الحلقة التاسعة
سيف:انا هطلع الاوضة واقله ولو وافق يبقى كلنا نشد على الغردقة احلى مكان..
يطلع سيف لجده في الاوضة..
سيف:جدو احنا كنا عايزين نسافر نشم هوا شوية برة القاهرة.. ايه رأيك تيجي
معانا؟؟
سيف:يااه هما لسه فاكرين!! عالعموم انا هسافر ومش هستنى حد
الجد:يابني دوول بيقولوا انك واحشهم اووي وانتم بقالكم خمس سنين مشفتوش
بعض! حتى لما بعتولك
تروح ليهم دبي رفضت..
سيف:جدي الله يخليك انا مش طايق نفسي وفيا اللي مكفيني والموضوع ده انت
عارف اد ايه بيعصبني
الجد:بس مامتك هتمووت وتشوفك وتقعد معاك..قلبك طالع قاسي كده لمين؟
سيف:مش قاسي ولا حاجة وانت عارف ده كوويس‘ بس هما اللي اختاروا البعد ده .
هما اللي اختاروا
الجفاء اللي بينا ده لما سابوني ليك وانا صغير انت اللي تربيني وانت اللي
تتكفل بيا وانت اللي تشيل
همي وانت اللي تتعب اما اتعب وتفرح اما افرح وتحزن وقت حزني! وهما؟؟ كانوا
فين هما؟؟
كانوا بيكبروا في الشركات بتاعتنا في كل مكان ‘ ويقلك ما احنا بنعمل ده
لمين؟ بنعمله لسيف!!
ونسيوا ان سيف كان ممكن تكفيه شركتين تلاتة من العدد الهائل اللي عندهم
ويعيشوا معاه طبيعي
زي اي اسرة في الوجود..
الله يخليك يا جدو بلاش تفتح الموضوع ده لانك هتلاقي كلام كتير جوايا..
الجد:طيب انت هتسافر اد ايه؟
سيف:يعني كنت ناوي تلت ايام ‘ بس بعد ماقلتلي انهم جايين بفكر ازود في
الايام لحد مايمشوا.
الجد:لا سافر بس تلت ايام وتعالى وبطل عند..
سيف:المهم انا كنت ناوي اخد سيلينا معايا ‘ تغير شوية جو بدل الخنقة اللي
هي فضلت فيها دي
وقلت طالما اخيرا تقدر تشوف الناس يبقى ليه مخدهاش معايا؟
الجد بخوف:بس يا بني دي ليها طريقة معاملة خاصة وانا خايف اسيبها لوحدها
معاك ..
سيف بحنان:عيب عليك يا جدو‘ انت عارف عني كده؟ انا في الاول لو كنت بعملها
بجفاء فده
عشان الزفتة اللي كنت خاطبها متزعلش! لانها كانت بتغير منها جدااا ‘ بس
دلوقتي خلاص
الجد:اللي كنت خاطبها؟! ليه انت فسخت خطوبتك؟؟
سيف:اه لسه رامي الدبلة في وشها
الجد:ليه؟
سيف:قرفتني يا جدوو ‘ كنت فاكر ان الحب ممكن يغيرها.. قلت لنفسي كتير يمكن
طلعت كده عشان
مش لاقية حنان زيّ بس اكتشفت انها اصلا مش عايزة تدي حنان .. كل ماا احتاج
منها حب ملقيش
منها غير بُعد وقرف .. مبلاقيش منها اهتمام وانا في اشد الوقت للاهتمام ده
يا جدي! مبلاقيش منها
الا جري ورا الفلوس والصفقات زي اهلي!! مش عايز اجيب لولادي ام تهملهم عشان
صفقاتها
وشركاتها!! مش عايز اجيب لولادي ام تافهة ومستهترة وعديمة المسؤولية!!
الجد:قلتلك يا بني لو تفتكر قبل ماتروح تخطبها ‘ بلااااش؟!! بس انت مسعمتش
كلامي طالع عنيييد!!
سيف:كنت فاكر انها ممكن تتغير!
الجد:طب وهي عملت ايه؟
سيف:بصراحة انا ضربتها بالقلم..
الجد:ايه؟! ليه كده يا سيف؟؟ انا ربيتك على كده؟!
سيف:استفزتني جداااااااا
الجد:بردو مهما كان
سيف:اهو اللي حصل بقى
الجد:لازم تعتذرلها
سيف:طيب اما ارجع من السفر ‘ ها المهم هاخد سيلينا معايا؟ ونادر وسارة كمان
هيسافروا معانا
الجد:لو وعدتني انك هتعاملها كوويس ‘ معنديش مانع
سيف:اه والله اوعدك يا جدو مش هعاملها حاجة وهعاملها بكل هدوء وبراحة
ومتخفش..
الجد:عارف لو عرفت بس او لو لمحت انك عاملتها وحش !!
سيف مقاطعا:لا والله يا جدووو .. متخش
الجد:خلاص موافق
تاني يوم كانوا كلهم في المطار مستنيين يركبوا الطيارة وطبعا كان اول مرة
سيلينا تشوف الحجات
دي..
سيلينا باندهاش:هو المكان اللي احنا فيه ده اسمه ايه؟؟
سيف:المطار
سيلينا:انتوا معندكوش احصنة او جمال تسافروا بيها؟؟!
سارة:احصنة او جمال!!
سيلينا:اه احنا كنا اما نحب نسافر ‘ الاحصنة بتاعتنا كانت بتجر عربيات كده
ونسافر..
سيف:اه لا الحصنة كلها اتاجرت معلش..
نادر وسارة:ههههههه
سيلينا بتعجب:ليه بتضحكوا؟
سيف:لا عادي فكك منهم
نادر:يا سلاااام!
سيلينا:طب واحنا هنسافر ازاي؟
سيف:بالطيارة
سيلينا:ها؟ مش فاهمة؟
سيف:اممم‘ بصي هي حاجة كده بتطير في الهوا
سيلينا:معمولة بريش؟؟
سارة:نعم!!!!
سيف:براحة يا سارة عشان دي حجات اكبر من استيعابها فبراحة لحسن نلاقيها
انهارت دلوقتي
وتلم علينا الناس ونروح في بلوة مسيحة‘ فبراحة يا ماما ..براحة عشان ليلتنا
زي الفل باذن الله
سيلينا:معمولة بريش ولا لا؟
سيف:بصي هي مش معمولة بريش من الاخر كده
سيلينا بخوف:وازاي بتفضل معلقة في السما لو هي مش معمولة بريش؟؟؟ احنا كده
ممكن نقع؟
سيف:لا ما هي بتبقى معلقة بس بحجات تانية.. بصي انسي حوار الطيارة ده
خالص..
سيلينا:طب هو شكلها ازاي؟؟
نادر بيلعب في الموبايل بتاعه وبعدين يوريها صورة لطيارة ويقلها:هي دي
الطيارة
سيلينا:ياالهيييي!!
سيف:يالهوووووووي..
ياخد سيف ايد سيلينا ويبوسها ويقول ليها:ابوووس ايدك اهووو .. ابوسهااااا
متتكلميش كده‘ هنروح
في ستين داهية!!
سيلينا باحراج:حاضر.. انا اسفة..
حست سيلينا وقتها باحساس غريب ‘ دقات قلبها كانت بتدق بسرعة رهيبة .. وحست
انها زي ما تكون
طايرة لسابع سما..
في اللحظة دي سيف كمان كان حاسس بشعور غريب جواه‘ اينعم هو مكنش يقصد انه
يبوس ايدها
والحركة جت تلقائيا من نفسها! الا انه لو رجع الزمن بيه لشوية بسيطة كان
عمل كده تاني وتالت
وعاشر.. بص سيف لسلينا اللي كانت ماسكة ايدها وبتبص عليها زي ما تكون
بتحاول تلمس
البوسة اللي اتحطت على ايدها وفرح اوووي..
بس كان فيه سؤال عمال بيدور جواه.. هو انا يا ترى بحبها؟؟ ولا ده انجذاب
لحاجة غريبة مش موجودة
في زمنا دلوقتي؟؟
نادر:سييييييف!!
سيف:ايه يا عم؟؟ مالك خضتني؟؟!
نادر:بقالي خمس دقايق عمال انادي فيك!!
سيف:ايه في ايه؟؟
نادر:الرحلة بتاعتنا بينادوا عليها..
سيف:اه طيب طيب ‘ يلا بينا
يمشي سيف جمب سيلينا وطبعا نادر مع سارة..
نادر:سارة مش حاسة بحاجة كده؟
سارة:اه جعانة
نادر:ايه يابنتي الطفاسة دي! حاضر هشتريلك حاجة قبل مانطلع الطيارة
سارة:طيب ايه بقى الحاجة؟
نادر:سيف
سارة:ماله؟
نادر:شكله كده بيحب
سارة:لا يابني والا مكنش فسخ خطوبته من نرمين!!
نادر:انتي غبية يا روحي؟؟ ولا انا اللي بيتهيألي؟
سارة:ليه؟؟؟؟
نادر:بقلك شكله بيحب!! وهو لو انا كان قصدي نرمين هقلك شكله بيحب!!!
سارة:اماال قصدك مين؟
نادر:سيلينا
سارة:تصدق ااااه!! بص ماشي جمبها
نادر:والله!! يعني انتي قلتي اه عشان هو ماشي جمبها!!
سارة:امال؟
نادر:اول مرة اشووفه فرحان كده وهو جمبها ‘ حتى اما باس ايدها خدتي بالك؟
سارة:اه بس مكنش يقصد على فكرة
نادر:عارف انها جت كده ‘ بس مشفتهووش سرح ازاي بعدها والابتسامة على وشه!
سارة:امممم
نادر:واعتقد سيلينا كمان بتحبه
سارة:بجد حلووووو اووووي
نادر:لا طبعا دي تبقى كارثة
سارة:لييييييييه؟؟؟؟!!
استنوني الحلقة اللي جاية