الحلقــــــــة السابعـــــــة عشـــر من خبيـــني

الحلقـــــــة السابعـــــــة عشــــــــر

تطلع شروق بالفعل تلاقي باب الاوضة مقفول تفضل تخبط متسمعش رد ‘ تنزل جري لياسين وهي

مرعوبة وتقوله :

-         اوضتها باباها مقفول ومحدش بيرد عليا

ريم تبص برعب شديد لمامتها وتجري على اوضتها عشان تتصل بهشام من غير ما حد

يحس بيها ..

يطلع ياسين جررري لفوق ويفضل يزق الباب لحد ما يتكسر فيلاقي دارين على الارض وجمبها موس

وقاطعة شريانها ..

ياسين اول ما يشوف المنظر يتخض ويجري عليها يجس نبضها بسرعة ويقول بجنون لشروق:

-         اجرررري يا شروووق اطلبي الاسعاااااف بسرررررعة بسررررررعة

تجري شروق بالفعل تطلب الاسعاف وهي في قمة توترها وارتباكها وخوفها ورعبها

في نفس اللحظة تشوفها ريم وهي مرتبكة فتجري تطلع لفوق وتلاقي دارين على الارض

غرقانة في دمها وياسين حضنها وبيحاول يوقف تدفق الدم بأي شكل ..

تترعب وتصرخ :

-         يا مااااااااااااااااااامي الحقــــــــــــــــــــــــــيني داررررررررين ماااااااتتت تعاااااالي

بسرررررررعة..

ياسين من العصبية يزعق جامد ويقول:

-         امششششششششششششي غوووووري بررررررررررة

تجري ماهينار وشاهيناز لاوضة دارين ويشوفوا ياسين وهو بيحاول بكل الطرق يسعف دارين

الاسعافات الاولية لحد ما الاسعاف يجي..

***************************************

بعد ساعة الكل يكون في المستشفى وكل واحد فيهم بيحمل نظرة كره وحقد للي قدامه .. أماني كانت

قاعدة تعيط وتقرأ قرآن ومحمود جمبها بيطبطب عليها ..

-         اهدي يا حبيبتي

-         خااايفة على البنت يا محمووود!! دي أمااانة أمل سابتها ليااا وانا مكنتش قدهااا .. سااامحيني

يا أمل ...

-         هتبقى كوويسة بأذن الله ادعيلهااا يا أماني ادعيلها

-         ادعليها يا محمود في صلاتك 

-         بدعيلها من كل قلبي والله

*****************************************

شروق وياسين كانوا واقفين بعيد عن الاوضة شوية .. ياسين كان بيتمتم ويقول:

-         مكنش لازززم اسيبهااا !! مكننننش لازززم !! انااا دكتوور وعارف انهااا مريضة وممكن

تأذي نفسهااا ومع ذلك أهملتهااا لمجرد انها وجعت كرااامتي!! تغووور الكرااامة في ستين

داهية ولا بس يحصلها حاجة !!

-         اهدى يا ياسين ‘ اللي حصل ده برضو غصبن عننا !! حسبي الله ونعم الوكيل فيهم !

اكيد كانوا حابسينها عشان كده انتحرت..

-         انااا مكنش ينفع اسيبها ولا دقيقة معاه!! كان لازم اكتفها واخدها غصبن عنها واوديها

تتعالج في اي مصحة!

-         بس دارين مش مجنونة يا ياسين!! انت بكده كنت هتحبسها زيك زيهم!!

يلتفت ليها بكل عصبية ويبرق ويقول بحرقة:

-         اناا عمري ما كنت هحبسها!! انا دايما بعمل ااااي حاجة لصالحهااا!! انتي ازاااي تقارنيني

بالحيوانات اللي هناااك!!

تسكت شروق شوية وبعدين تبتسم ابتسامة مليانة تعب وتقول:

-         انت بتحبها يا ياسين؟

تتجمع الدموع في عيون ياسين ويبقى حاسس بغصة مانعة الحروف تتكلم ويقول:

-         .... ادعيلها يا شروق تقوم لينا بالسلامة .. الدم اللي فقدته مكنش بسيط ..

************************************

جمب الاوضة اللي فيها دارين بيكون واقف هشام ومعاه ريم كل شوية تبص على ياسين وشروق..

فتقول مرة واحدة بكل غيظ :

-         هه عاملين فيها قلبهم على الزفتة اللي جوة دي وهما قاعدين يحبوا في بعض

بصلها هشام بنظرة كلها مكر:

-         انا مش شايف حب بينهم وبعدين لوو حبوا!! ما يولعوا في بعض

تبص ريم بحرقة اكتر وتقول:

-         اممم في سسسستين داااهية

-         لا ماهو باين

-         قصدك ايه؟

-         قصدي انك هتفرقعي وانتي في مكانك كده

-         اففففف اناااا زهقت وعايزة اروّح اصلاا

-         انتي مجنووونة!! مينفعش تروّحي غير لما نطمن على المقرفة اللي جوة دي ويارب تموووت

ونخلص بقى ..

-         ياااارب يسمع منك وبجددد هتبقى حاجة واو

-         بقلك ايه يا ريمو

-         قول ؟

-         ما تيجي نتجوز انا وانتي

-         انت اتهبلت يا اتش يا روحي ولا ايه؟

-         اصل بصراحة انتي بقالك كام يوم عجباني اوووي

ويقرب منها جامد ويهمس في ودانها ويقول:

-         وكمان شبهي وانا شبهك اووي .. نليق على بعض

تضحك ريم بصوت عالي :

-         هههههههههههههههههههه ضحكتني يا اتش

-         انا بتكلم جد على فكرة

-         واللي جوة دي ؟!

-         هنرميها في مستشفى المجانين واللي عملته ده هيخليني من بكرررة اجري على المحكمة وارفع

قضية حجر عليها ..

تتلفت ليه ريم وتبص ليه وتقوله:

-         انت بتتكلم جد؟

هشام وهو بياكلها بعنيه:

-         اوووي اوووووي

-         بس انت عمرك ما حسستني اني في بالك؟

-         عشان كنت اعمى

-         ودلوقتي؟

يبص عليها من تحت لفوق ونظراته تاكلها ويقول:

-         دلوقتي بس فتحت !

-         عارف يا اتش انا وانت لو بقينا مع بعض بجد ! هنعمل حجات كتيييرة تحفففة

-         عااارف وبقيت متأكد  من ده اووي

تبص ريم بحقد وغل على ياسين وترجع تبص لهشام وترفع حاجبها باستعلاء وتقول:

-         مممم واناااا موااافقة

-         يا رووح قلبي بقى

-         هههههههههه

-         طب بقلك ايه ما تجي نسحب من هنا ونروح نشوف ورقنا اللي هنلم بيه ونقششش بقى

-         ممم ومامي ومامتك؟

-         لا هنسبهم هنا عشان نعرف نروح ونيجي براحتنا وبعدين نرجعلهم

-         اوووك يلاااا بيناااا

*************************************

شاهيناز :

-         انا عارفة ايه المشوار اللي فجأة ظهر ده ليهم!

-         سبيهم يمشوا من  هناااا على الاقل يفرفشوا شووية

-         بس قلبي مش مطمن !

-         ليه؟ يعني

-         مش عارفة .. هه ما علينا .. احنا هنفضل كده كتير! مش خلاص الدكتور طلع وقال ان حالتها

استقرت وهي دلوقتي نايمة ..

-         ما هو لو مشينا دلوقتي التانين هيستفردوا بيها لما تصحى واحنا مش عايزين نسيبها لوحدها

ابدا

-         اه صح عندك حق

************************************

شروق واقفة مع أماني وياسين ..

-         مش ندخل بقى لدارين ؟ يا ياسين؟

-         هو دكتور صفوت قالي انها هتفوق بعد ساعة يعني تقريبا كده بأذن الله

تقول أماني بلهفة:

-         طب خلينا ندخل يا بني عشان على الاقل اما تفوق تلاقينا حواليها

-         حاضر .. بس بهدوء ومن غير ازعاج

يدخلوا التلاتة ويقعدوا قدامها وكل واحد يسرح في دنيا لوحده .. أماني تفتكر لما كانت أمل

لسه والدة دارين وفرحانين هما الاتنين بيها لانها جت بعد انتظار وبعد شووق .. وشروق تفتكر

دارين ونفسها لما كانوا صغيرين وبيلعبوا سوا دايما وضحكهم مع بعض .. وياسين يفتكرها

وهي قاعدة مع الفرس بتاعها وبتكلمه بحنان وبتلعب معاه وتضحك ..

وفجأة تفووق دارين وتبدأ تبص حواليها بقلق ورعب ‘ فتقوم أماني جرري عليها وتحضنها

وتقولها بدموع:

-         كده يا بنتي !! كددده يا ضناياااا كنتي عاااايزة تمووتي كااافرة!! انتي مش عارفة ان

الانتحااار كفررر بربنااا ..

دارين بارهاق وتعب:

-         ا انـ ا عا يــ زة مامي و وحشتني اووي

ياسين يبص لاماني وشروق ويقولهم :

-         ممكن اقعد انا ودارين لوحدنا شوية؟

شروق تروح تبوس دارين من خدها وتقولها :

-         حمد الله على السلامة يا ووحشة .. بحبك اوووووي والله !! اوووعي تعملي كده تاني !!

هسيبك دلوقتي شوية وارجعلك ..

اماني تقول بهمس لياسين:

-         متتعبهاش يا بني في الكلام

-         حاضر يا أمي

-         انا برة يا حبيبتي شوية

فتهز دارين راسها وتبتسم ابتسامة واهنة جدااا ..

واول ما يخرجوا يقرب ياسين كرسيه منها شوية ويقعد ويقلها برقة:

-         ليه عملتي كده؟

-         ولـ ــ يـ ـ ه معمــ ـ ـلش كده؟

-         عشان انتي غالية عندنا كلنا وعشان غير انه حرام وكفر بربنا وغير ان ده معناه ان ايمانك

ضعيف انتي تهمينا كلنا ..

-         لا ا اا انا مـ ش كـ ده

-         ليه؟

-         ا انا مـ ج رد شيء عـ ا يزين منه فلوس وبس

-         ده الناس التانية بس ماما وبابا وشروق وانا كلنا يهمنا صحتك وكلنا يهمنا انتي..

-         ا انا تـ ـ عب انة اوي يا ياسين

-         وانا جمبك اهو

ويمد ايده ياسين بكل رقة لدارين ويقولها:

-         احنا كلنا جمبك ‘ قوليلي بتحسي بايه

-         هـ تـ فهمنـ ـي يا دكتور

-         ولو مفهمتكيش هتشقلب عشان افهمك

-         انا قـ لـ تلك قبل كده خبيني وانا بقيت عا عاا ايزة تخبيني بجد

-         من ايه؟ بالظبط يا دارين؟ ايه اللي بتجري منه وعايزة تستخبي منه؟ ايه اللي بيلاحقك؟

-         كـ و اب ــيس

-         بتشوفي فيها ايه طيب؟

-         كـ ـل حاج ة يا ياسين كل حاجة .. بشوف بابي وهو بيضرب مامي ‘ ب ببب بشوفه بيخنقها

وعايز يخنقني .. ع عارف ز زمان وانا صغيرة ك ككنت بس بستخبى تحت اللحاف عشان

ميشوفنيش ويضربني ! ا اانا عايزة استخبى من نفسي .. اا انا نفسي شريرة اووي

-         شريرة؟! ازاي؟؟

تبص ليه دارين بعيون نظراتها مليانة رعب وخوف :

-         تت تخيل ه هي اللي قلتلي اا اقتل نفسي! هه هي عا عاا ايزاني دايما احس بالعذاا ااب

-         ليه دايما تحسي بالعذاب؟

-         ع عشان بابي ك ككان بيقولي وي وويفهمني دايما ان اا ان العذاب حلوو ‘ اا انا بقيت احبه

من كك كتر ما اا مم ماهو فهمني انه حلو ..

-         طب وبعدين بتحسي بايه؟!

تبدأ دارين ملامحها تتغير وتتحول وكأنها بتتألم من شيء غامض وتقول:

-         ب ببس هشا هه هشاام مخ خييف اووي ز ززي بابي و ا انا بقيت بت بتعذب منه اووووي

-         طب ما انا مديت ايدي ليكي بس انتي رفضتي؟؟

-         مم ماهي نفسي ال الشش ريرة قالتلي لاا لاااا لا لا يعني

يتأملها ياسين بحزن وحسرة ويقولها:

-         انتي محتاجة تتعالجي يا دارين! مينفعش اسيبك كده خالص

تبص له بعيون حزينة وقلب مكسور:

-         تفتكر في امل ؟

يقوم يقف ويمنحها قبلة على جبينها ويلمس خصلات شعرها بكل حنان ويقول:

-         فيه أمل ...

يدق قلبها وتحس بشعور لاول مرة بتحسه ‘ شعور خطفها .. أمان هي بتحلم تعيش بين

احضانه بس في نفس الوقت التعب والارهاق بيسحبوها لبعيد اوي .. بتغمض عينها بتعب وتقول

-         ما تسبنيــ ــ ــ ش

-         حاضر مش هسيبك يا دارين

-         و خ خبيـ ني منهم

-         حاضر

وبعدها نفسها ينتظم وتروح في النوم من تاني ..

*********************************

يخرج ياسين من الاوضة  ويقول :

-         انا هرتب مع دكتور صاحبي في مصحة نفسية خاصة تبع والده ‘ دارين لازم تقعد فيها

أماني تبص برعب وقلق وتقول:

-         لييييه؟ لييييه يا ياااسيين!!! دااارين مش مجنووونة يا بني

-         ومييين قال يا امي انها كده بس!!

-         امااال ايه؟

-         أمي مش كل الامراض النفسية معناها جنوون!! البنت المسكينة اللي جوة دي ضحية

خلافات اسرية واب جبان كان بينهش في امان كان نفسها فيه من ما يحس!! واختتتك

كانت جبااانة انها سكتت تعييش مع اب مررريض زي ده وبنته تشرب المرض كله منه!!

البنت اللي جوة دي نفسيتها اتدمرررت من كتر العنفف والألللم اللي عاشته من خلال مامتهااا!!

شخصيتها بقت هشششة!! بقت حابة تتكرر نفس الاهانة والذل في نفسها!!!

تعيط اماني وتقول:

-         مفيش حل غير كده يا بني

-         يا امي اللي هعمله ده في مصلحتها ‘ وبعدين متخافيش انا هبقى معاها

تبص شروق ليه بقلق:

-         تفتكر هيسبوها تعيش حياة نضيفة

-         انا اللي مش هسيبهم ابدا خصوصا الحيوان اللي اسمه هشام!

تيجي شاهيناز عندهم وتقول باستعلاء:

-         هو فييييه اييييه يعني ايه نتمنع من اننا ندخل للبنت!!

يبص ياسين بنظرات جافة ليهم ويقول بصرامة:

-         من هنا ورايح انسوا دارين نهائي!! مش هسمح لمخلوق فيكم يلمسها تاني

شاهيناز بكل غرور:

-         انت اكيد اتجننت ومش عارف انت بتتحدى مين

ياسين بكل قوة:

-         بلغي تحياتي لهشام ..

ويمشي ويسيبهم..

***************************************

في الفيلا وبالتحديد في اوضة دارين هشام وريم كانوا مع بعض على نفس السرير وريم عمالة تعيط

وتقول:

-         اوووعى تسبني يا اتش اووووعى !!

هشام وهو بيدخن السجاير بكل برود :

-         مش هسيبك طول ما انتي حلوة وبتسمعي الكلام لكن بدأتي بقى تزني وتقولي اللي حصل

لاي مخلوق اعرفي انك ضعتي!!

-         بب بس اناا هبقى مراتك صح؟ صصح يا اتش؟؟

هشام بخبث:

-         طبعا يا عيون اتش ‘ انتي اللي في ايدك تكوني مراتي وانتي اللي في ايدك تدفني نفسك

-         اناا انا طاوعتك عشان انت اكيد هتكون خايف عليا ..

-         اووي يا روحي .. المهم انتي بقى تاخدي طنط وتروّحوا بيتكوا وتسبوني بقى اقش

كل حاجة واخدك بعدها ونطييير لبعيد سواااا ..

ريم ودموعها بتنزل بانهمار ورعب:

-         مش هتسبني خالص؟

هشام وهو سرحان بعيد:

-         خااااااالص!!

وبعدين يقول في سره:

-         اخيراااا خلصت منك يا حشرة ! وقال ايه كانت بتهددني !! ههههه اهوو دلوقتي بقيتي

تحت نابي افعصك زززي الحشرة براحتي وهتحطي جزمة في بقك وتسسسكتي !! اخيرااا

ضمنت سكوووتك عشان اعرف العب بهداااوة..انا بس اخد الفلوووس واخلص من وشك البووومة..

وبعدين يفوق من شروده ويبص ليها ويقول بكل برود:

-         يا روووحي انتي

وياخدها في حضنه ويخليها تستسلم تاني ليه ..