاجتي أي حاجة انا موجود
قام هشام رد
فورا:
-
دارين مبتحتجش لحد الا انا جوزها لانها ملكي مش ملك حد تاني
بص ليه ياسين
وقاله:
-
مش شايف يا هشام انك بتكرر الكلمة دي كتير انت مش واثق في نفسك ولا
ايه؟!
-
لا انا واثق اوي من نفسي
-
طب كوويس ‘ اصل تكرارك لكلمات سخيفة يدل على ضعف موقفك .. المهم اسيبك
بقى
يا عريس ..
وبص لدارين
وابتسم تاني ليها ومشي واول ما مشي لف هشام بكل عصبية ليها وقال:
-
انتي بتستهبلي!!!
دارين اتفزعت
وقالت:
-
في ايه؟!
-
الززززفت ده تقطعي علاقتك بيه فااااهمة
-
على فكرة ده ابن خالتو يعني ايه الكلام اللي بتقوله ده
-
دااارين انا قلتها كلمة وانتي حرة ..
-
هشام احنا لسه في يوم خطوبتنا
-
اخرررررسي بقى
اتكتمت الدموع
جوة عيون دارين وفي وقتها فضلت تبص حواليها وهي حاسة باحراج وخايفة
لحد يلاحظ طريقة
تعامل هشام معاها ‘ فضلت تدور بين العيون لحد ما اتقابلت بعيون ياسين
وهو ماشي وبيبص
عليها كل شوية ولما لقى عيونها بتبص عليه ‘ ابتسم ليها ابتسامة حست فيها
بأمان هي بتدور
عليه .. رجعت تبص لهشام وعيونها لسه مليانة دموع ولحظات جت أمل ليها
وشروق والاتنين
اول ما شافوا عينها قالوا ليها:
-
مالك يا دارين؟
فجأة الدنيا
ضلمت ودارين اغمى عليها ..
***************************************************
