الحلقـــــــة الخامســـــــة
إياد يبص جامد لحلا وشيماء ويقول:انتم صنف ملعووووون
ملكوش امان! فاوعوا تحاولوا
تقربوا مني!
تكون هلا شافت المنظر من بعيد وجت جري عليهم
وتقوله:
اسمع يا بمشمهندس انت ‘ عندك عقد من الستات
وواحدة كرفتك قبل كده ميطلعش على الناس!
واياك تكون فاكر ان الناس هيستحملوا ماضيك
المعقد!
إياد بعصبية:
انتي اصلااا اخر واحدة تتكلمي
هلا بغضب وتبريقة:
انت فاكر نفسك مين انت ‘ عشان تقولي اتكلم ولا
لا!
اسامة يتدخل بسرعة:
معلش يا هلا خلاص بقى ‘ هو إياد ميقصدش ‘ معلش
يا حلا معلش يا جماعة
حلا بخوف:
هلا يلا بينا يا هلا ‘ انا كنت عايزة اعتذر
واشكر بس واضح ان هو مكنش حابب د ه وانا فهمت
متأخر ‘ معلش انا اسفة..
هلا بعصبية:
هو اييييه اللي اسفة!!! لا هو لو فاكر الستات
زبالة فالرجالة ازبل! واحنا شفنا من الزبالة دي
انواع بس مبنطلعش القرف اللي احنا فيه على خلق
الله!!
حلا تحط ايدها على بق هلا:
بسسسس بقى اسسسسكتي هتفضحينا
هلا بعصبية اكتر:
ماهو مش في البيت وفي الكلية كمان! ده عيشة تقرف
الكلب
حلا بعصبية وايدها على بق هلا اللي بتبعد عن
ايدها:
بسسسس بقى كفاااية كفاااااية ‘ انتي اتجننتي ولا
ايييييه
هلا لإياد بتبريقة جامد:
اووووعى تكلم اختي كده تاني
اسامة:شيمااااء ابعديها بقى عن هنا
شيماء وحلا يسحبوا هلا لبعيد
حلا لهلا:اييه اللي انتي عملتيه ده!
هلا:لا اصله شااايف نفسه اوووي!
حلا بعياط:انتي فضحتينا يا هلا فضحتينا
هلا:حلااااااااا متعصبنييييش انتي كمان!! انتي
كنتي عايزاني اعمل اييه لما اشوفه بيزقك وبيوقعك
على الأرض!! معقد وعديناها انما عقده ما تطلعش
على اللي حواليه..
حلا بندم:انا اللي غلطانة اني روحت وفكرت اعتذر
اصلاا!! ما كنت اسيبه من غير اعتذار
انا بس قلت اعمل الذوق..
شيماء:خلاص بقى يا جماعة حصل خير..
*********************************************
بعد ثواني يجي اسامة ليهم ويقولهم..
اسامة:حلا هو مكنش قصده معلش
حلا هزت راسها وقالت:خلاص مش مشكلة
اسامة يبص على اياد وبعدين لحلا
ويقولها:بيعتذرلك
حلا باندهاش:بيعتذرلي انا؟
اسامة:ااه بيقول انه غصبن عنه ‘ بس هو مبيحبش اي
بنت تقربله وكده
حلا بخوف:لالالا انا مش هقربله تاني خلاص
هلا:اللي زيه المفروض يروح مستشفى المجانين!
احنا ناقصين بلاوي تتحدف علينا
حلا:متعرفيش برضو يا هلا هو شاف ايه في حياته
هلا بنرفزة:ويعني احنا مشوفناش!!
حلا تبص بخجل لاسامة..
اسامة:تعالي يا هلا معايا هعزمك على عصير تروقي
بيه اعصابك
هلا بابتسامة:ماشي ‘ يلا بينا
يمشي اسامة وهلا مع بعض ويكون إياد قاعد كل شوية
يبص عليهم من بعيد..
شيماء:مش ملاحظة حاجه يا حلا؟
حلا:ايه؟
شيماء:الواد اسامة شكله ميال لهلا
حلا:مممم ربنا يستر
شيماء باستغراب:ليه؟
حلا:هلا يا شيماء ممكن يكون باين عليها انها
قوية وقادرة بس هي تعبانة جدااا بسبب اللي بابا
عمله فينا ‘ وده منعكس عليها بطريقة تانية ووحشة
اووووي!
شيماء:ازاي؟
حلا:بلاحظ انها بتحب تخلي الولاد والشباب يغرموا
بيها وبعدين بتديهم الطناش ‘ بتحب تحس
ان كل الرجالة بتجري وراها ‘ فهماني؟
شيماء:اه ‘ وتفتكري هي كده مع اسامة؟
حلا بتمسك دماغها:اففف معرفش بقى
شيماء:ربنا يستر
*******************************
بعد ساعات بتخرج حلا من محاضرتها تلاقي إياد
واقف ‘ اول ما بتشوفه بتلف وشها
وتمشي بسرعة وكأنها مشفتهوش..
إياد:لو سمحتي ‘ لو سمحتي
حلا تلف باندهاش عليه:انت بتناديني؟
إياد:اه
حلا بخوف:خير؟
إياد:اا انا ... انا بجد مش عارف ازاي كده
حلا بعدم فهم:هو ايه ده؟
إياد:اناا مش عارف انا .... اا اتصرفت كده ليه
معاكي ‘ بس انا غصبن عني ‘ اا اانا مش وحش
حلا بتبص جوة عينه وتحس انه صعبان عليها وتقول:
مم ماشي .. عن اذنك
إياد:استني
حلا تقف وقلبها يدق من الخوف:ايه؟
إياد:اا انا فيه جملة سمعتها من اختك وقفتني
حلا بضيق:انسى اي كلمة اختي قالتها واعتبر اللي
حصل محصلش ‘ وامسحه من ذاكرتك
عن اذنك..
تمشي حلا بسرعة وتروح تقف عند حتة وتفتكر اللي
هلا قالته في الخناقة
" ماهو مش في البيت وفي الكلية كمان! ده
عيشة تقرف الكلب"
وتعيط وتقول بصوت عالي:حرام عليكي يا هلا
فضحتينا
وفجأة تلاقي عين من بعيد بتبص عليها فتقوم بسرعة
من مكانها وتجري لبعيد..
*****************************
بعد اسبوع حلا كانت طالعة من محاضرتها وكانت
ماشية عشان تروح تقابل شيماء واسامة وهلا
في الكافتيريا وفجأة سمعت صوت عياط ‘ استغربت ..
بصت يمين وشمال وحواليها ملقتش حد
بس كانت لسه سامعة صوت عياط .. بعدين بتبص لقت
سلم ‘ مشيت براحة ولقت إياد ورا السلم
واقف بيعيط..
كانت هتمشي وبعدين قلبها رق عليه..
حلا لنفسها:وبعديين بقى اروحله ولا مروحش!؟
لاااا عشان تلاقيه زقك تاني ‘ احنا ملناش دعوة بيه
بس ده بيعيط! انا اول مرة اشوف راجل بيعيط؟!
للدرجادي حياته صعبة؟؟ يووووه بقى انا مليش
دعوة..
تمشي حلا خطوتين وبعدين تقول لنفسها:انا هروح
واللي يحصل يحصل ‘ هقله كلمتين واطلع اجري
وفعلا تقرب حلا بشويش من إياد اللي يكون قاعد
تحت السلم ومش حاسس بيها وتطبطب براحة
على ضهره وتقوله برقة:
متزعلش ‘ اكيد ربنا هيعوضك عن اي حاجة مضايقاك
وتطلع تمشي قبل ما تسمع منه اي كلمة ‘ يرفع إياد
راسه فيلاقيها حلا ويفهم انها مشيت بسرعة من
خوفها ليزعق ليها.. يمسح دموعه بسرعة ويمشي..
*********************************
بعد يومين تكون حلا واقفة مع شيماء في نص الكلية
وكل شوية عمالة تبص يمين وشمال..
شيماء بتعجب:مالك يا حلا؟
حلا:ها؟ مالي!!
شيماء:مش عارفة مش على بعضك؟ عمالة عينك هنا
وهنا
حلا:مين انا!!
شيماء بسخرية:لا اسامة اللي جاي هناك هو واختك
حلا تبص عليهم ‘ تلاقي هلا بتضحك بصوت عالي
وبدلع مع اسامة:
هههههههههه لالالا متقووولش هههههههه
وتهزر بالايد..
حلا بعصبية:هلااااا تعالي عايزاكي ثواني
هلا باستغراب:ايه مالك؟
حلا:ايه اللي انا شايفاه ده؟
هلا:ايه شايفة ايه؟
حلا:هزارك اوفر اووي
هلا:يووووه بقلك ايييه ‘ مش طالبة خانقة ابوس
ايدك
حلا:خانقة!! لا يا هلا ‘ انتي اسلوبك مستفز اووي
وبعدين انتي ايه حكايتك مع اسامة؟؟
هلا:ماله سي اسامة هو كمان؟
حلا:انتي معجبة بيه؟
هلا بغرور:مين اناااا! لا طبعا
حلا:اومال؟ ايه رايحة معاه ودايما هو عندك في
الكلية او انتي عندنا؟؟
هلا:يمكن هو معجب ‘ انما انا لا
حلا:يبقى لازم توضحيله ده عشان ميتعلقش بيكي!
هلا:وانا مالي ‘ هو انا اللي ضربته يعجب بيا!
انا مقلتلهوش اني بحبه ..
حلا:طريقتك معاه توضحله ده..
هلا بغضب:يووووه ‘ بقلك ايييييه متحسسنييش اننا
لسه عايشين جوة سجن وخنقة! احنا ما صدقنا
خلصنا من ابوكي وقرفه وغار في ستييين داهية!
هتيجي انتي وتخنقي عليا كمان ‘ انا رايحة كليتي
ولما تخلصي روّحي انتي وملكيش دعوة بيا..
حلا:استني يا هلا اسسسستني
هلا تمشي ومتسمعش الكلام ..
***********************************
ترجع حلا لاسامة
وشيماء اللي يكونوا مستغربين ويقولوا:
في ايه؟
حلا باحراج:لا عادي ‘ شديت معاها عادي
اسامة:امممم ‘ طيب هي راحت فين كده؟
حلا بضيق:عادي يا اسامة راحت لكليتها
اسامة:اممم
حلا بتردد:هو إياد فين؟
اسامة باندهاش:إياااد!! صاحبي؟
حلا:اه؟
اسامة:معرفش
حلا:هو مش صاحبك؟
اسامة:صاحبي ‘ بس بقاله فترة مختفي بصراحة وانا
مجاش في بالي اسئل! بس اشمعنا؟؟
حلا:ها ‘ لا اصله بقاله فترة فعلا مختفي وانا
مستغربة خصوصا يعني خصوصا انك قلت انه
دحيح وو.. و واحد دحيح ميغبش كده..
اسامة:فعلا! تصدقي قلقتيني عليه ‘ انا مش عارف
ايه اللي شغلني عنه كده
شيماء:اللي راحوا تجارة بقى
اسامة يبتسم
حلا بضيق:قصدك ايه يا شيماء؟!
اسامة:مالك يا حلا؟ انا ليه حاسك خنيقة اوي كده
حلا:خنيقة!!
اسامة:ايوة! اختك وشديتي معاها وهتشدي دلوقتي مع
شيماء؟! هي اجرمت في حاجة!!
حلا بغضب:ومييين قالك اني هشد مع شيماء اصلاااا!
اسامة:امال؟
حلا:كلامها كأنه في حاجه
اسامة:ماهو فعلا فيه حاجة!
حلا بصدمة:فيه؟
اسامة:ايوووة انا معجب بأختك وهي معجبة بيا!
فيها ايه دي
شهقت حلا وفضلت مصدومة لثواني وقالتله:وانت
متأكد بقى من شعور هلا؟
اسامة:ايوة طبعا واتفقنا اننا هنتخطب قريب..
شيماء:وااااو مبرووووك يا سمسم كده متقوووليش ‘
طب ده انا قريبتك
حلا واقفة مش عارفة تتصرف ازاي وكانت مضايقة جدا
من اختها اللي كدبت عليها..
اسامة:مش هتقوليلنا مبروك؟
حلا:مبروك يا اسامة بس متعرفهاش بقى انك عرفتني
‘ سيبها هي تعرفني بنفسها..
اسامة بانشكاح:مااااشي.. ومتخفيش هلا في عنيا
وانا بحبها بجد مش لعب عيال..
****************************
بعد تلت ايام حلا كانت قاعدة بترسم في مشروعها
وحاطة التلفون جمبها ومشغلة اغاني من عليه
وكانت اغنية لمحمد منير شغالة:
يا ضحكة الرمان نادت على العطشان
وحلمك النعسان خايف من الهزة
شايفك هلال فضة وشعرك البستان
تايه انا حيران طاير من اللذة
يجي فجأة حد جمبها ويهمس:
ذوقك في الاغاني حلو زيك
ترفع راسها تلاقي إياد واقف جمبها ومبتسم
تبص ليه بكل ذهول واستغراب ويقع القلم اللي كانت
بترسم بيه من ايدها..
...................
استنوني الحلقة اللي جاية
