الحلقــــــــــة الثانيــــــــــــة من "خبيـــــــني"

الحلقـــــــــــــــة الثانيــــــــــة

تصحى تاني يوم دارين على صوت أمل:

-         رينو حبيبة قلبي يلا اصحي

تصحى دارين مفزوعة من النوم وتبص حواليها يمين وشمال وتقول:

-         بب ببابي فين يا  مامي ؟؟ بااابي ؟ ف ففين؟؟

تبص أمل بتعجب لدارين ولخوفها وارتباكها وتطمنها وتاخدها في حضنها وتقولها:

-         بابي في الشغل يا روحي!! مالك مخضوضة كده ليه؟ انتي كنتي بتحلمي حلم وحش؟ ولا ايه؟؟

تبص دارين بكل براءة وسذاجة لأمل وتقولها:

-         مامي هو انتي بتحبي بابي؟

-         اه طبعاا!

-         وهو؟؟؟

-         طبعا يا روحي بيحبني !! وبيحبني جدا كمان

-         بس هو يا مامي بيزعقلك كتير

-         لا يا رينو ه ههو بس عصبي شووية بس احنا الاتنين بنحب بعض .. بنحب بعض اوووي

تحضن دارين أمل اووي ووقتها أمل تبلع ريقها بخوف ..

****************************************************

في المدرسة بتنزل دارين من الباص بتاعها وتجري على الصف بتاعها وتقعد بفرحة جمب

صاحبتها شروق ويسلموا على بعض .. شروق بتخرج عروسة جديدة من شنطتها وتقول:

-         بصي بابيتو جبلي ايه امبارح

-         انا كمان بقى عندي عرايس كتيرة اوي من عيد ميلادي

تيجي ريم وتقعد جمبهم وتقول :

-         شروق قومي من هنا

-         لا مش هقوم انتي مالك

دارين تبص لريم بغيظ وتقولها:

-         ليه هتقوميها انا عايزة اقعد جمب شروق وشروق صاحبتي اصلا

-         بس احنا ولاد عمة وقرايب ومامي قالتلي انا اللي اقعد جمبك

-         اففف بس انا مش عاوزة

تضرب ريم دارين وتطلعلها لسانها وتقول:

-         هقول لمامي تقول لعمو يوسف ويضربك انتي ومامتك يا كلبة يا حمااااارة هه بس

دارين تضايق اوي وتخاف وتتوتر وتبص لشروق بقلق وشروق تبصلها بسذاجة وتطبطب

عليها وتقولها:

-         متزعليش يا ديرو مامي قالتلي قبل كده ان الشتيمة بتلف تلف وترجع لصاحبها يعني

زمان الشتيمة لازقت في قفاها اصلا ..

-         الله حلو ديرو دي

-         بجد؟ عجبتك؟ مش عارفة هو جه معايا كده

-         اقلك على سر؟؟

-         قوولي

-         بس احلفي انك مش هتقولي لحد ولا مامتك ولا باباكي ولا لاي حد من صاحبنا؟

-         والله مش هقول لحد

-         ماشي بس اعرفي انك لو طلعتيه لحد ربنا شايفك .. انا مبحبش حد يقولي دودو

-         ليه؟؟

-         عشان طنط شاهيناز وطنط ماهينار وريم بينادوني بيه بس مامي بتقلي دلع حلو بتقولي

يا رينو وانتي قلتي ديرو انا بحب الاسمين دوول اووي وهخليكم انتم بس اللي تقولولي

كده..

****************************************************

أمل واقفة في المطبخ بدندن مع نفسها وواقفة بتطبخ الاكل اللي بتحبه واللي بقلها كتير

مأكلتهوش وفي نفس الوقت بتطبخ ليوسف أكلة تانية عشان هو مبيحبش الاكلة اللي بتعملها..

يدخل يوسف بخطوات هادية جدا ومن غير صوت ويلف ايده حوالين وسطها فتتخض

أمل..

-         مالك! اتخضيتي كده ليه

-         يوو يوو سس سف

-         يا روح يوووسف

-         ا انت جيت بدري كده ليه؟

-         بصراحة وحشتييني اوووي فقلت الحقك قبل ما دارين ترجع من المدرسة

تبتسم أمل بتوتر وارتباك وتحاول تكمل الأكل اللي بتعمله ‘ يوسف يبص على الاكل ويقول:

-         ايه ده! انتي بتعملي ايه!!

-         عملتلك يا حبيبي طاجن بامية باللحمة وعملت كمان لازانيا اللي رينو بتحبه و انا عملتلي

مسقعة ‘ بقالي كتير اوووي ماكلتهاش..

يتعصب يوسف ويوقع المعلقة في الارض بغضب شديد ويقول:

-         انتي عاااارفة كوووويس اني مبحبش المسقعة!

-         ا ااه ب ببس دي دد دي بتاعتي انا .. لـ لل ليا انا

يمسك يوسف ايد أمل بقوة ويضغط جامد لدرجة ان صوت طرقعة مفاصلها تبان ويقول:

-         المفروض يا حياتي اننا بنحب بعض! يعني نبقى شبه بعض اللي احبه تحبيه واللي محبهوش

متعملهووش .. صح يا روووحي .. صح؟!

تهز أمل راسها بخوف شديد عشان توافق يوسف على كلامه رغم اقتناعها الشديد بغلطه..

يمسك يوسف الحلة اللي كانت أمل بتعمل فيه المسقعة ويرميه في الزبالة قدامها فتقوله

بعياط:

-         حراااام عليك يا يوووسف حرااام عليك يا اخي ‘ طب كنت خليني اديه لاي حد من الخدامين

على الاقل!!

يبص يوسف ليها بنظرة مخيفة بتخاف منها جدا ويمسك المعلقة السخنة ويمسك ايدها ويخليها

تمسك الحتة السخنة اللي في المعلقة جامد ويضغط بايده عليها .. أمل مجرد ما بتتلسع بتصرخ

ومع ضغط يوسف بايده على ايدها اللي بقت حاضنة المعلقة السخنة كانت بتخليها تتوجع اكتر

يوسف يبتسم ببرود قاتل ويهمس في ودنها وهو حاضنها:

-         كده هتحسي بلذة حبي ليكي اكتررررر ‘ هتحسي بناااار قلبي اللي بتقيد مجرد ما اشوفك قدامي

أمل تكون بتعيط جامد من الألم والوجع والخوف والاستسلام للقهر اللي هي حاسة بيه وتكون

مغمضة عينها جامد واول ما تفتح عينها وتبص على باب المطبخ تلاقي دارين واقفة مصدومة..

*************************************************

اليوم التاني بتاخد أمل دارين معاها وهي رايحة عابدين تزور أماني اختها .. اول ما أماني بتشوف

أمل بتحضنها اووي والاتنين يبدؤا يعيطوا .. دارين بتبقى واقفة بكل براءة بتتفرج عليهم‘ أما

ياسين فبيبقى حاسس بضيق شديد وواقف مكشر..

-         ياسين خد بنت خالتك والعبوا سوا جوة في الاوضة ‘ فيه كلام بيني وبين خالتك مش عايزينكم

تسمعوه..

دارين تبص لأمل وتقولها:

-         مامي اروح معاه؟

-         ايوة يا حبيبتي ‘ بس العبي براحة ومتتشقييش يا رينو بليز لو سمحتي ..

-         حاضر يا مامي

اول ما يدخلوا الاوضة أمل تنهار من العياط وتقول:

-         انااا ما صدقت انه سااافر وجتلك يا أماني ‘ دي مبقتش عييييشة بجددد .. انااا تعبت منه

اوووي اوووي ..

-         اطلبي الطلاق يا أمل!! ايه اللي يخليكي تستحملي العيشة مع واحد مجنون زي ده!!

-         طلاق؟! استحااالة يوااافق ده كان يقتلني ويقتل البنت ويقتل نفسه .. يوسف مجنووون

بينااا .. بس انا تعبت والله مبقتش فاهمة هو بيتصرف كده لييييه!!

-         انا يامااا حذرررتك قلتلك دول عيشتهم في العالي ومش قدنا وشايفين نفسهم علينا ونافخين

ريشهم ‘ هتتعبي منهههم يا أمل!! قعدتي تقوليلي لا انا بحبه وهو بيموت فيا ..

-         ما هو فعلا بيمووت فيا بس مش عارفة ليه العذاب والألم اللي بيتفنن يعيشني فيهم دول..

-         خلي بالك يا أمل انتوا دلوقتي ما بينكم بنت بدأت تكبر وتفهم!! والكلام ده ممكن يأثر عليها..

-         على اد ما بقدر بحاول اخليها متحسش بحاجة .. حتى هووو دايما قدامها بيظهر في صورة

ملاك هو بس اللي شافته امبارح بالصدفة وهو .....

-         سكتي ليه؟!!

تبص أمل على ايدها اللي ملفوفة بشاش فتتفاجأ أماني بإيدها اللي مكنتش واخدة بالها منها :

-         اييييه ده!!! هووو عمـــــــل اييييه؟!!!

أمل تعيط اكتر:

-         حــ حرقني عشان عملت المسقعة اللي مبيحبهاش

-         ايييييييييه!!!!

-         قالي احنا الاتنين شبه بعض اللي احبه تحبيه واللي محبهوش متعملهوش ورماها ولما زعقتله

قام حرق ايدي .. انا اللي صعبان عليا ان دارين شافته وهو بيحرقني بس انا كدبت عليها

وفهمتها انه هو اللي انقذني لما اتحرقت بالمعلقة..

-         يا نهاااااره اسووود!!!! هووو اتهفففف في نفوووخه ده ولا ايييه!! انتي ازاااي تسكتيله!!

-         مش عارفة اعمل ايه

*****************************************************

في الاوضة ياسين قاعد بيلعب على لعبته ومش مهتم بدارين اللي قاعدة على السرير وحاطة

ايدها على خدها..

-         افففف انت معندكش عرايس العب بيهم؟

يبصلها ياسين باستحقار ويقول:

-         شايفاني بضفرتين يعني عشان اجيب عرايس!!

-         هو انت رخم كده ليه؟

-         وانتي دلوووعة اوووي

-         على فكرة انت بايخ ودمك تقيل

-         ششششش بقى خليني اكمل لعب

-         اتش احسن منك بكتيير

-         خليه ينفعك اللي شبه كوز الدرة ده

-         هقول لمامي ولطنط أماني على فكرة انك بتشتم اتش

-         انا بكرررهكككك

-         وانا اكترررر

*************************************************

بعد يومين في المدرسة دارين تكون بتلعب مع شروق ومع اتش ‘ تيجي ريم عشان تلعب معاهم

فتقولها دارين:

-         مش هينفع تلعبي معانا

ريم تبص لاتش وتقوله:

-         اتش خليني العب معاكم

هشام يبص لدارين ويقلها:

-         هنخليها تلعب معانا

-         بس انا ....

-         انا الكبير هنا وانا اللي اقول مين يلعب ومين ميلعبش

تسكت دارين وتضايق شروق من هشام ‘ اما ريم فتطلع لسانها بغيظ ليهم..

**********************************************

أمل تكون قاعدة في جنينة الفيلا بتشرب شاي أخضر واللي طبعا يوسف بيفرضه عليها تشربه

وتقرأ مجلة تسلي وقتها فيه.. تدخل ماهينار بكل غرور وتسلم:

-         هااااي

تبتسم أمل ليها بكل برود وتقول:

-         ازيك يا ماهي

-         الحمد الله كويسة ! امال فين يويو حبيبي؟

-         في الشغل لسه مجاش

-         اصل انا كان عندي مشوار هنا فقلت اجي اتغدى معاكي لان عايزة يويو في موضوع مهم

اووي واتصلت بـ اتش حبيبي عشان يبقى يجي مع دودو ..

-         خير موضوع ايه؟

-         مفيش شاليه الساحل عايزة ابيعه لواحد هيموت ويشتريه وبيني وبينك انا محتاجة فلوسه

اوووي عشان مشروع جديد هدخله..

-         ايه! شاليه الساحل بتاعي!!

ترفع ماهينار حواجبها بسخرية وتقول:

-         بتاعك!! هه من امتى! انا اخر علمي ان ده تبعنا احنا

-         بس يوسف ادهوني السنة اللي فاتت هدية

-         لالالا تلاقيكي فهمتي غلط..

لسه كانت هتتكلم في نفس اللحظة دخل يوسف باسها وباس اخته ماهينار ..

-         ايه المفاجأت الحلوة دي

-         هههه حبيبي انت ‘ مفيش زي ما قلتلك في التلفون عايزة ابيع الشاليه بسرررعة

أمل تبص ليوسف وتقوله:

-         هو مش الشاليه ده انت قلتلي السنة اللي فاتت انك هتدهوني هدية

-         هو بصراحة اه يا روحي بس ماهي زي ما انتي شايفه محتاجاه اووي ‘ فقلت مفيش

مانع تاخده وانا ابقى اجيبلك واحد احسن منه ..

-         بس انت عارف اني بحب الشاليه ده!!

-         مفيش مشاكل هجيب واحد احلى!!

تبص ماهينار بانتصار وتقول بسخرية:

-         امرك عجيب يا أمولة! الشاليه مش مكتوب باسمك اصلا ‘ ده بتاعنا وكون يويو حبيبي

كان هيدهولك فده كان عشان احنا مكناش عايزينه بس صحابه عازوه فيبقى احنا أولى!!

تضايق أمل لإهانة ماهينار ليها ومن تصرف يوسف اللي حسسها انها مش مهمة عنده

وقالت بخنقة:

-         على رأيك في الاول وفي الاخر انا مش صاحبته.. انا بس كنت فكراه وقتها هدية! بس

اتاريه وهم ..

وطلعت أمل على اوضتها تعيط .. اما ماهينار فطلعت سجايرها ونفخت فيها بلذة الانتصار

وقالت بدلع:

-         انا مش عارفة يا يويو انت مستحملها ازاي!! دي دلووعة اوووي!! وفاكرة نفسها هانم

بجد!! هي نسيت اصلها دي ولا ايه!! انت ازاي تخليها تتحكم فيك وفي ممتلكاتك

كده..

-         ماهي حبيبتي خلاااااص..

تدخل دارين جري عليهم وتحضن يوسف وهو يبوسها بحب وحنان وبعدين يجي وراه

اتش يسلم عليه ويبوسه ويجري على ماهينار يبوسها ..

يوسف يقوم يطلع لأمل ودارين تروح تلعب على المرجيحة بتاعتها شوووية ‘ فتبص

ليها ماهينار بغيظ وتنادي هشام ابنها وتقوله:

-         اتـــــــــش حبيبي تعالى خد اما اقلك ..

يجري عليها وتقوم توشوشه في ودانه وهي بتبص بغيظ شديد على دارين وتقوله

بابتسامة مليانة شر:

-         يلا روووح اعمل اللي قلتلك عليه.. فااااهم