الحلقــــــــة الثامنـــــــــة من "خبــــــيني"

الحلقـــــة الثامنـــــــــــة

تقف دارين من الصدمة والصاعقة وتجري على اوضتها تلم شنطتها وهي في قمة استيائها

ومقررة انها لازم ترجع مصر فورا..

فجأة يخبط عليها هشام فتخبي شنطتها بسرعة في الدولاب وتفتح ليه بابتسامة باهتة:

-         ايه؟

-         خلاص تعالي نخرج في أي حتة تانية بس عشان تعرفي بس اني بحبك واني هعديها ليكي

المرادي بمزاجي..

-         لا ااا مم اص اصل ا اانا تعبانة اوووي

-         مالك حبيبتي؟

-         عندي صداع جااامد اووي وهنام

-         ماشي حبيبي ‘ انا هنزل الديسكو اسهر شوية وبعدين انام

-         اوك اوك

**************************************************

بعد ساعة وبعد ما تكون دارين حجزت بالتلفون تذكرة سفر على أول طيارة رايحة لمصر

تنزل من الاوضة وتدفع حساب اوضتها وتجري على المطار فورا .. وهناك بعد ما تستنى

شوية تركب الطيارة في ميعادها..

*************************************************

أماني ومحمود يوصلوا للفيلا ويفضلوا يخبطوا الباب ومحدش يفتح ليهم.. اماني تبص برعب

لمحمود وتقول:

-         انااا قلبي حاااسس بحاااجة يا محموود

-         اهدي بس يا اماني وان شاء الله خير

-         لالالالااا دوول مبيفتحووش !!

-         يمكن برة

-         مش عااارفة مش عاارفة بس قلبي واكلني يا محمود

-         بصي تعالي نرووح دلوقتي وبكرة الصباح رباح

-         وانا هيجيلي نووم؟!

-         ماهو وقفتنا هنا ملهاش لازمة يا أماني!!

************************************************

اليوم التاني وبعد تحقيقات استمرت لساعات مع يوسف أقر فيها ان اللي حصل لأمل ده بسبب

عربية خبطتها وجريت وكل ما كان يتزنق في الاسئلة كان بيهرب في انه ملحقش يشوف

العربية ولا رقمها ولا يتعرف عليها لان الدنيا كانت ضلمة جداا..

بعد ما الظابط يخلص يقول :

-         لازم نسمع اقوال المجني عليها وساعتها لو اتهمتك يا سيد يوسف هتشرف معانا

-         وتتهمني لييه!!

-         لان زي ما الدكتور بيقول الاعتداء اللي عليها والكدمات والارتجاج اللي جالها في

دماغها مش من خبطة عربية!!

-         انا حكيت لحضرتك على كل حاجة ولما تصحى هتتأكد بنفسك لما تقولك انها كانت حادثة

وابتسم كعادته ابتسامته الباردة بس اللي بتبقى مدارية كتير اووي وراها ..

*************************************************

وصلت دارين الفيلا ودخلت فضلت تنادي عليهم:

-         مااامي ؟ باااابي؟؟ انتوااا فييين!!

ولما محدش رد عليها استغربت من الهدوء الشديد اللي في الفيلا وراحت تشوف الخدامين

ملقتش حد منهم .. اتصلت على طول بمامتها تلفونها كان مقفول فقامت واتصلت بيوسف..

ولان يوسف مكنش مركز فرد على طول:

-         بابي انتوااا فين؟؟

-         اا ا م احنا كويسين انتي عاملة ايه في روما؟ حلووة؟ مبسوووطة؟؟

-         انا رجعت يا بابي

-         ايه! ليه حصل ايه؟

-         بااابي انتوااا فين

-         ا ااص اصل مامي عملت حادثة و ....

قاطعته دارين بانهيار:

-         اييييييييييه!! مااااامي حصلها حاااجة؟؟ مااااامي كوووويسة؟؟ انتواااا فييين يا بابي

-         اهددي حبيبتي اهددي مامي كووويسة

-         باااابي قووولي انتوا فين

-         احنا في .....

قفلت بسرعة دارين ولسه جاية تجري لقت أماني في وشها مع ياسين واول ما شافت اماني

جريت دارين في حضنها وعيطت بانهيار وهي بتقول:

-         ماااا م مم مماااامي يا طنط ماااامي

-         مالهااا!!

-         في المستشفى

اماني بفززع:

-         ابوووكي عمل فيهاااا!!!

بصت لياسين وبجنون:

-         خدناااا يا ياااااسين بسررررعة بسررررعة

************************************************

في المستشفى دارين جريت عند أمل وفضلت تعيط وهي بتقول:

-         مااامي ردي عليااا بليييز ‘ مامي انا محتاجكي اووووي اوووي

يوسف طبطب عليها وخدها في حضنه ‘ اماني بصت ليه بتبريقة وقالت بنبرة تهديد:

-         اقسسسم بالله لووو عرفت انك ورااا الموضوع ده مش هسيبك تتهنى يوووم واحد

لاا انا ولا محمووود!

بصت وقتها دارين بفزع لاماني وبعدين يوسف وبدأت ترتجف جااامد لحد ما رجعت

تاني ‘ قام ياسين خدها وخرجها برة الاوضة وقالها بهدوء:

-         اهدي يا دارين كل حاجة هتبقى كوويسة متخافيش

بصت دارين ليه ووشها اصفر وجسمها تلج وبتترعش وقالت له بخوف:

-         هو الحب يا ياسين بيخوف ولا هو حلو عشان فيه عذاب فبيخليه متعة؟؟ ولا العذاب ده

بيوجع؟!

-         الحب مبيتقاسش بكده يا دارين..

-         امال بيتقاس ازاي

-         بيتقاس بالامان والراحة جوة حضن الطرف التاني ‘ لكن عمره ما كان بيتقاس بالعذاب

والوجع!!

-         امال ليه .....

-         سكتي ليه ؟ كملي

بتمسح دارين وشها بتوتر وتبص جوة عيون ياسين بخوف وبعدين تبص وراه تلاقي

ماهينار وشاهيناز جايين فتقف مفزوعة وتقول:

-         بب ببعدين بعدين يا ياسين

*****************************************************

ماهينار اول ما تشوف دارين تزعق ليها:

-         انتي بنت قليلة الادب ‘ ما اصل اللي جوة دي لو كانت عرفت تربيكي مكنتيش عملتي حركة

زي دي!!

ياسين وقف من العصبية بس مسك لسانه لانه خاف ان دارين تحرجه تاني ‘ وقتها دارين

انهارت من العياط ‘ فقال بسرعة:

-         انتوا بتكلموها ازاااي كده!!

شاهيناز بتبص ليه باستعلاء:

-         انت ملكششش دعوووة

-         دي بنت خاااالتي ومسمحشششش لحد يهينها

ماهينار تمسك ايد دارين بقووة وتقول:

-         هشااام لما يرررجع هيورييكي شغلك

يقول ياسين بغضب:

-         يلا يا دااارين نمشي نروح حتة تانية

لفت دارين  عشان تمشي فسمعت  شاهيناز وهي بتهمس في ودان ماهينار:

-         يارب الزفتة اللي جوة دي تموووت واحنا وقتها هنعرف نربي مقصوفة الرقبة دي

هنا مستحملتش دارين الجملة ووقعت من طولها..

**************************************************

بعد كام يوم فاقت أمل واول ما فاقت مسك يوسف ايدها وهمس في ودنها:

-         سلامتك حبيبي

بصت ليه وهي بتتأوه وكانت حاسة بالنفور الشديد ‘ بس بصت حواليها لقت دارين

واماني نايمين على الكراسي قدام سريرها..

يوسف بهمس:

-         حبيبتي عشان دارين ومصلحتها لما البوليس يسألك لازم تقولي عربية خبطتك.. فين وازاي

انتي مشفتيش حاجة لان الدنيا كانت ضلمة اوي..ماشي حبيبتي .. ماااشي يا رووحي ..

تصحى دارين فجأة فتجري على أمل بلهفة وحب :

-         ماااامي الحمد الله يا طنط اصحي مااامي صحييييت ماااامي صحيييت يا طنط

تقوم اماني بفزع ولهفة:

-         أمـــــــــل حبيبتي

وتفضل تبوس فيها وأمل تتأوه من أقل حركة .. وبعدين تبص جوة عينها اوي وتقول:

-         ايه اللي عمل فيكي كده يا أمل؟ هااا؟؟ مييين يا أمل؟

أمل بصت لدراين بشفقة وحسرة وبعدين بصت برعب ليوسف وبعدين بصت

بخوف جوة عيون أماني وبدأت في بكاء هستيري..

*************************************************

وصل هشام القاهرة واول ما وصل ورجع للبيت ‘ ماهينار استقبلته بعصبية :

-         انا مش قلتلك تيجي فوراااا !! كنت هناك بتهبب اييييه!!

-         بصي انا مسافر السفرية دي عشان اتبسط! لكن بنت اخوكي البووومة كئبتني الله يكئبها

واهي لمت شنطتها وغااارت اجي وراها ليه واحسسها ان ليها قيمة!!

سكتت ماهينار وفضلت تفكر في جملة هشام وبعدين قالت:

-         انت بتخطط لايه؟

-         بخطط ازبلها زي الكلبة لحد ما اتمكن منها وساعتها هوريها النجووم في عز الضهر..

-         وهتتمكن ازاي لما تزبلها يا فالح!

-         خالي! لما احسسه ان انا الوحيييد اللي هعرف اكون زوج للبومة دي

-         وافرض هي بدلعها قدرت تكسب عطفه؟!

-         بس انا بقى عارف المدخل الصح ليه

-         ازاي؟ يا ولد؟

-         لما اوريله صورة ونسخة تانية منه ساعتها هيحب اووي يدهاني على طبق من ذهب حتى

لو هي رافضة رفض تام..

ماهينار وهي رافعة حاجب باعجاب :

-         برافووو عليييك!! انت بتجيييب الافكار دي منيين؟!

-         تربيتك ماهينار  خانو

-         هاهاهاهاهاهاااا

*********************************************

بعد ما البوليس استجوب أمل ولقى كلامها مطابق لكلام يوسف قيدوا الحادثة ضد مجهول

لحد ما التحقيقات تثبت الفاعل وخرجت أمل مستسلمة ‘ ضعيفة تاني لبيتها مع يوسف..

وبعد فترة من طويلة قرر هشام يزورهم في البيت في يوم بشكل مفاجىء..

كانت دارين نازلة من فوق عشان تقعد في الجنينة لما اتفتح باب الفيلا ودخل منه هشام

واول ما شافته كشرت وطلعت تاني لفوق من غير ولا كلمة..

هشام في سره:

-         اما وررريتك يا بنت الـ .... هه يا بنت يووسف!!

اتجه هشام لمكتب يوسف وبعد ما خبط دخل .. قعد شوية يتكلم عن الشغل وبعد فترة صمت

قال:

-         خالو انت عارف ان الايام دي انا الحمد الله بقيت في تانية كلية ده غير المشاريع اللي بديرها

وبصراحة وزي ما حضرتك عارف انا بقالي زمن عايز اتجوز دارين لان بعشقها جداااا

بعشقها لدرجة اني بخاف عليها من الهوا الطاير.. وعارف ازاااي احافظ عليها جدا ..

كان هشام بيتعمد انتقاء الكلام والالفاظ اللي تلعب على الوتر الحساس اللي عند يوسف

عشان يبتزه ويخليه يوافق..

يوسف ابتسم ليه ابتسامة عريضة وقاله:

-         وانا موافق ان نعمل حفلة خطوبة متنساش البنت لسه في ثانوي وصغيرة

-         دي في تالتة يا خالو

-         برضو انا موافق على خطوبة والفرح بعدين ‘ بعد ما تتخرج انت وهي ..

سكت هشام وابتسم رغم عدم اقتناعه بس خاف كل حاجة تبوظ عليه فقال:

-         وانا موافق يا عمي..

***********************************************

خرج هشام من المكتب وطلع فوق جري لاوضة دارين ومن غير ما يخبط دخل عليها الاوضة

بسرعة وقفل الباب بالمفتاح وجري عليها كتم بقها قبل ما تصوط .. كان حاضنها وهو بيهمس

في ودانها وهو بيقول:

-         طلبت ايدك من خالو وهنتخطب قريب.. اخيرا هتبقي ملكي.. مش قلتلك انتي ملكي انا

بس..

-.....

- مش هخليكي ابدا تفلتي مني .. لانك مني!!

وسابها وخرج وعلى وشه ابتسامة باردة ‘ وقتها حست دارين انها بتشوف مراية لباباها

فابتسمت وبصت لنفسها في المراية وهي مبتسمة ابتسامة شبه هستيرية وقالت:

-         اكيد هو ده العذاب في الحب اللي بابي كان بيحكي عنه زمان..

***********************************************