الحلقــــــــــــة الخامســــــــــــة من "خبيـــــــني"

الحلقة الخامسة

يقف هشام ويقول بكل غرور :
- اتقلي انتي بس وهتاخدي حاجة اُستيك ..
- اناا واااثقة اني عرفت اربيك 
- طب بقلك ايه انا طالع شرم بكرة مع صحابي فمينفعش ابن الاكابر الفيزا تبقى فاضية!
- بس كـــده من عيني يا روح مامي هملهالك ومملهاش ليه واحنا مجرد شوية وقت 


وكل الثروة تبقى في ايدنا ..
- هاهاها 


*********************************************


وبعد شهور الدراسة بتكون خلصت والصيف بيبتدي .. أمل ويوسف ودارين بيكونوا 

قاعدين يتغدوا وبعدين الشيف عماد بعد ما بيخصلوا بيجي ويقول:
- يا ترى الاكل تمام النهاردة
يوسف يبص ليه بكل استعلاء ويقول:
- حطيت كام معلقة ملح في الاكل يا عماد
- زي ما حضرتك طالب بالظبط 
- لا الملح زايد النهاردة!
أمل بتحاول تنقذ عماد وتقول برقة:
- لا حبيبي بالعكس مظبوط زي كل مرة
يوسف يلتفت ليها بتبريقة ونبرته تكون جافة وهو بيقول:
- انا عارف ازاي الحاجة اما تكون مظبوووطة!
فيقول عماد بتلعثم:
- ج ججايز يا فندم عشان ان اانا غيرت نوع الملح فده عمل فرق في الاكل
يبتسم يوسف ابتسامته الباردة المميته ويقول:
- شفت بقى ازاي يوسف بيه بيعرف يفرق كل حاجة بتخرج عن الطبيعي!
- شش شفت يا فندم اا اانا اسف مش هتتكرر تاني
- اسف حاف متنفعش ‘ مخصوم منك عشر ايام
- ليه بس كده يا يوسف حرام ده محتاج الفلوس عشان ابنه .....
قاطعها يوسف بنبرة قدرت توقف الحروف عند أمل قبل ما تتنطق..
دارين كانت بتابع المشهد ده كله في صمت وخوف وتوتر وقلق وكانت بدأت تترعش وفجأة
بتقوم تجري على الحمام وتبدأ ترجع كل الأكل اللي كلته.. بتجري وراها أمل بخوف

وفزع ولما تلاقيها بترجع تقلها بقلق شدييد:

- ماااالك يا حبيبتي ‘ حااااسة بايه؟
- م مم مفيش يا مامي مفيش متتخضيش
- امااال ليه رجعتي؟؟؟
يجي يوسف من وراهم ويقول :
- مالك يا دارين؟
- م مم مفيش حاجة يا بابي ‘ هه ه هبقى كو كوويسة هبقى كوويسة يا بابي ...
- طيب اطلعي الاوضة نامي وارتاحي

- ح حاضر بابي
- تنامي على طووول ومتتكلميش في الفون
- حاضر
لسه أمل هتروح معاها يمسكها يوسف بقوة ويقول بنبرة مليانة جفاء:
- لا انتي اسبقيني على الاوضة
أمل ودارين وشهم يصفر ويبصوا لبعض بخوف وقلق ‘ أمل تبوس دارين من خدها وتحاول
تطمنها بنبرة مليانة حب وتقولها:
- هبقى اطمن عليكي بعد شوية يا روحي ‘ نامي انتي دلوقتي وارتاحي
دارين بعيون مليانة حزن وقهر واستسلام لقدر هي مش عارفة ولا فاهمة ايه نهايته:
- حاضر يا مامي.. بحبك .. جوود نايت

**************************************************
تمشي أمل لاوضتها وهي حاسه كانها رايحة لاوضة اعدام ‘ شعور بالخنقة بيدبحها من جوة ..
ووجع بيصرخ وبينزف جوة الروح مش قادرة تعبر عنه .. صعب لما تبقى بتدبح كل يوم
من شخص بتحبه وللاسف حبك اللي المفروض يقويك اتحول لوحش وبقى بيضعفك.. بينهش
فيك اكتر من اي حد ممكن ينهشك.. دخلت وهي مستسلمة وعارفة انها هتلاقي جوة الاوضة
اللي يدبحها زي كل يوم..
دخل وراها يوسف وقفل الباب بالمفتاح وحط المفتاح في جيبه وبص ليها بكل تبريق وقال:
- كام مرة اقلك لما اكلم حد من الخدامين او الطباخين واعلق على شغله متتكلمييييش وتتفلسفي
أمل وجسمها بيترعش من الخوف:
- ا ااا انا اســـ اسفة مخدتش بالي
- مخدتييش بااالك!! طيب انا هعمل حاجة لذيذة المرادي واقول برضو ان مخدتش 

بالي؟!
أمل بتبريقة مليانة خوف:
- ه هه هتعمل ايه؟
- هنشوووف متستعجليييش
دخل يوسف لاوضة اللبس اللي ملحقة باوضة النوم بتاعتهم وجاب منها كرسي وحبل وقعد
أمل على الكرسي ‘ وبدأ يربطها جامد .. أمل بدأت تقوله بانهيار:
- ايه ده؟ في ايه؟ انت بتعمل ايييه؟ بتعمل ايييه يا يوووسف 
- اصبرررري بس متستعجليييش على رزززقك ‘ بنلعب لعبة حلوووة 
وضحك ضحك هستيري مخيف وبشع 
- حراااام عليييك يا يوووسف حراااااام عليييييك بقى حراااااااام
يوسف بيوطي ناحية أمل ويهمس :
- صريخك بيحفز كل طاقات الشر اللي جوايا وبيخليني عايز اسمعه اكترر
- ا اانت لا يمكن تكون طبيعي انت لااااازم ولابد مجنووووون 
مسكها يوسف من شعرهااا جامد وشدهاا اووي وقال بزعيق:
- مجنووووون بيييييكي
- فيه حد بيحب حد يعمل اللي بتعمله فيا ده حراااام عليك انا جبت اخررري منك 
- تؤتؤتؤتؤؤؤؤ لاااا يا رووووحي محدش يقول لحد بيحبه كده 
ويقوم شادد شعرها اكترر وبعدين يحاول يبوسها وهي تكون متكتفة وبتحاول تبعد عنه
وهي مشمئزة..
تعذيبه وصريخ أمل كان واصل عند دارين واللي كانت بتحاول تغطي نفسها اووي من
كتر ما كانت بتحس بالبرد وجسمها كله بيرتجف وفي نفس الوقت بينزل عرق..

*********************************************

تاني يوم يصحى يوسف ميلاقيش أمل في الاوضة ‘ يقوم مفزوع ويجري على تحت
وبرضو ميلاقيش ليها اي اثر ‘ ينادي الخدامين كلهم بعصبية وغضب شديد :
- الهاااااااانم رااااااحت فييييين
واحد من الخدامين:
- منعرفش يا يوسف بيه ‘ هي صحيت الصبح بدري ‘ خرجت مع دارين هانم 
- يعنيييييييي اييييييييييييه خررررررررررررجت!! مقلتش رااااايحة فين؟!
- لا يا بيه مقلتششش
- غوروووووووا من قداااامي يا كلاااااااااب ‘ مخصووووم منكم عشر ايااااام كلككككككم
يرجعوا الخدامين على اوضتهم المخصصة ليهم وواحد يقول:
- اكيد طفشت من عمايله ربناااا ياخده ياااارب
- اسكتتتت ليسمعنا ونروح في ستين داهية كلنا مش كفاية الايام اللي اتخصمت علينا
واحد تالت يقول:
- حسبي الله ونعم الوكيل يخصملنا عشر ايام واحنا ملناش ذنب لييه!! ده الواحد وراه
التزامات اد كده..

****************************************************

في بيت أماني كانت أمل قاعدة منهارة قدام أماني ومحمود..فقال محمود:
- قومي يا أماني خلي اختك تغير هدومها وترتاح في اوضة ياسين
أمل برعب:
- لالالالااااا زمانه قالب عليا الدنيا ‘ اناا انا اا لازم اروح مكان تاني
يقول محمود بعصبية:
- ترووحي فيين!! والله ما تتحركي من هنا ! هو انتي ملكيييش اهل ولا ايه يردوا عليه..
تربت بحنية وحب أماني على ضهر محمود وتقول:
- ربنا يخليك لينااا
- قووومي يا أمل غيري وارتاحي في اوضتك وانا زي اخوكي وهعرف ارد عليه اما يجي 
وفجأة يسمعوا دقات على الباب بعنف ‘ فتقوم أمل مفزوعة وتجري تمسك أماني وهي
بتترعش.. محمود يبص ليها:
- ادخلي جووة ومتخافيش
ترتبك أمل ومتبقاش عارفة تعمل ايه ‘ فتاخدها أماني وتدخل بيها على الاوضة وتلاقي دارين
قاعدة على السرير خايفة وبتترعش وياسين قاعد على مكتبه بيزاكر بس كل شوية عينه
بتروح وتيجي عليهم كلهم..

************************************************

يدخل يوسف بكل عصبية بعد ما محمود بيفتحله الباب ويقول:
- أمــــــــــل فين
- انت داخل وكالة من غير بواب يا يوسف ولا ايه! مش شايف ان البيت له حرمة وراجل!
- ماهوو لما نسيبي يخلي مراتي تهرب من بيتها وميقلهاش تعقل وترجع لبيتها ويسايرها
في جنووونها يبقى لا مؤاخذة حرمة ايه اللي بتتكلم عنها دي يا محمود!
محمود بصريخ وبلهجة مليانة تهديد:
- بلهجة ان أمل لما غضبت من جوزها وعمايله لجأت لأهلهااااا!! اللي هيقفوااا وراها
وممكن بسهووولة جدااا ينفذولها ااااي طلب هي بتتمناه مهمااا كان..
يتوتر يوسف ويبدأ يعرق من نبرة التهديد دي فيقول بلين:
- لو سمحت يا محمود انا عايز اتكلم مع أمل 

****************************************************

دارين كانت قاعدة بترتجف جمب أمل وفجأة قالت:

- مامي اناا دايخة اووي
يلتفت ياسين ويبص على دارين اللي بيحس لاول مرة صعبانة عليه وبيلاقي أماني وأمل
بيقوموا مفزوعين اول ما بيشوفوها بتنهار ويغمى عليها ..

******************************************************

بعد ساعة بتفوق دارين تلاقي نفسها في المستشفى وحواليها يوسف من ناحية وأمل من ناحية
تانية منهارة من العياط وجمب أمل ‘ أماني ومحمود وياسين واقف بعيد في صمت ..
دارين بتعب شديد:
- مــ ا اا مـي
- نعم يا حبيبتي نعم يا رووحي ‘ انتي كوويسة؟ انتي كويسة يا رينو؟؟
- ا ااه ب ببس حاسة بدوخة
يمسك يوسف ايدها بحنان ويقول:
- ده ارهاق حبيبة بابي ‘ الدكتور قالنا انك تمام بس اللي انتي فيه ده اجهااد ‘ لييه كده يا دودو؟
لو كان على الخناق بيني وبين مامي ‘ فانا ومامي اتصالحنااا ..
وقام يوسف مسك ايد أمل وضغط عليها بقوة وبص ليها بصة باردة مميتة فقالت أمل بكدب
واصطناع:
- ا اا ه 
افتكرت وقتها دارين الموقف اللي شافته وهي صغيرة لما باباها كان بيضرب مامتها ورجعت
تاني وهنا حست أمل انها بين نارين..بين نار انها ترجع ليوسف عشان بنتها لان الدكتور
قالهم انها عندها انهيار عصبي نتيجة الاجهاد الفكري .. او انها تبعد بعيد هي ودارين وساعتها
التعب هيزيد عليها وتتشتت ما بينهم.. قررت تستسلم وتفضل مع يوسف عشان بنتها..
بعد ما دارين رجعت قامت أمل خدتها في حضنها وفضلت تقرأ القرآن عليها وقالتلها بحب
وحنان:
- انا هرجع لبابي متخافيش يا حبيبتي هرجعله عشان احنا بنحب بعض ومنقدرش نستغنى عن
بعض..
بصت دارين لأمل وكانت بتدور على الامان جوة عيونها وقالت:
- بجد يا مامي؟
- بجد يا روح مامي
- الحــ م د ا لله 
- وعارفة كمان انتي مش نفسك تتعلمي ركوب الخيل
- يس مامي
- انا وبابي قلنا بعد ما ترجعي من سفرية روما اللي هو وعدك بيها هتتعلمي خيل
- وااااو ‘ انا كده خلاص خفيييت
ابتسمت أمل وبصت بحسرة لاختها أماني اللي قابلتها بابتسامة واهنة .. وقتها جت عيون
دارين في عيون ياسين والاتنين ابتسموا لبعض ابتسامة مليانة قلق وتوتر وضعف في نفس
الوقت..

*************************************************