الحلقـــــــــة العاشـــــــــرة
حلا:
اا .. نـــا حــ اا مــ ل
يقف إياد عن الضرب فجأة والكلمة تهزه وتبدأ صورة
مامته تختفي وتظهر صورة حلا اللي بقت
غرقانة في دمها ومرمية على الأرض..
إياد بذعر وخوف
يصرخ:حلااااااااااااااااااااااااااااااااااااااااااااااا
حلا مغمى عليها ومبتردش خالص
إياد ينزل ياخدها في حضنه ويعيط بانهيار ويقول:
حلاااا قوومي حلااا انااا والله صدقيني مش عارف
ازاي عملت كده! حلااا انا بحبك بحبك قووومي
يطلع تلفونه بسرعه ويتصل بالأسعاف ‘ في نفس
اللحظة موبايل حلا يكون بيرن..
إياد بيبص يلاقي اسم هلا بيبقى خايف بس في نفس
الوقت هو محتاج حد يكون معاه عشان
ينقذوا حلا..
إياد وهو بيعيط وبيرد على تلفون حلا:الو
هلا بخضة:إياد!! مال صوتك
إياد:حــ حــ حلا
هلا برعب:مالهاااا انطقققق
إياد بيعيط:حــ لا غرقانة في فف في دمها
هلا بصريخ:ايييييييييييييه ‘ اناااا جاااية
اناااا جاية ‘ طلبت الاسعاف
إياد:اا اا
اه
هلا تقفل السكة في وشه وتجري تلبس عشان تروح
لحلا..
**************************************
بعد ساعتين حلا تكون في المستشفى وفي اوضة
العمليات وإياد قاعد برة ‘ هلا واقفة رايحة جاية
هلا بعصبية:ايييه اللي حصل؟!!!
إياد بيبص لهلا وساكت
هلا بنرفزة:اقسم بالله لو عرفت ان اختي جوة
بسببك لهيكون اخر يوم ليك! عشان انا شامة مصيبة
سودة عليك وعلى اللي جابتك..
إياد بضيق وعصبية:اا اانتي اصلا ملكيش انك
تتدخلي بب بيني وبين مراتي
هلا وعينها بتطق شرار ولسه هتتكلم يطلع الدكتور
من جوة ..
الدكتور بحزن:للأسف الجنين وقع
إياد بخوف:حلااا حلاا عاملة ايه مش مهم الجنين ‘
المهم حلا
الدكتور:المدام كويسة بس عندها كسر في دراعها
اليمين وكدمات في خدها ‘ بب بس احنا محتاجين
نعمل محضر ‘ واضح كده ان المدام اتعرضت للضرب
المبرح والعنف!!
هلا بدهشة:ايــــــــــه! عنف؟!!!
إياد:لاا هي المدام اتكعبلت على السلم وخدته كله
من فوق لتحت
هلا لسه هتتكلم يروح إياد قايل بسرعة
إياد:عع عاوز اشوفها
الدكتور:ممنوع حاليا ‘ بكرة مسموح ليكم ‘ وعمتن
احنا هنستنى نسمع من المدام نفسها ايه
اللي حصل..
إياد:اا انا هستنى هنا مش هروّح مش مم مش هروح
الدكتور يمشي هلا وعينها وعروقها هيطلعوا براها
بتقول:
انت عملت ايييه في اختي!
إياد بتبريقة:اسكتي خااالص ومتحاوليش تخربي بيت
اختك
هلا وهي بتقرب اوي من إياد وتبرق وتقوله:اوووعى
مخك يخليك تفتكر ان عشان ماما الله يرحمها
ماتت مش هيكون لحلا ضهر! اصحى وفوووووووق! ده
انا وديت ابويا السجن وعزة جلالة
الله لاوديك ورا الشمس..
إياد:شششششش اخررررسي خالص وبلااااش تخررررربي
على اختك
هلا بعصبية:بكرة اول ما تصحى هاخد موافقتها عشان
اطلقها منك يا مجنون
**************************************
اليوم التاني بتيجي هلا ومعاها شيماء بيحاولوا
يدخلوا يلاقوا رجل امن بيمنعهم..
هلا:اييه ده؟! هو فيه ايه
رجل الامن:ممنوع يا فندم
شيماء:انت عبيط يا بني ولا شكلك كده! هو ايه
اللي مممنوع! دي اختها
رجل الامن:ممنوع يا فندم
هلا بزعيق وصوت عالي:ااااه وااااضح كده ان
المستشفى دي فيوزاتها ضاربة وهتتقفل وتتشمع
على ايدي ان شااااء الله!! انت عبييييييط ولا
مجنووووون..
الدكاترة يجروا على صوت هلا العالي ورجل الامن
يقولها:
صوووتك عالي في نص المستشفى حضرتك وده ميصحش
هلا:هو انتت مييييييين عشان تقوووووووولي مدخلش
‘ بقلك اللي جوووة دي اختي! فييييين المدير
هاتووووولي مدير المستشفى دي بسررررعة..
********************************************
خلا جوة الاوضة وإياد جوة.. حلا بارهاق:اا اانت
مانعها ليه؟ مانعها ليه يا إياد
إياد بخوف بيمسك ايد حلا:هـ هه هتاخدك مني
هتخليكي تطلبي الطلاق ‘ انا بحبك اوووي يا حلا
انا مقدرررش اعيش من غيرك ‘ صدقيني اناااا انا
غصبن عني والله ! اا اانا مكنتش شايفك
انتي وانا بضربك
حلا بتعب:دخلها يا إياد
إياد بخوف ورعب:لالالالا هت هتتاخدك هتاخدك مني
صوت هلا من برة:فيييييييين الززززززززززززززفت
المدييييييييييييير
حلا بتعب :دخلها بقى دخلها حرام عليييك
دخلهاااااااا ارجوووك ارجووووك ارجوووك دخلها
إياد برعب:هه هتاخدك مني ‘ انا خااايف
حلا بعياط:مش مم مش هخليها تاخدني بس دخلها
دخلها ابوووس ايدك لو بتحبني
إياد بابتسامة ساذجة:بجد بجددد يا حلا؟ حلااا
انا بعشقك والله بعشقك والله ما كان قصدي ولا كنت
اعرف!
حلا بتعب وانهيار:دخلهااااااااا بقى حرااااااام
عليك حرام عليك
إياد يحضنها ويطبطب عليها بحنية اوي ويقول:حاضر
حاضر اهدي حبيبتي ‘ اهدي
يخرج إياد ويقول لرجل الامن:خلاص دخلهم
هلا تزق رجل الامن ووراها شيماء وتزق إياد وتجري
على حلا وتلاقي كدمات زرقا عند خدها
وايدها متجبسة وشكلها مرهق جدا..
هلا تعيط وتجري تاخد حلا في حضنها :حبيبتي
حبيبتي يا حلااا
شيماء تكون واقفة مصدومة من منظر حلا وتبص بشزر
لإياد وخوف في نفس الوقت..
هلا تمسح دموعها بسرعة:يلا يا حلا يلااا حبيبتي
‘قومي البسي قوومي البسي يلا هنمشي من
المستشفى القذرة دي ‘ عشان البيه دفعلهم اد كده
‘ قومي هخدك على مستشفى تانية وهنعمل
بلاغ..
إياد بخوف:لااااا حلاااا معااايا
هلا:انت تخرررس خالص
إياد يمسك ايد حلا ويعيط ويبوس ايدها
ويقولها:متسبنييش يا حلااا ‘ انا محتاااجك
هلا بعصبية:اخررررس بقى
إياد:حلااا انا بحبك والله والله مش هعمل كده
تاني ‘ اقلك لو شايفاني عيان ومجنون هتعالج هتعالج
صدقيني ‘ اقلك مش انتي حبيبتي كنتي نفسك تشتغلي
‘ هخليكي .. بصي اعملي اللي انتي عايزاه
بس متسبنيييش..
هلا باصرار:يلااااااا يا حلا يلااااا حبيبتي
إياد:هتعااالج يا حلا هتعااالج عشانك ‘ اقلك
انتي اللي هتوديني بنفسك الدكتور
حلا بتعيط اوووي
شيماء:هلا ‘ استني شوية عشان حلا شكلها تعبان
هلا بزعيق:مش هستنى لحظة وااااحدة!!! مش هخليها
مع المتخلف ده
حلا بانهيار:انا تعباااانة والله تعباااانة
هلا:حبيبتي قوومي يلا معايا وانا هريحك
حلا بانهيار:هتعملي زي ما عملتي مع بابا؟!!!
هلا:امااال عايزة تعملي ايه؟!! هتسكتي على
مجنوووون زي ده!
إياد بعصبية:انتي ملكيييش دعوووة بينا ‘ انتي
اصلا اللي مجنونة وعايزة تخربي ما بين اي راجل
وست ‘ انتي نفسك تشوفي كل البيت خرباااانة !
انتي معقدة..
حلا بزعيق:إياااااااد اسكتتتتت بقى اسكتتتتت
هلا برجاء:يلااا يا حلا يلاااا عشان تنقذي نفسك
حلا بعياط:مش قادرة ‘ انا بحبه
هلا بسخرية:بتحبي مجننووووون! ده هيموووتك
ويقووول مكنتش اقصد
حلا:انا وإياد اتفقنا انه هيروح لدكتور نفسي
ويتعالج وهكون سند ليه
هلا بصدمة:يعني هتقبلي انك تكوني معاه!!!
حلا وعينها تحت:ايوة
هلا باندهاش:انتي شفتي شكلك في المراية!!
حلا:مش هيفرق شكلي
هلا بعصبية:امااااال ايه اللي هيفرررق!
حلا بعياط:إياد مش زي بابا يا هلا إيااااد مش زي
بابا
هلا:ده انيل!! انتي اكيد حابة تكوووني كده
ضحية!! صح؟! انتي عاجبك دور انك تحبي جلادك؟!
حلا بتعب:حرااام عليكي يا هلا ‘ انا فيا اللي
مكفيني حرام والله
هلا:انا بحاااول انقذذذذذذذك وانتي غبيييييية
شيماء بعد حيرة:هلا طيب ممكن تأجلي الموضوع شوية
‘ تكون حلا روقت وهديت وعرفت هي
هتتصرف ازاي..
إياد:اا اانا اتفقت معاها اا انا هروح هروح
الدكتور وهتعالج صح حبيبتي؟ صح؟
حلا ساكتة وبعدين تتغطى وتديهم ضهرهم كلهم وتغمض
عينها وتحاول تنام
*********************************
تصحى حلا تلاقي إياد قاعد جمبها وماسك ايدها
وعمال يتأملها
حلا بتتفزع وتتخض..
إياد:متخافيش حبيبتي متخافيش
حلا تبص يمين وشمال وتقول برعب:فف ففين هلا
وشيماء ‘ ففينهم؟
إياد:متخافيش في الكافتيريا
حلا بقلق:عع عايزاهم ‘ اتصل بيهم اتصل
إياد بكسرة:هه هو انتي خايفة مني للدرجادي؟
حلا:عع عايزة هلا
إياد:حاضر حبيبتي حاضر
**************************************
بعد شهر حلا تكون قاعدة في الفيلا وسرحانة ‘
يدخل إياد ..
حلا:اتاخرت ليه؟
إياد:عديت حبيبتي على الدكتور ‘ ما اانا كان
عندي جلسة معاه النهاردة
حلا بشك:مم مش انا قلتلك يا إياد عايزة ابقى
معاك
إياد:منا حبيبتي مش عاوز اتعبك معايا
حلا باصرار:المرة الجاية انا هاجي معاك!
إياد بقلق:حح حاضر
**************************************
تصحى حلا وتقعد على السرير تستوعب انها قدرت
تعدي كل الايام المرة دي مع إياد وانها
استحملت فوق طاقتها من شك إياد ليها واللي كانت
متأكدة انه غصبن عنه ..
حلا بتتصل برقم واول ما يرد:
الو ‘ استنيني زي ما اتفقنا عشان نروح للدكتور
بتاع إياد
.....
حلا:مسافة السكة هقوله الاول اني خارجة كاني
بعمل شوبينج عشان ميشكش
.....
حلا:لالا مش عايزينه يعرف اني رايحة للدكتور
بتاعه من وراه
.....
حلا:لالالا متخافيش ما احنا عارفين انه قطع
زيارة ليه ومبقاش يروح هناك من زمان..
.....
حلا:خلاص ماشي ‘ انا فعلا محتاجه اروح انا كمان
لاني تعبت اووووي ومبقتش قادرة استحمل
‘ انا حاسة اني بقيت انا كمان مريضة!!
.....
حلا:طيب يلا مسافة السكة..
****************************************
في عيادة شيك حلا قاعدة وجمبها واحدة في اوضة
الدكتور..
الدكتور:استاذ إياد كان بيجيلي فترة فعلا وكنت
بصراحة بحسه مش متجاوب ‘ كنت بحس انه
بيجي عشان يثبت لحضرتك يا مدام حلا انه سليم ومش
عيان .. لاني لما كنت بحب اخد منه
حجات عن ماضيه كان بيلاوعني ..
حلا بتقاطع الدكتور:طب لييييه؟
الدكتور:المريض النفسي يا مدام حلا استحالة
يقتنع انه مريض!! بالعكس دايما بيرفض الفكرة
ويحس انه طبيعي !! اصلا لو حس انه عيان دي بتبقى
بداية علاجه واستاذ إياد كان بصراحة
بيكلمني عنك اكتر ما بيكلمني عنه! وكان دايما مُصر يوصلي فكرة انك انتي التعبانة
وانك
انتي اللي محتاجة تتعالجي..
اللي جمب حلا بعصبية:ده هو اللي مجنوووون!!
الدكتور:انا فاهم حضرتك ‘بس اللي مدام حلا
حكتهولي النهاردة يدل ان الاستاذ إياد عنده مرض
نفسي خطييير ونادر في نفس الوقت!!
حلا بعدم فهم:معلش حضرتك ممكن توضح يا دكتور؟
الدكتور:استاذ إياد عنده مرض اسمه
"كابجراس" المرض ده عبارة عن توهم يعني حاجه شبه الوهم
لما بيجي للمريض بيتهيأله ان الشخص القريب منه
اتغير واتبدل مع حد تاني وبما ان حضرتك
واختك التؤام شبه بعض فهو فاكر دلوقتي ان اختك
هي اللي مكانك وان انتي مش عايشة معاه
لمجرد ان تصرفاتك اختلفت معاه شوية! وهيكون فاكر
كمان ان انتي اللي هو بالنسباله اختك
التؤام هتحاول تأذيه كمان!
حلا بصدمة:هو اصلا ازاي يفكر كده!
الدكتور:مريض نفسي
حلا:مينفعششش!! مينفعش يفكر اني انا وهلا نقلب
الادوار
الدكتور بتعجب:ليه؟
حلا:عشان.....
استنوني الحلقة اللي جاية
...........
