الحـــلقة السادســـــــة
يجي فجأة حد جمب حلا ويهمس:
ذوقك في الاغاني حلو زيك
ترفع راسها تلاقي إياد واقف جمبها ومبتسم
تبص ليه بكل ذهول واستغراب ويقع القلم اللي كانت
بترسم بيه من ايدها..
حلا بخوف واندهاش في نفس الوقت:
إياد؟!
إياد: اسامة قالي انك كنتي سألتي عني في غيابي ‘
فحبيت اجي واشكرك ‘ واشكرك كمان على ....
يعني ... المرة اللي كنت قاعد فيها تحت السلم..
حلا بتهز راسها وهي لحد دلوقتي مش قادرة تستوعب
ان إياد جه وكلمها بنفسه..
إياد بيبص على اللي بترسمه ويقولها:
شكلك مهندسة شاطرة وموهوبة
حلا تبص على رسمها وتقول لإياد:
مش عارفة! حاسة اني محتاسة اصلا
إياد:لو احتجتي حاجه قوليلي
حلا تفضل مبلمة
إياد:ومتخافيش مش هزعقلك ولا اي حاجة ‘ بس خليها
ما بينا بقى عشان ملاقيش الدفعة كلها
جايالي.. اسيبك انا بقى واروح اشوف الهم اللي
ورايا ..
إياد يمشي خطوتين ‘ فتقول حلا:
هــ هو انت كان مالك؟
إياد بيلف عليها ويقولها:
انا كويس دلوقتي
ويسيبها في ذهول من الاجابة ويمشي
حلا لنفسها:
مجنون ده؟!
******************************
بعد شهر حلا بتجري بسرعة ورا دكتور عشان تلحقه
قبل ما يختفي من قدام عنيها وتلحق تسأله
عن اللي هي كانت عايزاه ‘ فيطلع قدامها إياد ويقولها
بضيق:
بتجري كده ليه يا حلا؟!
حلا بسرعة:
معلش مش دلوقتي يا إياد ‘ عايزة الحق الدكتور
بسرعة قبل ما يمشي
ولسه هتكمل جري ‘ يمسكها إياد من ايدها بطريقة
قوية ويقولها:
حتى لو عايزة تلحقي دكتور مينفعش بنت محترمة زيك
كده تجري في نص الجامعة وفيه شباب
بتتفرج عليها !!
حلا تبدأ تستوعب طريقة كلام إياد ليها وتقوله:
انت مش شايف انك واخد حجم اكبر من حجمك!! انت
غريب اوي؟! انت من شهر تقريبا زقتني
لمجرد اني جيت وقلتلك شكرا!! ودلوقتي بتكلمني
ولا كأنك خطيبي؟!!! انت مش طبيعي
إياد:اا انا اا .... انا اديت لنفسي الحق ده ع
عشان عشان شفت انك بنت محترمة وبريئة
وحبيت انصحك ‘ عشان شفت شباب عمالين يبصوا عليكي
بطريقة وحشة جدا..
حلا تسكت لثواني وبعدين تقول:
انت ضيعت الدكتور مني دلوقتي! وبجد انا كنت
محتاجاه اوووي
إياد:مش انا قلتلك لو احتجتي حاجة قوليلي؟
حلا:مش عايزة
إياد:لسه خايفة مني؟
حلا بشجاعة:ايوة انت كل حاجة فيك تخوف! زي
الموقف اللي حصل من شوية ده!!
إياد:معلش ‘ وانا هعملك كل اللي انتي عاوزاه ..
تعالي
حلا تفضل واقفة مكانها وهي مش مستوعبة ‘ يلف
عليها إياد:تعالي معايااا تعالي متخافيش
******************************
إياد وحلا قاعدين في ركن في الجامعة والاتنين
واقفين قدام الرسمة بتاعت المشروع ‘ لف
إياد وقالها:ها؟ صح كده؟
حلا:ايوووة
إياد:هو ده بقى اللي كنتي بتجري ورا الدكتورعليه
حلا باحراج:اه
إياد:هو مش انا قلتلك لو عايزة حاجة تعاليلي
حلا بخجل:ما احنا مش لينا كلام اوي بصراحة مع
بعض ‘ يعني دي تقريبا تالت مرة نتعامل فيها
مع بعض..
إياد:بس انا واخد بالي منك
حلا باستغراب:مني انا؟
إياد بتلقائية:بقالي شهر تقريبا براقبك
حلا:بتراقبني!!!
إياد بارتباك:قق قصدي يعني ملاحظك
حلا بخوف:لــ ليه؟
إياد:خدت بالي انك بريئة اووووي
فجأة تيجي شيماء وهلا ويقولوا:
حلا دوخنا واحنا بندور عليكي
هلا تستغرب من وجود إياد فتقول:ايه ده ! هو
انت..
إياد باقتضاب:طب عن اذنك يا حلا
حلا تستغرب اوي من إياد اللي انسحب اول ما شيماء
واختها جم..
حلا:رايح فين؟
إياد:هروح اشوف الحاجات اللي ورايا
هلا بدلع:انت بتخاف لناكلك ولا ايه ههههههه
شيماء تضحك بس تكتم ضحكتها
إياد:انا معرفكيش يا انسة عشان تهزري معايا ..
بعد اذنك يا حلا
******************************
اول ما يمشي إياد ويبعد تبص حلا لهلا اختها
وتقولها:
ايه اللي انتي عملتيه ده
هلا:ايه ؟ عملت ايه؟ هو شايف نفسه ومغرور !
وعامل فيها تقيل بقى وكده
حلا:لا هو اصلا ملهوش في الهزار الاوفر بتاعك ده
هلا:يا بنتي انتي بتصدقي الشوويتين بتوعه دول!
على فكرة الواد ده عينه منك بقى
حلا بضيق:انتي بتتكلمي كده ازاي
شيماء:خلاص يا جماعة انتم هتتخانقوا ولا ايه
يجي اسامة ويقول:انتوا هنا وانا قالب الدنيا
عليكم
شيماء:فاتك يا بني لقينا مين هنا كان مع حلا؟
اسامة:مين؟
شيماء:إياد صاحبك
اسامة بتعجب:إياد إياد!!
شيماء:اااه تخيل!!
اسامة:كان بيعمل ايه ؟
هلا:كان بيدي درس خصوصي هههههه
حلا بعصبية:هلااااااا
هلا بضيق:اففف ‘ انا همشي عشان انتي دمك واقف
اوووي النهاردة
اسامة:استني بس يا هلا
هلا:لا انا اصلا عايزة اروح على كليتي
حلا:اه ياريت تحضري محاضراتك شوية
هلا:ملكيش دعوة بيا ..
اسامة:طب ما تقعدي معانا شوية يا هلا
هلا:قلتلك لا! انت ايه مبتفهمش!!
وتمشي هلا وتبص شيماء بحزن على اسامة اللي متعلق
بهلا..
شيماء بعد ما هلا تمشي تقول:متزعليش مني يا حلا
بس بصراحة اختك بتعامل اسامة بطريقة
وحشة اووي..
اسامة بحزن:انا مش عارف اعمل ايه ‘ انا بجد مش
فاهم هي ليه اتغيرت كده معايا
حلا: بص يا اسامة احنا البيت عندنا زي ما انت
عارف بقى حاجة صعبة اوي ‘ وهلا ممكن من
النوع اللي مبيتكلمش ومش بيبان عليه ‘ بس هي
ممكن تكون مقريفة وكده من كل حاجة حواليها..
اسامة:يا حلا انا مقدر ده جدااا وقلتلها انا
جمبك وهساعدك نتخطى كل حاجة وحشة شوفتيها..
حلا:طيب وقالتلك ايه؟
اسامة:مرة الاقيها بتحبني ومرة تبعدني عنها ‘
ومرة تعاملني معاملة ازبل من الزبالة! انا مبقتش
فاهم ولا عارف هي اختك حبتني فعلا ولا انا كنت
موهوم!!!
حلا تحس باحراج شديد ومتبقاش عارفة تعمل ايه
لانها فاهمة ان هلا محبتش اسامة ولا يوم
بس سكتت..
شيماء:يمكن يا اسامة برضو البنت مش حاسة بأمان
من كتر .....
تسكت شيماء وتبص لحلا
حلا:كملي؟ من كتر ما شفنا من بابا صح؟
شيماء بأسف:انا مش قصدي والله يا حلا ‘ انا اسفة
بجد
حلا بحساسية:حصل خير .. بعد اذنكم
شيماء:رايحة فين؟انتي زعلتي
حلا:لا عادي بعد اذنكم
**********************************
حلا واقفة برة الكلية مستنية تاكسي وبتمسح
دموعها ‘ تلاقي حد مد ايده بكلينكس ‘ تبص تلاقي
إياد..
حلا بهدوء:شكرا
إياد:امسحي دموعك ‘ متخليش حد يشوفها
حلا تبص لبعيد وهي بتمسح دموعها ‘ تشوف هلا
بتركب عربية مع ولد غريب
إياد يناديها ويصحيها فجأة من شرودها ويقول:تحبي
نتمشى شوية؟
حلا من كتر خنقتها بتوافق..
بياخدها إياد لمكان هادي وبيقولها:
انا عارف ان مش من حقي اسألك بس برضو هسألك..
مالك؟
حلا بتفضل ساكتة ودموعها نازلة من عنيها في هدوء
إياد:جملتك اللي قلتيها ليا لسه بترن جوايا
حلا:ساعات الكلام بيبقى سهل لما نقوله لغيرنا
إياد:هو انا .. لو تطفلت عليكي شوية يضايقك؟
حلا بكل براءة:لا
إياد:انتم عندكم مشاكل في البيت؟
حلا:اه كانت
إياد:ايه هي؟
حلا:بابا
إياد:ماله؟
حلا:بابا كان دايما بيضرب ماما بسبب ومن غير سبب
ومكنش بيخليها تشوف الشارع ابدا ومكنش
بيرضى يخلينا كمان ننزل الجامعة وكنا بننزل من
وراه
إياد:هو بيشرب مخدرات؟
حلا:لا خالص
إياد:بيسكر؟
حلا:لا برضو
إياد باستغراب:امال ليه كان بيعمل كده معاكم؟
حلا:هو بيقول انه باباه رباه كده ‘ الست ملهاش
الا بيتها ‘ ومينفعش تخرج برة خالص وعشان
كده لما كان بيعرف ان ماما خرجت حتى في البلكونة
كان بيفضل يضربها ويضربنا.. ده كان
بيودينا المدرسة بالعافية وايام ثانوي دي كانت
حاجة بشعة اووي..
تسكت حلا فجأة وتبدأ تغمض عينها زي ما تكون
افتكرت حاجة ومش عايزة تفتكرها
إياد:مالك؟ انتي كويسة؟
حلا تحط ايدها على ودانها وهي لسه مغمضة وتشوف
صور كتيرة لباباها وهو بيضربها هي
وهلا بالحزام ويمسك شعر مامتهم ويشدها منه ويفضل
يضرب فيهم هما التلاتة اما كانوا يتأخروا
دقيقة عن معاد رجوعهم من المدرسة..
إياد:انتي كووويسة يا حلا؟؟
حلا تفتح عينها ببطىء:كانت ايام وووحشة اوووي ..
تبص جوة عين إياد:كلها ضرب ‘ مكنش ينفع نستحمل
اكتر من كده
إياد:ايه اللي حصل؟
حلا بتوتر:هلا هلا قدمت فيه بلاغ ‘ هو في السجن
بس مش عارفة ممكن يعمل فينا ايه لو خرج تاني
إياد:متخفيش انا معاكي ..
حلا بصت لإياد وقالت باستغراب:انت!
إياد بارتباك:واسامة كمان ‘ يعني احنا معاكم
وكده
حلا بتلقائية:طيب وانت؟
إياد:انا ايه؟
حلا بخوف:انت مالك؟ كنت ليه ... لما شفتك انا
يعني.. كنت ليه بتعيط
إياد بضيق:احنا تقريبا اتأخرنا وانتي لازم
تروّحي ‘ يلا عشان اروّحك
حلا بضيق لطريقة معاملة إياد:
لا انت مش هتروّحني
إياد باستغراب من حلا:
ليه؟
حلا بعصبية:ملكش دعوة بيا ‘ انت خليك هنا وانا
اللي هروّح لوحدي ولو سمحت لو شفتني تاني
اوعى تفكر تكلمني مفهوم .. وانسى اي كلمة حكتها
ليك من شوية .. ولو شفتني بموووووت
متقربش مني تاني..
ولسه هتمشي يمسكها إياد ويقلها:
استني هنا ‘ مش هسيبك تمشي
حلا بزعيق:سيب ايدي وملكش دعوة بيااااا ملكششش
دعووووة بياااا
إياد بتبريقة:اهدددددي!
حلا تزق إياد وتقوله:
اوووووعى ‘ واياك تمسكني تاني
إياد بحزن:استني يا حلا متمشيش ‘ افهميني بس
حلا:مش عايزة افهمك ‘ انت مجنون انا مش عايزة
اعررررفك
إياد عينه تدمع بعد ما حلا تبعد ويقول:
صدقيني غصب عني ‘ مش قادر اتكلم ..
...............
استنوني الحلقة اللي جاية
