الحلقــــــــة الســــــابعة كابجــــــراس

الحلقــــــــة السابعـــــــة

إياد بحزن:استني يا حلا متمشيش ‘ افهميني بس

حلا:مش عايزة افهمك ‘ انت مجنون انا مش عايزة اعررررفك

إياد عينه تدمع بعد ما حلا تبعد ويقول:

صدقيني غصب عني ‘ مش قادر اتكلم ..

**************************************

تفوق حلا من دوامة الذكريات اللي فيها لما تلاقي حد بيلف بطانية عليها وهي واقفة قدام البحر

إياد بحب: عارف ان الجو ساقعة وانتي بقالك كام ساعة واقفة من غير ما تحسي في البرد..

حلا بتبص عليه باستغراب وفي نفس الوقت بحب شديد..

إياد يمسك ايدها وينفخ فيها عشان يدفي ايدها ويقول:

ايدك متلجة اوووي

حلا والدموع في عينها:

انا حاسة اني كلي من جوة باردة

إياد بتلقائية: تعالي ندخل جوة

حلا تهز راسها بالنفي وتقول:

لا انت مش فاهمني ‘ انا مش بردانة بالمعنى اللي انت فهمته

إياد بتعجب:امال؟ قصدك ايه؟

حلا:انا جوايا بقى بارد اووووي اوووووي

إياد يبص جوة عيون حلا ويلاقي دموع فيقولها بحنان:

انتي بقالك فترة متغيرة اوي حبيبتي ‘ مالك؟ هاا مالك؟

حلا:تعبت اوي

إياد بضعف:من ايه؟

حلا:كل حاجة حواليا بقت مُرة ‘ كل حاجة حلوة طعمها راح

إياد بيقرب بدفأ وحب لحلا وياخدها في حضنه اوي ويمشي بايده على شعرها بهدوء وحنان

ويقول بتعجب:

ليه كل ده يا حلا؟ ليه كل التغيير ده

حلا باندهاش: هو مين فينا اللي متغير يا إياد؟ انا؟ ولا انت؟ ولا الدنيا اللي حوالينا اتغيرت؟؟

إياد يبعد بهدوء حلا عنه ويقولها:

انتي بقيتي غريبة اوووي ‘ بتسافري عني بعيد ‘ بحاول اجري عشان الحقك بس بتبعدي اكتر

عني ! زي السراب كداب.. كل ما احس اني قربت المسك الاقيكي بعدتي اكتر؟!!

حلا ودموعها نازلة وبابتسامة:

مش يمكن لاني خيال

إياد: مش فاهمك؟

حلا تبدأ تقع على الارض وهي بتعيط: انا كمان تعبت ومبقتش فاهمة حاجة ‘ مبقتش فهماك

ولا قادرة استحمل كل اللي انا فيه ده..

إياد يشيلها براحة ويقربها لحضنه اوي ويقلها:

ششششش ‘ غمضي عينك ‘ ارجعي لهناك ‘ ارجعي لياااا لما كنا مع بعض اووي وقريبين من بعض

اووي..

حلا بانهيار ومغمضة عينها وفي حضن إياد اللي بيمشي بيها ويدخل بيها على الفيلا..

حلا بانهيار:مش عارفة ‘ انا تايهة اووي

إياد يجز على سنانه ويقول:ادخلي جوة قلب حلا اوووي ‘ هتلاقيني جواها مستخبي ‘ حاولي

توصلي لهناك ‘ حاولي تلاقيني .. مدي ايدك لايدي عشان تقدري توصلي لشط الامان..

حلا وكأنها تعبت من كتر العياط وبدأت تنام على نفسها قالت:

مش عارفة اوصل ‘ زي ما اكون  محبوسة في اوضة بعيد ‘ مفتاحها غرقان في بير ملهوش قرار..

إياد يبوس حلا من جبينها ويقولها بحب: مين اللي حبسك يا حلا؟

حلا:.....

إياد:ها؟ مين اللي حبسك؟

حلا....

إياد يكون وصل لاوضتهم يحط حلا بهدوء اوي على السرير ويغطيها بالبطانيات.. ويقعد

يتأملها شوية وبعدين ينزل للمطبخ..

*******************************************

إياد قاعد في المطبخ  وعمال يفكر ‘ يلاقي حلا نزلت

إياد باستغراب:ايه ده صحيتي؟!!!

حلا:صداع رهيب قومني من النوم ‘ قلت انزل اشرب حاجة سخنة وانام

إياد:خليكي قاعدة انا هعملك

حلا بتوتر:لااااا ‘ اا انا هعمل لنفسي ‘ اممم تحب اعملك ؟

إياد بشك وتوتر:اا اه اوك مفيش مانع

حلا:هعملي هوت شوكليت ‘ اعملك؟

إياد بتعجب:ما انتي عارفة يا حلا اني مبحبهوش

حلا بتوتر اكتر:ااه صح ‘ نسيت معلش

إياد:نسيتي!!

حلا:ا ااه عادي يعني

إياد بابتسامة ببرود:مفيش مانع اعمليلي وخليني اشربه عشان خاطر عيونك

حلا تبص لمدة ثواني كده على إياد وبعدين تجيب مجين وتعمل الهوت شوكليت

إياد قاعد عامل نفسه مش باصص عليها بس بيراقبها بطرف عينه

حلا بتروح تحط حباية في مج من المجات وبعدين تصب الهوت شوكليت وتروح تجيب

شيكولاتة من التلاجة عشان تاكلها جمب الهوت شوكليت..

حلا بتدي المج اللي حطت فيه الحباية لإياد ‘ إياد بياخد المج بشك وهو عارف ان هو ده المج

اللي حطت فيه حلا الحباية..

**********************************

إياد بياخد المج من حلا ويقولها:بس ده مش المج بتاعي يا حلا

حلا بارتباك :اا اه معلش ‘ ادهوني ‘ اا انا اانا ادتهولك بالغلط

إياد:بالغلط!

حلا:اا ااه ‘ خد ‘ خد ده بتاعك

إياد بريبة وشك:لا مش مهم ما بتاعي هو بتاعك

حلا بتوتر شديد:لا اا اصل ده فيه سكري وكده ‘ هاته هاته

تمد ايدها عشان تاخد المج منه بسرعه بس إياد يمسك ايدها بهدوء ويبوسها ويقولها:

مش مشكلة هشربه مسكر كده زيك..

حلا بعصبية تزق ايد إياد جامد فيقع المج على الأرض وتقوله:

قلتلك هاااااته بقى ‘ انت اييييييييه مبتسمعش الكلام ليه!

إياد بهدوء:مكنش فيه داعي لكل العصبية دي

حلا بتمسك راسها اوي وتقوله بعصبية:شششششش بقى انت اييييه ‘ انت بقيت مستفز اووي

إياد يقف ويقرب من حلا ويحاول يحضنها بس حلا تزقه جامد وتقوله:

ابعدددد

إياد:مالك يا حلا؟

حلا:انت اللي مالك!! بقيت مريب وغريب اووووي ‘ انت عايز تعمل ايه وتوصلني لايه؟

إياد:انا مبعملش حاجة ‘ انتي اللي بتعملي مش انا

حلا بعصبية وتوتر اكتر:يووووووووووه بقى ‘ انا طالعة انام

تاخد حلا ازازة مية معاها وتطلع الاوضة وتقفله بالمفتاح

***********************************************

إياد يسمع صوت قفلة الاوضة بالمفتاح فيرجع يقعد في المطبخ ويكلم نفسه:

لحد امتى هتفضل ساكت على الوضع ده!

هعمل ايه يعني؟!

تعمل ايه!! انت لازم تعرف حلا رااااحت فين!!

منا مش هقدر اقولها ان انتي هلا وان انا كشفتك من اول يوم جيتي فيه هنا البيت وعيشتي معايا

فيه على انك حلا ‘ لانها ببساطة هتنكر وساعتها مش هقدر اعرف هي ودت حلا فين..

واضح كده انه عجبك الاستعباط اللي انت فيه ده!

انا لازم استعبط عشااان اقدر اخليها تزهق بنفسها وضميرها يعذبها ! انت مسمعتهاش وهي بتتكلم

مع حلا في التلفون قالت ايه هه لا ولما سألتها قال ايه دي شيماء!!

غبية متعرفش اني عارف ان شيماء مسافرة بقالها فترة وانهم مبقوش يتكلموا زي زمان!

بس حاسب يا إياد انت في خطر مع هلا دي!! لانها شكلها بتحاول تقتلك!!

لالا متقدرش تعملي حاجة دي حلا لو عرفت هتقتلها...

حلا مش هتعرف ‘ هي هلا عبيطة عشان تقولها اسفة سوري قتلت جوزك المصون بالغلط واحنا

بنلعب اللعبة السخيفة اللي بنلعبها لما بدلنا ادوارنا!!

هما ازااااي يفكروا يلعبوا لعبة غبية زي دي معاياااا!! هما فاكرين اني مش هعرف .. بس دول

اغبية وساذجيييين جداااا لما افتكروا اني مش هقدر اعرف مراتي من اختها!!

**************************************

يقوم إياد يخرج من المطبخ ويروح الصالة ‘ يفتح التلفزيون يلاقي فيلم شغال بس بدل الفيلم

يشوف قدامه ذكرياته جوة الفيلم..

إياد بيرجع بذكرياته لليوم اللي طلبت فيه حلا انه يسيبها في حالها وملهوش دعوة بيها..

يقعد بالساعات مش عارف يعمل ايه ولا يروح ولا يجي منين وفجأة يلاقي هلا قدامه بتقوله:

هيييه انت

يبص لهلا بكل اشمئزاز ويقول:

عايزة ايه؟

هلا:انت اللي عايز ايه من حلا؟

إياد بعصبية:هعوز ايه يعني؟

هلا بتلعب في شعرها وتقول:

انت اللي تقولي عايز ايه منها؟

إياد:انا لو عايز حاجة فعايزك تسبيني وتخرجيني من دماغك ‘ لان لوني مش زي لونك!

ولا هقبل اكون نمرة تركبي معاها العربية يومين وبعدين تزهقي مني وترميني

ويبص على عربية الولد اللي ركبت فيها هلا مع الشاب من كام ساعة..

هلا تضحك ضحكة بدلع وتقوله:

ههههههه لا برافووو ‘ طيب ما تخليني اقولك حاجه احلى

إياد يبص بقرف ليها ويقول:

معتقدش ان الحلو ممكن يجي منك

هلا بتقعد جمب إياد وتحاول تمسك ايده

يقوم إياد يتفزع من مكانه ويقول بعصبية:

انت اتجننتي

هلا ببرود:لا!

إياد ووشه احمر من العصبية:

انتي شبهها اوووي ‘ نفس البشاعة ونفس الحقاااارة ‘ انتم اللي زيكم لعنة على البنات

هلا بسخرية:ولما احنا شبه بعض بتحوم حواليها ليه!!

إياد يضحك بعصبية:اكيد مبتكلمش عن حلا!! حلا برة اي مقارنة! حلا ملاك ماشي على الأرض

نور من بعيد لما يقرب عليك تحس ان كل حاجة نضيفة فيك بتطلع غصبن عنك من جوة أنياب

وحش الضلمة..

هلا ببرود:ااه بتتكلم عن اللي البنت اللي عقدتك بقى.. ويا ترى هي احلى ولا انا

إياد:صورة لمراية مشروخة ‘ في كل شق خنجر ممكن يغوص جواك يقلع روحك!

هلا بتقوم تقف:اسمعني وحط الكلمة دي في ودانك كويس اوووي! انا وحلا مش ناقصنا واحد معقد

إياد بعصبية يمسك وش هلا وقالها:

انتي مش عايز منك غير انك تبعدي بقرفك وزبالتك عني وعنها

هلا بتشيل ايد إياد بقوة وتقول: انت مجنوووون! انتم الرجالة مجانين ‘ في دماغكم فيه فيوزات

ضاربة.. ابعد عن حلا احسنلك!

إياد بضيق:ليه ها؟ مضاااايقة ‘ متغاظة انه ازاي فيه ولد رفضك؟ رفض مرضك وقرفك؟

كنتي فكراني زيهم صح؟ زي اللي بيجروا وراكي بالشهور والسنين يترجوا فيكي؟؟

هلا بتزعق بعصبية:اخررررس ‘ انا احسن واحدة في الدنياااا دي كلهاااا ‘ انا احسن منك ومنهم

كلهم.. انا احسسسسسسسن من حلا نفسهااااا!! حلااااا ايه دي اللي انت ميت فيها كده! دي غبية

وعبيطة وجباااانة !!! هي زي امي متخلفة ممكن تضيع حقها بالخوف بتاعها!! انااااا احسن

واحدة فيهم!!! لولاياااا اصلا البيت ده مكنش مشي! هي مجرد بنت تافهة شبهك ..

*****************************************

تمشي هلا ويقعد إياد تاني لوحده ويفضل يقول بصوت عالي:

هي شبهي فعلا ‘ ملهاش مكان في الدنيا دي..

يقعد إياد ساكت للحظات ويفتكر لما كان صغير بعد ما مامته كانت بتجيب الرجالة عندها في البيت

ويشوفهم بعينه ‘ تروح تتصل بجوزها وتقوله:

وحشتني اوووي حبيبي ‘ ارجع بقى من الشغل ههههههههه يا شقى ‘ اكيد يا روحي..

تقفل الام السماعة تلاقي إياد واقف بيبص عليها بكل شزر..

الام بعصبية:ووووولد!

إياد بيترعب:ايوة

الام:تعالى هنا!

إياد:ايوة

الام بشك:انت كنت فين من شوية؟

إياد بارتباك:برة برة

الام وهي بتبرق:اممم ‘ كنت بتلعب كورة؟

إياد بارتباك:ااه لا لا ااه

الام:وريني ايدك

إياد يطلع ايده بخوف ويوريها

الام بتحط السيجارة اللي كانت في بقها على جمب وتبص لاياد وتقوله:

انا علمتك تعمل ايه لما ترجع من برة؟

إياد برعشة:اا اغسل ايدي

الام:يعني عارف تعمل ايه!

تجيب السجااااير وتحطها في ايد إياد ‘ إياد يصرخ جامد اوي

الام تضحك بصوت عالي: هاهاهاها عشان تحرم تكدب! انت مكنتش بتلعب كورة ‘ انت كنت

بتراقبني زي ابوك حيوان !! بس انا شفتك وانت بتوسخ ايدك بالتراب اللي في الجنينة عشان تعرفني

انك كنت بتلعب كورة..

تقرب من وش إياد اوي اللي يكون بيعيط جامد وتقوله:

كلمة باللي شفته لو طلعت لمخلووووق هوريك اللي عمرك ما شفته

بعدين تمسك ودانه بأضافرها الطويلة وتقرصه زيادة وتقوله:

اناا اصلااا بكررررهك ‘ اقلك على حاجة انا معرفش مين ابوك الحقيقي ‘ انا ممكن ارميك في

الشارع للكلاب الضالة ‘ فاياك تحاول تطلع عن طوعي لانك وقتها هيكون مصيرك الشارع..

مفهوووم!!

إياد يجري على اوضته ويقعد على السرير في الضلمة يقرفص ويعيط جامد اوووي ويبص لايده

المحروقة ويعيط بحرقة ويقول:

انا مبحبش الستات ‘ اناااا مبحبهمش ‘ كلهم وحشييين كلهم وحشيييييين

................

استنوني الحلقة اللي جاية