الحلقة الحادية عشر
نرمين بفرح:رجعنا؟؟
سيف:معتقدش يا نرمين
نرمين بتصنع:طب بص انت دلوقتي خد وقت وبراحتك اقعد فكر وانا مستنياك اما
ترجع يا حبيبي عشان
نتكلم في الموضوع ده..
تقفل نرمين مع سيف وتبص لباباها وتقله:اووووف غبي!! انا مش فاهمة انت
عايزني ارجع ليه ليه؟
باباها:عشان يا غبية اهله جايين ومهم اوووي تحافظي على علاقتك معاه عشان
نقدر نخلص الشغل
بتاعنا..
نرمين:ايوة يا بابي بس انا بصراحة زهقت منه ومن طريقته الغبية بتاعته وبصراحه
بقى مبقتش احبه
باباها:استحمليه شوووية لحد ما نخلص اللي احنا عايزنه وبعدين سبيه..
نرمين:انا حاطه عيني على شادي
باباها:لا شادي سبيه يستوي على نار هادية
نرمين:اممم تفتكر؟؟
باباها:شادي شايفك لقمة طرية وجه الوقت بقى اللي تحسسيه انك مش سهلة..
نرمين بدلع:ايوة يا بابي بس انا كان عاجبني الوضع كده!
باباها:انتي حبتيه ولا ايه؟! اوووعي! انا ربيتك على مبدأ كلي الناس قبل ما
الناس تاكلك وترميكي
عضم واللي زي شادي يحب ياكل ويرمي..
نرمين:وايه رايك بقى اني اقدر اخليه زي الخاتم في صباعي
باباها:بس شدي الحبل دلوقتي لانك رختيه زيادة عن اللزوم..
نرمين:انت تؤمر.. انت المعلم واحنا التلاميذ
.......
يرجع سيف لسيلينا ويلاقيها قاعدة سرحانة قدام البسين..
سيف:مالك؟
سيلينا:ها؟ لا مليش..
سيف:معلش اسف لو كنت قمت بس دي كانت نرمين
سيلينا:امم
سيف:عايزة ترجع
سيلينا:وانت؟
سيف:مش عارف
سيلينا بضيق:ازااي!!
سيف:انا مش عايز ارجع بس هي بتزن
سيلينا:اها
سيف بضيق:انتي ايه رأيك؟
سيلينا:معرفش
سيف:هو انتي باردة ولا انا اللي بيتهيألي؟!
سيلينا بضيق:ازاي يعني؟
سيف:مش عارف؟؟ عايز رأيك في حاجة مهمة زي دي وانتي كل اللي عليكي اها
اهاا!!
سيلينا:معلش اصل العرق الايطالي بارد!
سيف:اسف مقصدش..بس بجد انا عايز رايك..رأيك يهمني اوي!!
سيلينا:مينفعش تاخد راي.. دي حياتك انت.. انت بتحب نرمين ولا لا؟! انت
عايزها ولا لا!!
شايف ان هي دي اللي هتكمل حياتك معاها وتبقى ام أطفالك ولا لا!! مش هاجي
انا واقررلك
تعيش مع نرمين ولا غيرها..
سيف برقة:انا اسف لو ضايقتك لان شكلك اضايق!
سيلينا:لا متضايقتش
سيف:بجد؟
سيلينا:ايه يا سيف مصمم اضايق ليه؟؟ انا عايزة اروح المنزل بتاعي!
سيف:منزل!! الحمد الله ان مفيش حد على البسين! منزل يا سيلينا!! منزل وفي
الغردقة!! يالهووووي
الطم منك ولا اصوت ولا اعمل اييييه..
سيلينا باحراج:انا اسفة قصدي الحُجرة بتاعتي..
سيف:ابوووس ايدك اسمها الاوضة بتاعتي..
سيلينا:الاوضة بتاعتي
سيف:ليه زهقتي من القعدة معايا؟
سيلينا:لا بس عايزة انام شوية
سيف:طيب لو قلتلك تقعدي معايا شوية؟
سيلينا:هقعد
سيف:طب ماانتي حلوة اهوو
سيلينا:اشكرك
سيف:مين بس الكلب ابن الــ... اللي قال عليكي باردة! يتقطع لسانه
سيلينا:لا حرام متدعيش على حد
سيف:ليه هو يهمك اوي كده عشان تخافي عليه
سيلينا:اكيد
سيف:طب هو ايه بالنسبالك؟
سيلينا:هو حفيد الراجل اللي متبناني دلوقتي
سيف:قلتيلي انك كنتي عايزة تنامي؟! قووومي نامي يا سيلينا احسن..قومي يا
شيخة ده نوم الظالم
عبادة..
سيلينا:ههههههه
سيف:ضحكتك حلوة
سيلينا باحراج:اشكرك
سيف:هنقضيها اشكرك كده؟
سيلينا:مش عارفة
سيف:خلاص قومي فعلا نرتاح شوية وبليل نخرج كلنا..
سيلينا:اووك
يتمشى سيف وسيلينا لحد الاوض بتاعتهم وهما ماشيين لقى سيف اعلان لحفلة
لفرقة شعبية مشهورة
فقال:اوبااااا حلووو اوووي
سيلينا:ايه؟
سيف:حفلة لاوكا و اورتيجا ‘ دي هتبقى جامدة اوووي
سيلينا:ايه؟ دول ناس من برة مصر؟
سيف بسخرية:اه من برة مصر الاميرية ان شاء الله
سيلينا:اساميهم مختلفة عنكم خالص!
سيف:لا دي القاب يعني دي مش اساميهم الحقيقية..
سيلينا:اه اوك ‘ وبعدين يعني؟
سيف:تيجي نقطع تزاكر لحفلتهم؟
سيلينا:انا معرفش هما بيعملوا ايه؟ هما اوبرا وكده؟
سيف:اه اوبرا بس مختلفة خالص عن الاوبرا اللي تعرفيها..بصي هما دول الاوبرا
بتوع الشعب المصري..
سيلينا:اه اووك حلو
سيف:هو اينعم مفيش بنات بتحضر كتير ليهم بس مش مشكلة احنا هنبقى حماية ليكم
باذن الله ولو
لقينا الحفلة بتعلى اوي ممكن نبقى نروحكم..
سيلينا:اممم
ويروح سيف يقطع اربع تزاكر للحفلة وبعدين يرجعوا يناموا شوية عشان يصحوا
بليل للحفلة
فايقيين..
وبعد مرور اربع ساعات يكون الليل جه يصحوا كلهم ويقلهم سيف على الحفلة..
نادر:انت اتجننت يا سيف عايز سارة وسيلينا ‘ سيليناااااا يروحوا حفلة لاوكا
واورتيجا
سيف:وفيها ايه؟
نادر:انت عبيط يا بني الناس هناك بيبقوا مسخرة اوووي وبيعلوا في المزاج
جدا!!
سيف:ماشي لو حصل كده هنخرجهم ‘ واحنا هنبقى حماية ليهم
نادر:طب قووول سارة مااااشي!! انما هتوووودي سيلينا! دي بتتكلم مصري يا اخي
بالعافية؟!
سيف:يابني حاجة جديدة اللله
نادر:مااااشي يا سيف.. اما نمشي ورا جنونك للاخر..
وفعلا يروحوا الحفلة هناك وكانت الاغاني شغالة بصوت عالي جدا والانوار
بتاعت المسرح خفيفة
والفرقة طالعة ترقص بطريقة غريبة ويغنوا:
قصدت الباب ونازل
قدام بيت الجيران واحدة عملتلى عمل على الارض وعلى الحيطان وانا ماشى واخد بالى
وعملت فيه عبيط مضمنش اللى يجرالى يمكن يجيلى عفريت ومشيت من البار التانى علشان
اشوف بحالى انا راجل رايح شغلى وعايز اجمع مالى الناس عايزة ايه الناس بتعمل ايه
عين صفرا والتانية حمرا قولولى اعمل ايه..
سيلينا باندهاش:هما
بيعملوا كده ليه؟
سارة:بيرقصوا
سيلينا:وايه
الاغاني دي؟ سيف قلتلي انها اوبرا؟! بس دي مش شبه الاوبرا
سيف:هههههه دي
الاوبرا بتاعت مصر
سارة:بطل رخامة بقى
.. ده شعبي يا سيلينا
سيلينا:يعني ايه؟
سارة:اتفضل رد
سيف:امم ده نوع من الاغاني اللي عندنا
سيلينا:مش عاجبني
الوضع
سيف:نمشي؟
سيلينا:مش بحب
الازعاج
نادر:قلتلك!!
مصدقتنيش
سيف:طب نمشي؟
سيلينا:انا وسارة
ممكن نمشي ‘ وانت كمل عادي مش عايزة اخليك تمشي
سيف:لا خلاص كلنا
نمشي
نادر:طب بقلكم ايه
انا هاخد خطيبتي واروح اعزمها على العشا‘ كان نفسي اقلكم اتفضلوا بس مش
عايزين عازول...
سيف:هههههه ماشي
ويمشي نادر مع
سارة..
سيف:طب احنا هنعمل
ايه؟
سيلينا:لو حابب
نروح عادي
سيف:لا مش عايز
سيلينا:طب هنروح
فين؟
سيف:تعالي نروح
مطعم على البحر
سيلينا بفرح:ماااشي
استنوني الحلقة
اللي جاية...
