الحلقـــــــــة الرابعــــــــــة عشـــــر من خبيــــــني

الحلقــــــــة الرابعــــــــة عشــــــــر

في النيابة العامة وبعد اخد اقوال الشهود والتقرير التاني والنهائي للطب الشرعي يبص

الرائد صلاح وبعدين يتكلم بصوت عالي:

-         اقوال الشهود الخدم بيقولوا فعلا ان فيه رصاصتين اضربوا ! واحدة اضربت وبعدها

بدقائق تانية اضربت واحدة تانية.. ممممم والطب الشرعي اهو كاتب ان الرصاصة فعلا

جت من مسافة قريبة فعلا لقلب المجني عليه يوسف محمود .. مممممم يعني كلام هشام

فعلا صح! انه حاول ينقذ خاله بس معرفش لانه هدده وضربه بالرصاص وجت في

كتفه!!

يبص على التلفون وبعدها يتصل بفيلا دارين فترد عليه أماني ..

-         ايوة يا فندم .. والله مش عارفة اقلك ايه ..

-         انا كنت حابب اسألها لان مهم جدا اقوالها في القضية

-         هي لسه تعبانة شوية بس حضرتك تقدر تتفضل ..

-         مسافة السكة

*****************************************

بعد نص ساعة وصل صلاح للفيلا ونزلت ليه دارين وهي في حالة يرثى لها .. عيون

منتفخة من العياط وهالات سودة تحت العين .. شعرها مربوط ديل حصان بس متبهدل

في نفس الوقت .. فستان اسود طويل رقيق باكمام طويلة .. ووشها اصفر ودبلان ..

لما شافها صلاح في الحالة دي اشفق عليها ..

-         اولا البقاء لله .. ثانيا انا بعتذر اني جيت اعمل معاكي وانتي في الحالة دي بس كان

ضروري ناخد اقوالك وبشكل رسمي بس قلت على الاقل ادردش معاكي شوية

لحد ما تكوني كويسة وتقدري تيجي عندنا النيابة عشان نقفل ملف القضية دي بشكل رسمي

ويطلع تصريح دفن ..

كلمة تصريح دفن كانت كفيلة انها تشعل الصراع اللي جوة دارين بقاله فترة.. صراع انها

في حقيقة ولا خيال ! اسئلة كتيرة كانت بتدور جواها : ليه؟! ازاي حصل كده؟ طب وهي؟

مين هيحبها ويخاف عليها زي مامتها؟! واحساس كره كان موجود جوة دارين ليوسف بشكل

رهيب

-         عايزك تحكيلي يا دارين على اللي حصل يومها ؟ وبالتفصيل

دارين بدأت ترتجف اول ما افتكرت اليوم وحكت لصلاح انها كانت معظم الوقت مع فريسكا

وفجأة واحد من الخدم جه وحذرها ولما جريت مع هشام ‘ هشام اصر عليها انها تفضل

تحت وانه هو هينقذ مامتها بنفسه ..

-         وليه هشام اصر عليكي متطلعيش؟

-         ع ع ععشان ه هو عارف بابا

-         ماله بابا؟

بدأت ترتجف اكتر وتتوتر وتفتكر زمان لما كانت طفلة وبتشوفه بيعذب مامتها ازاي ‘ مشهد

ورا التاني كان بيعدي قدامها ومع كل مشهد كانت بتسمع صرخة لأمل بتدبح شيء جواها ..

عياط أمـــــل كانت سمعاه جواها لدرجة انها حاسة ان الصوت بيخنقها .. بيدمرها ..

صلاح لاحظ توترها ورعشة جسمها واصفرار وشها اكتر فسألها بشك:

-         في حاجة خايفة منها ؟ قولي كل حاجة تعرفيها يا انسة دارين؟ ده ممكن يخدمنا في

القضية اكتر..

-         مم  مم ماما ك ككانت بتتعذب من بابا اوي

-         ازاي؟

-         ب ببابا كان بيضربها ‘ ك كنت بشوفه وانا صغيرة وهو بيضربها دايما ‘ كان بيقلها انه

كده بيحبها .. هو بابا كان فعلا بيحب ماما جدا وكان دايما يقولي كده .. بب بس طريقته مؤخرا

كاا كك كانت وحشة اوووي ومخييفة مخيييفة اووووي

-         طيب وليه مامتك كانت ساكتة؟

-         كانت بتخاف منه اوووي

-         ليه؟

-         عشان هو هددها

-         ازاي؟ وبايه؟؟

ترجع دارين بذكرياتها لورا وتفتكر لما كانت صغيرة وكانت في اوضتها بتذاكر وفجأة سمعت

صريخ مامتها .. بصت على الدادة اللي كانت نايمة واتسحبت براحة على اوضة مامتها وباباها

كانت عايزة تفتح عليهم الباب بس في نفس الوقت الخوف كان مانعها .. بصت من فتحة الباب

ولقت باباها كالعادة بيحاول يتهجم على أمــل وأمل بتقاوم بكل قوة عندها وبتقول:

-         انت مجنوووون ‘ انااا خلاااص تعبت مننننك

-         فكري بس يا أمل تتمردي عليا وشووفي هيجرى ايه!

-         هيجرررى ايييه يعني! مش هيجرى اكتر من السواد اللي بشووفه معااااك

-         دارين يا أمل هخدها واسافر بيها لبعييد ومش هتقدرري تعرفي ليها مكان

وقفت أمل فجأة مصعوقة وهي بتبص جوة عيون يوسف عشان تتأكد من مصداقية كلامه

فقال يوسف مرة تانية بنبرة مليانة تهديد:

-         فكري يا أمل تهربي! وانا قسما عظما هجييييبك من تحت الارض وهاخد منك دارين بالقوة

-         مش من حقك! البنت لسه هتكون في حضانتي

-         انا فوق القانون يا أمل وانتي عارفة ده كووويس!!

وقعت أمل على الارض قدام يوسف واترجته:

-         حرااااااام عليييييك! اووووعى تفكررر تعمل كده

وقتها جريت تاني دارين على اوضتها وهي بتعيط بشدة .. فاقت من ذكرياتها ودموعها

كمان بتنساب بغزارة فوق خدودها..

صلاح يطلع منديل ليها ويقولها:

-         هل تعتقدي فعلا ان يوسف مات منتحر؟

-         ايوووة لانه انساااان بشع ومجنننوووون انااااا بكرهه بكرههه اووووووي

وبدأت ترتجف اكترررر وبدأت تنهار ‘ خرج صلاح بسرعة ونادى ياسين:

-         يا دكتووور تعالى بسرعة لو سمحت

*************************************************

نزل ياسين  من فوق بعد ما ادى لدارين حقنة مهدئة وفضل قاعد جمبها ساعة لقى باباه قاعد ساكت هو ومامته..

-         امال فين حضرة الرائد

-         مشي وبيقول انه لازم تيجي دارين تدلي بأقوالها في محضر رسمي عشان القضية تتقفل

-         وطلع ايه بقى في الاخر؟

أماني بحزن:

-         ما احنا كلنا عارفين انه قتلها وانتحر الجبااااان

يسكت ياسين لثواني ويقول بصوت واطي:

-         حاسس بغير كده

يسمعه محمود ويبص ليه بشك ويقول:

-         يعني ايه؟ انت شاكك ان يوسف منتحرش؟

-         ايوة شاكك من ده

تبص ليه اماني وهي مصعوقة:

-         ازاي!! ما احنا كلنا عارفين انه مجنون!!

-         يوسف ممتش

-         التقرير الشرعي قال انه مات منتحر

-         فيه حاجة غلط!

أماني برعب:

-         ياسين! اوووعى دارين تسمعك! تبقى مصييييبة!!

-         مش عارف بقى .. عن اذنكم

ولسه هيقوم يمشي يلاقي هشام داخل وبكل عصبية:

-         انتوا بتعملوا ايه هناااااا!! فيييين خطيبتي

-         ووطي صوووتك! دارين واخدة حقنة مهدئة ونااايمة

-         انت اكيييد بتديها مخدارت

ياسين بكل عصبية:

-         انت اتجننــــــــــــــــــت!! مخدراااات ايه اللي بديها لدارين !! انت اكيد اتخبلت في مخك

-         مخدرات عشان تفضل مش في وعيها وتحت طوووعك يا دكتووور! بس احب اقلك

ان الحركات دي اتهررررست في مليوووون فيلم عربي زمان!

-         قول لافكارك المررريضة اللي زيك اني عمري ما هأذي بنت خالتي

-         خالتي وخالتك واتفرقوا الخالات يا حبيبي!!! ولحد هنااا واستوووب ! تاخد امك يا دكتور

وتطلع بررررة!

-         بذمتك مش مكسوف من نفسك باسلوبك الواطي ده

هشام بسخرية:

-         ههه لازم يبقى واطي طول ما انا بكلم ناس واطية

لسه ياسين هيروح ويضربه يمسكه محمود ويقول:

-         كفاية يا بني لحد كده ..

أماني برعب:

-         انا مش هسييييب دارين لوحدهاااا مع الوحش ده!

-         ولا انا يا بابا هسيب دارين مع البني ادم ده لوحدها

هشام بكل عصبية:

-         انتتتتتت ميييييين اصلااااااااااا عشان يبقى ليك رأي على خطيبتي!! اناااا بس هناااا صاحب

مكان!

تنزل فجأة دارين وهي مدروخة ومهزوزة وتوازن جسمها مش مظبوط تقول:

-         ا اطلعوااا كلكمممم بررررة مششش عايزززة حددد

يجري هشام عليها ويحضنها ويقول:

-         حبيبتي حمد الله على سلامتك يا روووحي ‘ انا كنت قلقان عليكي اوووي

تزقه دارين وتقول:

-         اطللللع بررررة ‘ كلككككككم برررررة مشششش عاااايزة حددد معاياااااا مش عااااايزة حددد

هشام يبص لياسين ويقول بنرفزة:

-         لعبتواااا في دماغهاااا يا ولاااااااد الكلــــــــــــــــب!!!

دارين تحط ايدها على ودانها وتغمض عينها جامد وتقول بهستيريا:

-         اطلعوااااا بررررررررررة بقى مششششش عااااااااااايزة حدددد مش عااااااااايزة

أماني تعيط فيقلها محمود:

-         تعالي نمشي ونسيبها يا ام ياسين ترتاح لوحدها شوية ونبقى نيجي نشقر عليها ..

يروح ياسين ناحية دارين ويمسك ايدها براحة ويقول:

-         هنسيبك يا دارين شوية لوحدك بس اول ما تحتاجي حاجة نادينا على طول

وقبل ما يمشي ياسين يقول لهشام:

-         اظن سمعت طلبها؟!

يبص هشام ليه بكل حقد وغيظ ويقول:

-         ماشي حبيبتي هسيبك ترتاحي دلوقتي وهجيلك بعدين

********************************************************

يرجع هشام فيلته واول ما يدخل تقوله ماهينار:

-         ايه اللي رجعك!؟

-         بنت التيت عملالي فيها مجنونة ومش عايزة حد معاها وطردتنا كلنا

-         ايـــــــــه!! المفعووووصة دي تعمل كده!!

-         لااااا ما انا مش هخليها تتهنى بيووم واحد ولو مجنونة اجننها اكتر!

-         يعني ايه؟!

-         يعني هي جابت سكة حلوة اوي معايا !

-         ازاي؟

-         لو مطاوعتنيييش وبقت تحت طوعي وحسيت ان البساط بيتسحب مني هدخلها بقى في سكة

المجانين اللي شبه خالي يوسف الله يجحمه.. وهنعمل عليها قضية حجر لو مظبتطش التمثيلية ..

-         برافووو عليييييك يا ووولد

******************************************************

تاني يوم يصحى هشام ويروح الفيلا يفتح الخدم ليه ويسأل عن دارين

-         لسه نايمة فوق يا فندم

-         طيب روح اعملي اي حاجة تتشرب وبسرعة ..

يطلع هشام فوق اوضة دارين ويدخل براحة ‘ يلاقي الدنيا ضلمة اووي وساقعة جدا ودارين

نايمة في سريرها .. يروح يفتح الستارة شوية ويقعد جمبها على السرير وبايده يلمس

خدها وبعدين يقرب من ودانها ويهمس :

-         مينفعش حد يخدك مني

تصحى دارين مخضوضة وتلاقي هشام بيبتسم ليها ابتسامته الباردة المعروفة :

-         صباح النور يا حياتي

-         ا انت اا انت ازاي تدخل هنا

-         تؤتؤتؤ حد يقول لخطيبه كده

-         انا قلت مش عايزة اشوف حدددد مششش عاااايزة اناااا بكرهكككم كلكممم

-         دارين يا روحي المسرحية دي مش حلوة عليا انا بالذات !

-         انتتتت السبب اصلااااا انت السببببب

يتعصب هشام فيمسك دارين من شعرها  جامد ويقول:

-         بقلك اييييييييييه! جنااااانك ده علييييهم مش عليااااا!! انا سبتك تمثلي امبارح براحتك وقولت

هيفدنا  لكن لحد كده وخلاااااص بقى!! فوووووووقي يا مامااااا..

دارين بهستيريا:

-         افوووووووووووووووق اييييييييييييييه!! حرااااااااااام علييييييييييك انت اييييييييييييييييييه

-         انا رووووح قلبك اتش

-         اناااااا حقيقي بكررررهك اووووي

هشام بضحك هستيري:

-         هههههههههههههه وانا بمووت فيكي

دارين تجري عليه وتضربه بكل قوتها وتقوله:

-         اخرررررج برررررة اخرررررررررررررج

هشام وهو بيمسك شعر دارين جامد:

-         مش قبل ما تمضي هنا يا عيوووني

-         مش هممممضي على حاااااجة

-         لاااااا مينفعش حد يقول لجوووزه لا!! بابي علمك كده

-         اناااااا بكرررررهك انت وهووووو

وتبدأ تعيط جاامد وتقول:

-         مكنش لااااازم اسمع كلاااامك ابدااااا مكنششششش ‘ ضيعتوااااا مني مامااااااا مكنشششش

-         يا روح ماما!!! وقعي هناااا بدل ما هتشوفي حجات مش لذيذة

تنتش دارين الورق من هشام وتقطعه بكل عصبية وتقول:

-         مشششش هووووقع على حااااجة

هشام ميقدرش يتمالك نفسه من العصبية ويضربها وهو بيقول:

-         يا بنت الـ ......... بتقطييييعهاااااا

-         اناااا عااااارفة ان ده كل اللي همممككك بسسسس انا مش هكووون زي مامي

-         انتي ززززيهااااا غصبن عنك!! والاااااا هعمل حاجة هتودينا كلنا ورا الشمس

-         مششششش خااااايفة اعمــــــــــل اااااااي حااااااجة انااااا خلااااااص مبقتش عاااايزة

حاجة ..

لسه هشام هيضربها فجأة تدخل شروق وتقول:

-         فيه ايه؟!

تجري عليها دارين وهي مرعوبة:

-         شروووووق انقذذذذيني منهم يا شرووووق

شروق برعب وخوف:

-         ايه اللي بيحصل هنا ؟!

هشام بكل جبروت:

-         بقلك ايه انتي التانية غوووري برة دلووووقتي وخليني اخلص مع صاحبتك

دارين برعب:

-         اووعي تسبيني يا شروق

شروق بكل حزم وتهديد:

-         محدش هيقدر يعمل حاجة ليكي يا دارين! هي فوضى ولا ايه!! اطلللع برررة وفورااااا

وتنادي بعلو صوتها للخدم:

-         تعالوااااا طلعوااا البني ادم ده برة

يجي الخدم كلهم ويقفوا محدش فيهم يقدر يتحرك تبص شروق ليهم بكل استغراب وتعجب

وتقول:

-         انتوا مبتتحركووووش لييييه!! بقلكم ارمواااا الزفت ده بررررة

ينزلوا الخدم راسهم في الارض ومحدش يتحرك فتبص شروق بصدمة لدارين وتقولها:

-         قوليلهم يا دارين يمكن مبيسمعوش الا كلامك!

فجأة يقولهم هشام:

-         امشوا انتوا د لوقتي

يمشوا الخدم فعلا ويسمعوا كلام هشام فبعدين يبص لشروق ويقولها:

-         هناااا انا اللي بأمر بعد يوسف بيه! ماشي يا حلوووة

شروق بصدمة وعصبية في نفس الوقت:

-         اخرررج برة والا هطلب ليك البوليس

-         ههههههههههه ضحكتيني

-         اخرررج بررررة يا هشااااام وحالاااا

يقوم هشام ويوشوش دارين في ودنها واللي اول ما بتسمع كلامه بتبرق بعينها وبعدين

يقول بصوت عالي:

-         فاهمي صاحبتك بقى يا روح قلبي انه مش كويس تبلغ البوليس عشان هو مش لعبة ..

انا نازل وراجع بليل تكون البومة دي مشيت!!