الحلقــــــــة الثامنـــــــــة عشــــــر من "خبيـــــــــني"

الحلقــــــــــة الثامنــــــــة عشـــــــر

ريم ودموعها بتنزل بانهمار ورعب:

-         مش هتسبني خالص؟

هشام وهو سرحان بعيد:

-         خااااااالص!!

وبعدين يقول في سره:

-         اخيراااا خلصت منك يا حشرة ! وقال ايه كانت بتهددني !! ههههه اهوو دلوقتي بقيتي

تحت نابي افعصك زززي الحشرة براحتي وهتحطي جزمة في بقك وتسسسكتي !! اخيرااا

ضمنت سكوووتك عشان اعرف العب بهداااوة..انا بس اخد الفلوووس واخلص من وشك البووومة..

وبعدين يفوق من شروده ويبص ليها ويقول بكل برود:

-         يا روووحي انتي

وياخدها في حضنه ويخليها تستسلم تاني ليه ..

 وفجأة يسمعوا صوت الباب وهو بيتقفل .. يبص هشام باستغراب ويقول لريم اجررري على اوضتك على طوول واوووعي تحكي اي حاجة لاي مخلوووق ..

-         يعني حتى مش هنقول لمامي وطنط دلووقتي؟!

-         بقلك ايه متبوظيييش الدنياااا

-         ح ححاضر حاضر

******************************************

تجري ريم على اوضتها على طول وبعدها ينزل هشام تحت يلاقي شاهيناز وماهينار..

يقولهم بعصبية:

-         انتوووو ايه اللي جابكم!! وسبتوهااا لوحدها هناك ليه؟!

شاهيناز بعصبية:

-         خدت ريم وروحتواااا فيييين!! وسبتناااا لوحدنا مع الصعلوووك اللي هنااااك وجاي تتشطر

علينا؟!

هشام بارتباك:

-         روحنا نعمل مشواار بعدين قلنا نيجي ننام شوية ونرجع تاني ليكم

ماهينار بغيظ:

-         اهوو مش هنعرف نرجع ولا قررف!! ياسين هياخدها ويدخلها مصحة نفسية تتعالج وتفووق

عليناا!! وكل حاجة راحت مننا

هشام وهو بيجز على سنانه:

-         لا مش كل حاجة راحت!! مش هشام اللي يضيع منه كل المجهود اللي عمله ..

ويقوم خارج برة الفيلا وبعدها بثواني يرجع ويقول:

-         محدش يخرج برة الفيلاااا دي مهمااا حصللل!! واي جديد كلموني فوار

ماهينار بعدم فهم:

-         رايح فين وسايبنا كده؟ قوولنا هتعمل ايييه؟

-         بعدين يا ماما

***************************************

بعد اسبوع دارين تكون قاعدة في اوضة مخصصة ليها في المصحة الخاصة اللي وداها

ليها ياسين .. زهقانة وحزينة وحاسة بوحدة فظيعة .. يدخل ياسين بعد ما يخبط وهو

مبتسم واول ما تشوفه تزعق ليه بعصبية:

-انااا عااايزة اخرررج من هنااا

ياسين يستغرب من عصبية دارين فيقول:

-         ليه حصل حاجة؟

-         مبيحصلش ااااي حاااجة !! انااا حاسة اني مسجووونة هنااا !! زيارات بوقت ودكاترة

داخلة طالعة تتكلم معايا !! اناااا مش مجنووووونة!! وادوووية وقررررف ؟!!!

-         مين قال انك مجنونة؟

-         اماااال اللي انااا فيييه ده ايييه!! ايييه الاوضة دي !! اييييه الدنيااا اللي صحيت

لقتني فيها دي!!

-         دي مش دنيا دي مجرد مرحلة عشان تروحي لدنيا اللي فعلا تستاهل انك تعشيها

دارين بعصبية:

-         انت كداااااااااااااااااااب انتتتت كدااااااب ! كلككككككم كداااابين  شبه بعض

يقرب منها ياسين براحة ويقول:

-         انا مش كداب ‘ انا فعلا بحاول انقذك من نفسك اللي محتاجة تتعالج وحد يوجها للطريق

الصح !

تعيط دارين وتقول بحزن:

-         انا لما قلتلك خبيني كان نفسي تاخدني لبعيد اوي لحتة ابعد حتى من نفسي

-         لو كنت خدتك لبعيد ده معناته انه بساعدك انك تهربي والهروب عمره ما كان حل

تبص ليه بعيون بائسة:

-         لاااااا حل!! حل عشان ابعد عن كل الوجع اللي حواليا وجوااااياااا

-         اهوو انتي قلتيها فيه وجع جواكي يا دارين لازم اخليه يختفي

-         طب ما ا ا ااحنا ممكن نمشي بع بب بعيد عن هنا ! بص ا انا واا انت وشروق وطنط وعمو

نغير مكاناا  مم ممكن نروح اي حتة محدش يعرفنا فيها ..

-         وبعدين؟

-         بس !  م ممش هيبقى فيه حاجة

-         ايوة وبعدين يا دارين؟ وبعد ما نعمل كده ؟ تفتكر يده حل؟تفتكري ده علاج للمشكلة؟

ده اسمه هرووب

-         لااا مش هروووب !! وبعدين هو هناا في ايه؟

-         فيه جامعتك اللي لازم تبدأي تروحيلها بعد ما خلصتي ثانوي وفيه شغلي وفيه حياة

الناس التانية اللي عايزة تجريهم وراكي لبعيد !

-         بسسس هناااا فيه شبح بيطاردني

يبص ليها ياسين بعمق :

-         طيب  ما انتي هنا عشان نبعده خالص عنك؟

دارين بارتباك وتوتر تروح تقف جمب الشباك وتبص منه لبرة وتقول:

-         بب بيجيلي بليل اا ااوقات ي ييخنقني و ووانا نايمة و ووببقى خايفة ومرعووبة ومحتاجاك

جمبي..

-         انا بامكاني اكون جمبك بس انا عايزك تتعالجي ومتبقيش محتاجة لحد حتى لو الحد ده

انا ..

تبص ليه دارين بعيون حزينة وتقول:

-         بـ بـ س ا نــ ـ ا مـحتجاك انت اكتر من اي وقت عدى

يدق قلب ياسين جامد ويبلع ريقه بصعوبة ويقول بقلب بيتعصر من الألم:

-         احساسك بيا ده طبيعي نتيجة انك مريضة يا دارين بس لما هتخفي هيروح منك ..

بعيون مليانة دموع وكسرة:

-         وليه متقولش ممكن الاحساس ده يكون حقيقي؟

يبلع ريقه بصعوبة :

-         لاني دكتور وعارف ان المريض ممكن يتعلق تعلق مرضي بالدكتور بتاعه

-         لا انت مش الدكتور بتاعي وانا مش مجرد حالة!

يتلعثم ياسين ويقوم فجأة ويقول:

-         ا اانا همشي دلوقتي ا ااروح اشوف حجات كده ورايا وو ووهرجعلك .. ماما على فكرة

هتجيلك كمان شوية ..

-         استنى

-         ايه؟

تقرب منه دارين اوي وتحضنه جامد فيتخض ياسين ويبقى مش عارف يتصرف ازاي

قلبه يضعف مع كل ذرة حاسس بيها بتتحرك جواه وفي نفس الوقت هو كدكتور شايف

ان مينفعش يخلي المريضة تتعلق بيه بالشكل ده .. مبقاش عارف يلمس بايده خصلات

شعرها الناعم اللي النسيم لما بيعدي ما بينهم بيخليه يشم ريحتهم الحلوة ولا يبعدها

براحة عنه .. صراع كبير جواه اتولد اول ما حس بدفاها ما بين احضانه ..

همست وهي في حضنه:

-         بليييز خبيني بعيد! خليني بين امانك ودفاك .. متخليش حد ياخدني منك ولا ياخد احساسي

منك.. متنكرش باللي انت حاسه ..

بعد ياسين براحة عنها وقال وهو بيحاول يجمع الكلام:

-         عن اذنك يا دارين

-         هتسبني

يبتسم ليها ابتسامة واهنة:

-         انا جمبك لسه

-         لا انت عايز تبعدني وتبعد

-         دارين اهم حاجة دلوقتي تخفي وتكوني كويسة

-         بليييز خليييك معايا

-         هبقى ارجعلك بليل

ويسيبها ويمشي على طول واول ما يمشي تعيط بحرقة وتقول:

-         ليه حتى الحب النضيف اللي حسيته في حياتي مش عايز يعترف بيا!!

وتفضل تعيط لحد ما تروح في النوم ..

**********************************************************

هشام في المكتب بتاعه وبتدخله ريم :

-         عملت ايه؟

-         خلاص اول جلسة هتبقى بكرة

-         واااو يعني خلاص قربنا ؟

-         لسه شووية بس دخولها المستشفى هيسهل كل حاجة بسرعة وبعدين انا مكلم ناس حبايبي

يوصوا علينا ..

-         ياااه يا حبيبي انا بعد الايام بقى عشان انا وانتي نسااافر بعيد ونبتدي حياة ودنيا جديدة

بعييدة عن القرررف ده ..

هشام وهو بيحاول يهرب من الكلام ويفتح موضوع تاني:

-         بقلك يا ريمو حبيبي انتي مينفعش بقى تجيلي كتير هنا عشان لا مامتك ولا ماما يشكوا

-         يشكوا ايه!! احنا ولاد خالة عادي يعني كبر دماغك

-         حبيبي انا عايز كل حاجة تمشي في الخطة زي ما انا راسم بالظبط

***********************************

اليوم اللي بعده تيجي رسالة على بيت أماني ومحمود وياخدها ويلاقي مكتوب اسم

دارين .. فيقول محمود:

-         أماني ! تعالي ده جواب لدراين

أماني باستغراب:

-         جواب ليها!! ويجي هنا ليه؟! المفروض يجي على عنوانها في الفيلا

-         ماهو فعلا مكتوب عنوان الفيلا بس واضح ان حد بعته هنا

-         وغوشتني يا محمود افتحه افتحه اما نشوف فيه ايه

وبعد ما يفتحه ويقراه يبدأ يبرق من الصدمة ‘ تبص ليه أماني وتقول:

-         مااالك يا محموود؟؟؟ فيه ايه الجواب؟

-         ده من المحكمة!

-         محكمة!! ليييه؟

-         الكلاب رافعين قضية حجر عليها

-         ايييييييييه

-         اعوووذ بالله مشفتش ناااس كده

يخرج ياسين من اوضته ويكون لسه صاحي من النوم ‘ يبص على علامات الصدمة في

وشهم ويقول:

-         في ايه؟

-         الكلاب رافعين قضية حجر على دارين

يجز ياسين على سنانه ويقول:

-         ابتدى هو بالضرب !! يستلقى وعده بقى من اللي جاي

يبص ليه محمود بدهشة ويقول:

-         ناوي على ايه يا بني؟! خلي بالك منه ده اولعبان

-         محضرله اللي عمره ما كان يتوقعه ‘ هقضيه عليه للأبد

***********************************************

ريم قاعدة في النادي مع صحابها وبعدين بتبص على بعيد فجأة تلاقي هشام ماشي مع

واحدة وماسك ايدها وعمالين يضحكوا ‘ اتصدمت وصعقت وقامت جري من جمب

صحابهم وجريت وراهم من غير ما يحس هشام ..

هشام كان ماسك ايد البنت وبيقولها:

-         عارفة يا روحي انا بس مستنى اخد الفلوس اللي هي من حقي ومن حق ماما وهطير

لهاواي او اروح اليونان واستثمر بقى فلوسي في شركة باباكي ونتجوز ونعيش بقى

سوا ..

سمعت ريم الجملة من هنا وقلبها وقع في رجلها من الصاعقة وجريت بعيد قبل

ما يشوفها هشام ..

وصلت لحد العربية وهي خطواتها متلعثمة ‘ اعصابها كلها كانت سايبة .. مكنتش عارفة

تتلم على نفسها .. اول ما دخلت فضلت تعيط بحرقة شديدة وتصرخ بهستيريا:

-         الحيواااااااااااااااان الكلــــــــــــــــــب !! اناااااا ازااااااااي اصددددددقه!! ازااااااي

اسمعلــــــــــــه!! ازاااااااي مخدش بالي ان واحد زي ده بيأذي قريبته مش هيبقى

ليه عزيز ولا غااااالي!!

فضلت تعيط بحرقة جامد لاكتر من ساعة وبعدها قررت تكلمه فون :

-         ايوة يا هشام انت فين؟

-         اجتماع ليه ؟

-         ممم اجتماااع!! طب بقلك ايه انا هقول لمامي بقى انك هتتجوزني

يبعد هشام عن البنت اللي كان معاها ويزعق بعصبية وحُرقة:

-         انتي اتجنننتي !! تقووووليلهاااااا اييييه !!

-         انت مااالك خااايف ليه؟ هااا مش احنااا مصيرنااا نتجووز

-         ا ااه بس قلتلكككك مش دلووووووقتي مشششش دلووووووقتي

تقفل ريم بعصبية في وشه وترجع تصرخ بعصبية:

-         والله لاوررررررريك يا كـــــــــــلب !! اقسسسسسم بالله مبقاااااااش ررررريم

لوووو مخلتكش تروووح وراااا الشمسسسس يا هشاااااام ..

***************************************

في المصحة دارين قاعدة بترسم لوحة زي عادتها بس الغالب عليها اللون الاسود وفيه لمحة

نور كانها من بعيد وراسمه ايد من قاع  اللوحة كانها بتلوح او بتغرق ومحتاجة حد ينقذها ..

يدخل ياسين زي عادته مبتسم ويقولها:

-         لو كان فيها امل اكتر كانت هتبقى حلوة

جاوبته ببرود:

-         عادي

-         مالك؟

-         مفيش

-         مالك يا ديرو؟

تبص ليه فجأة بعيون متلهفة لحب جوة عيونه وقالت:

-         ديرو؟

-         اه؟ مش انتي بتحبي الدلع ده من وانتي صغيرة

بعيون فيها دموع:

-         ماما وحشتني اووووي ‘ ياريتها كانت عايشة

-         ماما زي مامتك

-         جايز

-         يا شيخة حرام عليكي  ده انا قربت اغير منك من كتر ما هي بتحبك اكتر

ابتسمت ليه ابتسامة مجاملة وبعدين قالت:

-         انا مخنوقة اوووي

-         تحبي ننزل في الجنينة شوية؟

-         اممم ماشي

ينزلوا سوا الجنينة ويقعدوا على مقعد هناك وتبص دارين فوق في السما وتبدأ تعد

النجوم بصوت عالي وبعدين تقول لياسين:

-         شايف النجمة اللي هناك دي؟

-         اه ؟ مالها

-         شبهك

-         ايه! ازاي؟!

-         بعيدة اوي عليا !! شكلها جميل اوووي ونفسي المسها بس هي بعيييدة اووووي

يحس ياسين بغصة في قلبه ويحاول يغير الموضوع ويقول:

-         اممم قوليلي بقى الرسمة اللي كنتي بترسميها خلصت ولا لسه؟

-         هو انا وحشة اوي كده يا ياسين؟

-         لا

-         امال ليه بتهرب مني

-         عشان انتي مشاعرك متلخبطة خالص دلوقتي وممكن تكوني مش مستوعبة انتي بتعملي ايه

بس لما هتخفي ممكن تلاقي انك زنقتي نفسك في حتة مكنتش هتحبي تزنقي نفسك فيها

قبل كده..

-         هو انا ليه بقيت كده؟

-         طبيعي من المشاكل اللي شفتيها يا دارين ! وانتي قلبك رقيق مستحملش بقيتي حابة تعيشي

الألم ده والعذاب جوة الاهانة.. كنتي شايفة الألم ده دافع قوي انه يمتعك .. بس مكنتش

واخدة بالك انه بيخنقك ..

-         هشام ازاي سايبني كده!؟ من غير ما يعمل حاجة

يسكت شوية ياسين وبعدين يقول:

-         هو بصراحة .... رافع عليكي قضية يا دارين ‘ كان لازم اقلك من قبل كده بس

محبتش اضايقك بس بما انك جبتي سيرته فقلت اتشجع واقلك..

-         ايــــــــــه! قضية؟ على ايــه؟

-         حجر .. عشان الثروة بتاعتك ..

تقول برعب:

-         وكسبهااا صح؟؟؟

ينزل ياسين راسه في الارض وميبقاش عارف يقول ايه

فتبص ليه وتقول:

-         طزززز في الفلوووس بس برضو ميكسبهاااش!! هووو كسبهاااا؟؟

***************************************