الحلقـــــة الرابعة
حلا بشك:موبايلي بتعمل بيه ايه؟
إياد:من امتى موبايلك عليه رقم سري؟
حلا:ممكن نروّح ونتناقش في بيتنا!!
إياد:من امتى موبايلك عليه رقم سري؟!
حلا وهي بتجز على سنانها:ممكن نروّح ولينا بيت
نتفاهم فيه ‘ الناس حوالينا ومنظرنا مش هيبقى
لطيف..
إياد يبص ليها شوية وبعدين يطلب الحساب ويدفعه
ويمشوا هما الاتنين واول ما تدخل حلا العربية
تزعق وتقول:
انت ازاااااي تعمل كده قداااام النااااس!! انت
اكييييد اتججنت!!
إياد يبص بشك ليها:ومن امتى بقى حضرتك بيبقى
ليكي رقم سري على الموبايل؟
حلا بصت جامد جوة عين إياد وبتبريقة قالت: من
النهاردة يا إياد! وموبايلي ميتمسكش تاني
ولااااااا تسمح لنفسك او تفكررر في لحظة واحدة
انك تفتش فيه مفهووووووم؟
إياد يشغل العربية ويسوق بكل عصبية ‘ حلا كانت
هتموت من الرعب والقلق بس مش قادرة
تتكلم ‘ إياد بيزوود في السرعة وحلا بردو
مبتتكلمش..
إياد:اناااا جووووزك يبقى من حقي اعرف كل حاجه
انتي بتعمليها
حلا بدموع:وانا زهقت من الحياة دي إياد وبصراحة
معنديش استعداد اسكت على الوضع ده
اكتر من كده!
إياد يفرمل العربية جامد ويبص بخوف لحلا
ويقول:يعني ايه؟؟!
حلا:يعني من هنا ورايح مش هسمحلك تشك فيا تاني
إياد بيتلعثم ويقول:اا انــ اا انا مم مقصدش يا
حلا اني اشك فيكي بس ‘ انتي عارفة انتي عارفة يا
حلا صح؟ انتي عارفة؟؟
حلا بتغمض عينها وتقول:انا تعبت من كتر ما انا
عارفة! صدقني مش قادرة اجي على نفسي
اكتر من كده.. من هنا ورايح لازم تتعامل مع شكك
لوحدك! انا مش هخضع تاني للقرف ده..
***************************
بعد ما يوصلوا للبيت تجري حلا على الأوضة وتفضل
تعيط شوية وبعدين تتكلم في التلفون بهمس
حلا:ما انا كمان تعبت اوووي اوووي! وبجد مبقتش
عارفة اعمل ايه!
......
حلا:انتي عارفة ايه اللي مخليني مستحملة كل
القرف اللي حطيت نفسي فيه ده!
.....
حلا:ماشي ربنا يسهل ‘ هبقى اطمنك .. لا لا لا
متقلقيش هبقى اطمنك ما انا لازم اطمنك!
فجأة يدخل إياد فترتبك حلا وتقول بارتباك
شديد:طط طيب يا يي يا شيماء هبقى اكلمك مرة تانية
يلا سلام..
إياد باستغراب:بتكلمي مين؟
حلا:مسمعتش؟
إياد بتعجب:شيماء!!
حلا بتوتر:ااه شيماء!! فيها ايه دي؟!
إياد بتكشيرة:مفيش بس مستغرب لأن كان بقالك فترة
مكلمتهاش!
حلا:اووووف بقى
ولسه هتقوم فيمسك إياد ايدها بحنية ويقول:
رايحة فين؟
حلا تمسك دماغها وتقول:مصدعة وزهقانة وطهقانة
هنزل تحت! عايزة ابقى لوحدي لو سمحت
إياد يبص بضعف جوة عيون حلا ويقولها:
ماشي هسيبك شوية لوحدك..
حلا قلبها يرق شوية وتقول بهدوء: شكرا
************************************
تنزل حلا تحت في الجنينة تتمشى لحد البحر اللي
الفيلا قدامه تقف تشوف الامواج وهي بتتلاطم في
بعضها البعض ‘ ترجع بزاكريتها لورا ..
حلا قاعدة في البيت مع هلا وفجأة باباهم يرجع من
برة ويزعق:
انا جيييت
حلا تخاف اووي وتوتر :جه جه جه
هلا بغضب:ما يجي ولا عنه ما جه ‘ متخافيش
حلا:انا خايفة لو عرف ان احنا نزلنا ماما تتمشى
هيضربها تاني
هلا:خليه يفكر بس يمد ايده عليها وانا هوريه
حلا:لا والنبي يا هلا والنبي بلاش تتخانقي معاه
‘ ماما كانت هتمووت اخر مرة في ايده لما حاولت
تحوشك منه..
هلا:انتي عارفة اللي مخليه يتفرعن كده علينا
ايه؟!
حلا باهتمام:اييه؟
هلا:ان انتي ومامتك مغفلييين!! ما نرفع عليه
قضية ونخلص بقى
حلا باندهاش:انتي ازاي بتتكلمي كده عن باباكي؟
هلا بسخرية:هأ بابا مين؟ الراجل المقرف اللي برة ده ميعنليش بشيء
فجأة يدخل الأب عليهم:
قومي يا زفتة منك ليها حضريلي لقمة
هلا بعصبية:هو انت فاكر انك خلفت جواري ولا
حيوانات!
الأب وعينه مليانة شرار:انتي بتكلمي مين يا بنت
انتي بالأسلوب ده؟
هلا:ايوووة بكلمك انت ! اخرك بقى ورهوني؟.
حلا تمسك في هلا بخوف وتهمس ليها في
ودانها:ابوووس ايدك بطلي بقى
تيجي الأم بسرعة من اوضتها:
فيه ايه؟
الأب يمسك ايدها بقوة ويلويها ورا ضهرها ويقولها
بزعيق: فيه ايه!!!
مش عارفة فيه اييييه! تربيتك الزباااالة دي
الام بتتوجع لكن بتفضل ساكتة فتنط هلا على
باباها وتفضل تخربش فيه في وشه وتزعق وتقوله:
سيبهاااا ملكش دعوة بيها ! التربية الزبالة دي
نتيجة افعالك المقرررفة! انا مش فاهمة انت بقيت أب
على ايه..
حلا تعيط :بس بقى يا هلااا
هلا تبص لمامتها بغضب:انتي ازاي تخلي راجل زي ده
يبقى ابونا! حرام عليكي يا شيخة
حلا تعيط جامد اوي وتقف في النص بين هلا وابوها
اللي كان هيمد ايده عليها..
حلا:حرام عليكي يا هلا بقى كفاااية كفاية
يبتدي الأب يضرب في الأم وفي حلا لانها واقفة
بينه وبين هلا ..
حلا وشها يورم وهلا تحاول تضرب باباها ‘ والأب
غضبه يعميه تماما ويفضل يضرب بكل قوة
وبطيش ومن غير ما يشوف هو عمال يضرب مين ..
حلا فجأة من التعب ومن كتر الدم بيغمى عليها..
الام بتصوت:حلااااااا حلااااااااا ‘ هتمووووتلي
بناااااااتي حسبي الله ونعم الوكييييل فيك
هلا بتجري على المطبخ بسرعة وتجيب سكينة وتصرخ
في وش الاب وتقوله:
قسما بالله لو مخرجتش برة البيت لاجيب بالسكينة
دي بطنك نصين وانت عارفني مجنونة!
الأب:بترفعي السلاح عليااا يا بنت الـ.........
الام تمسك في هلا:يالهووووووووي ‘ يا نااااااااس
بنااااااتي يا نااااااس
هلا تشوح بالسكينة في وش الأب وتزعق
جامد:اخررررررررررج برررررررة..
يخاف الأب وياخد بعضه ويجري برة الشقة ‘ ساعتها
هلا ترمي السكينة وتقول لمامتها:
شيلي حلا معايا يا ماما بسرعة ..
الام بهستيريا:هنعرف نوديها في الوقت ده
هلا:انا هسوق بيكم يلاااا بسرررررعة
************************************
بعد نص ساعة تفوق حلا تلاقي نفسها في المستشفى
وجمبها مامتها وهلا..
حلا بخوف:حصل ايه؟ حصل ايه؟
هلا:حلااا اسمعيني ‘ دي فرصتنااا يا حلااا هااا
فرصتنا ومش لازم نضيعها
حلا بخوف وخضة:فيه ايه؟ فيه ايه؟
هلا:انا طلبت تقرير من المستشفى باللي حصلك
وقلتلهم يبلغوا البوليس انك تم الاعتداء عليكي
بالضرب ‘ هنبلغ عنه يا حلا سامعااااني!!
حلا تبص بخوف لمامتها وتلاقي مامتها بتعيط ..
حلا:ماما احنا هنعمل كده
هلا تبص جوة عين حلا وتقولها:بصيييلي انا يا
حلاااا ‘ هنعمل كده عشان احنا عيشنا حياة سودة
ومقرفة معاااه !!
حلا:بس لو طلع منها هيسود عيشتنا
هلا:لو طلع منها احنا اصلا مش هنرجع نعيش معاه !
تبص هلا جوة عين حلا وتأكد:هتبغلي يا حلااا
مفهووووووم مفهوووم يا حبيبتي ‘ كفاية كده بقى !
عايزة ماما ولا انتي تموتي في ايده؟
حلا تهز راسها بالنفي والخوف:لااالالااالالاا
هلا تهز راسها بالايجاب وتحضن حلا:يبقى هنبلغ
عنه حبيبتي
**************************
بعد يومين حلا داخلة كليتها ولابسة نضارة شمسية
ومعاها هلا ‘ بيقابلوا شيماء..
هلا:شيمو مش هوصيكي بقى عليها ‘ متسبهاش لوحدها
حلا:هلا بطلي الأفورة بتاعتك دي
شيماء:متخفيش حبيبتي ‘ روحي انتي بس كليتك عشان
متتأخريش وانا هفرفشهالك
هلا:ماشي يلا سلام انا بقى هدخل المحاضرة دي
وارجعلكم فورا
تجري هلا وبضهرها وتكون باصة ليهم ومش واخده
بالها ولما تلف تخبط في إياد اللي كان
ماشي..
هلا:ايه يا اخ انت مش تحاسب
إياد باقتضاب:حضرتك اللي ماشية بقفاكي تقريبا ‘
ابقي بصي قدامك
هلا بدلع:والله ههههه حاضر هبقى اخلي بالي المرة
الجاية ‘ بس انت متكشرش اوي كده
إياد يبص لهلا من تحت لفوق ويسيبها ويمشي..
إياد يقعد بعيد فيلاقي شيماء قاعدة مع حلا ‘ بس
طبعا هو مش عارف يفرق ما بينهم..
شيماء لحلا:حبيبتي هروح الكافتيريا اجبلنا حاجه
نشربها تحبي تشربي ايه؟
حلا:لا مش عايزة يا شيمو اقعدي
شيماء:قووولي يلا هتشربي ايه ‘ بدل ما اجبلك على
مزاجي
حلا:عايزة مية
شيماء:مية!! اممم ماشي
شيماء تروح الكافتيريا وتقعد حلا لوحدها وتبدأ
تحس انها دايخة اوي ‘ تحاول تقف عشان تروح
لشيماء بس تقف مش متوازنة وبعدين تغمض عينها
وجسمها ميكونش متوازن ‘ في نفس اللحظة
يكون إياد واقف وبيبص عليها ويكون محتار يروح
ولا ملهوش دعوة ‘ بس لما يلاقيها قربت تقع
ومحدش واخد باله منها قلبه يرق ويجري يلحقها..
تقع حلا في حضنه وياخدها إياد وينزل بيها براحة
على الأرض في نفس اللحظة اللي تكون
شيماء راجعة من الكافتيريا..
شيماء اول ما تشوف حلا واقعة على الأرض و إياد
جمبها تصرخ وتجري:
حلاااااااااااا
إياد:اهدي ‘ هاتي المية بسرعة
شيماء:انت بتفهم في الاسعافات
إياد بانفعال:ايوة هاتي المية بسرعة
ياخد حبة مية ويرشها على وشها براحة بس حلا
متستجبش ‘ يبدأ إياد بايده يدعك بطريقة مستديرة
ناحية رقبتها من ورا ودانها ويرفع راس حلا لفوق
شوية عشان الدم يوصله وتبدأ تستجيب حلا
وتفوق..
اول ما تفوق يقوم إياد ويمشي من غير ولا كلمة..
تبص شيماء باستغراب ليه وبعدها تقول حلا وهي مرهقة:هه
هو اا هو انا حصلي ايه
شيماء:متخافيش حبيبتي شكل جالك هبوط
تفتح شيماء الاكل لحلا عشان تاكل
اسامة بيجري عليهم:ايه اللي حصل؟
شيماء:مفيش حلا اغمى عليها وصاحبك المريب ده هو
اللي انقذها ! بس مشي اول ما فاقت من
غير ولا كلمة..
اسامة يبتسم:ههههه ده كويس انه انقذها اصلا
حلا:تفتكروا اشكروا ولا اعمل ايه؟
شيماء:تفتكر ايه يا اسامة؟
اسامة وهو بيهرش في دماغه وحيران:امممم مع إياد
الله اعلم الاستجابة هتكون ازاي
حلا:انا هروح اشكره وخلاص ويبقى عملت اللي عليا
اسامة:الله معك..
*****************************
حلا تروح ناحية إياد اللي بيكون قاعد في مكان
كده وبيرسم المشروع اللي عليه ..
حلا:انا كنت جاية اشكر حضرتك
إياد من غير ما يبص عليها وباقتضاب:اوك
حلا تقف محرجة جدا ومش عارفة تقول ايه
حلا:شكرا
إياد:عفوا
لسه هتمشي يجي واحد ويقول:ايه ده إياد بجلالة
قدره واقف مع بنت ! هههههه حلوة النكتة دي
إياد ميردش فيكمل الولد ويقول:طب ما انت يا برنس
حلو اهو ومش معقد
إياد وشه يحمر اوووي والقلم الرصاص اللي في ايده
يتكسر من كتر العصبية
الولد:اهدى يا نمس
ويقوم ماشي
حلا بتوتر:اا انا ا اانا اسفة اانا مكنتش حابة
احرجك
إياد يلف عليها ويقول بعصبية:امششششششي
حلا بخوف شديد:انا فعلا مكنتش حابة احرجك والله
‘ انا بس جيت اعتذر
إياد يقرب من حلا ويزقها جامد ويصرخ في
وشها:امشششششششششششششششششي
تقع حلا على الأرض من الزقة ويجري اسامة وشيماء
اللي كانوا واقفين بعيد..
اسامة:اييييه يا إياد اهدى
إياد يبص جامد لحلا وشيماء ويقول:انتم صنف
ملعووووون ملكوش امان! فاوعوا تحاولوا
تقربوا مني!
تكون هلا شافت المنظر من بعيد وجت جري عليهم
وتقوله:
......................
استنوني الحلقة اللي جاية
