الحلقة الرابعة
سيف بعدم اهتمام:مطلووب مني اعملها ايه يعني!! انا
اصلا بتجنب اتكلم معاها عشان متقلوش بعملها
وحش ومش عارف ايه! مطلوب مني ادخل كل يوم وف ايدي
شيكولاتة ليها مثلا!!
الجد:لا يا بني بس على الاقل تتعامل معاها كوويس!!
انت عارف يابني انها دلوقتي ملقهاش حد غيرنا؟!
سيف:هووو انا كنت خلفتها ونسيييت!! ايه يا جدووو!
قلتوا اخف من حدتي عليها وقللت احتكاكي بيها
الجد بعصبية:انت ولد معدووم الاحساس.. امشي من
قدامي دلوقتي
سيف بعصبية:مش شااااايف يا جدو ان من ساعة ما
البنت دي دخلت البيت هنااا وانت بقيت بتيجي
عليا كتييير!! هو ميين حفيدك هنا؟ انا ولا هيا؟؟
الجد:انت طبعااا.. بس ده مش معناته اني اكون معاك
على الغلط! والبنت دي يتيمة ومحدش ليها؟!
عارف يعني ايه فجأة تتاخد من زمنك وتروح زمن تاني وميبقاش
ليك حد خالص! تنام وتفتح عينك
تلاقي نفسك في دنيا غير الدنيا.. يا اخي راعي حتى
حالتها النفسية اللي من ساعة ما جت هنا وهي
مبتتحسنش! ده نادر وسارة بيعاملوها معاملة ولا كانها واحدة من اخواتهم!!
سيف:خلاااص حفظت الدرس اللي بقى بتاع كل شووية
ده.. بعد اذنك يا جدي
وفتح الباب بغضب وراح عشان يطلع اوضته لقى سيلينا
قاعدة في الصالة بصلها بصة اشمئزاز
وطلع على اوضته..
خرج الجد لقى سيلينا قاعدة راح ابتسم ليها وقعد
معاها..
الجد:مالك؟ قاعدة كده ليه؟ مش بتتفرجي على
التلفزيون ليه؟!
سيلينا بخجل:لا اعرف كيف يعمل؟!
الجد:ايه ده بجد؟ مقلتلكيش قبل كده ازاي بيشتغل!
سيلينا:لا
الجد بياخد الريموت وبيشاور على زرار موجود في
اعلى الريموت ويقلها:تدوسي على الزرار ده
يقوم فاتح كده! لو حبيتي تعلي او توطي عندك
الزراير دي.. اما بقى لو حبيتي تقلبي القنوات فعندك
الزراير دي! فاهماني؟!
سيلينا:نعم نعم
الجد:احنا مش قلنا بقى نحاول نتعلم اللغة العادية
دي.. عشان لو حد سمعك بتتكلمي عربي فصحى كده
طول الوقت هيستغرب! واحنا مش عايزين نفتح العين
علينا..
سيلينا:كنت اريد ان اسأل سؤالا؟
الجد:اتفضلي يا حبيبتي
سيلينا:هل يمكنني ان عاد الجهاز مرة اخرى للعمل ان
اعود الى زمني؟!
الجد:اممم مش عارف! لان فكرة الجهاز اصلا حاجة
معقدة! فكرة ان جسمك جوة يفضل طول الفترة
دي من غير ما يعفن ولا انتي تموتي‘ فكرة اصلا انا
لحد دلوقتي بحاول استوعبها!! مش عارف اذا
دخلتي تاني وحاولتي ترجعي هتقدري ترجعي ولا لا!!
سيلينا:انا ايضا احاول ان افهم شيئا ولكن يصعب
عليّ.. اجلس احيانا وقت طويلا افكر في ماذا حدث
لجدي لوديفكو او اختي ريتانا وهل تجوزت من ماتيو
ام ماذا؟ وماذا فعل والدي بعدما نجحت النهضة؟
الجد:وانتي عرفتي منين ان النهضة نجحت؟
سيلينا:قالت لي سارة
الجد:بصي انا مش عايزك تفكري كتير اصلااا.. وعايزك
تكثفي دروسك مع المدرس الخصوصي اللي
بجبهولك عشان يعلمك عربي ‘ عشان تتعلمي اللهجة
العامية..
سيلينا:باذن الله..
الجد:وبفكر في فكرة كده بس هي طبعا حاجة خارجه عن
القانون ‘ بس هنعمل ايه لازم نعملها!
وفجأة ينزل سيف
الجد:رايح فين يا سيف؟
سيف:هقابل نرمين
الجد:طيب ياريت متتأخرش!
سيف:في ايه يا جدو؟ هو انا لسه عيل!
الجد:انا قلت كلمتي وانتهت..
خرج سيف وهو مضايق جدااا وكان شايف ان جده اتعمد
يعمل كده عشان مضايق من حركاته وطريقته
اللي بيتعامل بيها مع سيلينا..
ويرجع بذاكرته لخمس شهور ويفتكر لما اول مرة عرفت
نرمين بحكاية سيلينا فقالتله:
نعم!!! بنت ايه دي اللي تقعد معاكوااا يا سيف؟
وبمناسبة ايه اصلااا!!
سيف:جدي لقاها في الجهاز اللي اشتراه وطلع الة نقل
عبر الزمن! والبنت دي طلعت من القرن الخامس
عشر..
نرمين بعصبية:ايييه التخااااريف اللي لو قلتها
لعيل في اولة ابتدائي مش هيصدقها دي!
سيف بعصبية:يعني انا هكذب عليكي مثلا! انا بقلك
الحقيقة اللي مش عارفين نتأقلم عليها ولا البنت
نفسها قادرة تستوعب اصلا اللي هي فيه!
نرمين:انا مبقلش انت اللي بتكذب..بس هي طبعاااا
اللي بتكذب
سيف:البنت باين عليها بررررريئة اوووي ومش كذابة
نرمين:الله الله وكمان بتدافع عنها!! وشوية شوية
الاقيك بقى بتقلي انك يا حرام مش عارف تنام عشان
بتحبها!
سيف:نرمين خدي بالك من كلامك!
نرمين:البنت دي متعشش معاكوا في نفس البيت..
سيف:يعني اروح ارميها في الشارع!بقلك جدي ماسك
فيها ورافض يوديها أي مكان وحاسس انها زي
ماتكون حفيدته كمان!
نرمين:بقلك اييييه..اتصررررررررف..
سيف:مش هينفع اطردها برة البيت ‘ كل اللي هقدر
اعمله اني متعاملش معاها من اساسه.. ولو
حصل بينا كلام هعاملها وحش يا ستي عشان يرضيكي..
نرمين:ماااشي يا سييييف..اما اشوووف اخرتها ايه مع
البتاعة دي!
وفجأة رجع سيف من الذكريات على صوت تلفونه..
سيف:ايوة يا حبيبتي.. اه انا برة ‘ يلا تعالي
ومفيش دقيقتين ونزلت نرمين من الفيلا بتاعتها
وركبت مع سيف واول ما ركبت قالتله:بقلك ايه
انا مش هقدر اتعشى النهاردة معاك ‘ يعني يادوب
هنخلص سينما وترجعني هنا
سيف باستغراب:ليه!
نرمين:مفيش اصل بابي عازم عيلة السلموني على العشا
وقالي ان وجودي مهم
سيف بعصبية:ااااااه طبعا وجوودك مهم عشان الاستاذ
شادي!
نرمين:يوووووووه رجعنا تاني لسيرة شادي والغيرة
المقرفة بتاعتك دي..
سيف بعصبية:انتي مش شايفة انك قليلة الادب اوي في
اسلوووبك!
نرمين:وانت مش شايف انك زهقتني من حوار شادي ده!
وكل مرة بنتخانق فيه وبردووو
سيف:واضح ان انتي هتفضلي زي ما انتي.. اتفضلي انزلي!!
نرمين بعصبية:ايه!!
سيف:زي ما سمعتي
نرمين:يعني مش هنخرج!؟
سيف:انتي عايزة بعد القرف اللي قلتيه ده يبقى ليا نفس اخرج معاكي..
نرمين بعصبية:احسن بردو ‘ عشان انت اصلا الخروج معاك بقى يسد النفس
ونزلت نرمين ومشي سيف بسرعة رهيبة ...
في فيلا جد سيف كان الجد بيلبس
ونازل وبعدين شاف سيلينا قاعدة متوترة فقالها:متخافيش انا كلمت
سيف ولقيته جاي في الطريق فانا دلوقتي مطمن انك مش هتبقي لوحدك وهو هيكون
معاكي في الفيلا..
سيلينا بتوتر:لكنني اخشاه يا جدي!
الجد:لا يا حبيبتي سيف والله طيب بس هو عصبي وخلقه ضيق شوية ..
وجه سيف بكل عصبية ودخل البيت وطبعا كان مضايق من اللي حصل مع نرمين واول
ما دخل لقى
جده واقف ولابس وواقفة معاه سيلينا فقال:ايه ده يا جدي انت خارج؟
الجد:اه مشوار ضروري يا سيف ‘ انا بس كنت عايز اقلك سيلينا امانة في رقبتك
لحد ما اجي ..اوعى
تسيبها لوحدها في البيت وتخرج..
سيف:هتتاخر انت برة ولا ايه؟
الجد:لا ان شاء الله لا.. اخلص بش المشوار ده
سيف باستغراب:مشوار ايه ده يا جدو؟
الجد:بعدين بعدين .. يلا سلام
ويمشي الجد وتفضل سيلينا واقفة محتارة تعمل ايه وسيف كمان محتار لانه اول
مرة يفضل معاها لوحده
ومجربش قبل كده يتكلم معاها كتير..
سيف:انا اا انا طالع فوق لو احتجتي حاجة ابقي قوليلي
سيلينا بخجل:هل ستذهب الى حجرتك؟
سيف:هو انتي يا بنتي انتي مش المفروض بيجيلك مدرس يعلمك تتكلمي زي البشر
العاديين! بدل الفيلم
التاريخي اللي انتي خارجه منه ده!؟
سيلينا:ماذا؟ لا استطيع ان افهم حديثك بالكامل؟
سيف:مفيش بقلك اه طالع اوضتي خير؟عايزة حاجه؟
سيلينا:لا اشكرك
يطلع سيف لاوضته وتروح سيلينا للمطبخ كانت بتحاول تعمل عصير ليمون بس دخلت
المطبخ ولقت
اجهزة كتيرة هي مش فاهمة هي بالظبط بتعمل ايه! فقررت تفتح التلاجه وتطلع
ليمون وتعصره.
وفعلا قطعت ليمون كتير عشان تعصره وبدأت تعصره بايدها ‘ لحد ما دخل عليها
سيف وقالها:
ايه ده انتي بتعملي عصير ليمون؟
سيلينا:نعم
سيف:وبتعصريه بايدك ليه؟! ما فيه عصارة ليمون اسهلك!!
سيلينا:لا اعرف كيف تعمل؟ لذا قررت ان اعصره بيدي..
سيف بيبتسم ابتسامة هدوء ويروح يجبلها عصارة الليمون ويقلها:هاتي هاتي
هساعدك
ويبدأ يعصر الليمون بالعصارة بتاعته وبعدين بعد ما خلصوا حطوا الليمون جوة
التلاجة عشان يسقع
شوية‘ وخرجوا من المطبخ.
سيف:انا طالع فوق ولو احتجتي حاجة ناديني ها ‘ متخافيش!
سيلينا بابتسامة:باذن الله
فضلت سيلينا نص ساعة مستنية الليمون يسقع ودخلت تجيبه وطلعت لسيف عشان
تديله كوباية عصير
ليمون.
سيف:ايه ده انتي جايباه ليا؟
سيلينا بكل رقة:نعم
سيف باحراج:شكرا ليكي جداا
سيلينا:لا شكر على واجب..
وبعد ما ادت العصير لسيف نزلت وفجأة...
استنوني الحلقة اللي جاية
