الحلقــــــــــة الثانيــــــــة عشــــــــر
حلا بتفوق من الذكريات فجأة عند الدكتور النفسي
بتاع إياد وتقعد تصرخ جامد بانهيار:
هلاااااا مااااتتت هلاااااا ماتتت مااااااتتت
هلااااااا مش موووجودة مش موجووووودة
صوت الحادثة بيكون جوة عقل حلا ‘ صرختها وصرخة
هلا وهي بتقولها: متخااافيييييش
صوت الازاز وهو بيتكسر والخبطة والصرخات عمال
يروح ويجي جوة عقل حلا ..
شيمااء بتبص للدكتور بخوف وتقوله:اعمل حاجة يا
دكتور اعمل حاجة بسرعة
الدكتور يطلب من الممرضة فورا حقنة مهدئة وحلا
بتصرخ وهي مغمضة عينها بقوووة وتقول
هلاااا مااااتت ماااااتتت ‘ انا السبب في
موووتها هي كانت عايزة تخليني ارقص معاها بس
كنت رافضة فكانت بتبصلي وترقصلي ايدي عشان ارقص
‘ اناااا السبب ‘ انا مكنش قصدي
يا شيماااء مكنش قصدي تمووت ..
شيماء بعياط:الحادثة ملكيش ذنب فيها يا حلا والله
ما ليكي ذنب
حلا بانهيار:هي كانت عايزة تبات معايا ‘ كانت
خايفة كااانت خايفة ‘ هلااا كانت خايفة تموت
لوحدهاااا ‘ ماتت قدااااامي هلاااا ماتتت قدامي
يا شيماء ‘ ماتت في حضني..
***********************************************
الممرضة تجيب الحقنة المهدئة للدكتور فيديها
لحلا اللي بعد دقايق بتروح في النوم ..
بترجع الذكريات بيها ليوم الحادثة تاني..
بعد ما العربية بتتخبط وحلا تتخبط في التابلوه ‘
دقايق وتبدأ تستوعب تفتح عينها وتقوم تلاقي هلا
مرمية قدام وراسها في الازاز بتاع العربية
والناس بدأت تتلم حواليهم..
حلا تصرخ بخوف شديد:هلاااااا هلاااااا
الناس برة اللي يقول:لا حول ولا قوة الا بالله
-
افتحلينا بسرعة
-
اطلبوا الاسعاف يا جدعان
-
حاولي تفتحيلنا واحنا نساعدك
حلا بذعر:مش عارفة افتح
البااااب مش عااارفة احنا مزنقوووين
حلا بترجع هلا براحة على
الكرسي تاني وبتلاقي الدم مغرق هلا فبتصرخ وتقول:
هلااااا هلااااا سمعاااني
هلاااااا ابوووس ايدك ردي عليا
الناس من برة بيحاولوا
يقولوها:
اهدي يا بنتي
حاولي تفتحي الباااب تاني
حلا بجنون وهستيريا
بتحاول تفتح اي باب بس مش عارفة تفتح كل الابواب معلقة ‘ بتحاول
تشغل اللوك سنتر اللي
بيقفل كل الابواب ويفتحها سوا مش راضي برضو معلق ..
حلا بتكلم هلا بخوف
وذعر:هلاااا انا هحاول افتح الباب هحاول افتحه ‘ متخااافيش متخاااافيش
هلا بتعب:حــ حــ حلا
حلا:متخافيييش انا هنا
اهو انااا هنا
هلا:انتي كويسة
حلا:ايووة حبيببتي كوويسة
‘ انا بحاول افتح الباب بحاول اهوو
حلا تخبط جامد على الباب
وتحاول تزقه والناس برة بيحاولوا يفتحوا من برة بس محدش قادر
كل ده كان لمجرد دقايق ..
حد من برة:نادوا ميكانيكي
ولا كهربائي عشان يشيل الباب ونقدر نخرجهم
حلا بهستيريا:انا مش
هستنى حد انا مش هستنى
تفضل تخبط بكل قوووتها في
الباب ‘ تفضل تخبط جامد عشان تخرج بس مش عارفة
حد من برة:اكسروا الازاز
عليهم يا جدعان البنت التانية حالتها شكلها خطيييرة
التاني:يا عم حتى لو
كسرنا الازاز مش هنقدر نخرج اللي متعورة ‘ الباب لازم يتخلع
هلا بإرهاق شديد:حــ حلا
حلا بجنون وعياط:انا اهوو
بحاول والله والله بحاول
هلا: حلا اســ اس ــمعيني
‘ مفـ يش وقت
حلا بذعر:مم مفيش وقت
لايه ؟ لا هلاااا هتبقي كووويسة
هلا:حـ ح ـلا لو لو في
يوم حسـ حسيتي ان مفيش امل في إياد اهربــ ... اهربي منه يا حلا
تغمض عيونها شوية وبعدين
تفتحهم وتقول وهي بتجز على سنانها:
ا اا اهــ ربي منه بدل ما
يخلي حياتك عذاب ‘ م مم متبقيش زي ماما يا حلا ‘ مم متخلهوش
يسيطر عليكي .. ا اانا ك
ككنت خايفة عليكي طول عمري ع عشان اا انتي طيبة
حلا بتعيط جامد فتبتسم
هلا ليها:م ممتع متعيطيش ‘ هه هتبقي ا احسن صدقيني ‘ اا انا
مكنتش وحشـ وحشة اوي يا
حلا ل لما ك ككنت بلعب على الر الرجالة ...
حلا:ابوووس ايدك
كفاااااية بقى كفاااااااااية
هلا:اا انا كنت مع معقدة
زي ما اانتي دايما وإياد تقولوا ‘ كنت بشوف فيهم بابا وو وانتقم
حلا:اسكتي بقى ابووووس
ايدك اسكتي
صوت من برة الميكانيكي
والكهربائي جم وبدأوا يسمعوا صوت شنيور عشان بيفتحوا
الباب..
هلا بابتسامة وبتغمض
عينها: ا ااهر اهربي يا حلا من سجن ا انتي محبوسة فيه ا ااهربي
***************************************
بيتفتح الباب وبتيجي
الاسعاف تشيل هلا فورا ويروحوا المستشفى ‘ بيخرج الدكتور لحلا
اللي بتكون منهارة:
انا اسف ‘ جت متأخر وملحقناش
ننقذها
حلا بتقع وهي
بتعيط:لاااااااااا هلااااااااا متسبنيييييييييش انا مليييييييييش غيرك والله ما
ليا
غيرررررك..
تصحى حلا من نومها مفزوعة
وتفضل تعيط وتقول:
هي سابتني ليييه سابتني
لييييه والله كنت بحاول انقذهااا غصبن عني والله ‘ غصبن عني
**************************************
إياد في الفيلا قاعد مستني حلا وبعدين بيقول
بصوت عالي:
اكيد هلا زهقت من قعدتها في البيت معايا وضميرها
عذبها فراحت تجيب حلا ليا وترجعهالي تاني
هههه مغفلة فكراني مش فاهم حركاتها ولا لعبها !
انا اصلا حافظهم هما الاتنين وقال ايه عشان
متخلنيش اشك موتت نفسها العبيطة ! هي ازاي ممثلة
كده؟! وازاي اصلا يقولوا كدبة ساذجة زي دي ليا؟!
طب ولما ترجع تعيش تاني بطبيعتها هيقولولي
ايه ! هييييه هلا ممتتش! هبل والله!!
*************************************************
إياد يرجع بذكرياته ليوم العيد ميلاد بعد ما رجع
البيت ومستنيهم لانه حس انهم اتأخروا وانهم
المفروض يكونوا وصلوا من زمان! اكيد هلا
المستفزة خدتها وراحوا مكان..
دقايق وتدخل حلا وهي هايمة في ملكوت تاني
وفستانها متغرق دم ..
إياد بتبريقة وذهول:حلااااااا فيه ايه! ايييييه
الدم ده كله؟!!!
حلا وهي في عالم تاني: عع ع عاملنا حادثة
إياد:امال هلا فينها؟ حصلك حاجه؟ حصلكوااا
حااااجه؟
حلا وهي بتنهار وتقع بطولها:هلا ماتت ماااااتت ‘
معرفتش انقذهااا ملحقتش انقذهاااا ملحقتش
خاااالص ..
إياد بيجري ياخد حلا في حضنه اوووي ويهمس في
ودانها:
كل حاجه هتعدي حبيبتي كل حاجه هتعدي
حلا بتعب وإرهاق وعياط:هلا مبقتش موجودة يا إياد
هلا رااااحت مني خلاص
إياد بيمشي بايده بكل رقة على خصلات شعر حلا
ويبتسم ابتسامة ساذجة جدا
يفوق إياد من ذكرياته ويتصل بحلا
********************************************
عند الدكتور تلفون حلا يرن.. حلا برعب:ده د دده
إياد يا دكتور ده إياد ‘ هنعمل ايه يا دكتور معاه؟
الدكتور:اعتقد ان حالة إياد بقت صعبة جدا ولازم
تتعالج ‘ مرض زي ده مرض خطير ولازم
يتعالج ..
شيماء بقلق على حلا:ايووة يا دكتور ‘ بصراحة حلا
تعبت جدا معاه ‘ وهو بيلاوعها
وبيرفض العلاج زي ما حضرتك جربت معاه..
الدكتور بعد تفكير :يبقى مفيش غير انه يجي
المصحة
حلا برعب لشيماء:اييييه مصحة!! لالالا لا يا
دكتووور مفيش حل تاني غير كده؟
الدكتور:يا مدام حلا زوج حضرتك وصل لمرحلة خطيرة
من مرضه! وبعدين انا بعد ما عرفت
ان اخت حضرتك متوفية اصلا ده خلاني اقلق عليه
وعليكي كمان!
حلا بتوتر:ع عليا!!
وساعتها بتيجي في بالها جملة اختها هلا:
ا اا اهــ ربي منه بدل ما
يخلي حياتك عذاب ‘ م مم متبقيش زي ماما يا حلا ‘ مم متخلهوش
يسيطر عليكي .. ا اانا ك ككنت خايفة عليكي طول
عمري ع عشان اا انتي طيبة..
شيماء لحلا: حلا الدكتور عنده حق ! إياد محتاج
يتعالج يا حلا وانتي لو بتحبيه خليه يجي ويتعالج
انتي محتاجة ترتاحي بقى..
حلا بتوتر:بب بس انا بحبه فعلا وخايفة عليه
الدكتور:يا مدام حضرتك مش رايحة تعذبيه ‘ بالعكس
انتي هتعالجيه!
حلا:بب بس إياد مش هيفهم كده! إياد هيفتكرني
بعته ووديته المصحة عشان اخلص منه! يا دكتور
انت مش متخيل إياد متعلق بيا ازاي! كأني مامته!
إياد زي الطفل لو مبتش في حضني في يوم
ممكن يجراله حاجه!
شيماء:حلا! متخلنيش احس ان انتي اللي متعلقة في
إياد ومش همك مصلحته!!
حلا بخوف:لا والله ابدا ‘ انا بس خايفة عليه!
شيماء بعدم فهم:من ايييه؟؟
حلا بدموع:دكتور هو لما هيتعالج شخصيته هتختلف؟!
الدكتور:مقدرش اقلك انها هتتغير ومقدرش اقلك
انها مش هتتغير!! دي حاجه مش معروفة
حلا بدموع:يعني الشخصية اللي عشت معاها سنين
حلوة ممكن تختفي!
شيماء:بس هيخف يا حبيبتي؟ ولا انتي بقى يا حلا
هتكوني انانية ومش هترضي تخليه يتعالج
عشان خايفة يتغير معاكي..
حلا:لا ابدااا والله ‘ خلاص يا دكتور انا هجيب
إياد يجي يتعالج..
الدكتور:تمام جدا يبقى كلنا نيجي معاكي عشان
ناخده لو رفض يجي
حلا:لالالا يا دكتووور بلاااش عنف معاه عشان
خاطري
شيماء:اهدي يا حبيبتي متخفيش اكيد مش هيخدوه
بالعنف
الدكتور بابتسامة:يا مدام حلا احنا دكاترة يعني
المفروض ملايكة رحمة مش هناخده بعنف استحالة..
حلا بانكسار:ماشي يا دكتور .. يلا بينا
********************************************
بعد ساعة توصل حلا الفيلا واول ما تفتح الباب ‘
تلاقي إياد بيجري عليها بحب:
حبيبتي اتأخرتي اوي ليه كده برة؟!
حلا بتوتر وارتباك:مم مفيش ع ععادي حبيبي
إياد بقلق:مالك يا حلا؟ شكلك فيكي حاجه
حلا والدموع في عينها:ها لا عادي حبيبي
إياد بيمسك ايد حلا ويقول:طيب يلا اقفلي الباب
يا حياتي وتعالي نقعد مع بعض وحشااااني جداا
فووووق ما تتصوري..
حلا بتبلع ريقها بصعوبة وتقول:إياد استنى..
إياد باستغراب:ايه؟
حلا بتروح تفتح الباب وتقول:اتفضل يا دكتور
يدخل الدكتور ووراه اتنين ‘ اول ما يشوفهم إياد
يتخض ويبتسم بسذاجة ورعب:
اا ايه د ايه ده ؟ ايه اللي جاب الد الدكتور ده
هنا
حلا بدموع:ع عشانك يا إياد
إياد بعصبية:اا اانا مش عيان! اا انا كووويس ‘
اا انا كنت بجيلك يا دكتور و وو وانت مقلتليش
اني عيان..
الدكتور بهدوء:انا مقلتلكش عشان ملحقتش اكمل
معاك يا إياد وانقطعت
إياد بدموع في عينه لحلا:لا لا يا حلا ‘ دد ده
كداب متصدقهوووش ‘ انا ا اا روحتله انا روحتله
وهو قالي اني طبيعي ..
بعدين يبص ليهم كده ويلاقيهم مش مصدقينه فيبدأ
وشه يحمر من الغضب ويتعصب جامد
وعروقه تبان ويقرب لحلا ويبص ليها ويمسكها
بعصبية ويقول:
اناااا بكرهككك انا بكرهههك اناااا كشفك من
الاول ! انتي مش حلاااا انتي هلااا انا عااارف ومتأكد
انك هي وعاملة نفسها حلاااا ‘ حلااا رقيقة حلا
عمرها ما هتبعني بس انتي انتي عايزة تجننيني
انتي شايفة الرجالة كلهم زي باباكي المتخلف!!
حلا بعياط:حرام عليك والله حرام عليك
إياد بعصبية:اا اا انتي عاملة نفسك حلا بس انتي
هلاااا
يبص للدكتور ويقول: هه ههي يا دكتور اللي
مررررريضة ! هي واخده شخصية مرااتي يا دكتور
هي هه هي بتقوول انها مراتي بس دي اختها التؤام
يا دكتووور ‘ انا متأكد من ده..
الدكتور يبص للرجلين اللي معاه ويقولهم:طلعولي
الحقنة المهدئة بسرعة..
إياد بعصبية:انا بكررررهك يا هلاااا بكرهكككك
انتي خاااطفة حلااا خطفتيهاااا وعايزة تجننيني
انا عااارف انا حاااافظك وحافظ الاعيبك يا
شريرة..
الدكتور وهو بيقرب بالحقنة بكل هدوء على إياد
وبيشاور للرجلين عشان يمسكوه:
يا إياد اللي انت مش واخد بالك منه ان هلا ماتت
! وان دي مدام حلا فعلا
حلا بتعيط جدااا وإياد يبص بكل هيستريا
ويقول:لاااااا دي هلااا دي هلااا ووخاطفة مراتي حلا
الدكتور يدي إياد الحقنة بعد ما يمسكوه
الرجلين..
إياد بابتسامة ساذجة وبهدوء يبتسم لحلا :متسبنيش
لوحدي
بينام إياد ‘ حلا بتجري عليه وهي بتعيط
وتقول:دكتووور ايه اللي هيحصل
الدكتور بهدوء:متخافيش يا مدام حلا
*******************************************
بعد يومين حلا بتروح المستشفى وتشوف الدكتور
فيقولها:طبعا هو رافض يتكلم مع اي حد لانه
لحد دلوقتي مش مقتنع انه عيان ‘ وطول الوقت
بينادي عليكي حتى هو نايم!
حلا بدموع:قلتلك يا دكتور قلتلك إياد متعلق
بيااا اوووي ‘ مصدقتنيييش
الدكتور:حتى لو متعلق بيكي يا مدام من مصلحته
انه كان يجي ويتعالج هنا في المستشفى
حلا بلهفة:طط طب هو هوو انا هشوفه يا دكتور
الدكتور:طبعا اتفضلي بس احتمال نمنع بعد كده
زياراتك لفترة معينة
حلا برعب:ايييه! ليييه يا دكتور ليييه ‘ حضرررتك
مفهمتنيييش كده ‘ لالالالاااا انا اا اانا مش هقدر
الدكتور:يا مدام ده اسلم حل عشان نقدر نعالجه ‘
احنا منعرفش لما يفضل يشوفك ايه اللي هيحصل
حلا بعدم فهم:يي يعني ايه؟
الدكتور:احنا هنشوف ردة فعله لما يشوفك ‘ لو
لقناه انتكس هنضطر نمنعك لفترة..
حلا بقلق:طط طيب انا اروحله دلوقتي؟
الدكتور:اتفضلي
يقوم الدكتور مع حلا
*********************************************
حلا تدخل على إياد تلاقيه قاعد على السرير مقرفص
ومغمض عينه ..
حلا اول ما بتشوفه بتجري عليه تاخده في حضنها..
إياد بابتسامة ولهفة:حح ححلا حلا حبيبتي مم ممت
متسبنيش هنا يا حلاا ‘ انا بحبك اوووي
حلا خديني معاكي عشان خاطري خددديني يا حلا
خددديني .. حلا المكان هنااا وحش
بعدين يقرب من ودنها ويهمس بخوف:بب بتجيلي مم
مماما بتيجيلي بليل ‘ خديني معاكي
يا حلا ..
حلا بعياط تمسك وشه برقة وتقوله:حبيبي ‘ انا
هخدك صدقني ‘ هخدك اوول ما تخف
إياد يبص يمين وشمال برعب ويمسك ايد حلا
ويبوسها:ابووس ايدك اا انا هبقى كويس
وانا معاكي بس خددديني يا حلا خددديني عشان
خاطري..
الدكتور بحزن:شفتي يا مدام حلا! حالته بتنتكس
ازاي لما تجيله
حلا بعياط:خلاص انا موافقة يا دكتور عشان مصلحته
..
******************************************
بعد سنة حلا بتدخل المستشفى بحيوية وامل وفرحة ‘
بتروح على مكتب الدكتور..
الدكتور:بصي يا مدام حلا ‘ لازم تعرفي ان المرض
النفسي ممكن ميبقاش فيه علاج او شفاء كامل
وتام!
حلا بعدم فهم:يعني ايه؟
الدكتور:يعني الحالة اللي باينة قدامنا ان إياد
اتعالج وبقى مقتنع انك حلا مش هلا ! ومبقاش يعمل
زي زمان ويرفض العلاج ‘ بالعكس بقى متقبله جدا
ومتجاوب جدا..
حلا بلهفة:تمام؟
الدكتور:بس ده ميمنعش انه ممكن ينتكس تاني..
حلا بخوف:لااا لا ان شاااء الله لا
الدكتور:انا بشدد على حضرتك انه لو انتكس لازم
تجبيه تاني هنا ضروري لانه وقتها هيكون
مرضه اشد من الفترة اللي قبلها..
حلا بخوف:حح حاضر حاضر
*******************************************
حلا مع إياد في العربية ‘ هي بتسوق ومبتسمة
وسعيدة جدااا وبتبص كل شوية بحب على إياد
إياد بحب:وحشتيييني اووي يا حلا
حلا بفرحة ان شخصية إياد متغيرتش ولا حبها في
قلبه قل:انت وحشتني اوووي يا إياد!
متتخيلش الايام اللي فاتت كانت بتعدي عليا
ازاي..
إياد بريبة:كك كنتي بتعملي ايه طول الفترة اللي
فاتت
حلا بتلقائية:مفيش حبيبي كنت بروح شركتك امشي
الشغل هناك بدالك ‘ المهم احنا النهاردة
عازماك على الغدا وهنتفسح كتير..
إياد بحب يمسك ايدها ويبوسها برقة:بحبك
حلا بابتسامة:انا بمووت فيك
إياد يبص من الشباك على الشارع ويقول جوة نفسه:
هه فكراني مجنون صدقت انها حلا فعلا مش هلا! بس
انا وراكِ لحد ما اعرف اخرك يا هلا!
حتى لو طلبت اني اقتلك واخلص من شرك للأبد!!
...........
النهايـــــــــــــــــــــــــــــة
