الحلقة السادسة عشر من "قصة سيلينا"

الحلقة السادسة عشر

الجد بعصبية:يلااااااااا يا سيف اعمل اللي قلتلك عليه ‘ مفيييييييش وووووووووقت!!

سيف بتوتر:حااااضر حااااااضر

يطلع سيف جريّ لسيلينا ويقلها:يلااا حضري حاجتك بسررررعة ‘ لازززم نهرب!!

سيلينا:مش ههرب! انا معملتش حاجة غلط عشان اهرب!

سيف بتوتر:سيلينا مفيش وقت حبيبتي ‘ جدووو قاااال لازم نهرب .. البوووليس هيجي في أي وقت

سيلينا:والبوليس هيجي ياخدني على اساس ايييه؟! على اساس انه ازاي جيت من القرن الخامس

عشر وعشت معاكم دلوقتي؟!! ولا عشااان ازاي مفضلتش عايشة في قرني؟!!! قوووولي هيجي

ياخدني بصفة اييييييه؟!!!

سيف:هيجي ياخدك انتي وجدي وهيحبسوا جدي عشان زرولك بطاقة وانتي مش عارف هيعملوا

معاكي ايه! بس هيفضلوا يحققوا معاكي ويتأكدوا من اصولك الايطالية ويتأكدوا فعلا انك من القرن

الخامس عشر وهتتبهدلي ولما يتأكدوا مش هيسبوكِ بسهوووولة.. انتي هتبقى حدث الموسم بتاعهم..

عشان خااااطري تعالي نسافر بسررررعة وبعدين هناك نفكر بهدوووء..

سيلينا بارضاخ:هسافر عشان جدي بس ‘ لكن لو حد اتأذى بسببي انا هوريلهم نفسي على طووول..

سيف بعصبية:هي بنت الــ ....... والله العظيم لادفعها التمن.. بس يلا احنا دلوقتي..

وبعد مرور ساعة ياخد سيف سيلينا في عربيته ويسافروا على مارينا باقصى سرعة.. ومفيش ربع

ساعة من بعد ما مشيوا جه فعلا البوليس لجد سيف..

ظابط البوليس لجد سيف:احنا جايين نتحقق من حوار البنت اللي من القرن الخامس عشر؟ ده صحيح؟

الجد بكل ثقة وثبات:ايوة..

الظابط باندهاش:ازااااي!! طب هي فين؟؟ لو سمحت ناديها عشان ناخدها..

الجد:هتاخدها بتهمة ايه؟ هي مقبوض عليها ولا ايه؟؟

الظابط:لا طبعا احنا هناخدها عشان الدولة تشوف هتتصرف ازاي معاها؟!

الجد:هو حضرتك فاكر انك هتاخد طفلة؟! دي بنت عدت سن الرشد يعني هي اللي تختار هي عايزة

تعمل ايه في حياتها..

الظابط:بس برضو! لازم نعرف ازاي دخلت مصر وايه حكايتها وازاي عايشة طووول الوقت ده

مابين المواطنين عادي من غير أي ورق ولا بطاقة ! او ازاي يكون معاها بطاقة مزورة!!

الجد:بص يا حضرة الظابط البلاغ اللي جالكم ده بلاغ كيدي وانا هعرف اوصل الامور لاعلى حد في

الحكومة على راي حضرتك بمعرفتي وهو بقى حبيبنا وهيتصرف! اما بقى انت عايز تعرف هي

دخلت مصر ازاي وتعرف الحدوتة من الاول فهي حاليا مش موجودة اول ما ترجع هبقى اقولكم..

الظابط:لو سمحت خلينا نشوف شغلنا ونخلصه بهدوء وبلاش تصعد الامور لاي حد ‘ احنا مجرد

عايزين نعرف حكايتها قبل ما الموضوع يكبر ويبقى عالمي! وقبل ما يوصل لحكومة ايطاليا

ان فيه واحدة ايطالية من القرن الخامس عشر عندنا في مصر! وشوووف بقى هيقولوا ايه؟

مصر بتخطط لسرقة تراثنا ومصر بتهدد امن ايطاليا والمووضووع يكبر.. ووسائل الاعلام مبترحمش

فلو سمحت ادينا البنت عشان نقدر نتصرف..

الجد:صدقني البنت مش هنا وعندك الفيلا اهي كلها تقدر تفتشها..

الظابط:فتشوا الفيلا بسررررعة

وبعد خمس دقايق من التفتيش ملقوش حاجة..

الظابط:طب ياريت في اقصى سرعة تجيب ليناا البنت واحنا هنحل الموضوع باسلم طريقة ‘ بس المهم

نقفل المحضر باقوال البنت نفسها ‘ عشان الموضوع لما يوصل لحكومة ايطاليا نبقى خلينا مسؤليتنا

من أي حاجة..

الجد:باذن الله..

يمشي الظابط ويتصل الجد بصاحبه ويكون صاحبه ده وزير في الحكومة ويكلمه وينصحه بنفس

النصيحة الل نصحها ليه الظابط انه يودي البنت وتقول في المحضر انها عايزة تبقى واحدة من

المصريين وساعتها هيطلعلها اوراق رسمية تحفظ حقوقها كمصرية..

فيرجع الجد يتصل بسيف ويقله انهم يرجعوا تاني القاهرة..

سيف مع سيلينا في العربية..

سيلينا:هو انا هيعملوا معايا ايه؟

سيف:مفيش حبيبتي ‘ هما بس هيسألوكِ ازاي جيتي هنا ووصلتي هنا وفضلتي طول الفترة دي فين

وبتعملي ايه والكلام ده كله ولما يعرفوا انك عايزة تبقي مصرية ما هيصدقوا اصلا يدوكي الجنسية

المصرية ويخلوكِ استثناء لانك بالطريقة دي هتبقي بالنسبالهم دعاية للسياحة في مصر!! بما انه

عجبتك العيشة اووي في مصر وعايزة تكوني واحدة مننا..

سيلينا:ايوة بس انا عايزة ابقى ايطالية..

سيف:ايه!!

سيلينا:انا ايطالية يا سيف ‘ ايوة انا بحب مصر اوووي وفعلا كنت بتمنى اني اكون مصرية بس ده

ميمنعش اني اكون بحب بلدي!! انا لو مكنتش دخلت جهاز جدي كنت هفضل عايشة في ايطاليا

بحارب عشان النهضة تدخل ايطاليا وتمشي عصور الفساد والضلمة من بلدي‘ وكنت هتجوز

واحد ايطالي واخلف عيال ايطاليين..

سيف:ده معناته ايه يا سيلينا؟؟ انتي مش عايزة تعيشي معانا؟؟

سيلينا:مش كده يا سيف بس انا مش هتنازل عن جنسية بلدي..

سيف:بس انتي ملكيش حاجة في بلدك!!!!!!!! انتي ملكيش أي اثر في بلدك!!!!!

سيلينا:اكيد ليا.. انت ليه مُصر دايما انك تخلعني من جذوووري!! ليه مُصر دايما انك تخليني انسى

اني ايطالية وتخليني مصرية بالعافية!!

سيف:عشاااان المنطق بيقوووول كده يا سيلينا!! تقدري تقوليلي مين ليكي هناك دلوقتي مستنيكي!!

مين بيدور على اثر ليكي!! مين مؤمن اصلااااا انك ممتيش ولسه عايشة!!! ده انتي الجهاز اللي كنتي

فيه اتبااااااااااع يا سيلينا لحد ما وصل لجدي!!!!!! فاهمة ده معناته اييييييه؟؟؟؟؟ معناته انهم كلهم

خلاص اتأقلموا وعاشوا حياتهم على ان وجودك اختفى من الحياااااة ‘ يبقى ليه مُصرة تثبتي وجودك

عند ناس مش هيصدقوا انك منهم!!!!

سيلينا بتعيط بحرقة:خلاص يا سيف ‘كفاية حرام عليك.. اسكــــــت..

ويفضلوا ساكتين طول الطريق لحد ما يوصلوا للفيلا واول ما سيلينا توصل تجري على جدها وتروح

تبكي في حضنه وتقله: لو بتحبني يا جدي وديني ايطاليا باي طرررريقة..

الجد:ماك يا حبيبتي؟؟

سيلينا بحزن:انا عايزة اعرف اهلي عاشوا ازاي من بعدي؟ عايزة اعرف ايه اللي حصلهم.. عايزة

الاقي أي حاجة لاثارهم..

الجد:حاضر يا حبيبتي ‘ هروح معاكي بنفسي بس الاول لازم تروحي للبوليس عشان المحضر يتقفل..

سيلينا بتحدي:طب يلا ودلووووقتي.. وبعد مانخلص على طوول هنسافر على ايطاليا..

سيف:لاااااا يا سيلينا

سيلينا:انا لازم اروح ايطاليا يا سيف وارجوك حاول تفهم ده!

وتطلع على اوضتها..

الجد:في ايه يا سيف؟ انت قلت ايه ليها؟

سيف:قلتلها ان مصر مستعدة تديكي الجنسية المصرية وتبقي مننا لقيتها بتقلي مش عايزة وعايزة افضل

ايطالية!!

الجد:عندها حق يا ابني.. أي واحد بيحب بلده ‘ مهما حب بلد تانية اوووي بس اصول بلده الحقيقية

بتبقى بتجررررري في دمه!!وهي لو وافقت على طول انها تغير جنسيتها كنت هقلك تخاف منها!

دي تبقى اصيلة اووي يا بني.. بس احنا هنفهمها انها ممكن تحتفظ بجنسيتها ويبقى معاها المصرية

كمان..

سيف:ينفع؟؟

الجد:في حالتها لو حتى مينفعش مصر ما هتصدق تخليها حالة استثنائية!!

سيف:بس انا خايف يا جدي

الجد:من ايييه؟؟

سيف:خايف اما تروح ايطاليا متبقاش عايزة ترجع تاني هنا! وانا بحبها اووووي وعايزة تبقى مراتي

وام عياااالي..

الجد:ايوة يا بني بس قصة حبكم بالذات مش قصة عادية!!

سيف:يعني ايه؟

الجد:يعني لو طلبت تفضل هناك هنضطر نسيبها لو لقينا انها هتعيش احسن هناك..

سيف:لاااااااااا اناااااا مقدرش اسيبها يا جدي والله ما اقدررر

الجد:هتعيشها بالعافية معاك؟!

سيف:لا بس هي كمان بتحبني ومينفعش بعد ما احبها وتحبني تسيبني عادي كده!!!

الجد:احنا دلوقتي بندي افتراضات ‘ والله اعلم برضو يابني ايه اللي هيحصل..

سيف:انا هاجي معاكم ايطاليا‘ مش هسيبها تضيع مني يا جدي!! مش هسيبها...

الجد مبتسم: ان شاء الله يا حبيبي ‘ انا برضو يا عز عليا انها تروح بعيد مننا .. ده انا بعتبرها

بنتي اللي مخلفتهااااش!!

سيف يفتكر اول ما جده جاب الجهاز ويبتسم ويقله:فاكر يا جدي اول ما جبت الجهاز ولقيت بطاقة

مكتوب عليها هنا توجد ماسة!

الجد:ايوة طبعا فاكر..

سيف:فعلا كانت ماسة واحلى ماسة شفتها في حياتي....

تنزل سيلينا بعد ما تكون غيرت هدومها ولبست هدوم تانية وتقول للجد:

انا جاهزة يا جدي دلوقتي ‘ عشان نروح البوليس..

الجد:ماشي انا طالع اعمل حاجة وجاي بسرعة..

سيف برقة:انا اسف حبيبتي لو اتعصبت عليكي

سيلينا والدموع في عينها:ولا يهمك ‘ انا بس عايزاك تعرف اني بحبك اوي يا سيف واني لو

كنت فضلت عايشة في الزمن بتاعي كنت اتمنى اني اقابل واحد شبهك انت مش أي حد تاني..

بس انا لازم اعرف عن اهلي ونفسي.. مينفعش فجأة ارمي كل الماضي بتاعي وابتدي على

اني واحدة ملهاش أي تاريخ اسري..

سيف:انا خايف لما تروحي ايطاليا تسبيني!

سيلينا:سيف احنا قصة حبنا مختلفة وانت اكيد عارف ده بس انا عمري ما فكرت اسيبك..

سيف:ماشي حبيبتي..

وبعد ربع ساعة كانت سيلينا مع سيف وجدها عند البوليس عشان المحضر اللي اتعمل عنها..

اما نرمين فكانت في الشركة مع شادي..

شادي:ايه حوار سيلينا ده؟

نرمين بخبث:هههه دي حركة مني عشان سيف باشا يتربى

شادي باستغراب:اشمعنا؟

نرمين:اصله بيحب الست الهانم وسبني انااا عشان واحدة من القرن الخامس عشر!!

شادي:ده بجد بقى حوار انها من ايطاليا ومن القرن الخامس عشر؟؟

نرمين:اااه

شادي:كان مخبيها عنده ابن الــ ايه!!

نرمين بضيق:اه؟؟ ليه؟!

شادي:اصلها بصراحة عجباني اووووي

نرمين بشر وخبث: واللي يجبهالك لحد عندك لوزة متقشرة؟!

شادي بلهفة:بجد؟؟؟

نرمين:اه.. انت عارف ان مفيش حاجة تغلى على نرمين ولا تصعب كمان..

شادي: هديكي الحلااااوة

نرمين:بس حلاوتي المرادي صعبة شوووية

شادي:ايه؟

نرمين:نصيبك هنا في الشركة

شادي بعد تفكير:موووافق

نرمين:حلو اووي

شادي:هتجبيها ليا ازاي؟ وامتى؟؟

نرمين:مستعجل اوووي؟

شادي:اووووووووووي اووووووووووووووووووي

نرمين بضيق:انا مش عارفة هي لاحسة مخكوا ليه!! وهي اصلا مش جميلة ولا حاجة!!

شادي:حراااااام عليكي يا شيخة دي قمررررررررررر‘ دي صارووووووووخ

نرمين بشر:بــــس كده.. بكرة هعمل كان فيه تلفزيون عايز يقابلها وهخطفها من الفيلا ..

شادي:حلووو وانا هحجز اوضة في الشيراتون وتجبيها على هناك..

نرمين:بس كل ده مش هيكون قبل ما تكون اتنازلت ليا عن حصتك في الشركة..

شادي:اعتبريه خلااااص حصل...

استنوني في الحلقة اللي جاية....