الحلقة الثانية من "قصة سيلينا"

الحلقة الثانية
ريناتا:ربااااه وماذا سنفعل؟؟
سيلينا:قلت لك سنهرب..
ريناتا:ولكن..
سيلينا:والدك لن يتنازل عن العرش وسيحارب بكل شيء من اجل الفوز! فان بقيتي هنا لن تتزوجي صدقيني يا اختاه..

ريناتا:وماذا عن امي؟ هل سنتركها؟
سيلينا:سوف تتدبر امورها جيدا حتى نعود اليها..
ريناتا:هل سنعود
سيلينا:بالتاكيد حين تنتهي هذه الحرب ويتأكد والدك من الهزيمة..
ريناتا:وهل سيتقبل امر زواجي؟
سيلينا:انا ساهرب من اجلك ‘ ان لم يروق لكِ الامر فسنمكث هنا ..
ريناتا:لا سوف نهرب وسأخبر ماتيو بكل شيء..
سيلينا:حسنا هذا جيد..
وفي اليوم التالي وحين بزغت اول خيوط الفجر استيقظت سيلينا وريناتا ليستعدوا للهروب.. وماهي
الا لحظات حتى جمعوا كل شيء وكتبت ريناتا رسالة الى والدتها ومن ثم رحلوا..
اتجهوا الى توسكانا عند الجد لوديفكو وهناك شعرت سيلينا بالتعب والاجهاد ‘فاطرقت ريناتا الباب
بسرعة شديدة وخوف :جديييي لوديفكووو يا جدي افتح بسرعة ‘ فسلينا يبدو عليها الاعياء!
وفتح الجد سريعا واول ما راهم قال:اااه ماذا بها سيلينا؟
ريناتا بقلق:لا ادري ولكن ربما اعياها ما راته طوال الطريق..
الجد بحزن:هل رات جثث كثيرة؟
ريناتا:نعم للاسف.. من فعل كل هذا يا جدي؟ هل لوالدي يد في هذا؟
الجد:نعم .. شمس الحياة ارادت ان تشرق فوق اراضي ايطاليا ويرفض والدك امر شروقها.. يريد
ان نظل في قاع الظلام..
ريناتا:لهذا هربنا منه واتينا هنا وسوف اتزوج ماتيو ..
الجد:حسنا.. ولكن اجعليني ارى ماذا بها سيلينا..
واقترب منها ومسح على شعرها ثم بلل يده بالماء ومسح على وجها لتفيق سيلينا وتقول:هل وصلنا
الجد:نعم يا عزيزتي..انت بخير الان..
سيلينا بفزع:ااه جدي لقد رايت الكثير من الجثث ‘ ورأيت الكثير من الرؤوس.. ما ابشع الحروب
يا جدي .. ما ابشعها..
الجد بهدوء: اطمنئي يا عزيزتي انتِ الان بخير..
ريناتا وهي تعبث باحدى الاجهزة عند الجد لوديفكو وتحاول ان تعرف ماهذا الجهاز وكيف يعمل..
وعندما تفشل تلتفت الى الجد وتسأله:ماهذا يا جدي؟
الجد بابتسامة:انه جهاز صنعته جديد ولكن لم اجربه بعد..
ريناتا:وماذا يفعل؟؟
الجد:انه الة انتقال عبر الزمن..
سيلينا وريناتا بتعجب:ماذاااااااا؟؟
الجد:انه اله ينقل الانسان الى زمن اخر في المستقبل ‘ من يدخل داخله ويجلس وعندما احرك المؤشر
فيعبر به داخل مسار الزمن ويذهب الى زمن اخر في المستقبل..
ريناتا:ماهذا الهراء يا جدي..
سيلينا:وهل يعمل هذا الجهاز الان؟
الجد:لا مازالت لم اجربه.. لكن دعكم من هذا الان وقولوا لي هل احد يعلم انكم هنا؟
ريناتا:لا لم نكتب الى اين سنذهب ولكن اخبرت فقط ماتيو..
وفجأة سمعوا صوت طرقات باب ولكن بشكل مزعج وصوت ياتي من خلف الباب:افتح يا لوديفكو نحن
حاشية الملك مارسيليو
ريناتا وسيلينا بفزع:ماذااااااا!! اين نختبىء؟
الجد:لا اعلمممم
الحاشية من خلف الباب:افتح ‘ فنحن نعلم ان الاميرتان هنااا.. افتح والا سوف نهجم على المكان..
الجد:اذهبوا واختبؤا في اي مكاااان في المختبر..
ركضت ريناتا واختبأت تحت احد المكاتب ووضعت امامها بعض من الصناديق.. اما سيلينا فظلت
تنظر حولها يمينا شمالا ولا تعرف اين تختبأ
صوت طرق الباب يعلو اكثر واكثر..
الجد:هيااااا يا سيلينا اذهبي واختبأي في اي مكااااان..اسرررررعي اسررررررعي
ركضت سيلينا الى الة الانتقال عبر الزمن وفتحتها واختبأت بداخلها..
وركض الجد ليفتح الباب للحاشية ‘ واول ما دخلوا ..ركضوا في جميع انحاء المكان ليبحثوا عن
الاميرتان ..
انتشروا في كل مكان وظل اثنان واقفان بجانب الجد ‘ ووقف احدهما امام الالة ولم ينتبه الجد له
لانه كان ينظر الى بقية الحاشية خوفا من ان يكتشفوا ريناتا.. وظل الرجل الذي وقف امام الالة
يعبث بها ليكتشف ماهذا الجهاز الغريب وفجأة ضغط على احد الازرة واذ به يرى الجهاز يهتز
بصورة غريبة ويصدر منه صوت مرعب جداااااااا..
صرخ الجد وقال:ماذااااااااااااااااااااااااااااااا فعلتتتتتتتتتتتتتتت ايها الابله..
الرجل:لم لم لم افعل شيء فقط ضغطت على هذا الزررررر
الجد بفزع:ياالهييييييييييي ياالهيييييييييييي..
ركض الجد وحاول ان يوقف الجهاز ولكنه لم يتمكن وظل الجهاز يهتز بصورة غريبة ويصدر نفس
الصوت المرعب دووون تووووقف!!
*******************************************
سنة 2012 وفي القاهرة وبالتحديد في المعادي ‘ في فيلا كبيرة وفيها اثاث مودرن وشيك وعبارة عن
طابقين . الطابق اللي تحت عبارة عن صالة كبيرة ومطبخ وحمام واوضة مكتب واوضة جمبها فيها
مكتبة كبيرة واوضة تالتة زي مخزن مليان تحف واجهزة غريبة. اما الطابق العلوي فعبارة عن
اربع اوض نوم وحمامين .. وبرة الفيلا فيه حديقة كبيرة جدا وواسعة..
يخرج سيف من اوضته وهو مستعجل اوي:يا جدووووو انا ناااازل يا حبيبي.. عايز حاجة؟؟
الجد من جوة اوضته:رايح فين؟
سيف:رايح النادي يا جدو.. ليه فيه حاجه؟؟
الجد:اصل خارج بعد شوية رايح اجيب جهاز كده
سيف:جهااااز ايه ده يا جدووو.. انت مبتملش بقى من التحف والانتيكات والاجهزة البايظة اللي انت
بتجيبها بفلووس اد كده دي!!
الجد:وهو انا بجيبها بفلوسك ‘ ماهي بفلوسي انا!!
سيف:انا مش بتكلم على كده.. انا بتكلم على المخزن اللي اتملى تحت ده بانتيكات وتحف ملهاش اي
تلاتين لازمة..
الجد:بقلك ايه انت مش كنت رايح النادي..امشي بقى
سيف:طيب .. وناوي بقى تجبلنا ايه النهاردة؟؟
الجد:الراجل بيقلي ان الجهاز اللي هيبعهولي النهاردة قديم اوووي ‘ يرجع للقرن الخامس عشر
والجهاز ده يعتبر انتيكة مهمة جدا لانه جهاز اخترعه عالم ايطالي في الوقت ده اسمه لوديفكو فيتشينو
سيف باندهاش:نعم!! وده بياخدوه قبل العشا ولا بعده؟!
الجد:امشي يا سيف بقلك..
سيف:ماشي سلام..ابقى اشوفك بقى بليل بالجهاز الغريب اللي انت جايبه لينا ده..
نزل سيف وراح للنادي عشان يقابل البنت اللي بيحبها.. سيف شاب طويل القامة شوية وعينه صغيرة
ولونها ازرق غامق وشعره طويل شوية وكيرلي ولونه اسود ..عمره 23 سنة متخرج من كلية تجارة
انجليزي وبيدير طبعا شركات باباه اللي في مصر وده لان باباه ومامته دايما مسافرين برة وليهم
فروع تانية لشركاتهم في كذا بلد .. والحاجة دي مأثرة في نفسية سيف جدا ‘لانه حاسس ان مامته
وباباه مهملين ومهتموش بتربيته كولد محتاج منهم كل الرعاية ومشغولين دايما بتجميع الفلوس
باكبر قدر ممكن.. سيف اتربى على ايد جده وبيحبوا بعض جدا وكتير اوي سيف بيعتبر جده هو باباه
وساعات كتيرة ممكن يرفض يسمع كلام باباه ‘ لكن عند جده مبيقدرش يكسرله كلام ابدا..
سيف خاطب نرمين واللي هي كانت زميلته في الكلية ‘ بس نرمين بنت طايشة بحركاتها وتصرفاتها
وبنت بتحب الفلوس جدا ويمكن ده السبب الاول في ارتباطها بسيف..
نرمين ماشية دايما بعقلها ولاغية قلبها تمام وخصوصا في امور الحب والجواز والارتباط ‘ وشايفة
الحب بيتقاس بالفلوس وازاي كل من الطرفين يسعد الطرف التاني ماديا..
حاول سيف ان يغير فيها العيوب دي لكن مقدرش فبدأ يحاول يتأقلم مع طبيعتها وده لانه هو بيحبها..
وصل سيف للنادي عشان يقابل نرمين وهناك اول ما دخل النادي شاف نرمين قاعدة مع واحد ونازلة
هزار وضحك بطريقة مستفزة مستحملهاش سيف فراح وهو مضايق وقالها:ازيك يا نرمين
نرمين باستغراب من لهجة سيف:ازيك يا سيف.. مالك؟؟
سيف:مفيش ..ممكن تيجي معايا لو سمحتي شوية
نرمين:احب اعرفك شادي السلموني ابن صاحب اكبر مصانع للبس في مصر..
سيف بابتسامة صفرا:اهلا وسهلا..معلش كنت احب اقعد معاك شوية ‘ بس انا عاوز خطيبتي في كلمة
على انفراد وماشي بسرعة..
شادي بتحدي وبنفس الابتسامة الصفرا:وماله..الايام جاية كتير
وخد سيف نرمين ومشي بيها لمكان تاني في النادي واول ما قعدوا قالها بعصبية:ايه اللي انا شفته ده؟
نرمين بنرفزة:اييييه اللي انت هببته ده!! ممكن اعرف انت ازااااي تكلم شادي بالطريقة المستفزة دي؟
سيف:ياااااه هو ده اللي مضايقك!! ازاي اكلم شادي كده!! وانا ايه ياهانم؟طرطووور مثلااا؟؟ ادخل
النادي الاقيكي قاعدة تضحكي بصووت عالي وهزار بايخ زيك كده عااادي..
نرمين:سييييف مسمحلكش من فضلك!! انت عارف ان بابي مربيني كووويس اوووي وعارفة تصرفاتي
عاملة ازاي وبعمل ايه..
سيف:ومين جاب سيرة بابي دلوقتي!! انتي بتستعبطي؟ انا بتكلم على هزارك الاوفر ده!
نرمين:بص يا سيف الولد ده باباه بيعمل صفقة مهمة اوي مع بابي وانا لازم ومجبرة اتعامل معاه
كويس اوووي وانت فاهم الباقي طبعاا..
سيف:انتي خطيبتي يا هانم ‘ يعني مطلوب منك تحترمي الدبلة اللي في ايدك دي وتتعاملي مع الاولاد
بطريقة محترمة وبرضو صفقة بابي هتمشي عادي على فكرة مش هتقف!! ولا صفقة بابي بتاع
حضرتك مبتمشيش الا بالسفاااالة وقلة الادب؟!
نرمين بعصبية:لاااا انت وقح وقليل الادب وانا مسمحلكش تقووول كده وعقليتك دي دقة قديمة بجد
واووووفر .. راجع حساباتك يا سيف قبل ما تخليني اخد خطوة انا مش حباها!!
سيف بصلها باحتقار وسابها ومشي..
وكان سيف ماشي لناحية باب النادي عشان يخرج فقام واحد ناداه:سيييف يا سيف
سيف بيتلفت للصوت وقال:اهلا يا نادر ازيك..
نادر باستغراب:الحمد الله..مالك؟ مكشر ومضايق كده ليه
سيف:مفيش شديت مع نرمين
نادر:يييه تااااني يا سيف!! انتوا مبيفوتش يوم الا وتشدوا مع بعض
سيف:يعني هو بمزاجي؟ ماهو من تصرفاتها يا نادر
نادر:ما انت عارف نرمين كده من زمان يا سيف! ايه اللي اتغير بعد ما خطبتها؟ تفتكر انها هتتغير
عشان حد؟!
سيف:طب بقلك انا مروح عشان بجد مش طايق نفسي دلوقتي..
نادر:طب ماتيجي تخرج معايا انا وسارة ‘ ناووين ندخل سينما..
سيف:لا يا عم
نادر:ليه بس تعالى وفرفش كده
سيف:لا روح اخرج انت ‘ انا مش عايز ابقى عازول
نادر:عازول ايه بس.. ايش حال انت مننا
سيف:معلش يا نادر .. لو جيت هنكد عليكم.. فسيبني براحتي
نادر:خلاص هكلمك بليل اما اروح سارة عشان اشوفك..
سيف:ده اذا منمتش بدري
نادر:اما انت واد سئيل بصحيح..ماتفكها يا سيف
سيف:باذن الله..يلا سلام
نادر:سلام..
نادر صاحب سيف من ايام اعدادي ويعتبر صديقه المقرب جدا وياما حذره من نرمين ‘ لكن هو عشان
بيحبها فمعمي عن عيوبها.. طبعا نادر قاري فاتحته على سارة ومستني يثبت نفسه في الشغل الجديد
ويكتب كتابه على طول على سارة ويتجوزها..
سارة خطيبته تعتبر بنت خالة سيف ومتربية مع نادر وسيف من وهما صغيرين وكانت زميلتهم بردو
في ايام المدرسة لحد ما وصلوا كلهم الكلية ودخلت هي طب بيطري..ودخلوا هما تجارة انجليزي مع
بعض.
رجع سيف البيت واول ما رجع شاف اوضة المخزن نورها مفتوح دخل الاوضة لقى جده واقف وقدامه
جهاز شبه التابوت على الارض.
سأله:هو ده الجهاز الجديد؟
الجد:ااه وبص لقيت كتابة بالايطالي عليه وشكل فيه حد مترجمها بالعربي وكاتب توجد ماسة بالداخل
سيف باندهاش:ماسة!! نعم؟ازاي يعني؟؟ دي لو فيها ماسة مكنش البتاع اللي شبه التابوت ده وصلك!
الجد:اسكت اسكت ..ايش فهمك انت يا بتاع الفي سبوك وتويتر في الحجات دي
سيف:يا جدي انا خايف علييييك!!
الجد:خاف على نفسك.. المهم تعالى افتح معايا البتا عده لحسن بقالي ساعة بحاول افتحه ومش عارف!!
سيف:طب فين الكاتلوج بتاعه عشان اقرى واحاول افتحه؟
الجد:انت عبيط يابني! كتالوج ايييه؟! بقلك جهاز من ايام القرن الخامس عشرررر!!
سيف:اااه صح صح نسيت معلش.. طب وسع كده
وفضل سيف هو كمان ساعة يجرب وبعد ما يأس قام قال:بص يا جدي شكل البتاع ده بايظ واضحك
عليك فيه يا باشا..
الجد بغضب:وسع وسع.. حفيد غبي بصحيح..
وبعد دقيقتين قال لسيف:شوف الزرار ده غريب بس بحاول اضغط عليه مبيضغطش!!
سيف:اااه وبعدين؟؟
الجد:انا حاسس ان الزرار ده هو اللي لو اتعمل هيفتح الجهاز
وقام سيف وفضل يحاول يغط على الزرار وقال:مبيضغطش اصلا!! شكله مش زرار من اساسه!
وفجأة قال:ايه ده يا جدي .. لا شكله زرار بس معلق !! جدي هاااات اي شاكوش كده
الجد بفزع:هتكسرلي الجهاز يا غبي
سيف:لا يا جدي ‘ ده انا هحاول اعمل الزرار ده..هات بس هات متخفش والله مهكسر حاجة
وبعد ربع ساعة من محاولة سيف تلين الزرار قدر فعلا انه يضغط عليه وفجأة اتهز الجهاز
بطريقة غريبة جدا وبدأ يعمل اصوات مرعبة ومزعجة جداا..
خاف سيف وبعد وحاول الجد يقرب قام قاله سيف:لاااااا يا جدووووو لحسن يكون قنبلة
الجد:قنبلة اييييه
سيف بعصبية:شفت مجايبك يا جدوووو
وفجأة وقف الصوت واتفتح باب الجهاز وجري الجد على الجهاز وفتح الباب كله ولقى بنت نايمة
جوة..

استنوني الحلقة اللي جاية...