الحلقـــــــة الثامنـــــــة
إياد يجري على اوضته ويقعد على السرير في الضلمة
يقرفص ويعيط جامد اوووي ويبص لايده
المحروقة ويعيط بحرقة ويقول:
انا مبحبش الستات ‘ اناااا مبحبهمش ‘ كلهم
وحشييين كلهم وحشيييييين
يفوق إياد ويكون لسه في الحديقة مكان ما سابته
حلا ويكون مقرفص على نفسه وحاطط ايده على
ودانه وعمال يتهز لقدام وورا ويقول:
انا مبحبش الستات ‘ انا مبحبهمش ‘ كلهم وحشيين
كلهم وحشششين ماعدا حلا ‘ الستاااات وحشين
حلا حلووووة ‘ انا مبحبش حد الا حلاااا ‘ الستات
وحشييين ..
تكون حلا وشيماء خارجين من الكلية وماشيين ناحية
الحديقة..
شيماء بتعجب:حلا مش ده إياد؟!!
حلا من غير ما تبص تقول:ملناش دعوة يلا نمشي
شيماء تقف مكانها وتفضل باصة بكل استغراب:هو
ماله بيعمل كده ليه
حلا تبص تلاقيه مقرفص على نفسه ومغمض ايده وعمال
يتهز لورا وقدام بشكل مخيف..
شيماء بخوف:هوو هو ماله يا حلا؟
حلا بتقولها بسرعة:انا هروح اشوف ماله ‘ بس انتي
خليكي بعيد ‘ سمعاااني اووعي تيجي
لسه حلا هتجري تمسكها شيماء بخوف:لااااا يا
حلااا لاااا لاااالاااا شكله مخيييف اوووي وممكن
يعمل فيكي حاجه..
حلا:ملكيش دعوة انتي بس ‘ خليكي بعيد ‘ انا هعرف
اتصرف
***********************************
حلا تجري بخوف ناحية إياد اللي قاعد مقرفص ومغمض
عينه وعمال يكرر ويقول:
انا مبحبش الستات ‘ انا مبحبهمش ‘ كلهم وحشيين
كلهم وحشششين ماعدا حلا ‘ الستاااات وحشين
حلا حلووووة ‘ انا مبحبش حد الا حلاااا ‘ الستات
وحشييين ..
حلا بتسمع الكلام بتندهش وقلبها يرق على منظر
إياد .. بتنزل على ركبها ليه وتمد ايدها اللي
بتترعش بخوف ناحية إياد وتنادي بهمس:
إياد؟
إياد يفضل يكرر كلامه
حلا بصوت أعلى شوية:إياد انا هنا
إياد يفتح عينه ببطى واول ما يشوف حلا يبتسم
بسذاجه ويقول:
حلاااا انتي حلوووة غير الستات كلهم ‘ الستااات
وحشيين الستاااات وحشين اووي
حلا يصعب عليها إياد وتدمع لمنظره وتقوله:
ليه يا إياد؟ ليه بتشوفهم وحشين؟
إياد وهو بيتكلم بسذاجة وماسك في ايد حلا بقوة:
مش هتبعدي عني صح؟؟ صح؟؟ انتي حلوة؟ صح؟ مش زيهم
مش زيهم ؟ مش زيها؟
حلا بتمسح دموعها وتقوله بحنان:
انا اهو ‘ جمبك اهو متخفش
شيماء لحظتها تقرب شوية وتنادي على حلا:
حلااا؟؟
إياد يمسك ايد حلا بقوة اكتر:
متسبنيش يا حلااا متسبنييييش
حلا بخوف:اهددى ‘ انا اهو مش همشي
تبص على شيماء وتشاور ليها بايدها انها تمشي..
شيماء:يووووه بقى !! انا همشي بقى ايه ياربي
عالم المجانين دول
**************************************
حلا تلف تاني على إياد وتقوله:
احنا ليه وحشين يا إياد؟
إياد يمد ايده برقة على وش حلا ويقولها:
لا انتي مش وحشة
بعدين يبرق وعروقه تظهر في وشه اوي ويكون وشه
محمر من الغضب:
همااا بس اللي وحشين ‘ هي اصلااا وحشة اوووي
حلا تبص حواليها بخوف وتقول:
مين دي؟
إياد:هي خطفتني من حد اكييد هي عاملة نفسها امي
‘ بس هي قالتلي هي قالتلي انت معرفش ابن
مين ..
يجز على سنانه اكتر ويقول: انااا اا اانا شفتها
كتير اوووي بتخون الراجل اللي معرفش هو بابا
ولالا معررفش ..
حلا بتعيط اوووي لانها بدأت تفهم ان إياد عنده
حالة نفسية بسبب مامته وباباه ‘ مقدرتش تفهم
القصة اوي بس اللي فهمته انها تقريبا خاينة..
حلا بهدوء:طب تعالى نروّح
إياد بابتسامة ساذجة:بيتك؟
حلا:لا
إياد ملامحه تتقلب ويقول:هنروح عندها؟
حلا:متخافش هكون معاك
*****************************************
حلا تركب تاكسي مع إياد ويوصلوا البيت على حسب
وصفه وبعدين اول ما ينزل يقول بتردد:
مم ممش هينفع تدخلي
حلا:هتزعقلك؟
إياد ووشه احمر:لااا هي اصلا بقت عجوزة غبية
متقدرش تزعقلي ‘ بس بب بس اا انا لازم اكلم
بابا عنك الاول وبعدين نيجي اتجوزك
حلا بخوف:بب بس انا يا إياد محتاجة وقت ‘ محتاجة
اعرفك اكتر
إياد بخوف ويبص جوة عين حلا مباشرة ويمسك ايدها
ويقول:
ااا انا مش هأذيكي عمري ‘ اا انا بحبك اا انا
شفتك كتير انتي بنت كويسة مش زي الستات
حلا بعصبية:انااااا ستتتت زيهم يا إياد!!!
إياد بخوف:شششش وطي صووتك ‘ انتي مش زيهم انتي
مش ززيهم
حلا:طيب ادخل دلوقتي يا إياد وبعدين هشوف
الموضوع ده
إياد يسيب حلا ويمشي خطوتين بعدين يرجع ليها
وعينه فيها دموع:
انا محتاجلك
حلا بابتسامة:حاضر
يمشي إياد ويدخل الفيلا بتاعته
يفوق إياد من ذكرياته ‘ يمسح دموعه وينام
***************************************
حلا نايمة فوق في اوضتها ‘ بتاخد حبة وبتنام ..
وهي نايمة مخها شغال يرجع بالذكريات..
تستني حلا شوية كده وتفضل تبص على الفيلا وتبقى
عايزة تدخل جوة الفيلا تشوف حياة إياد ..
هي كانت فاهمة ملامح بسيطة للمشكلة بس متعمقتش
اوي ..
بعدها تلاقي عربية سودة طويلة بتدخل جوة الفيلا
‘ بتبص بسرعة حواليها بتلاقي طوبتين ‘ بتجري
تركب فوقهم وتتشعلق على السور وتبص جوة ‘ تلاقي
راجل كبير بينزل وست من جوة بتطلع ليه..
وتلاقي إياد خارج من ورا الست دي ..
الست بدلع وحب:حبيبي اتأخرت اوي؟
الراجل:يادوب خلصت الاجتماع وجيب ‘ إياد رجعت من
الجامعة بدري
إياد بتوتر:اا اه
الراجل باستغراب:امال فين عربيتك؟
إياد بتوتر اكتر: بب باظت يا بابا عند الجامعة
فف فجيت في تاكسي
الراجل بحنان:مقلتليش ليه يا حبيبي كنت بعتلك
عربية
إياد:مم محبتش اشغل حضرتك
الست:يلا الغدا بقى هنقضيها كلام ولا ايه
الراجل يدخل ولسه إياد هيدخل تمسكه الست وتستنى
لحد ما الراجل يطلع وتقوله:
ولد انت هتستعبط ‘ وديت عربيتك فين؟
إياد بخوف وتوتر: وو والله عند الجامعة
الست تضرب إياد بالقلم وتقوله:
عارف لو كنت سلفتها لحد من صحابك هقتلك ‘ ما انت
طالع خايب زي ابوك ! لا عرفت اتجوز
راجل ولا قدرت اجيب حتى راجل!
إياد يقف ساكت بعدين تقوله:
تطلع فوق ومشوفش وشك على الغدا ولو ابوك مسك فيك
تتغدى معانا تعتذر باي حاجة ماشي!
إياد:مفهوم
************************************
تنزل حلا من على السور اللي كانت متشعلقة فيه
وتجري تاخد تاكسي وترجع البيت..
حلا قاعدة طول اليوم المشهد اللي شافته من حياة
إياد مبيغبش عن بالها ابدا
تدخل هلا فجأة الاوضة ..
هلا بعصبية:انتي كنتي فين النهاردة؟
حلا بخضة:انتي بتزعقي ليه
هلا:بقلك انتي كنتي فين النهاردة!
حلا:ملكيش دعوة
هلا:هو ايه اللي مليش دعوة؟! انتي مكنتيش في
الجامعة النهاردة
حلا:مش انتي لما باجي اسألك بتجاوبيني كده يبقى
انا مش ملزومة اجاوبك
هلا:ماشي انتي حرة ‘ بس ابقي خالي بالك بقى من
الزفت إياد
حلا بخوف:اخلي بالي منه ازاي يعني؟!
هلا:يعني ياريت ميكنش اقنعك بالتمثيليات اللي
بيعملها
حلا:تمثيليات؟ تمثيليات ايه؟
هلا:والله انتي ادرى ‘ عشان الواد ده داخل بقى
يغني ‘ بس لعلمك هو حاول يغني عليا وانا حافظة
اسطوانته كووويس اووي وممكن اسمعهالك كمان..
حلا بضيق شديد:طيب خلاص اسكتي..
****************************************
صحيت حلا فجأة على صوت اوكرة الباب ‘ اتخضت اوي
وقالت بخوف:
مم مين؟؟
إياد من برة:انا يا حلا متخافيش
حلا بضيق:إياد لو سمحت سبني انام لوحدي هنا
النهاردة
إياد:حح حاضر يا حلا بس بس حبيبتي انتي كويسة؟
حلا بتعيط وتقول:ايوة كويسة يا إياد سبني بقى
سبني ارجوووك
إياد:حاضر ‘ المهم انتي كويسة
يمشي إياد وحلا تعيط اوي وتقول:
حرام عليك بقى تعبت تعبت تعبت اوووووي والله
تعبت .. مبقتش قادرة استحمل اكتر من كده!
انا ايه خلاني اعمل كده ‘ ايه خلاني اوااافق !
بس انا بحبك انااا وافقت عشان بحبك ‘ عشان
انت صعبت عليا اوووي.. بس انت لازم تتعالج من
عقدك دي كلها لازززززم..
***********************************
إياد لنفسه:
اكيد هي تعبانة دلوقتي وضميرها مش مريحها اكيييد
‘ الموقف اللي فيه ده صعب برضو اي
حد يستحمله..بس هي هلا اصلا تعبانة نفسيااا
ولازم اجيب دكتور ليها يعالجها على اساس
كأني بعالج حلا..
بس دي عنيدة وذكية جدااا لو حست اني بدأت اشك
فيها مش عارف ممكن تعمل ايه!
اكيييد هي اللي اقنعت حلا بانها تسيب البيت او ‘
او ممكن تكون خطفتها؟ّ!!
اصل انا متأكد ان حلا مش هتوافق على حاجة زي دي!
بس لااا ممكن توافق مش فاكر يوم عيد الميلاد لما
قالت بنفسها انها تغيّر..
حلا بتحبني لالا حلا بتحبني ‘ ايوة بتحبني والا
مكنتش وافقت تتجوزني لما عرفت عن ....
.................
استنوني الحلقة اللي جاية
