الحلقة السابعة
ويروح سيف عند نرمين ويعمل نفسه كانه عايز يسألها عن جدول وترد عليه بكل
غرور وبرود:
وانت ملقتش غيري بقى تسأله؟ بعدين اعرف ان الجدول بيتعلق فجاي تسألني انا
ليه بقى؟
سيف:مش عارف انا دخلت لقيتك في وشي فقلت اسال.. ايه حرام؟
جه نادر وقطع الكلام ما بينهم وقال:ايه يا سيف يا منشاوي انت هتفضل واقف
كده كتير!
نرمين باهتمام:ايه ده؟ انت من عيلة المنشاوية؟؟
نادر بقرف:اه ليه يهمك في ايه؟!
نرمين:نتعرف!
نادر:مش على اساس انك لسه قايله ليه طريقة بايخة اوي للتعارف!!
نرمين:كنت كنت اامم يعني كنت فاكراه واحد من الولاد السيس بتوع الجامعة
التافهيين دول..
سيف:ولايهمك حصل خير انا سيف المنشاوي وانتي؟
نرمين بكل ثقة وفخر:نرمين فخر الدين
سيف:انا سمعت الاسم ده قبل كده؟! صح يا نادر؟
نادر:لا ولااا عمري سمعته اصلا!!
نرمين بضيق:ايوووة اكيد لازم تكون سمعته لان بابي مشهور اوووي وعنده شركات
كبيرة واعتقد
انه عمل صفقة مرة مع باباك في دبي..
نادر:اه عشان كده..
نرمين:عشان كده ايه؟؟
نادر:ها ولا حاجة
وبهمس قال:عشان كده اتعرفتي على سيف يا مادية..
نرمين:بتقول حاجة؟
سيف:لا لا .. طب ايه ما تيجو نقعد في مكان؟
نادر:لا رووح لوحدك يا عم.. مليش انا فيه..
نرمين:احسن بردو
نادر:اه والله عندك حق..
يمشي نادر ويسيب سيف مع نرمين ..
سيف:متزعليش من نادر هو طيب اوووي بس احيانا بيبقى رخم شوية
نرمين:قووول كتييير.. بس مش مهم اصلا معملتش ليه اي اهتمام
سيف:طيب كويس.. قوليلي بقى انتي تجارة انجليش صح ولا انتي جيتي هنا
النهاردة بس كده؟
نرمين:لا انا تجارة انجليش فعلا.. انا اصلا كنت ناوية ادرس في بريطانيا او
بمعنى اصح اكمل
دراستي هناك بس بابي اصر اجي ادرس هنا في مصر..
سيف:ايه ده انتي كنتي بتدرسي في بريطانيا؟
نرمين:اااه وبصراحة ناوية بعد ما اخلص دراستي ارجع هناك..
سيف:ليه؟
نرمين:اصل العيشة هنا تقرف وزبالة
وفجأة تيجي واحدة فقيرة وغلبانة وتسألهم عن مكان فلسه يجي سيف يجاوب ‘ تقوم
نرمين قايلة:
افففف انتي غبية ولا غبية يعني ما احنا طلبة زينا زيك ولسه دفعة اولى!!
ماتروحي تسألي
السيكيورتي..
مشيت البنت وهي مضايقة..
سيف:ليه بس كده..
نرمين بعصبية:هقلك اللي فيها ‘ اصل انا حافظة الناس دي اووي.هي بقى شافتنا
ناس نضيفة مش زيها
فعايزة بقى تصاحبنا عشان ينولها من الحب جانب..
سيف:ايه ده لا طبعا.. ازاي الكلام ده؟!
يرجع سيف تاني للواقع ويقعد يقارن ما بين نرمين وسيلينا ويشوف كل واحدة
ازاي بتتصرف ويلاقي
ان نرمين بتتعامل مع كل امور حياتها بغرور وكبرياء اما سيلينا فهي واخده كل
الحياة ببساطة وبتتعامل
بكل تواضع ..
ينام سيف وهو قاعد بيفكر من غير ما يحس..
تاني يوم الصبح يصحى يلاقي جده قاعد يفطر مع سيلينا في الحديقة..
سيف:ايه دهب تفطروا من غيري؟؟
الجد:وانت من امتى بتفطر معانا اصلا؟
سيف وهو بيبص لسيلينا:من النهاردة
الجد:طب اقعد هروح احضرلك فطار زينا..
سيلينا:سأقوم انا يا جدي
الجد:لا حبيبتي.. انا خلصت اكلي وكده كده رايح المطبخ..
سيف:عاملة ايه؟؟
سيلينا:الحمد الله بخير
سيف:انتي المدرس جاي النهاردة ليكي صح؟
سيلينا:نعم
سيف:طب حلووو اوي
***********************
بعد مرور سبعة اشهر تانين كانت سيلينا بتحاول تتأقلم انها تتكلم زيهم لكن
طبعا كان احيانا كلمات باللغة
العربية الفصحى تفلت منها..
سيف:ساااارة
سارة وهي خارجة من اوضة سيلينا:ايوة يا سيف؟
سيف:نادر جاي امتى؟
سارة:مش عارفة.. ليه؟
سيف:اصل عايزه..مخنووق شوية ومحتاج اتكلم معاه..
سارة:طيب هيخلص شغل وجاي.. هنخرج نتغدا كلنا؟؟
سيف:اه اه
سارة:طيب عايزين نروح مكان حلو..خلي بالك النهاردة يعتبر اول مرة سيلينا
تخرج اخيرا من الكهف
اللي كانت فيه!
سيف:ماهي مكنش ينفع تخرج قبل ما يكون عندها بطاقة..
سارة: عارف اللي جدو عمله ده روووعة بس خطر كبير اوووي عليه!!
سيف:ايوة
سارة:انت عارف لو حد عرف ان احنا زورنا لسيلينا بطاقة‘ جدو هيتحبس..
سيف:ان شاء الله مش هيحصل!
سارة:طيب انا داخلة جوة
سيف:سيلينا بتعمل ايه؟
سارة:مفيش بتقرأ رواية جديدة..
سيف:اها
سارة:نرمين هتتغدا معانا؟
سيف بضيق:مش عارف.. هدخل اكلمها..
يدخل سيف الاوضة ويتصل بنرمين..
سيف:ايوة يا نرمين.. فينك من امبارح؟
نرمين:مشغوولة
سيف:ايوووة يعني كنتي بتعملي ايه؟
نرمين:يوووه ما قلتلك مشغووولة‘ وبعدين كنت في الشركة مع شادي
سيف:ايه حوار الشركة ده وشادي اللي كل شوية ينطلك؟؟
نرمين:سيف دي شركة صاحبها شادي وانا شريكة معاه ولازم احنا الاتنين نكون
دايما مع بعض
في الشغل عشان نتابع الشغل بنفسنا..
سيف:المهم هتيجي تتغدي معانا النهاردة؟
نرمين بملل:انتوا مين؟
سيف:انا وسارة ونادر وسيلينا
نرمين:ايه ده هي خلاص افرجوا عنها
سيف:يعني ايه؟
نرمين:يعني خلاص جدك بردو عمل اللي في دماغه وراح طلعلها بطاقة ‘ عشان تعرف
تمشي في
الشوارع براحتها وتقابل الناس وتعيش مابينا على انها فعلا واحدة مصرية!!
سيف:وفيها ايه يعني؟ امال تفضل حياتها كلها محبوسة مابين اربع حيطان ومش
عارفة تعيش
حياتها كانسانة؟؟
نرمين:طيب طيب .. تتفلق اصلا اخر اهتمامتي هي.. المهم انا لازم اقفل دلوقتي
عشان كمان
خمس دقايق عندي اجتماع مع شادي..
سيف بعصبية:ايوووة يعني مردتيش هتتزفتي تخرجي معانا ولا لا!!
نرمين:لااا.. مش فاضية..
يقفل معاها سيف وهو مضايق ويفضل يبص لدبلته وبعدين يقرر....
استنوني الحلقة اللي جاية
