الحلقــــــــة التانيـــــــــة
حلا بهدوء:ايوة عارف بس انتي عارفة إياد بيخاف
عليا اد ايه
هلا وهي بتجز على سنانها:لااا انا اللي اعرفه هو
أناني اد ايه ولعلمك هو يخاف جدا انك ترجعي
تشتغلي لانه عارف ومتأكد انتي ازاي اشطر منه ..
حلا بعصبية:هلاااا!! متنسيش ان اللي بتتكلمي عنه
ده جوزي!
هلا:ما دي المشكلة انتي يا حلا مش شايفة بتدفني
نفسك ازاي معاه !! انا اللي بشوفه نموذج تاني
لــ .....
حلا تبص لهلا بريبة وشك وتقول:كملي؟ سكتي ليه!!
هلا:يوووه انتي حرة ‘ بس انا لو هاجي مكانك اول
حاجه هعملها هطلب منه اني ارجع الشغل
وفوراااا!!
يدخل إياد فجأة ويقول:ايه ده هلا عندنا
حلا بارتباك وخوف ليكون إياد سمع:ايه ده إياد!!
جيت امتى حبيبي؟! غريبة مسمعتش صوت
الباب!!
هلا بسخرية:واضح كده يا إياد انك كنت بتتسحب
وانت داخل لاننا فعلا محسناش ولا سمعنا
بصوتك..
إياد بابتسامة صفرا وبيحضن حلا بكل عنف ويبص
لهلا باشمئزاز:وهتسحب ليه في بيتي!
هلا بعد اهتمام:معرفش انت ادرى بقى ..
إياد يطبع قبلة على خد حلا ويهمس في
ودانها:وحشتيني اووووي
هلا تعملها نفسها بتشرب العصير بس تكون بتبص من
تحت لتحت على إياد وحلا..
إياد يسحب حلا من ايدها براحة ويقول بطريقة
مستفزة لهلا:
معلش يا هلولة بقى انتي في بيتك خدي راحتك ‘
عقبال بس ما اغير هدومي واتكلم شوية
مع حبيبتي..
هلا تبتسم ابتسامة صفرا وتقول: طبعا يا إياد انا
في بيتي من غير ما تقول..
*************************
يدخل إياد ويكون ساحب وراه حلا ويكون من غير
حاسس ماسك ايدها بقوة تخلي حلا تقول فجأة
حلا بوجع:إياد ايدي ؟ مااااالك!!
إياد يفوق من غيظه المكتوم:معلش حبيبتي سرحت
وافتكرت موقف ضايقني في الشغل ومحستش
حلا بخوف وتوتر:مم موقف ايه ده؟
إياد:عادي متشغليش بالك .. المهم انتي حلووويتي
اووي كده امتى؟
حلا بكسوف:ههههه يا سلام؟
إياد يقرب من خد حلا ويبوسها بكل حب ورقة
ويقولها:ايوة بجد
بعدين ياخد ايدها ويسحبها قدام المراية ويقف
وراها ويحضنها وهي واقفة قدام المراية ويقول
بكل حب: بصي؟ شايفة انتي حلوة ازاي؟
حلا تبتسم بخجل وتقول: عنيك هي اللي حلوة
وشايفاني حلوة كده
إياد:لا انتي مش حاسة بنفسك ولا ايه؟!
حلا:احنا كده هننسى نفسنا وهلا برة قاعدة
إياد:عادي تلاقيها بتسلي نفسها بنفسها ‘ دي هلا
يعني ! مش هتغلب
حلا:لا حبيبي بس بردو
إياد:شششش تعالي ننام شوية
حلا بتوتر:مش هينفع حبيبي ننام ونسيب هلا برة
كده
إياد:انتي ليه محسساني انها صغيرة! ماهي كأنها
في بيتها
*************************
هلا قاعدة بتتفرج على التلفزيون وفجأة يرن
تلفونها ‘ تبص في الشاشة بعدها تبتسم وترد بحماس:
قلي انك رجعت بقى؟
......
هلا:حمد الله على السلاااامة ‘ وحشتني اوووووووي
اووووووي اوووووي
......
هههههههه عارفة وهتلاقيني لسه شقية ‘ المهم
هشووفك امتى؟
.....
خلاص اديني ساعة كده وهتلاقيني عندك .. يلا سلام
تقفل هلا من هنا ولسه هتقوم لقت إياد واقف
فاتخضت جامد وقالت بعد ما شهقت من الخضة:
ايه ددددده!! انت واقف كده ليه
إياد:واقف ازاي يعني؟!
هلا باشمئزاز:انت كنت بتتصنت عليا؟!
إياد:انا؟! ليه يعني!
هلا:فين حلا؟
إياد:نامت
هلا باستغراب:ناااامت؟!!
إياد:اه
هلا:اممم على العموم انا نازلة لما تصحى قلها
اني نزلت
إياد:نازلة فين؟
هلا تبص بتعجب لإياد:وانت مالك؟!
إياد يقرب من هلا ويمسك ايدها بقوة ويقولها:لازم
تاخدي بالك ان تصرفاتك بتتحسب عليا!
هلا بضحكة سخرية:هههههههه ليه بقى؟ وتصرفات ايه
دي؟
إياد:هبلك وجنانك بتاع زمان ياريت تلميه
هلا:دي حاجه تخصني انا بس
وبعدين تسحب هلا ايدها بقوة من إياد وتبرق جامد جوة
عين إياد وتقوله:
اياك تسمح لنفسك تمسك ايدي تاني كده والا هتلاقي
تصرف مش هيعجبك..
**************************
يفوق إياد من حلقة الذكريات اللي سرح فيها ويروح
يكمل شغله
************************
حلا بتكون قاعدة في البيت بتتفرج على التلفزيون
‘ يكون مفتوح على برنامج طبخ ‘ بتاخد ورقة
وقلم وتكتب المواصفات من التلفزيون وبعد ما
البرنامج يخلص تروح على المطبخ وتحط الورقة
قدامها وتبدأ تطلع الأكل اللي هتستخدمه عشان
تعمل نفس الأكل اللي خدته وصفته من التلفزيون..
بتطلع الفراخ وتغسلها وتمسك السكينة وتيجي
تقطعها بس بالغلط تجرح صباعها واول ما بينزل
دم منها بتصرخ جامد وتغمض عينها اووووي ..
فجأة بتحس ان الدنيا داخت بيها ‘ تسمع اصوات
صريخ وعياط جواها زي ما يكون منظر الدم
فكرها بحاجة بتحاول تنساها .. جسمها كله بيترعش
جامد وتفضل تصرخ اووووي..
تفتح عنيها بس تشوف مشاهد قدامها صوت راجل كبير
بيجري ورا ست ويضربها جامد ‘ بعدين
صوت عياط لبنت صغيرة اوي:
والنبي يا بابا خلااااص والله خلااااص والله
خلااااص
صوت الراجل الكبير:هقتلهاااا يعني هقتلهاااا
البنت الصغيرة:لا ياابابااااا لاااااا والله
خلاااااص حرمنااااااااا والله خلااااااص مش هنعمل كده تاني
وفجأة يغمى عليها..
******************************
تصحى حلا تلاقي نفسها في السرير وجمبها إياد ‘
اول ما تشوفه تتخض وتقوم مفزوعة
إياد:مالك يا حبيبتي؟ اهدددي متخافيش
حلا بتوتر شديد:هو ايه اللي حصل؟ اا اانا انا
كنت في المطبخ!
إياد:ايوة يا حبيبتي بس انا رجعت لقيتك واقعة
ومغمى عليكي وصباعك مجروح ‘ وشكلك
مستحملتيش شكل الدم!
حلا بتبص بسرعة على صباعها تلاقيه مجروح وتقول
بتوتر :اا ااه دوخت و و مستحملتش
منظر الدم..
إياد بريبة وشك:من امتى وانتي كده؟
حلا بتحاول تقوم بسرعة من السرير وتغير الموضوع
وتقول:اا انا هقوم اكمل الغدا ‘ معلش
اتأخرت
إياد:لا ارتاحي ‘ انا هطلب ديلفري عشان انتي
تعبانة
تبص حلا باستغراب لإياد وتقول:غريبة؟!
إياد:على؟
حلا:اا انت مبتحبش تاكل من برة
إياد بابتسامة مليانة قلق:منا مينفعش اخليكي
وانتي تعبانة كده تقومي تعملي الأكل برضو!
حلا بتوتر:اا ااه مم ماشي
إياد يفضل باصص بريبة وشك لحلا وهي تكون بتبص
عليه من طرف عنيها بتوتر بعدين
تلف عليه وتقوله:
فيه حاجه؟
إياد:اممم لا
حلا:هتطلب ولا انت طلبت؟
إياد:ا ا ااه هطلب اهو حبيبتي ..
************************************
بعد ساعة يكون الأكل جه وإياد وحلا قاعدين على
الصفرا عمالين بياكلوا ..
إياد بتعجب وهو بياكل:حبيبتي مش ملاحظة حاجة؟
حلا:ايه؟
إياد باستغراب:الأكل مليان شطة!
حلا وهي سرحانة:اه عادي
إياد يوقف أكل فجأة ويبصلها ويقولها:عادي؟!
حلا :مالك؟
إياد:اصلك انتي مكنتيش بتحبي الشطة يا حلا؟؟؟
حلا وهي بتاكل بسرعة ومن غير ما تبص عليه تقوله
:عادي يعني يا إياد
إياد يفضل يبص بكل توتر لحلا فتلف حلا عليه فجأة
وتبحلق جامد جوة عنيه وتقوله:
انت بقى مش ملاحظ انك الايام دي غريب؟!
إياد:انا؟ ازاي؟
حلا:انت واقفلي على كل حاجة يا إياد؟! انتي
مكنتيش كده انتي بقيتي تعملي كذا؟ فيه ايه!!
إياد:بصراحة حاسس اني قاعد مع واحدة غريبة غير
مراتي؟!
حلا:لييه يعني كل ده!! عشان غيرت حاجات فيا!
إياد:انتي تقريبا يا حلا اتغيرتي جذريا!! انتي
زي ما تكوني اتبدلتي وبقيتي واحدة تانية
حلا:انت اللي عايز تشوف كده لكن والله انا عادي
جدا
إياد:طب حبيبتي انا عارف ان ممكن تكوني اعصابك
تعبانة وكده لو تحبي نغير جو
حلا:مش عايزة اسافر يا إياد مش عايزة ! حتى
الشالية بتاعنا اللي في مارينا زهقت منه
إياد:من امتى؟
حلا بعصبية:يووووووووووووووووه !! كل حاجه من
امتى من امتى انا طهقققققت
وتقوم رامية المعلقة في الطبق قدامها بعصبية
وتزق الكرسي جامد وتروح لاوضتها..
*****************************
تدخل حلا الأوضة وتفضل تعيط جامد اووووي ‘ تروح
تقف قدام المراية وتفضل تبص لملامحها
اوووي ‘ تغمض عينها اوووي لما ترجع تسمع نفس
الصرخات تاني..
والله يا بابا حرمنااااا ‘ ماما خلااااص مش
هتعمل كده تاني مش هتخرج تاني
صوت الأب وهو بيضرب مراته بالحزام:كاااام مرررة
اقلك ملكيش خروج برة البيت خالص
الأم وهي بتعيط وبتصرخ:انا مروحتش في حتة والله
‘ انا يادوووب خرجت جبت الخضار
ورجعت..
الأب وهو بيضرب الأم والبنت: انا قلت معنديش
ستات يخرجوا برة البيييت خالص
البنت تحاول تحمي مامتها:حرام عليك يا بابا
والله حراااام عليك
الأب يضرب جامد اكتر ‘ لحد ما الدم ينزل من وش
البنت فتيجي اختها تزقه جامد باباها
وتصرخ في وشه:
احنااااا بنكرررررررهك
لسه هيضربها تفوق حلا من الذكريات دي على صوت
إياد وهو داخل الاوضة مبتسم ليها
وبيقلها:
مش عايز حبيبي يكون زعلان مني.. ايه رأيك تكلمي
هلا تجيلك؟!
تبرق حلا جامد لإياد وتبصله بخوف وتفضل ساكتة في
مكانها وهي في قمة استغرابها..
استنوني الحلقة اللي جاية
...........
