الحلقـــــــــــة التاسعــــــــــــة كابجــــــــراس

الحلقــــــــة التاسعة

حلا بتحبني لالا حلا بتحبني ‘ ايوة بتحبني والا مكنتش وافقت تتجوزني لما عرفت عن حياتي..

واحدة غيرها كانت رفضت تعيش معايا وتربط نفسها بعيلة مقرفة زي دي..

ما انت كمان قبلت تتجوزها وانت عارف ان حياتها كانت مقرفة برضو..

ايه ده ايه ده انت ازاي تفكر في الموضوع بالشكل ده! بص انت لازم تواجه هلا بقى وكفاية

كده وهي لازم تقول ودت حلا فين!!

****************************************

حلا بتفتح الدولاب بتاعها اللي في اوضتها وتجيب من الرف اللي فوق البومين للصور وتروح

على سريرها وتتفرج..

الالبوم الاولاني كان ليها هي وهلا ..

والالبوم التاني ليها هي وإياد من اول ما وافقت انها تتجوزه لحد اخر عيد ميلاد ليها هي وهلا ..

***************************************

هلا بتدخل الاوضة فجأة وحلا كانت قاعدة بترسم في المشروع بتاعها

هلا بعصبية:انتي اتجننتي صح؟

حلا ببرود:ليه؟

هلا:صحيح اللي ماما قالته ده برة؟ ان فيه واحد اسمه إياد اتقدم ليكي!!

حلا بابتسامة:ااه صح

هلا بنرفزة:انتي لييييه مصرة تبقي شبه الست اللي قاعدة برة دي!! فكرتي مرة تشوووفي شكلها

ومنظرها بقى عامل ايه من كتر الغلب اللي شافته!! فكرتي مرة تشوفي ابتسامتها بقت بهتانة

ازاااي من الزفت اللي كان اسمه ابوكي عمله فيناااا!!

حلا بضيق:إياااااد مش زي باباااا افهمي بقى

هلا:إياااااد معقد واحناااا معقديييين!! يعني المفروض كل واحد فينا يدور على حد كووويس

بقى ينسيه مستنقع الووووحل اللي احنا عايشينه ده !! مش نروح ندور على القرف برجلينا!

حلا:انا بحب إياد ‘ إياد بس محتاج يحس بالامان زي ما انا محتاجة احس بده! افهمي يا هلا

انا وإياد هنبقى كووويسين مع بعض!!

هلا بقرف:انتي عمرك ما هتبقي كووويسة معاه ‘ انتم هتخنقوااا بعض صدقيني! هو هيخنقك

بعقده وانتي هتخنقيه بعقدك..

حلا:لا

هلا:هيكون زي الحبل اللي بيتلف حوالين رقبتك بشويش ‘ كل يوم تصحي تلاقيه بقى ضيق اكتر

من اليوم اللي قبله ! وفي يوم هتصحي هتلاقيه خنقك ‘ هتيجي تبصي في المراية هتلاقي ملامح

شبهك بس روح تانية موجودة جواكِ عايزة تخرج براكِ تهرب!!!!

حلا:هلا النقاش في الموضوع ده انتهى!

وسبيني البس بقى عشان نازلة انا وهو ندور على الدبل والشبكة..

هلا وهي بتجز على سنانها:غبية بكرة تندمي

******************************************

بعد ساعة نزلت حلا وهي مليانة حيوية لإياد اللي كان مستنيها في العربية ‘ اول ما شافها

نازلة على السلالم ‘ يخرج من العربية ومعاه بوكيه ورد ..

حلا بابتسامة:دي ليا طبعا

إياد:اكيد ‘ تعبت عقبال ما دورت ولقيت الورد ده

حلا برقة:الله دي حلووووة اووي ‘ ايه نوع الورد ده

إياد:جاردينيا ‘ ورد لونه ابيض وجميل مش في اي مكان بيكون موجود وغالي جدا ‘ بس

الورد ده شبهك اووي ‘ دورت في كذا مكان عشان الاقيه..

حلا:اشمعنا شبهي؟

إياد بحب:نادر وأجمل انواع الورد! زيك وردة عبيرها سحر فيه ألف دُنيا..

حلا بابتسامة:يلا؟

إياد بيمسك ايدها برقة ويقول:مش هخليكي تندمي انك تبقي معايا يوم واحد .. بحبك

حلا بخجل تبتسم وتفضل تبص في البوكيه..

إياد:يلا بينا واعملي حسابك بعد ما نختار الدبل والشبكة هنتعشى في مطعم حلو اوووي..

حلا:بس انا متعودة اتعشى مع ماما..

إياد تروح منه الابتسامة ويقول:احم ‘ بس انا هبقى جوزك يعني!!

حلا:ايوة حبيبي بس ...

إياد يمسك ايدها ويقول بحزم:مفيس بس هتتعشي معايا وده اخر كلمة..

حلا تبتسم ابتسامة باهتة بس في اللحظة دي تفتكر طريقة باباهم معاهم وهو بيقول:

مفيش خلاص انا قلت كلمة وده اخر حاجه عندي

إياد:حبيبتي؟ رووحتي فين؟

حلا باقتضاب:مم مفيش

إياد بيوقف العربية ويقول:مالك يا حلا؟انا قلت حاجة تضايق؟

حلا بتيجي في بالها جملة هلا:

انتي عمرك ما هتبقي كووويسة معاه ‘ انتم هتخنقوااا بعض صدقيني! هو هيخنقك

بعقده وانتي هتخنقيه بعقدك..

تفوق حلا وتبتسم وتقول:لالا مفيش حاجة حبيبي

***************************************

بعد ما تخلص حلا من اللف مع إياد وتكون اختارت خاتم بسيط  ورقيق يقولها إياد:

يلا نتعشى

حلا:ماشي يلا

يروح إياد على مطعم غالي وشيك ويقعدوا على طرابيزة في الركن وعليها شموع..

إياد:كان نفسي تختاري الخاتم التاني ‘ اغلى من ده

حلا باقتناع:لا حبيبي ده حلو وعاجبني اووي

إياد:بس انا اقدر ادفع اكتر

حلا:مش على الفلوس اكتر ‘ انا فعلا عاجبني ده

إياد بسخرية:هه لو واحده غيرك كانت اختارت الاغلى طبعا وكانت فضلت تدور على

اغلى خاتم في الدنيا وجابته..

حلا:بس انا مبسوووطة بده..

فجأة يرن موبايل حلا لسه هترد فيمسك إياد الموبايل ويشوف الاسم

حلا باستغراب:انت بتعمل ايه يا إياد؟

إياد بتلقائية:بشوف مين بيكلمك

حلا:طب ما انا كنت هرد وهتعرف!!

إياد بتلقائية:عادي حبيت اشوف بنفسي

حلا ترد بضيق:الو.. ايووة .. اممم بتعشى مع إياد.. اوك مش هتأخر سلام

إياد:قلقانين عليكي صح

حلا تفضل ساكتة

إياد بياكل وبعدين يبص يلاقي حلا ساكتة مبتاكلش فيقولها بتعجب:ايه مالك؟

حلا بضيق:فيه كذا موقف ضايقني مش عارفة انت عملتهم بسلامة نية ولا ايه

إياد:ايه حبيبتي قولي

حلا تهدا شوية وتقول: إياد انت جيت تشوف الموبايل بتاعي!

إياد بتوتر:اه ‘ عارف ان ده هيضايقك ‘ بب ببس انا حكتلك اني واجهت ايه في حياتي عع عشان

كده حبيبتي عايزك تكوني جمبي .. يعني استحمليني شووية وانا هتغير اكيد يعني هتتغير

انا واثق فيكي ‘ بب ببس غصبن عني غصبن عني..

حلا بهدوء:انا مستعدة اعدي كل ده معاك ‘ بس انا شفت من بابا كتير ومش عايزة في يوم اشوف

بابا فيك.. اوعى تخلي كلام اي حد يطلع صح!

إياد بضيق:ز ي  مين يعني؟ هلا صح؟ هلااا مش عايزانا نكون مع بعض؟

حلا:انا بحبك يا إياد ‘ وملناش دعوة دلوقتي بأي حد

إياد:صح ‘ احنا بنحب بعض اوووي ..

يمسك ايدها ويقول:بب ببس اصبري عليا ‘ اا انا محتاج وقت وهبقى كويس

حلا بابتسامة وقلبها بيدق خوف:ماشي وانا معاك حبيبي

*******************************

بعد سنة حلا وإياد بيكونوا اتجوزوا ‘ حلا قاعدة في الاوضة بتتفرج على التلفزيون وإياد برة

في الشغل..

فجأة تلاقي إياد قدامها .. حلا من الخضة تصوت..

إياد:اهدي حبيبتي ‘ ده انا

حلا بعصبية:قلتلك ميييييييت مرة ميييييييييت مرة ابقى اعمل صوت يا إياد وانت جاي عليا!

انت اييييه قاااااصد تموتني ناقصة عمر!

إياد بيقرب بهدوء:انا اسف بجد ‘ مكنتش قاصد اخووفك

حلا بنرفزة:انااا مش فاااهمة انت بتدخل تتسحب ليه دايما! انت امتى هتبطل بقى الطريقة دي!

إياد:معلش والله يا حلا ‘ اا اانا فعلا مش قاصد اخضك

حلا بعصبية:اناا هنام

إياد بترجي:لا استني يا حلا ‘ متناميش وانتي مضايقة مني ‘ استني حبيبتي والله اسف ‘ بجد

اسف..

حلا:إياد خلاص سبني دلوقتي

****************************************

بعد ساعة تنزل حلا بهدوء تسمع صوت عياط من المطبخ ‘ تتمشى براحة وتحاول متطلعش صوت

عشان تشوف إياد ‘ فتلاقيه قاعد في المطبخ على الكرسي وبيعيط وعمال يكرر:

اناا غبي غبي ‘ انا غبي خليتها تتخض انا عمري ما هتغير ‘ انا مستهلهاش مستهلهاش

تدخل حلا جري عليه وتحضنه اوي من وراه وتقوله:

اهدى حبيبي ‘ اهدى

إياد ياخدها في حضنه اوي ويفضل يشم في شعرها بحب ويقول:

انا اسف اسف حلا ‘ صدقيني اسف حبيبتي اسف

حلا:مش مهم خلاص ‘ نبتدي صفحة جديدة

***************************************

بعد شهر من السنة تكون حلا راجعة مبسوطة من برة وكان الوقت قبل ما إياد يرجع ‘ تدخل البيت

وهي فرحانة فتلاقي إياد قاعد في الضلمة بيقول بصوت عالي:

حلاااااااااااااااااا

حلا بفرحة:إياااد انت هنا

إياد بزعيق:كنتي فييين!

حلا باستغراب:كنت برة

إياد:وانا معرفش؟

حلا بانشكاح:منا كنت بقى عملالك مفاجأة

إياد:قلتلك مليوووون مرة قبل ما تخرجي تقوليلي لو حتى ايه!

حلا بتعجب:ايوة بس انا فعلا كنت عايزة اخرج عشان عملالك مفاجأة!

إياد بعصبية:ميهمنييييش انتي خارجة ليه وعشان ايه!يهمني الفكررررة

حلا:انت بتزعق كده ليه زي ما تكون مثلا مسكتني وانا بخووونك!!

الجملة دي زي ما تكون هزت وحش جوة إياد .. ملامح وشه كلها اتبدلت وفجأة عروقه ظهرت

اكتر ووشه احمر جدا وقرب منها ببطىء ومسك ايدها بقوة لدرجة ان وهو ماسك كان بيجز

على سنانه وصوت سنانه كان باين:

انتي ممكن تعمليها؟!!!!!!

حلا بخوف وفي نفس الوقت بعصبية:انت اتجننت!!! اوووعى ايييييدي

إياد وهو مبرق ولسه بيجز على سنانه:انططططقي انتي ممكن تعمليها

حلا والدموع نزلت منها:انت اكيد مجنووون!! انا بقلك انت ليه محسسني كاني كده!

إياد:حذرتك ميييييية مررررررة وقلتلك معنديش مانع انك تخرجي وتتفسحي براحتك بس اعرف

حلا:ووووسسسسع كده انت مش طبيعي مش طبيعي

إياد:الا الكدب والخياااانة الاااااا دووول خط احمر اوعي تحاولي تقربي منهم

حلا بعصبية:اناااا مقرررربتش انت اللي عايزني اكووون خاينة انت غبي غبي غبي

إياد بعصبية:انااا بحبك ومش هسمحلك تبقي زززيهم مش هسمحلك

حلا:انا ست زي زيهم ‘ افهمممم بقى انا مش ملااااك بس اناااا مبخنننش مبخننننش

إياد:لااااااااا لما تخرجي واتفاجىء تبقي بدأتي تبقي شبهها ‘ تبقي زيهاااا ‘ هي كمان ااه هي كمان

هي كمااان كانت كده..

حلا بزعيق اكتر:اناااااا مش زيهااااا انا مش ز يمامتك ‘ بس هلااا عندهاااا حق انت زي بابا زيييييه

وتبدأ تضرب اياد برجلها عشان يبعد عن ايدها..

حلا بانهيار:انت مجنووووون ‘ انت عماااايلك دي لو واحدة غيري كانت جابت راجل هنا وخانتك

قدامك عينك عينها عشان تبطل بقى القرررررف اللي احنااا عايشين فيه ده!! ارحمنييي بقى

إياد الجملة الاخيرة اللي قالتها هلا كانت زي الجملة اللي خلته ميبقاش في وعيه..

بدأ يضرب حلا جامد ويقولها:

قلتلك اني بحبك قلتلكككككك ده قلتلك انه مينفعش انتي بالذااات تخووونيني مينفعششششش

مينفعشششششش ‘ انا بحبككككك مينفعشششش انتي بالذاااات تخووونيني..

حلا بتتضرب من إياد بجنون والدم بينزل منهااااا ‘ إياد بيضربها ومنظر باباها وهو بيضربهم زمان

بتيجي ورا بعض ومع بعض ..

حلا بهمس لانها مش قادرة تتكلم:

ا اا .. ا ... اا

إياد مش في وعيه وعمال يشوف منظر مامته وهي بتخون باباه كذا مرة في حلا وعمال يضربها

بوحشية ويقول:

لييييه لييييه عملتي كده لييييييه ليييييييييييه قتلتيييني ليييييييه لييييييه ‘ لييييييه ليييييييه..

حلا:

اا .. نـــا حــ اا مــ ل

يقف إياد عن الضرب فجأة والكلمة تهزه وتبدأ صورة مامته تختفي وتظهر صورة حلا اللي بقت

غرقانة في دمها ومرمية على الأرض..

إياد بذعر وخوف يصرخ:حلااااااااااااااااااااااااااااااااااااااااااااااا

...................

استنوني الحلقة اللي جاية.....