الحلقـــــــة الحاديــــــة عشـــــــر
حلا:مينفعششش!! مينفعش يفكر اني انا وهلا نقلب
الادوار
الدكتور بتعجب:ليه؟
حلا:عشان... ع ع عشان....
تسكت فجأة وتبص ناحية الشباك وتغرق في الذكريات
************************************
حلا بعد فترة وبعد اللي حصل من سقوط حمل ليها ‘
نفسيتها كانت تعبانة شوية .. هلا بتزورها في
البيت كالعادة وبقت بتختار اوقات ميكونش إياد في
البيت عشان متشفهوش كتير ‘ لانهم كل ما
بيتقابلوا بيعملوا مشادات مع بعض..
هلا اول ما بتدخل البيت:انا جعانة اوووي فيه اكل
ايه؟
حلا بهدوء:انتي على طول جعانة كده ‘ انا مش
عاملة غدا هنتغدى برة
هلا:يوووه انا نفسي اكل ‘ اكل بيتي بقى وحشني
الاكل ده ‘ انا طول الوقت باكل من برة
حلا:هلا انتي لحد امتى هتفضلي كده!
هلا باستغراب:ازاي كده يعني؟
حلا:انتي لحد دلوقتي متجوزتيش وكل يوم بحكاية!
هلا بضيق:امم مده كلام الباشا إياد ليكي صح!
حلا:لاااا انا وإياد مبنتكلمش عنك اصلا! بس فعلا
امرك بقى مضايقني ‘ انا عايزة اطمن عليكي
هلا:يووه مش وقته بقى دلوقتي ‘ انا فعلا جعانة ‘
شوفي جوزك هيرضى يخليكي تخرجي من
غيره ولا لا!
حلا:إياد دلوقتي مبقاش يرفضلي طلب من ساعة .....
هلا:غريبة مبقاش خايف عليكي لتوهي
حلا بابتسامة شاحبة:هقوم البس يا ام لسان طويل
يخرجوا الاتنين ويروحوا مطعم ويتغدوا
بعد الغدا هلا:حلا شكلك بقى مش عاجبني خالص
حلا:ليه؟
هلا:بقيتي مطفية كده! مش زي حلا بتاعت زمان؟!
حلا:حاسة اني محتاجة اشوف العالم
هلا:اشتغلي يا حلا !! لازززم تكلميه تاني في
موضوع الشغل ! مش ده كان وعده ليكي؟!
***************************************
بعد ما حلا روّحت وكالعادة كانت قاعدة في الصالة
والدنيا مضلمة حواليها ‘ إياد بيرجع من
الشغل ‘ بيكون مش شايف حلا الي قاعدة في
الضلمة..
حلا بهدوء:متولعش النور انا هنا يا إياد
إياد باستغراب شديد:حلا؟ مالك قاعدة في الضلمة
ليه؟
حلا باستسلام:النور بيتعبني
إياد بعدم فهم:مش فاهم ازاي؟
حلا:بقى بيعريلي كل حاجة حواليا! بيعريني انا
إياد بيقرب بحب من حلا ويقولها بحنية:مالك يا
حلا؟ انتي تعبانة؟
حلا:اوي اووي
إياد:ليه يا حبيبتي؟
حلا:حاسة اني جوة سجن!
إياد:تعالي افسحك
حلا:لا مش عايزة
إياد:امال؟
حلا:عايزة اشتغل يا إياد
إياد بيسكت شوية وبعدين يقول:
بصي حبيبتي انتي محتاجة دلوقتي تقعدي لحد ما
تبقي كويسة تاني خصوصا بعد ما البيبي وقع
وبعدين ابقي ارجعي الشغل..
يمسك إياد حلا ويشيلها بكل حنان ويهمس ليها
ويقولها:
ودلووقتي بقى هقعد انا وانتي سوا وهعملك قعدة
رومانسية ‘ بصي هخليكي تبقي مش عايزة
تشوفي الشارع ولا تشوفي حد غيري..
حلا انصاعت ليه باستسلام وضعف لانها مبقتش قادرة
تقاوم نهائي
**************************************
اليوم التاني حلا صحيت من النوم على تلفونها
اللي مبطلش رن :
حلا:الو
هلا:صباااح الخير يا كسووولة ! كل ده نوووم!
اصحي يلا عشان هنعمل شوبينج
حلا وهي لسه مغمضة:الساعة كام؟
هلا بكل حيوية:8 الصبح!
حلا بتفتح عنيها تلاقي إياد لسه نايم جمبها
فتقول:هنعمل شوبينج 8 الصبح يا هلا!
هلا:ايوووة المحلات كلها هتفتح بعد ساعة كده
واصلا احلى حاجة الشوبينج بتاع الصبح ده
بيبقى رايق كده وحلو.. وانتي عقبال ما تستوعبي
وعقبال ما تصحي وتفووقي كده اكون جيت
ليكي بالعربية..
حلا:طيب هشوف إياد اهو واقله
هلا بضيق:اممم وقوليله انك هتتغدي معايا
حلا بحيرة:هشوف اهو .. يلا سلام
إياد بيقوم اول ما بتقفل التلفون يقول بضيق:ايه
اللي مصحيها بدري كده
حلا:عايزة تعمل شوبينج
إياد بيبص في الساعة:دلوقتي!
حلا:بتقول ان الجو بيكون رايق اكتر وكده ‘
وهنتغدى سوا
إياد بضيق:وانا اتغدى لوحدي يعني!
حلا :ممكن تبقى تيجي ونتغدى سوا
إياد:امممم هبقى اشوف
حلا بعدم اهتمام:اوك انا هقوم بقى
**********************************************
هلا مع حلا في العربية وبتضحك وتقول:برافو عليكي
يا حلا ‘ ايووة كده خليكي تاخدي حريتك
شوية..
حلا :بس صعب عليا والله ‘ إياد طيب جدااا وحنين
اوووي
هلا بتقاطعها:ومعقد اووووووي اووووووي
حلا:احنا كمان على فكرة!
هلا:بس عقدنا جوانا مش طالعة لبرة ولا على
الناس!
حلا:ههه وانتي ايه عرفك بقى! مش يمكن طالعة ومش
حاسين..
هلا:المهم عيد ميلادنا بعد اسبوع واحنا لازم
نشتري فساتين عشان هنعمل عيد ميلاد في المطعم
شيك وهنعزم صحابنا ‘ فلازم نكون شيك..
حلا بخوف:عيد ميلادنا!
هلا:ايوة
حلا:بب بس إياد مش هيوافق
هلا بتحدي وعند:مش على مزاجه اصلا!
***********************************************
إياد على وقت الغدا بيروح ليهم وتكون حلا طلبلته
الاكل اللي بيحبه من المطعم اللي قاعدين فيه
إياد:ازيك يا هلا
هلا:كويسة انت عامل ايه
إياد:الحمد الله
حلا بتردد:حبيبي انا وهلا كنا بنتكلم النهاردة
وكنا عايزين نعمل حفلة لعيد ميلادنا وكده يعني
إياد بضيق:ما انتي عارفة يا حبيبتي ان يوم زي ده
بحب اقضيه لوحدي معاكي
هلا بسخرية:هه انت واخدها العمر كله وبتقضي
معاها ايامك كلها لوحدك! خليها في يوم زي ده
تفك عن نفسها شوية لحسن تتخنق وتفرقع منك..
حلا تكون ساعتها بتشرب واول ما تسمع كلام هلا
تشرق وتفضل تكح كتير..
إياد بيخبط براحة على ضهرها ويقول بابتسامة فيها
سخرية:معلش حبيبتي هو كلام اختك كده!
زي الزلط متعرفيش تبلعيه..
حلا بتوتر وبتحاول تخفف الوضع والتوتر تقول:
حبيبي يعني كتغيير وكده انه نعمل السنادي حفلة
وحتى احتفل مع هلا
إياد يمسك ايد حلا ويبص لهلا كانه بيغيظها ويقول
برقة:موافق حبيبتي عشان عيونك بس
حلا تبتسم ابتسامة شاحبة وتقول:شكرا حبيبي
إياد يبص لهلا بتحدي وهي كمان تبصله بتحدي
وتبتسم ابتسامة سخرية
****************************************
حلا في الاوضة في بيتها بتلبس الفستان اللي جبته
جديد فإياد يبص ليها بضيق ويقول:
ايه ده يا حلا؟
حلا بتعجب:ايه؟ مش حلو؟
إياد:لا حلوو طبعا وشيك جدااا بس بصراحة محبش
تلبسيه الا ليا انا
حلا بخوف وتوتر:بب بس ده انا تعبت عقبال ما
لقيته
بعدين تقول بتلقائية:ده حتى هلا اللي اخترته
بنفسها ليا
إياد بعصبية:هلا هلا هلا هلا هلا هوووو
اييييييييه ده
حلا تخاف وتترعب اوي من عصبية إياد وتبعد خطوات
عنه لانها افتكرت يوم الضرب
إياد بعصبية:الزفتة اختك دي عايزة تخرب
بيتنااااا ‘ هي عاااارفة ومتأكدة اني بغير عليكي ومش
هرضى اخليكي تلبسي فستان زي ده!
حلا تكون واقفة بتترعش من الخوف وتبعد كل شوية
خطوة اكتر
إياد يلاحظ خوف حلا فيمسك عصبيته لانه فهم انها
افتكرت يوم الضرب ‘ يحاول يقرب فحلا تبعد
اكتر..
إياد باندهاش:حلا انتي خايفة مني!!
حلا برعب:اا انت اا انت هتعمل ايه
إياد بحب:متخفيش حبيبتي ‘ مش هضربك متخافيش
حلا تقف مكانها
إياد ياخدها في حضنه اووي ويقولها:والله بحبك
والله بحبك اوووي كمان ‘ اا اانا مش هضربك تاني
ااا انا اصلا مش مم مش عارف ازاي مديت ايدي
عليكي .. متخافيش حبيبتي متخافيش
حلا لما إياد بيحضنها اوي ‘ بتسيب مشاعرها
وتنهار من العياط
إياد:مالك يا حلا بتعيطي ليه بس؟
حلا:انا تعبانة اوي يا إياد تعبانة
إياد برقة يمسح دموع حلا:خلاص متعيطيش ‘ اقلك
انا اا اانا موافق على الفستان اا اانا
موافق حبيبتي ..
**************************************
يوم العيد ميلاد بعد ما الكل روّح حلا كانت
واقفة برة وهلا خرجت من الحمام..
حلا:ايه اللي اخرك كل ده يا هلا
هلا بتبص بشزر على إياد:معلش بقى يا حلولة حد
كده مزعج اخرني!
حلا:طيب حبيبتي يلا عشان تروّحي
هلا:انا عايزة ابات معاكوا ‘ اصل خايفة ابات لوحدي
إياد لف باستغراب على هلا وكان مضايق جدا بس كان
ساكت ومقدرش يقول ولا كلمة..
حلا بفرحة:بجددد يلااا حبيبتي يلااااا
هلا:طيب يلا اركبي معايا وإياد يسبقنا بقى على
البيت
إياد بغضب:امممم ‘ طب ما تيجي انتي معانا احسن
في العربية
هلا:لا خليني يا إياد بعربيتي احسن ‘ روح انت
بقى وانا وحلا هنبقى مع بعض
إياد بغيظ مكتوم:امممم
حلا:اه حبيبي ‘ هركب مع هلا بقى
********************************************
في العربية هلا بتسوق ومشغلة اغاني انجليزي
وعمالة ترقص وتغني
حلا:ايه الملل اللي انتي مشغلاه ده وبعدين البسي
الحزام
هلا:طب اسمعي بقى دي ‘ والحزام ده كفاية انتي
لبساه ‘ انا مبؤمنش بالحجات اللي زي دي
وتشغل اغنية محمد منير في عشق البنات
حلا بتضحك
هلا بتغني مع الاغنية:
قالتلى بريدك يا ولد عمى
تعالى دوق العسل سايل على فمى
على مهلك على ما بحمل الضمى
على مهلك على دة انا حيلة ابوى وامى
نعناع الجنينة المسقى فى حيضانة
شجر الموز طرح ضلل على عيدانة
تعالى دوق العسل سايل على فمى
على مهلك على ما بحمل الضمى
على مهلك على دة انا حيلة ابوى وامى
نعناع الجنينة المسقى فى حيضانة
شجر الموز طرح ضلل على عيدانة
حلا تضحك:
ركزي في السواقة يا مجنونة
هلا بتغني وتضحك وبعدين تبص لحلا وتطلب منها
تهيص معاها
الاتنين بيضحكوا ومش مركزين في الطريق وفجأة
عربية بتطلع عليهم وصوت زمارة جامد
حلا بتصرخ:حاااااااااااااااااااااااسبي
هلا بتحاول تتفادى العربية فبتدخل في حيطة ‘ هلا
بتتنطر من مكانها وتخبط في زجاج العربية
الامامي جامد وحلا عشان كانت رابطة الحزام
بتتخبط في التابلوه بتاع العربية في دماغها
جامد..
حلا بتفوق من الذكريات فجأة عند الدكتور النفسي
بتاع إياد وتقعد تصرخ جامد بانهيار:
هلاااااا مااااتتت هلاااااا ماتتت مااااااتتت
هلااااااا مش موووجودة مش موجووووودة
.......................
استنوني الحلقة اللي جاية
